თბილისის რომელ ქუჩებს შეეზღუდება დღეს ელექტრომომარაგება?

თელასის ცნობით, გადაუდებელი სამუშაოების ჩატარების გამო 13 იანვარს ელექტრომომარაგება დროებით შეიზღუდება

ვაკის რაიონი

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: მერაბ კოსტავას, იაკობ ნიკოლაძის და ნიკო ნიკოლაძის ქუჩების მოსახლეობას.

გლდანის რაიონი

გადაუდებელი სამუშაოების გამო 11:00 საათიდან 13:00 საათამდე შეზღუდვა შეეხება: შუშის, ბაღნარის, ჭედიას, ლაზოს, მონასტრის, წყალსადენის, ტაძრის, სარაჯიშვილის და კაჭარავას ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

მსოფლიო

ჯასტინ ბიბერის მილიონები - როგორ გამოიმუშავებს ფულს youtube-ზე შემთხვევით აღმოჩენილი მოზარდი

1736685900

ვლადიმერ პუტინს ჩემთან შეხვედრა სურს, ჩვენ ამ შეხვედრას ვაწყობთ - ტრამპი

1736491857

მცირე შანსიც არ არსებობს, რომ კანადა აშშ-ის ნაწილი გახდეს - ჯასტინ ტრუდო

1736330429

დონალდ ტრამპი აცხადებს, რომ მას სურს, მექსიკის ყურეს „ამერიკის ყურე“ ეწოდოს

1736319730

სხვადასხვა

1736838488

საქართველომ 2.7 მლნ აშშ დოლარის ნიორი იყიდა - საიდან და რა ფასად შემოდის პროდუქტი, რომელიც 46%-ით გაძვირდა

საქართველომ, 2024 წლის 11 თვეში 2.769 მლნ აშშ დოლარის (2 575 ტონა ) ნიორი იყიდა. რაც თანხობრივად 124%-ით მეტია წინა წლის მაჩვენებელზე, ხოლო რაოდენობრივად 43%-ით. საქსტატის მონაცემებით, 2023 წლის იანვარ-ნოემბერში ქვეყანაში 1.235 მლნ აშშ დოლარის (1 797 ტონა ) პროდუქტი შემოვიდა.შეგახსენებთ, რომ სტატისტიკის მიხედვით, დეკემბერში, წლიურად ყველაზე მეტად გაძვირებულ პროდუქტებს შორის ნიორი მეორე ადგილს იკავებს. პროდუქტის ფასი გასული წლის დეკემბერთან შედარებით, 46.27%-ით არის გაზრდილი.საქსტატის მონაცემებით, 2024 წელს იანვარ-ნოემბერში 1 კგ იმპორტირებული პროდუქტის საშუალო ღირებულება 1.07 დოლარი იყო, ხოლო წინა წლის იგივე პერიოდში, დაახლოებით 68 ცენტი. (შენიშვნა: ფასი დაანგარიშებულია გადასახადების გარეშე, საშუალო მაჩვენებლებით).რაც შეეხება ქვეყნებს, საიდანაც 2024 წლის 11 თვეში, პროდუქტი ყველაზე დიდი რაოდენობით შემოვიდა, იმპორტიორებს შორის ლიდერი ჩინეთია, რომელზეც მთლიანი ნივრის იმპორტის 45% მოდის.უფრო კონკრეტულად: ჩინეთი - 1 152 ტონა (1.350 მლნ აშშ დოლარი) ყაზახეთი - 904.6 ტონა (1.017 მლნ აშშ დოლარი) ირანი - 343.7 ტონა (222.9 ათასი აშშ დოლარი) ყირგიზეთი - 109.5 ტონა (142 ათასი აშშ დოლარი) თურქეთი - 65.33 ტონა (36.7 ათასი აშშ დოლარი) ცნობისთვის, საქსტატის მონაცემებით, 2024 წლის დეკემბერში წინა თვესთან შედარებით, ინფლაციის დონემ საქართველოში 0.7%, ხოლო წლიური ინფლაციის დონემ 1.9% შეადგინა.რაც შეეხება საბაზო ინფლაციას, 2024 წლის დეკემბერში, გასული წლის შესაბამის პერიოდთან შედარებით, 2.3 %, ხოლო თამბაქოს გარეშე წლიური საბაზო ინფლაციის მაჩვენებელი ასევე 2.3 % იყო.

