1729062656
ვის ეკუთვნის TOP 5 კომპანია, რომელსაც ჩინეთში ქართული ღვინო გააქვს
საქართველოდან ჩინეთში ყურძნის ნატურალური ღვინის ექსპორტი 42%-ით შემცირდა. გასული წლის იანვარ-მაისში ჩინეთში ექსპორტირებულია 5.107 მლნ დოლარის ქართული ღვინოს, ხოლო მიმდინარე წლის იმავე პერიოდში 2.962 მლნ დოლარის.
„ბიზნესპრესნიუსი“ დაინტერესდა, რომელ კომპანიებს გააქვთ ჩინეთში ქართული ღვინო და ვის ეკუთვნის აღნიშნული კომპანიები. საქსტატის მიერ მოწოდებული ინფორმაციის მიხედვით, 2024 წლის იანვარ-მაისში ყველაზე დიდი რაოდენობით ქართული ღვინო ჩინეთში შემდეგმა ხუთმა კომპანიებმა გაიტანა: „დუგლაძეების ღვინის კომპანია“, „კონჭო და კომპანია“, „პავილიონ ვაინს“, „რთველისი“ და „შუხმან ვაინს ჯორჯია“.
სამეწარმეო რეესტრის მონაცემების მიხედვით, გთავაზობთ, აღნიშნული TOP 5 კომპანიის შესახებ ინფორმაციას:
შპს „დუგლაძეების ღვინის კომპანია“ - კომპანია 2004 წელს არის რეგისტრირებული. ბოლო ამონაწერით, კომპანიის გენერალური დირექტორი არის დავით დუგლაძე. რაც შეეხება მეწილეებს, კომპანიის 25.66%-იან წილს ალექსანდრე ივანიშვილი ფლობს, 25.68%-ს - ზაალ დუგლაძე, თუმცა მისი წილის მმართველი დავით დუგლაძეა, თავად დავით დუგლაძე წილის 25.66-ს განკარგავს, ხოლო 23%-ს შპს „აისი ინკ“.
თავის მხრივ, „აისი ინკ“ რეგისტრირებულია 2016 წელს, 2024 წელს განახლებული ინფორმაციის თანახმად, კომპანიის დირექტორი დავით დუგლაძეა, მეწილეები კი ზაალ დუგლაძე (34%-ს განკარგავს დავით დუგლაძე), დავით დუგლაძე (33%) და ალექსანდრე ივანიშვილი (33%).
შპს „კონჭო და კომპანია“ - კომპანია 2001 წელს არის რეგისტრირებული, მისი დირექტორი გიორგი ავაზაშვილია. წილის 100%-ს სააქციო საზოგადოება „კორპორაცია ქინძმარაული“ ფლობს. „კორპორაცია ქინძმარაულის“ აქციონერები Reportal.ge-ზე არსებული 2022 წლის ანგარიშის მიხედვით შემდეგი პირები არიან:
- თამაზ კონჭოშვილი 63.94%;
- ეკატერინე ამირანაშვილი 23.94%;
- ელგუჯა ცირიკაშვილი 5.93%;
- სხვა აქციონერები 6.19%.
შპს „პავილიონ ვაინს“ – 2017 წელს არის აღნიშნული კომპანია სამეწარმეო რეესტრში რეგისტრირებული. კომპანიის დირექტორი გიორგი ნატროშვილია. რაც შეეხება წილებს, ასე გადანაწილდა: გიორგი ნატროშვილი - 33.4%, არჩილ გოგელია 33.4% და გიორგი კაციტაძე 33.2%.
შპს „რთველისი“ - კომპანია 2019 წელს დარეგისტრირდა. „რთველისის“ გენერალური დირექტორი თორნიკე ჭიკაძეა, ხოლო აღმასრულებელი დირექტორი მიხეილ ბუზალაძე. კომპანიის წილები ასე ნაწილდება:
- თორნიკე ჭიკაძე - 20%
- ნიკოლოზ იმერლიშვილი - 20%
- ალექსანდრე ჭიკაიძე - 20%
- თორნიკე ქორთოშიძე - 20%
- ზაური ქორთოშიძე - 20%
შპს „შუხმან ვაინს ჯორჯია“ – 2008 წელს რეგისტრირებული კომპანიის დირექტორები როლანდი ბურდიაშვილი და ნინო აბრამიშვილი არიან. კომპანიის წილებს შემდეგი პირები ფლობენ:
- ნინო აბრამიშვილი - 10%;
- გიორგი დაქიშვილი - 10%;
- შპს „შუხმან კაპიტალი“ – 39.2% - თავის მხრივ ეს კომპანიის დირექტორი ნინო აბრამიშვილია, სრულ წილს კი გერმანული „ბურკჰარდ შუხმანის ფონდი“ ფლობს.
- შპს „ენ ეი გრუპი“ – 40.8% - აღნიშნული კომპანიის დირექტორიც და 100%-იანი წილის მფლობელი ნინო აბრამიშვილია.
