ICI PARIS - ცვლილება SMS-ების გაგზავნასთან დაკავშირებით გარკვეულ დისკომფორტს გამოიწვევს

1722081600

ამერიკული ენერგეტიკული კომპანია Radia, რომელიც ამერიკის შეერთებულ შტატებში განახლებადი ენერგიის რამდენიმე პროექტს ფლობს, განვითარების ახალ საფეხურზე გადადის. კომპანიას სურს, აშშ-ის ენერგეტიკული ქსელი სრულად განახლებადი წყაროებით მომარაგდეს, რაც მეტად ამბიციური მიზანია, რომლისთვისაც ინფრასტრუქტურის განვითარება ისეთ ადგილებშიც არის აუცილებელი, სადაც ეს, ერთი შეხედვით, შეუძლებელია. სწორედ ასე ფიქრობენ Radia-ში, რომელმაც გადაწყვიტა, რომ ქარის ტურბინების ფრთების გადასატანად მსოფლიოს უდიდესი თვითმფრინავი შექმნას.როგორც Radia-ში ამბობენ, ქარის ტურბინების ფრთების გადატანა ერთ-ერთი ყველაზე დიდი დაბრკოლებაა, რომელსაც ენერგეტიკული კომპანიები აწყდებიან, რადგან მსოფლიოში არსებული გზების უმეტესობაზე მაქსიმუმ 70-მეტრიანი ფრთის გადატანა არის შესაძლებელი. ამ პრობლემას გზების ინჟინრებიც აცნობიერებენ და საგზაო ნახაზები დროთა განმავლობაში იცვლება, მაგრამ გვირაბების, ხიდებისა და მოსახვევების გამო სახმელეთო მოძრაობა შეზღუდულია და საუკეთესო შემთხვევაშიც კი, გზაზე, შესაძლოა, 100-მეტრიანი ფრთა გადაიტანო, ისიც რამდენიმე კონკრეტულ ადგილას დედამიწაზე. თუმცა მთავარი პრობლემა მაინც ისაა, რომ რაც უფრო დიდია ქარის ტურბინის ფრთა, მით უფრო ეფექტიანია ის, ანუ ეს პარამეტრი მომავალში მხოლოდ გაიზრდება.სწორედ ამ პრობლემის გადაჭრაზე მუშაობს ამერიკული Radia, რომელმაც გადაწყვიტა მსოფლიოს უდიდესი თვითმფრინავი შექმნას. Radia WindRunner - ასე ჰქვია თვითმფრინავს, რომელიც იქმნება იმისთვის, რომ რამდენიმე რეკორდი ერთდროულად დაამსხვრიოს:— თვითმფრინავის ფრთების შლილი 97.5 მეტრი იქნება, რაც გაცილებით მეტია, ვიდრე Airbus A380-ის (80 მეტრი) და Boeing 747-8-ის (68 მეტრი) შემთხვევაში, არადა ეს ორი ყველაზე დიდი თვითმფრინავია, რომელთაც ეს კომპანიები აწარმოებენ.— სიმაღლეში, Radia WindRunner-ი 24.4 მეტრი იქნება, ანუ მისი სიმაღლე რვასართულიანი შენობის სიმაღლის ტოლია.— სიგრძეში ეს თვითმფრინავი 88.4 მეტრი იქნება, რაც თითქმის ოთხი მეტრით მეტია, ვიდრე Antonov An-225, იგივე Mriya, რომელიც მსოფლიოს უდიდესი თვითმფინავის წოდებას ინარჩუნებდა, მანამ, სანამ რუსეთი მას ომის დროს არ გაანადგურებდა.— Radia WindRunner-ის ფიუზელაჟის დიამეტრი 7.9 მეტრის ტოლი იქნება, რაც Airbus-ის და Boeing-ის უდიდესი თვითმფრინავების მონაცემებს აღემატება.— ამ თვითმფრინავის ტვირთამწეობა 635,000 კილოგრამი იქნება, ანუ 75,000 კილოგრამით მეტი, ვიდრე Airbus A380-ის და 187,300 კილოგრამით მეტი, ვიდრე Boeing 747-8-ის შემთხვევაში;— მგზავრების გადაყვანა, მართალია, Radia WindRunner-ის დანიშნულება არ არის, მაგრამ ეს ფაქტორიც რომ დავუშვათ, გეტყვით, რომ ამ თვითმფრინავში 1,000 ადამიანი ეტევა, ანუ გაცილებით მეტი, ვიდრე სხვაგან.თუმცა შეიძლება გაჩნდეს კითხვა: თუ ამ თვითმფრინავით Radia ქარის ტურბინების ფრთების ტრანსპორტირებას მიუვალ ადგილებში გეგმავს, სადაც, აეროპორტი არ არის, ამხელა WindRunner-ი იქ როგორ დაფრინდება? ეს კითხვა სავსებით ლეგიტიმურია. როგორც ჩანს, Radia-ში ამ პრობლემაზეც იფიქრეს, რადგან ჩვეულებრივი თვითმფრინავებისგან განსხვავებით, WindRunner-ს ასაფრენად 1,800-მეტრიანი გზაც ჰყოფნის, თანაც სულ არ არის აუცილებელი, ის უმაღლესი სტანდარტების მიხედვით იყოს შესრულებული.თვითმფრინავმა რომ ასე იმუშაოს ის ტექნოლოგიურად ძალიან მძლავრი უნდა იყოს. როგორც Radia WindRunner-ის ტექნიკურ მახასიათებლებში ვკითხულობთ, თვითმფრინავი ექვსი ტურბოვენტილატორიანი ძრავით იქნება აღჭურვილი და თითოეული მათგანი 450,000 ნიუტონამდე ძალას გამოიმუშავებს, რომლის დახმარებით WindRunner-ის აფრენა და ჰაერში წონასწორობის შენარჩუნება შეუძლია.ახლა კი, ორიოდ სიტყვა თავად Radia-ზე ვთქვათ. ეს კომპანია 2016 წელს, ამერიკის შტატ კოლორადოში დაფუძნდა და მას მსოფლიოს საუკეთესო ტექნიკური უნივერსიტეტის, MIT-ის ინჟინერი, მარკ ლუნდსტრომი ხელმძღვანელობს. თავად კომპანია კერძო საკუთრებაში რჩება და მედიაში გავრცელებული ინფორმაციით, ინვესტორების მიერ ის $1 მილიარდად არის შეფასებული. კომპანიას ათი მრჩეველი ჰყავს, რომელთა შორის ვხედავთ, როგორც ავსტრალიის ყოფილ პრემიერ-მინისტრს, მალკოლმ ტერნბულს, ასევე აშშ-ის ფედერალური საავიაციო სააგენტოს ყოფილ დირექტორს, მარიონ ბლეიკის და აშშ-ის ენერგეტიკის ყოფილ მდივანს, ერნესტ მონიცს.

