1770618436
„ყველაფერი არის ძალიან ნორმალურად, კარგად, ჩვენ ვაკეთებთ ბიზნესს წესიერად, სამართლებრივ ჩარჩოებში” - სოსო ფხაკაძე
„ჩვენ ვაკეთებთ ბიზნესს წესიერად, სამართლიანად, სამართლებრივ ჩარჩოებში,”- ამის შესახებ „ვისოლ ჯგუფის” ვიცე-პრეზიდენტმა სოსო ფხაკაძემ განაცხადა.
მისი თქმით, საწვავის ღირებულება დამოკიდებულია საერთაშორისო ფასებსა და ლარის კურსზე. შესაბამისად, როგორც სოსო ფხაკაძემ ტელეკომპანია „პირველთან“ კომენტარში აღნიშნა, „ყველაფერი არის ძალიან ნორმალურად”.
„თუ რამე შეგვიძლია, მაგას გავაკეთებთ, მაგრამ მაგაზე არ არის საუბარი. ჩვენ ვაკეთებთ ბიზნესს წესიერად, სამართლიანად, სამართლებრივ ჩარჩოებში. ასე ვაკეთებდით ყოველთვის და გავაკეთებთ მომავალში. ყველაფერი არის ძალიან ნორმალურად, კარგად, მე ვერ ვხედავ ვერანაირ პრობლემას.
საწვავთან დაკავშირებით ჩვენ მილიონჯერ გვაქვს ნათქვამი, ეს დამოკიდებულია საერთაშორისო ფასებზე და ლარის კურსზე. საერთაშორისო ფასები თუ მიდის ზემოთ, ფასები ძვირდება საწვავზე შიდა ბაზარზე და პირიქით. რაც შეეხება მთავრობის ადმინისტრაციაში ფასებთან დაკავშირებით შეხვედრას, ეს არ იყო დაბარება, ეს იყო შეხვედრა, მე ვფიქრობ, ძალიან კონსტრუქციული და ჩვენ ამასთან დაკავშირებით ორიოდე სიტყვა ვთქვით.
ხომ იცით რომ ეს თემა გადავიდა პარლამენტში. მე ვიცი, რომ იქაც იქნება პროფესიული და კონსტრუქციული განხილვები ამ თემასთან დაკავშირებით და რამე გართულებას მე ვერანაირად ვერ ვხედავ. ერთი რამ ვიცი, რომ ბიზნესი არის, რაც ზრდის ეკონომიკას და ძლიერი ეკონომიკის გარეშე არცერთი ქვეყანა არ იქნება წარმატებული", - ამბობს სოსო ფხაკაძე ტელეკომპანია „პირველთან”.
შეგახსენებთ, რომ ფასებთან დაკავშირებით მთავრობის მიერ შექმნილი საკოორდინაციო სამუშაო კომისია, პრემიერ-მინისტრ ირაკლი კობახიძის ხელმძღვანელობით ნავთობკომპანიების წარმომადგენლებს 30 იანვარს შეხვდა.
მანამდე, კომისიას უკვე ჰქონდა შეხვედრები სააფთიაქო ქსელების და ფარმაცევტთა ასოციაციის წარმომადგენლებთან; ასევე, ქართველ მწარმოებლებთან, რითეილ სექტორთან და სადისტრიბუციო კომპანიების წარმომადგენლებთან.
ცნობისთვის, პრემიერ-მინისტრმა ირაკლი კობახიძემ 2025 წლის 24 დეკემბერს განაცხადა, რომ სურსათის ევროპულ და ქართულ ფასებს შორის დიდი სხვაობა განპირობებულია სადისტრიბუციო კომპანიებისა და მარკეტების მაღალი ფასნამატით, რაც საქართველოს საზღვრიდან დახლამდე საშუალოდ 86%-ს შეადგენს.
24 დეკემბერს სახელმწიფო უსაფრთხოების სამსახურმა განაცხადა, რომ სასურსათო ფასებთან დაკავშირებული საკითხის შესწავლას იწყებს. 2026 წლის 5 იანვარს კი სურსათის ფასებთან დაკავშირებით სამთავრობო კომისია შეიქმნა.
