1729494562
4000 ლარი თვეში - რა ჯდება სიბერე საქართველოში
ოქტომბრის ბოლოს, მცხეთაში შუა ხნისა და ხანდაზმული ადამიანებისთვის ოჯახური ტიპის სახლი ,,ლელიანი’’ იხსნება. სახლი „ლელიანი“ სრულად ქართული ინვესტიციის დაარსდა. დამფუძნებელი ნიკოლოზ გამყრელიძეა, რომელმაც ორ პარტნიორთან ერთად 6,5 მლნ ლარის ინვესტიცია განახორციელა. დამფუძნებლების განცხადებით, ოჯახური ტიპის სახლი საერთაშორისო სტანდარტების შესაბამისია, სადაც პროფესიონალებით დაკომპლექტებული გუნდი მზრუნველობას, კომფორტსა და სიყვარულს არ მოაკლებს მის მცხოვრებლებს. „ლელიანი“ ბენეფიციარებს სრულფასოვან მოვლასთან ერთად, სოციალიზაციის მიზნით მრავალფეროვან აქტივობებს სთავაზობს. სერვისის ღირებულება თვეში 3500 ლარიდან 4000 ლარამდე მერყეობს.
,,ლელიანის“ თანადამფუძნებელი და დირექტორი ნინო კიკნაძე აცხადებს, რომ ეს თანხა სერვისის შესაბამისია და ღირებულება ძვირად არ მიიჩნევა. მისივე თქმით, ,,ლელიანს’’ ბაზარზე კონკურენტები არ ჰყავს.
,,გვაქვს როგორც ერთადგილიანი ნომრები, ასევე 2 ადგილიანი. სერვისის ფასი დამოკიდებულია ჯანმრთელობის მდგომარეობაზე, ასევე რომელ ნომერს აირჩევს ადამიანი. ფასი დაიწყება 3500 ლარიდან 4000 ლარამდეა ერთი თვის ღირებულება. კონკურენტი არ გვყავს. დღეს ასეთი მაღალი კლასის სახლი არ არსებობს საქართველოში. ახლა რაც არის ხანდაზმულთა სახლები, რომელიც ვერანაირ კრიტიკას ვერ უძლებს, მათი ფასი არის დაახლოებით 3 000 ლარი და საკმაოდ კარად მუშაობენ. დატვირთულები არიან. დღე გამოდის დაახლოებით 140 ლარამდე ერთი ადამიანი, სამჯერადი კვებით, მოვლით, ჰიგიენური საშუალებებით, რაც ნამდვილად არ არის ძვირი. მაშინ როდესაც ცალკე მომვლელის ქირაობა საკმაოდ მაღალი ფასი ჯდება.’’- აცხადებს ნინო კიკნაძე.
ოჯახური ტიპის სახლი ,,ლელიანი’’ 65+ ასაკის ადამიანებისთვის არის გათვლილი. აქ მიიღებენ როგორც ჯანმრთელ, ასევე საექთნო, ხანგრძლივი მოვლისა და პალიატიური მზრუნველობის საჭიროების მქონე ადამიანებს. ,,ლელიანის’’ კარი ღიაა მათთვისაც, ვისაც რამდენიმე დღე დასვენება სურს. დამფუძნებლები ამბობენ, რომ ისინი ინდივიდუალურ საჭიროებებზე მორგებულ ზრუნვასა და ემპათიურ გარემოს უზრუნველყოფენ, რაც ხანდაზმულ ადამიანებს ცხოვრების ხარისხის გაზრდაში დაეხმარება.
,,ეს არის მაღალი სტანდარტის, რეზიდენციული ზრუნვის სახლი. დაახლოებით სასტუმროს ტიპის. იმუშავებს სამი ძირითადი მიმართულებით. ეს არის ალცჰაიმერი, დემენცია და სხვადასხვა ნევროლოგიური დაავადების მქონე ადამიანებზე ზრუნვა და მათი სრულფასოვანი მოვლა. მეორე არის ხანგრძლივი და სრულყოფილი საექთნო მოვლა. მესამე არის ხანდაზმულები, რომლებსაც სურთ გარკვეული დროის გატარება ჩვენთან. ერთი კვირა, სამი თვე, რამდენი დღეს სურთ. ვისაც მოვლა სჭირდება, მათ შევთავაზებთ სრულფასოვან სერვისს და რაც ყველაზე მთავარია, ისინი ინტეგრირებული იქნებიან თავისი ასაკის და ინტერესების ადამიანებთან. არ იქნებიან მარტო, მოწყენილები. პერსონალი არის კვალიფიციური ექთნებითა და მზრუნველებით დაკომპლექტებული, რომელთა უმეტესობაც საზღვარგარეთ არის გადამზადებული. გვეყოლება ექიმი და ფსიქოლოგი. მაქსიმალურად მაღალი ხარისხის ზრუნვას და მოვლას შევთავაზებთ ადამიანებს.’’- აცხადებს ნინო კიკნაძე.