მსოფლიო
სხვადასხვა
1729086036
მასწავლებლების ანაზღაურების წესში ცვლილებაა - ვის გაეზრდება ხელფასიმასწავლებელთა ანაზღაურების წესში ცვლილება შევიდა. შესაბამისი ბრძანება საკანონმდებლო მაცნეზე უკვე გამოქვეყნდა. ბრძანებაში წერია, რომ ამჯერად ხელფასები არჩევითი საგნების მასწავლებლებს გაეზრდებათ.კერძოდ, არჩევითი საგნების სწავლებაც ახალი სახელფასო ფორმულით ანაზღაურდება.დოკუმენტში ვკითხულობთ - „მასწავლებელს, რომელსაც მინიჭებული აქვს მასწავლებლის სტატუსი და ასწავლის იმ საგნობრივ ჯგუფში შემავალ ერთ-ერთ საგანს, რომელშიც ჩაბარებული აქვს გამოცდა ან უდასტურდება დოქტორის ან მასთან გათანაბრებული აკადემიური ხარისხი ან რომელსაც განსაკუთრებულ შემთხვევაში საქართველოს კანონმდებლობით დადგენილი წესით მინიჭებული აქვს სქემით განსაზღვრული ერთ-ერთი სტატუსი, შრომის ანაზღაურება 2026-2027 სასწავლო წლის დაწყებამდე დაუანგარიშდება ამ დანართით დადგენილი წესით“.უფრო კონკრეტულად, თუ შრომის ანაზღაურების დაანგარიშების პერიოდისთვის, არჩევითი საგნის მასწავლებლის საგაკვეთილო დატვირთვის შესაბამისად გაანგარიშებული შრომის ანაზღაურება მეტია, იმ დანართით [მასწავლებლის ანაზღაურების დაანგარიშების ახალი მეთოდით] დადგენილი წესით გაანგარიშებულ ოდენობაზე, მასწავლებელს მიეცემა ამ ახალი წესით დაანგარიშებული შრომის ანაზღაურების ოდენობა და დამატებით 200 ლარი 2026-2027 სასწავლო წლის დაწყებამდე.როგორც განათლების სამინისტრო განმარტავს, ცვლილება შეეხება უცხო ენების საგნობრივ ჯგუფში შემავალ ყველა და იმ არჩევით საგნებსაც, რომელიც ორი ან მეტი საგნობრივი ჯგუფისთვის საზიაროა.
1728995369
ტეილორ სვიფტმა ქარიშხლისგან დაზარალებულთა დასახმარებლად 5 მილიონი დოლარი გადარიცხაამერიკელმა მომღერალმა ტეილორ სვიფტმა ქარიშხალ „მილტონისგან“ და „ელენასგან“ დაზარალებულთა დასახმარებლად 5 მილიონი დოლარის დახმარება გასწია.საქველმოქმედო ორგანიზაცია Feeding America-მ მომღერალს სოციალურ ქსელში მადლობა გადაუხადა და დაწერა, რომ ეს თანხა დაეხმარება სტიქიით დაზარალებულთა ჯანმრთელობას და მათი საკვებით მომარაგებას.ტეილორ სვიფტი იმედოვნებს, რომ მომავალ კვირას ფლორიდაში კონცერტის გამართვას შეძლებს. Eras-ს ტურის დასკვნითი ეტაპი „მაიამი გარდენში“ 18 ოქტომბერს არის დაგეგმილი.როგორც ცნობილია, ქარიშხალს რომელიც აშშ-ის ფლორიდის შტატს დაატყდა, დამანგრეველი შედეგები მოჰყვა ფლორიდის დასავლეთ სანაპიროდან აღმოსავლეთამდე სრულ ტერიტორიაზე - განსაკუთრებით დაზიანდა სანქტ-პეტერბურგის შუშის გუმბათიანი სტადიონი, განადგურდა გზები და ხიდები. 3 მილიონი ადამიანი ელექტროენერგიის გარეშე დარჩა.