1722074400

ელექტრო თვითმფრინავების მწარმოებელმა Eve-მ თავისი "მფრინავი ტაქსის" პროტოტიპი წარადგინა. კომპანია მიზნად ისახავს სერტიფიკატის მოპოვებას და 2026 წელს ბაზარზე მომსახურების დაწყებას.Eve კომპანია Embraer-ის საკუთრებაშია. მწარმოებლებმა ელექტრული ვერტიკალური აფრენისა და დაფრენის (eVTOL) თვითმფრინავის პროტოტიპი ინვესტორებთან და კლიენტებთან ერთად გამართულ ღონისძიებაზე, ბრაზილიური თვითმფრინავების მწარმოებლის Gaviao Peixoto-ს ქარხანაში წარადგინეს.Eve სტარტაპია, რომელიც ბატარეებზე მომუშავე თვითმფრინავის პროტოტიპს ავითარებს. თვითმფრინავს შეუძლია აფრენა და ვერტიკალურად დაშვება, ქალაქში მოკლე დისტანციაზე მგზავრების გადაყვანა, რაც მათ საშუალებას მისცემს საცობებს თავი აარიდონ.პირველი პროტოტიპი აღჭურვილია ელექტრო ძრავებით, მაგრამ ჯერჯერობით, არ აქვს სალონი. საბოლოო ვერსიაში კი ოთხი მგზავრი და პილოტი განთავსდება.სრულმასშტაბიანი პროტოტიპი ტესტირებისთვის მზად 2025 წლის დასაწყისში იქნება. სერტიფიკატს კი კომპანია 2026 წლისთვის ელოდება. Eve-მ სერთიფიცირებისთვის ბრაზილიის სამოქალაქო ავიაციის მარეგულირებელს 2022 წელს მიმართა.თუმცა, აღსანიშნავია, რომ ჯერჯერობით, მთელს მსოფლიოში ელექტრო ქსელები არ არიან მზად ე.წ. მფრინავი მანქანებისთვის - გამოწვევებია მათთვის ელექტროენერგიის მიწოდებაში, ასევე, ვერტიკალური აფრენისა და დაფრენის პორტების მოწყობაში.ამის მიუხედავად, Eve-მ წარმოების დაწყებამდე, თითქმის 3000 პოტენციური შეკვეთა შეაგროვა და იმედოვნებს, რომ ეს საბოლოოდ, ნამდვილ შეკვეთებად იქცევა. დაინტერესებულ კლიენტებს შორის არიან ამერიკული გადამზიდავი United, ჩარტერული ფირმა Global Crossing და თვითმფრინავების მეიჯარე Azorra.bp.ge

1722067200

ამერიკული Tesla მომავალ წელს დაიწყებს ჰუმანოიდური რობოტების გამოყენებას და გეგმავს მათი უფრო დიდი რაოდენობით წარმოებას სხვა კომპანიებისთვის 2026 წელს. ამის შესახებ ავტომწარმოებლის ხელმძღვანელი ელონ მასკი სოციალურ ქსელ X-ზე წერს.Tesla რამდენიმე წელია მუშაობს ასეთ რობოტებზე და ელოდება, რომ ისინი შეძლებენ მძიმე ამოცანების შესრულებას, ასევე შეამცირებენ მუშახელის რაოდენობას გაზრდიან წარმოების ეფექტურობას, აღნიშნავს The Wall Street Journal.მარტში მასკმა გამოაქვეყნა ვიდეო მისი ჰუმანოიდ რობოტებზე Optimus-ებზე, რომლებიც ყურადღებით მოძრაობენ ქარხანაში და ასრულებენ მარტივ დავალებებს. აპრილში მან თქვა, რომ Optimus ქარხნებში მუშაობას წელსვე შეძლებს.მილიარდერმა ასევე თქვა, რომ ტესლას სურს ისინი 20 ათას დოლარზე ნაკლებ ფასად გაყიდოს.

