ივანა ტრამპმა შვილების აღმზრდელს 1-მილიონიანი ქონება დაუტოვა

მსოფლიო 1674626400
ივანა ტრამპის ანდერძი

2022 წლის ივლისში აშშ-ის ექსპრეზიდენტის დონალდ ტრამპის ყოფილი ცოლის გარდაცვალების შემდეგ, ივანა ტრამპის 34 მილიონი დოლარის ქონება მის შვილებზე, მეგობრებსა და ქველმოქმედებაზე გადანაწილდა. ამის შესახებ ინფორმაციას ბიზნესინსაიდერი ავრცელებს.

ყველაფერი, რაც ივანას­თვის ძვირ­ფასი იყო: ძაღლი, ტანსაცმელი და მრავალმილიონიანი, მის­თვის ძვირფას ადამიანებს დაუტოვა. ქონებიდან წილი ტრამპების სახლში მომუშავე ძიძასაც ერგო. 

ივანამ ქონების ძირითადი ნაწილი, მათ შორის სამკაულების და ბეწვეულის კოლექციის გაყიდვიდან მიღებული თანხა სამ შვილს უანდერძა: დონალდ ტრამპ ჯუნიორს, ივანკა ტრამპსა და ერიკ ტრამპს.  ტანსაცმელი „წითელ ჯვარსა“ და „ხსნის არმისასაც“ გადაეცა. 

რაც შეეხება ივანას უძრავ ქონებას, რომელსაც ის საფრანგეთში, აშშ-სა და ჩეხეთში ფლობდა, შვილების და დონალდ ტრამპის საერთო საკუთრებად დაასახელა.

სოციალისტისა და ბიზნესმენის კუთვნილი ფლორიდის ბინა, რომელიც რედფინმა 1,148,407 აშშ დოლარად შეაფასა, მის ყოფილ ძიძას, დოროთი ქარის დარჩა.

დოროთი ქარი ტრამპების სამივე შვილის აღმზრდელია. ივანამ მას თავისი იორკშირ ტერიერი - თაიგერ ტრამპიც ანდო.

აღსანიშნავია, რომ ივანამ დონალდ ტრამპს არაფერი უანდერძა. წყვილი ერთმანეთს 1990 წელს გაშორდა. მას შემდეგ ივანა ორჯერ გათხოვდა. მისი უკანასკნელი მეუღლე, როსანო რუბიკონდი 2021 წელს გარდაიცვალა.