„ლელიანი“ 50 ბენეფიციარზეა გათვლილი. მოვლასთან ერთად ოჯახური ტიპის სახლი მცხოვრებლებს მრავალფეროვან კულტურულ და სოციალურ აქტივობებს სთავაზობს. ინტელექტუალური შეხვედრები, კითხვის საღამოები, კულინარიისა და ცეკვის კლასები და სხვა. ,,ლელიანის’’ დირექტორი ნინო კიკნაძე აცხადებს, რომ სერვისის მიმართ ინტერესი უკვე არის და ისინი მომავალში მეორე ფილიალის გახსნას გეგმავენ.
მსოფლიო
სხვადასხვა
1729581605
Patek Philippe-მა, 25 წლის განმავლობაში პირველად, საათების ახალი კოლექცია წარადგინაშვეიცარიულმა საათების მწარმოებელმა Patek Philippe-მა მეოთხედი საუკუნის განმავლობაში პირველად წარმოადგინა ახალი კოლექცია, იუწყება CNBC.კოლექციას ჰქვია Cubitus და შედგება სამი მოდელისგან, ორი დამზადებულია ფოლადისგან, ერთი პლატინისგან.პლატინის მოდელს გაფართოებული ფუნქციონალი აქვს, მათ შორის ცალკე ციფერბლატები კვირის დღეების და მთვარის ფაზის საჩვენებლად. საათს მოჰყვება ორი სახის სამაჯური - ფოლადის და ფოლადის ვარდისფერი ოქროთი.interfax
1729515806
„მაგთიკომმა“ 5G-ის დასანერგად დამატებითი ლიცენზიები 77 125 735 ლარად მოიპოვაკომუნიკაციების კომისიამ 5G-ის დასანერგად მეორედ ჩატარებულ აუქციონში „მაგთიკომი“ ცალკემდგომი ლოტების გამარჯვებულად გამოაცხადა და მას შესაბამისი სიხშირული რესურსით სარგებლობის ლიცენზიები მიანიჭა. კერძოდ, აუქციონის ფარგლებში, „მაგთიკომს“ 700, 800 და 3410-3710 მჰც სიხშირული დიაპაზონით სარგებლობის ლიცენზია 15 წლის ვადით მიენიჭა. ლოტების საფასურმა სულ 77 125 735 ლარი შეადგინა, რომლის 30% ოპერატორმა სახელმწიფო ბიუჯეტში უკვე გადაიხადა, ხოლო დარჩენილი 70% კი ლიცენზიის გაცემიდან ერთი წლის განმავლობაში უნდა დაფაროს - ამის შესახებ ინფორმაციას კომუნიკაციების კომისია ავრცელებს.აუქციონის ფარგლებში „მაგთიკომი“ ასევე N1 კომბინირებული ლოტის გამარჯვებულად გამოცხადდა და შესაბამისი სიხშირული რესურსით სარგებლობის ლიცენზიაც მოიპოვა. გარდა ამისა, კომპანიას განაცხადი შემოტანილი აქვს ცალკემდგომ ლოტებზე 2600 მჰც დიაპაზონში, რომელთა აუქციონიც 22 ოქტომბერს გაიმართება. სიხშირეების მოპოვებასთან ერთად, ოპერატორი ვალდებული იქნება მომდევნო 7 წლის განმავლობაში 5G ქსელით ეტაპობრივად დაფაროს საქართველოს მჭიდროდ დასახლებული პუნქტები, ტურისტული ზონები, პორტები, აეროპორტები, რკინიგზა და ძირითადი საავტომობილო გზები. ამასთან, 5G ქსელების აგებისას, კომპანიამ უნდა იხელმძღვანელოს ევროკავშირის მიერ განსაზღვრული ტექნიკური ნორმებით, რაც ქსელის მაღალ ხარისხსა და უსაფრთხოებას უზრუნველყოფს.საგულისხმოა, რომ მიმდინარე აუქციონზე მობილური ვირტუალური ქსელის ოპერატორის (MVNO) დაშვების სავალდებულო მოთხოვნა არ არსებობდა, თუმცა, იმ შემთხვევაში, თუ კომპანია ლოტს MVNO-ს ვალდებულებით აირჩევდა, საწყის საფასურზე 20%-იანი ფასდაკლება იმოქმედებდა. „მაგთიკომმა“ ლოტები MVNO-ს სავალდებულო დაშვების გარეშე შეიძინა.