20 იანვარს გაიმართა სამთავრობო კომისიის 1-ელი შეხვედრა, რომლის ფარგლებშიც ცნობილი გახდა, რომ სამთავრობო საკოორდინაციო კომისია სასურსათო პროდუქციის, მედიკამენტებისა და საწვავის ფასებთან დაკავშირებით იმუშავებს. ამასთან, გამოითქვა მოსაზრება რომ კომისია მუშაობას სავარაუდოდ აპრილის ბოლომდე დაასრულებს.
აღსანიშნავია, ისიც რომ პარლამენტში შეიქმნა ფასების შემსწავლელი დროებითი საგამოძიებო კომისიამაც, რომლის 1-ელი სამუშაო შეხვედრაც ხვალ არის დაგეგმილი.
მსოფლიო
სხვადასხვა
1770790770
მოსალოდნელია გზებზე ლიპყინული, ქარბუქი, ზვავსაშიშროება - სინოპტიკოსების გაფრთხილებაგარემოს ეროვნული სააგენტო საქართველოში მოსალოდნელი ამინდის შესახებ მოსახლეობას აფრთხილებს.სინოპტიკოსების პროგნოზით, 11 თებერვალს აღმოსავლეთ საქართველოში მოსალოდნელია ნალექი, ზოგან ძლიერი, უმეტესად თოვლის სახით, ნისლი, ქარბუქი, გზებზე ლიპყინული, მაღალმთიან რაიონებში – ზვავსაშიშროება.„დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია, შეიზღუდოს ტრანსპორტის მოძრაობა.მოსალოდნელმა ძლიერმა ნალექებმა შესაძლებელია გორაკ-ბორცვიან და მთიან ზონებში მეწყრული პროცესების ჩასახვა-გააქტიურება გამოიწვიოს (საფრთხის დონე საშუალო)“, – ნათქვამია გარემოს ეროვნული სააგენტოს ინფორმაციაში.
1770701526
10 თებერვალი: როგორი ამინდია მოსალოდნელი საქართველოში?10 თებერვალს ქუთაისში იწვიმებს, დღისით +9 და ღამით +4 გრადუსია მოსალოდნელი.წვიმაა ოზურგეთშიც, დღისით +8 გრადუსი დაფიქსირდება, ღამით კი 4. ბათუმშიც იწვიმებს, დღისით ჰაერი +10 გრადუსამდე გათბება, ხოლო ღამით +5 გრადუსი დაფიქსირდება.ნალექიანი ამინდია ფოთშიც. დღისით +11 გრადუსი დაფიქსირდება, ღამით კი +6 გრადუსია მოსალოდნელი. იწვიმებს ზუგდიდშიც, დღისით ტემპერატურა +10, ღამით კი 3 გრადუსია ნავარაუდევი.წვიმიანი დღეა დღეა სოხუმშიც. +9 გრადუსია მოსალოდნელი დღისით, ღამით 5 გრადუსი დაფიქსირდება.მესტიაში თოვას ვარაუდობენ, დღისით 0 გრადუსი იქნება, ღამით კი -9 გრადუსი დაფიქსირდება. ამბროლაურში თოვლია მოსალოდნელი, ჰაერი +6 გრადუსამდე გათბება, ღამით კი -4 გრადუსი დაფიქსირდება.თოვლია მოსალოდნელი ჭიათურაშიც, დღისით +6 გრადუსი, ღამით კი 0 გრადუსი დაფიქსირდება.ახალციხეში თოვლს ელოდებიან დღისით ჰაერი +35 გრადუსამდე გათბება, ღამით კი ტემპერატურა -5 გრადუსი იქნება.ახალქალაქში დღისით თოვლი და +4 გრადუსია მოსალოდნელი, ღამით კი -5 გრადუსი.ბორჯომშიც მოთოვს, +6 იქნება დღისით, ღამით კი -3 გრადუსი დაფიქსირდება. თოვლია მოსალოდნელი ბაკურიანში, დღისით 0 გრადუსია მოსალოდნელი, ღამით -10 გრადუსი დაფიქსირდება.