1728981652
Crocs-მა ძაღლებისთვის მანათობელი ფეხსაცმელი შექმნაCrocs კომფორტს სრულიად ახალ აუდიტორიას სთავაზობს, რაც იმას ნიშნავს, რომ ახლა თქვენს ძაღლებსაც შეგიძლიათ უყიდოთ იგი. ოღონდ 23 ოქტომბრიდან, რა დროსაც Croc Day აღინიშნება. Pet Crocs ძაღლების სათამაშოების მწარმოებელ BARK-თან კოლაბორაციის შედეგად შეიქმნა, იდეა კი გულშემატკივრების მრავალი პოსტიდან წამოვიდა, რომელშიც ძაღლებს ადამიანების Crocs აცვია, ახლა კი, როგორც იქნა, მათ საკუთარი ექნებათ…ორ ფერში გამოვა: Green Slime და Pink Dragon Fruit. Pet Crocs პატარა საშუალო და დიდ ზომებშია ხელმისაწვდომი. თან ღამით ანათებს და ნებისმიერ ფორმასაც ერგება. რაც შეეხება ფასს 50$-ია და ზუსტად იმ კომფორტსა თუ მახასიათებლებს შესთავაზებს ძაღლებს, რომლითაც Crocs არის ცნობილი. მეტიც, თუ ცდილობთ, ერთნაირი რაღაცები გეცვათ ხოლმე, ბრენდი საქმეს გიმარტივებთ და შეზღუდული დროით Classic Lined Clogs-ს გთავაზობთ…marketer.ge
1728900700
ოკეანეები ორჯერ უფრო სწრაფად თბება - Copernicusმსოფლიო ოკეანეების დათბობის ტემპი 2005 წლიდან გაორმაგდა. ამის შესახებ ევროკავშირის კლიმატის მონიტორინგის სამსახურის, Copernicus-ის ანგარიშში წერია.ექსპერტები წერენ, რომ ოკეანე 1960-იანი წლებიდან სტაბილურად თბება, ხოლო, დაახლოებით, 20 წლის წინ დათბობის მაჩვენებელი გაორმაგდა.კერძოდ, ბოლო ორი ათწლეულის განმავლობაში ოკეანის დათბობის სიჩქარე კვადრატულ მეტრზე 0,58 ვტ-დან 1,05 ვტ-მდე გაიზარდა. მიზეზი ის არის, რომ 1970 წლიდან ოკეანეებმა სითბური გაზების გამოყოფით გამოწვეული ჭარბი სითბოს 90%-ზე მეტი შთანთქა.Copernicus-ის ცნობით, ოკეანეების დათბობა ძლიერ და დამანგრეველ შტორმსა და ქარიშხალს იწვევს, ასევე, ოკეანეში საკვები ნივთიერებების ბალანსსა და ეკოსისტემას არღვევს.ცნობისთვის: Copernicus-ის შარშანდელი კვლევის თანახმად, 2023 წელს დედამიწის ტემპერატურა, საშუალოდ, 1,52 გრადუს-ცელსიუსით მეტი იყო პრეინდუსტრიულ პერიოდთან შედარებით, რასაც კლიმატოლოგები გლობალური დათბობის მნიშვნელოვან ზღურბლად მიიჩნევენ. გლობალური დათბობის შეჩერების ერთადერთი გზა სითბური გაზების ემისიების სწრაფი შემცირებაა.
1728900133
ბელარუსისა და ყაზახეთის აკრძალვით რუსეთმა ევროპული ვაშლის რეექსპორტის შესაძლებლობა დაკარგაბელარუსმა ვაშლის ექსპორტი აკრძალა, რის შედეგადაც ევროკავშირიდან რუსეთში ნახევრადლეგალური რეექსპორტი დაიბლოკა. ინფორმაციას EastFruit ავრცელებს.მანამდე, თითქმის, ანალოგიური გადაწყვეტილება ყაზახეთმა მიიღო, რომელმაც ქვეყანაში ვაშლის იმპორტი აკრძალა და ამით ევროპული ვაშლის ჩრდილოვან მიწოდებაზე რუსეთის წვდომა დაბლოკა.ბელარუსში ექსპორტის აკრძალვას, ვაშლის გარდა, ხახვი და კომბოსტოც ექვემდებარება. ექსპორტის ამ აკრძალვით რუსეთის ბაზარზე ევროკავშირის ქვეყნებიდან, კერძოდ, პოლონეთიდან ხელმისაწვდომ ფასად ვაშლის რეექსპორტის ბოლო კარი დაიხურა.„ეს ხდება რუსეთისთვის მეტად ცუდ დროს, როცა ამ ქვეყნის ცენტრალური ბანკის ბრძოლა ინფლაციის წინააღმდეგ არანაირ შედეგს არ იძლევა, ხოლო ბოსტნეულსა და ხილზე ფასები კვლავ რეკორდს ხსნიან,” - წერს EastFruit.ექსპერტების შეფასებით, ევრაზიული ეკონომიკური კავშირის წევრი ქვეყნების საბაჟო ერთობა ჩამოშლას განაგრძობს და რუსეთი მზარდი ინფლაციის წინააღმდეგ ბრძოლის უნარს კარგავს.წელს რუსეთმა გაზაფხულის ყინვების გამო ვაშლის მოსავლის მნიშვნელოვანი ნაწილი დაკარგა. რუსი მომხმარებლები ამ ხილს უკვე რეკორდული ფასებში ყიდულობენ, ხოლო ბელარუსისა და ყაზახეთის გავლით ჩრდილოვანი იმპორტის შესაძლებლობის დაბლოკვით ფასების ზრდა მხოლოდ დაჩქარდება.EastFruit-ის ცნობით, რუსეთისთვის ვაშლის უახლოეს მიმწოდებლებად ირანი, ჩინეთი და თურქეთი რჩებიან. თუმცა ირანიც და თურქეთიც დიდი ხანია, ვაშლის ექსპორტს ახლო აღმოსავლეთსა და ინდოეთში არჩევენ, სადაც პროდუქტს უფრო მაღალ ფასში ყიდიან.