1736775814

10 უმსხვილესი ეკონომიკა მსოფლიოში - როგორია საქართველოს მაჩვენებელი

საერთაშორისო სავალუტო ფონდის ბოლო, 2025 წლის მონაცემების მიხედვით, მსოფლიოში ყველაზე დიდი ეკონომიკა ამერიკის შეერთებულ შტატებს აქვს და მშპ 30.34 ტრილიონ დოლარს შეადგენს.აღსანიშნავია ისიც, რომ პირველ და მეორე უმსხვილეს ეკონომიკებს შორის სხვაობა 10.8 ტრილიონ დოლარს აჭარბებს. კერძოდ, მეორე ყველაზე დიდი ეკონომიკა ჩინეთს აქვს და 19.53 ტრილიონ დოლარს უტოლდება.მსოფლიოში უმსხვილესი ეკონომიკების ათეულში მესამე ადგილი 4.92 ტრილიონი დოლარის მოცულობით გერმანიას ერგო, მეოთხე ადგილზე კი იაპონიაა, რომლის ეკონომიკის მოცულობა 4.39 ტრილიონ დოლარს შეადგენს. რეიტინგში ხუთეულს ხურავს ინდოეთი, რომლის ეკონომიკაც 4.26 ტრილიონი დოლარის ღირებულებისაა.უმსხვილესი ეკონომიკების ათეულს შემდეგი ქვეყნები ავსებენ: გაერთიანებული სამეფო - 3.73 ტრილიონი დოლარი; საფრანგეთი - 3.28 3.73 ტრილიონი დოლარი; იტალია - 2.46 3.73 ტრილიონი დოლარი; კანადა - 2.33 3.73 ტრილიონი დოლარი; ბრაზილია - 2.31 3.73 ტრილიონი დოლარი. სავალუტო ფონდის მონაცემების მიხედვით, რეიტინგში რუსეთი მე-11 ადგილზეა, მისი ეკონომიკის მოცულობა 2.2 ტრილიონ დოლარს შეადგენს. მეზობელ ქვეყნებს შორის რუსეთის შემდეგ ყველაზე დიდი ეკონომიკა თურქეთს აქვს და 1.46 ტრილიონს უტოლდება.საქართველოს სამეზობლოში ყველაზე ღარიბი ქვეყანა სომხეთია, მისი ეკონომიკის მოცულობა 26.5 მილიარდ დოლარს აჭარბებს, მას მოსდევს საქართველო 35.9 მილიარდი დოლარით და აზერბაიჯანი 77 მილიარდი დოლარით.