ნალექიან დღეს ელოდებიან გორში, დღისით +7 გრადუსი, ღამის განმავლობაში კი -2 გრადუსი დაფიქსირდება. მოთოვს ცხინვალშიც, ჰაერის ტემპერატურა +6 გრადუსი იქნება, ღამით კი -3 გრადუსი დაფიქსირდება.თოვს გუდაურში, დღის განმავლობაში -3 გრადუსი დაფიქსირდება, ღამით კი ჰაერის ტემპერატურა -9 გრადუსი იქნება.თოვლია ომალოშიც დღისით -2, ღამით კი -8 გრადუსი დაფიქსირდება.ლაგოდეხში წვიმიან ამინდს ელოდებიან. ჰაერის ტემპერატურა დღის განმავლობაში +7 გრადუსი იქნება, ღამით კი +0 გრადუსი დაფიქსირდება. წვიმიანი დღე იქნება თელავში, +8 გრადუსი დაფიქსირდება, ღამით კი -2 გრადუსია ნავარაუდევი.გურჯაანშიც იწვიმებს. დღისით +9 გრადუსი, ღამით კი 0 გრადუსი დაფიქსირდება. სიღნაღში წვიმიანი დღეა მოსალოდნელი, დღისით +7 გრადუსია მოსალოდნელი, ღამით -2 გრადუსი დაფიქსირდება.რუსთავში წვიმაა ნავარაუდები, დღისით +9 გრადუსია მოსალოდნელი, ღამით კი -1 გრადუსი დაფიქსირდება.თბილისშიც მოსალოდნელია მცირე ნალექი წვიმის სახით და ქარი. ჰაერის ტემპერატურა დღისით +9 გრადუსს მიაღწევს, ღამით კი -1 გრადუსი იქნება.
1770615600
9 თებერვლის ამინდის პროგნოზი ქალაქების მიხედვით9 თებერვალს საქართველოში შედარებით გრილი, თუმცა უმეტესად სტაბილური ამინდი იქნება.ყველაზე მაღალი მაჩვენებელი +11 გრადუსი ფოთსა და ბათუმში დაფიქსირდება, ხოლო ყველაზე დაბალი ტემპერატურა -2 გრადუსი გუდაურში იქნება.რაც შეეხება ამინდს ქალაქების მიხედვით, პროგნოზი ასეთია:სოხუმი +11 გრადუსი,ზუგდიდი +9 გრადუსი,მესტია +2 გრადუსი,ფოთი +11 გრადუსი,ბათუმი +10 გრადუსი,ოზურგეთი +9 გრადუსი,ქუთაისი +10 გრადუსი,ბორჯომი +5 გრადუსი,ბაკურიანი +1 გრადუსი,ცხინვალი +5 გრადუსი,გორი +6 გრადუსი,გუდაური -2 გრადუსი,თელავი +11 გრადუსი,რუსთავი +11 გრადუსი,თბილისი +11 გრადუსი.
1769432837
ამერიკის საელჩო: „თუ შეერთებულ შტატებში ნებადართულ დროზე დიდი ხნით დარჩებით, შესაძლოა სამუდამოდ აგეკრძალოთ აშშ-ში მოგზაურობა“ - „გულწრფელი შეცდომა“ არ არსებობსსაქართველოში ამერიკის შეერთებული შტატების საელჩო მოქალაქეებისთვის ინფორმაციას ავრცელებს. „თუ შეერთებულ შტატებში ნებადართულ დროზე დიდი ხნით დარჩებით, შესაძლოა სამუდამოდ აგეკრძალოთ აშშ-ში მოგზაურობა.საკონსულო ოფიცრებს აქვთ სრული წვდომა თქვენს საიმიგრაციო ისტორიაზე და შეიტყობენ წარსული დარღვევების შესახებ. "გულწრფელი შეცდომა" არ არსებობს - ვიზის სწორად გამოყენება თქვენი პასუხისმგებლობაა." - წერს ამერიკის საელჩო "ფეისბუკში".