1722060600

სუპერ მდიდრებს როგორც ჩანს, ახალი გასართობი აქვთ - წვეულების მოწყობა ცაში, ფრენის დროს.კერძო ავიაციის სექტორი ყოველწლიურად იზრდება და არავისთვის იქნება გასაკვირი, რომ ყველაზე მეტად ეს სფერო არაბთა გაერთიანებულ საამიროებში ვითარდება.სწორედ დუბაიში დაფუძნებულ ფირმას აქვს უნიკალური შეთავაზება ულტრა მდიდრებისთვის. ძვირად ღირებულმა სასტუმროს ბრენდმა FIVE-მ, რომელსაც დუბაიში სამი ლოკაცია აქვს გახსნილი, წვეულებისთვის განკუთვნილი თვითმფრინავი, მოდელით 9H-FIVE, მათ 2023 წელს გამოუშვა.შეთავაზება აქ ფოკუსირებულია არა ბიზნესზე, არამედ სიამოვნებაზე.16-ადგილიანი სალონი აღჭურვილია ფანჯრის ელექტრო-ქრომატული ჩრდილით, ორი 55-დიუმიანი ტელევიზორის ეკრანით, ფრენის დროს ხმის სისტემით სპეციალურად შერჩეული დასაკრავი სიის ხელმისაწვდომობით, ჭკვიანი ტექნოლოგიის სენსორული ეკრანებით, მაღალი სიჩქარით Wi-ით. -Fi და რეგულირებადი LED განათებით. ასევე არის დიდი ფართი საცეკვაოდ.თვითმფრინავს შეუძლია 12-საათიანი უწყვეტი ფრენა, რაც კომფორტულს ხდის მოგზაურობას დუბაიდან ლონდონში ან ტოკიოში...აქ არის სრულად აღჭურვილი სამზარეულო და სასადილო მაგიდა რვა კაცისთვის.სალონის სიგრძე 23 მეტრია, სიმაღლე კი 2 მეტრი. ასევე არის Master Suite, დიდი ზომის საწოლი და საშხაპე.შეთავაზება FLY FIVE სტუმრისთვის, საათში დაახლოებით 15000 დოლარი ღირს.წყარო: cnn.com

1721890455

ინდური ავიაკომპანია, IndiGo პირველია მსოფლიოში, რომლის ახალი ფუნქცია ქალებს რეგისტრაციის დროს არჩევანის საშუალებას აძლევს, რომ თვითმფრინავში მამაკაცის გვერდით არ დასხდნენ.ინფორმაციას Mirror ავრცელებს.გამოცემა წერს, რომ ახალი ფუნქცია გლობალურ საავიაციო ინდუსტრიაში პირველია, რომლის საშუალებითაც ადგილების ონლაინ შერჩევის დროს ქალები სუსტი სქესის სხვა წარმომადგენლების უკვე შერჩეულ ადგილებს ხედავენ. მამაკაცებისთვის ასეთი ინფორმაცია დახურულია და ონლაინ რეგისტრაციის დროს ისინი მხოლოდ ხელმისაწვდომ ადგილებს ხედავენ.კერძოდ, ონლაინ რეგისტრაციისას ქალი მგზავრები თვითმფრინავში ადგილების სტანდარტულ განლაგებას ხედავენ, რაც სხვა ავიაკომპანიებისგან იმით განსხვავდება, რომ სხვა ქალების მიერ უკვე დაკავებული ადგილები ვარდისფრად არის მონიშნული.ცვლილება მიზნად ისახავს, ქალებმა, განსაკუთრებით, მეგობრებისა და ოჯახის გარეშე მოგზაურობის დროს თავი კომფორტულად იგრძნონ, რაც, IndiGo-ს ცნობით, “ბაზრის კვლევის საფუძველზე იქნა შემოღებული და ამჟამად საპილოტე რეჟიმშია.”Mirror წერს, რომ წინა გამოკითხვებით, როგორც მამაკაცები, ასევე, ქალები აცხადებდნენ, რომ საპირისპირო სქესის მგზავრის გვერდით ჯდომა რელიგიური მიზეზების გამო არ სურდათ, თუმცა ეს ოფიციალური პროცედურა არასდროს ყოფილა.ახალი ფუნქცია აგვისტოში ავიაკომპანიის ყველა რეისზე ამოქმედდება.ცნობისთვის: IndiGo ინდოეთის უმსხვილესი დაბალბიუჯეტიანი ავიაკომპანიაა, რომელიც დღეში, დაახლოებით, 2000 შიდა და საერთაშორისო რეისს ასრულებს.