1736762599

შავი ზღვის ფსკერზე 5 ათასი ტონა ჟელესმაგვარი უმოძრაო მაზუთის მასა არის დალექილი

ქერჩის სრუტეში ორი ნავთობტანკერის ჩაძირვის შედეგად შავი ზღვის ფსკერზე, დაახლოებით, 5,000 ტონა მაზუთი რჩება, რომელიც ჟელესმაგვარი მასაა და არ მოძრაობს. ამის შესახებ კრასნოდარის მხარის გუბერნატორ ვენიამინ კონდრატიევმა განაცხადა.ამასთან, 10 იანვარს მეჩეჩზე შემჯდარი ტანკერის, Volgoneft-239-ის უკანა ნაწილის შემოწმებისას ახალი გაჟონვა აღმოაჩინეს, რომლის ფართობიც, დაახლოებით, 2,8 ათასი მ²-ია.15 დეკემბრიდან, ანუ გემების ჩაძირვის შემდეგ გაწმენდითი სამუშაოების ფარგლებში მხოლოდ ანაპასა და კრასნოდარის მხარის თემრიუკის რაიონიდან, დაახლოებით, 155 ათასი ტონა მაზუთიანი ქვიშა ამოიღეს, ხოლო ანექსირებულ ყირიმში 43,5 ათასი ტონა დაბინძურებული ნიადაგი შეგროვდა. იქ, ასევე, აკვატორიის 19,1 ათასი მ², ხოლო ყუბანში 38,7 ათასი მ² გაიწმინდა. საზღვაო სამაშველო სამსახურის მყვინთავები, რომლებიც სამუშაოს ასრულებენ, ზღვაში ჩაყვინთვის შემდეგ თავიდან ფეხებამდე მაზუთში იფარებიან.ეკოლოგების შეფასებით, M100-მარკის მაზუთი, რომელიც ტანკერებიდან ჟონავს, ზამთრის დაბალ ტემპერატურაზე იყინება და ფსკერზე ილექება. ზედაპირზე მხოლოდ მას შემდეგ ამოდის, რაც წყალი 25 გრადუსამდე თბება. ამ ნიშნულამდე შავი ზღვა ზაფხულში 20 მეტრამდე სიღრმეზე თბება, ხოლო ანაპის სანაპირო ზოლსა და ქერჩის ნახევარკუნძულის სამხრეთ ნაწილში ზღვის სიღრმე 20 მეტრს არ აღემატება.რუსეთის ტრანსპორტის სამინისტროს ბოლო მონაცემებით, ტანკერების ჩაძირვის შედეგად შავ ზღვაში, დაახლოებით, 2,4 ათასი ტონა მაზუთი ჩაიღვარა. საერთო ჯამში ორ ტანკერზე 9,2 ათას ტონამდე ნავთობპროდუქტი იყო ჩატვირთული.დელფინების გადარჩენის სამეცნიერო-ეკოლოგიურ ცენტრ “დელფას” ცნობით, შავ ზღვაში მაზუთის ჩაღვრის შემდეგ 30-ზე მეტი დელფინი დაიღუპა და ნაპირზე გამორიყა.კრემლი შავ ზღვაში მაზუთის დაღვრის გამო ფედერალური დონის საგანგებო რეჟიმის შემოღებაზე დიდი ხნის განმავლობაში უარს ამბობდა. პუტინი თავიდან მხოლოდ „საგანგებო სიტუაციების სამინისტროს დამატებითი ჯგუფის“ გაგზავნით შემოიფარგლა. ამასთან, კატასტროფის შედეგების აღმოფხვრის ფედერალური შტაბი გემების ჩაძრვიდან, თითქმის, ერთ თვეში, მხოლოდ 12 იანვარს ჩამოყალიბდა.ცნობისთვის: 15 დეკემბერს, ქერჩის სრუტეში, კავკაზის პორტის მახლობლად შტორმის დროს ორი რუსული ნავთობტანკერი, Volgoneft-212 და Volgoneft-239 ჩაიძირა. გარემოსდაცვითი საერთაშორისო ორგანიზაცია Greenpeace-ის განცხადებით, ტანკერებიდან ზღვაში შესაძლოა, საწვავის, დაახლოებით, ნახევარი, ანუ 4,3 ათასი ტონა მაზუთი და ნავთობპროდუქტები მოხვედრილიყო, რაც, გარემოსდამცველების შეფასებით, შავ ზღვაში შესაძლოა, ერთ-ერთ ყველაზე დიდ ეკოლოგიურ კატასტროფად იქცეს და ფლორა-ფაუნას სერიოზულ შედეგებით დაემუქროს.უკრაინის გარემოს დაცვისა და ბუნებრივი რესურსების სამინისტროს წინასწარი შეფასებით, დაზიანებული ავზებიდან 4,000 ტონაზე მეტი საწვავის ჩაღვრის შემთხვევაში შავი ზღვისთვის მიყენებულმა ზარალმა შესაძლოა, 14 მლრდ დოლარს მიაღწიოს.