1769406517
26 იანვარი: როგორი ამინდია მოსალოდნელი საქართველოში?26 იანვარს ქუთაისში უნალექო ამინდს ელოდებიან, დღისით +17 და ღამით +7 გრადუსია მოსალოდნელი.ნალექს არც ოზურგეთში ელოდებიან, დღისით +16 გრადუსი დაფიქსირდება, ღამით კი +8 გრადუსი იქნება. ბათუმში დღისით ჰაერი +16 გრადუსამდე გათბება, ხოლო ღამით +9 გრადუსი დაფიქსირდება.უნალექო ამინდია ფოთშიც. დღისით +16 გრადუსი დაფიქსირდება, ღამით კი +9 გრადუსია მოსალოდნელი. ნალექი არც ზუგდიდში იქნება, დღისით ტემპერატურა +16, ღამით კი +6 გრადუსია ნავარაუდევი.სოხუმშიც მზიანი ამინდია. +19 გრადუსია მოსალოდნელი დღისით, ღამით +8 გრადუსი დაფიქსირდება.მესტიაშიც უნალექო დღეა მოსალოდნელი, დღისით +2 გრადუსი იქნება, ღამით კი -7 გრადუსი დაფიქსირდება. ამბროლაურშიც უნალექო ამინდია, ჰაერი +11 გრადუსამდე გათბება, ღამით კი -2 გრადუსი დაფიქსირდება.ასეთივე ამინდია ჭიათურაში, დღისით +11 გრადუსი, ღამით კი 1 გრადუსი დაფიქსირდება. ახალციხეში დღისით +9 გრადუსი, ღამით კი -4 გრადუსი იქნება.ახალქალაქში მზიანი დღეა მოსალოდნელი, დღისით +8, ღამით -3 დაფიქსირდება.ბორჯომშიც უნალექო დღეა, +9 იქნება დღისით, ღამით კი -1 გრადუსი დაფიქსირდება. თოვლია მოსალოდნელი ბაკურიანში, დღისით 4 გრადუსია მოსალოდნელი, ღამით -7 გრადუსი დაფიქსირდება.უნალექო დღეს ელოდებიან გორში, დღისით +9 გრადუსი, ღამის განმავლობაში კი -3 გრადუსი დაფიქსირდება. ცხინვალში ჰაერის ტემპერატურა 9 გრადუსი იქნება, ღამით კი -3 გრადუსი დაფიქსირდება.გუდაურში უნალექო ამინდია მოსალოდნელი, დღის განმავლობაში -1 გრადუსი დაფიქსირდება, ღამით კი ჰაერის ტემპერატურა -10 გრადუსი იქნება. ომალოშიც მზიანი ამინდია, 0, ღამით კი -10 გრადუსი დაფიქსირდება.ლაგოდეხში უნალექო დღეს ელოდებიან. ჰაერის ტემპერატურა დღის განმავლობაში +8 გრადუსი იქნება, ღამით კი 1 გრადუსი დაფიქსირდება. უნალექო დღე იქნება თელავში, +7 გრადუსი დაფიქსირდება, ღამით კი -1 გრადუსია ნავარაუდევი.ნალექი არც გურჯაანში იქნება. დღისით +7 გრადუსი, ღამით კი -1 გრადუსი დაფიქსირდება. სიღნაღში უნალექო დღეა მოსალოდნელი, დღისით 9 გრადუსია მოსალოდნელი, ღამით -1 გრადუსი დაფიქსირდება.რუსთავშიც მზიანი დღეა მოსალოდნელი, დღისით +9 გრადუსია მოსალოდნელი, ღამით კი -1 გრადუსი დაფიქსირდება.თბილისშიც მზიან დღეს ელოდებიან. ჰაერის ტემპერატურა დღისით +9 გრადუსს მიაღწევს, ღამით კი -1 გრადუსი იქნება.