შეგახსენებთ, რომ გასულ წელს გამოცხადებულ 5G აუქციონში მონაწილეობა მხოლოდ „სელფი მობაილმა“ მიიღო, რომლის ფარგლებშიც MVNO-ს დაშვების ვალდებულებასთან ერთად მოიპოვა ლიცენზია მეხუთე თაობის ტექნოლოგიის დასანერგად. დღეისთვის, „სელფი მობაილს“ 5G ზუგდიდში, ბაკურიანში, გუდაურში, ბათუმში, ქობულეთში, შეკვეთილში, გონიოსა და კვარიათში უკვე დანერგილი აქვს და ამ პროცესს კვლავ აქტიურად აგრძელებს. გამომდინარე იქიდან, რომ ComCom-ისთვის ახალი თაობის ტექნოლოგიების დანერგვა კრიტიკულად მნიშვნელოვანია, კომისიამ გაითვალისწინა ოპერატორების მომართვა და პირველი აუქციონიდან ერთი წლის შემდეგ, კომპანიებს მეორედ მისცა შესაძლებლობა მიიღონ მონაწილეობა აუქციონში, დანერგონ მე-5 თაობის ტექნოლოგია და მომხმარებელს მაღალი ხარისხის მომსახურება შესთავაზონ.5G - ეს არის უსადენო ახალი თაობის ინტერნეტ ტექნოლოგია, რომელიც უკვე არსებულ ტექნოლოგიებთან შედარებით, მნიშვნელოვნად გაზრდის მობილური ინტერნეტის სიჩქარეს, შეამცირებს დაყოვნებას და საკომუნიკაციო სექტორთან ერთად, სრულიად ახალ საფეხურზე გადაიყვანს ისეთ უმნიშვნელოვანეს დარგებს, როგორიცაა: ჯანდაცვა, განათლება, ბიზნესი, სოფლის მეურნეობა, ინფრასტრუქტურა და სხვა. რაც, თავის მხრივ, ქვეყნის ეკონომიკას გააძლიერებს.
1729509141
ქალაქები, სადაც გარეუბნებში ბინა ყველაზე ძვირი/იაფია - რომელ ადგილზეა თბილისი და ბათუმიNUMBEO-მ 269 ქალაქის გარეუბნებში საცხოვრებელი ბინების ფასების შესახებ სტატისტიკა განაახლა. რეიტინგში მოხვდა თბილისი და ბათუმიც. მონაცემების თანახმად, თბილისის გარეუბნებში 1 კვ.მ. ბინის ფასი საშუალოდ 1057 დოლარს შეადგენს, რითაც რეიტინგში 227-ე ადგილს იკავებს.რაც შეეხება ბათუმს, აქ საცხოვრებელი ბინების ფასი კვ.მ-ზე 886 დოლარს აჭარბებს, რითაც 269 ქვეყანას შორის 243-ე ადგილზეა.მონაცემების მიხედვით, რეგიონში ყველაზე ძვირი საცხოვრებელი ბინა მოსკოვშია. ამ შემთხვევაში 1 კვ.მ-ის ფასი საშუალოდ 3268 დოლარს უტოლდება, რითაც 99-ე ადგილზეა. ბინების სიძვირით მეორე ადგილზეა სტამბული, სადაც საშუალო ფასი 1712 დოლარს შეადგენს (169-ე ადგილი), მას კი მოსდევს ერევანი 1639 დოლარით (171-ე ადგილი).237-ე ადგილი ბაქომ დაიკავა. მონაცემების თანახმად, გარეუბნებში საცხოვრებელი ბინების საშუალო ფასი 980 დოლარს აღწევს.მონაცემები აჩვენებს, რომ რეგიონის დედაქალაქებს შორის გარეუბნებში ბინები ყველაზე იაფი ბაქოშია.რაც შეეხება იმ ქალაქებს, სადაც გარეუბნებში 1 კვ.მ. საცხოვრებელი ბინის ფასი ყველაზე ძვირია, ასე გამოიყურება: ჰონგ-კონგი (ჩინეთი) – 17 520 დოლარი; ციურიხი (შვეიცარია) – 17 484 დოლარი; ჟენევა (შვეიცარია) – 16 540 დოლარი; სინგაპური (სინგაპური) - 14 077 დოლარი; ნიუ-იორკი (აშშ) – 12 897 დოლარი. Top 5 ქალაქი, სადაც გარეუბნებში 1 კვ.მ. საცხოვრებელი ბინის ფასი ყველაზე იაფია, ასეთია: ალექსანდრია (ეგვიპტე) – 271 დოლარი; კარაჩი (პაკისტანი) – 337 დოლარი; კაირო (ეგვიპტე) – 402 დოლარი; ტრიპოლი (ლიბია) – 405 დოლარი; ისლამაბადი (პაკისტანი) – 487 დოლარი.
1729503393
10 ყველაზე ძვირად ღირებული ავტომობილი მსოფლიოში - ფასი 4-დან 30 მილიონ დოლარამდე მერყეობს (ფოტოები)მსოფლიოში ყველაზე ძვირად ღირებული ავტომობილი Rolls-Royce-ის Boat Tail-ია. Autostartransport-ის რეიტინგის თანახმად, მისი ღირებულება 30 მლნ დოლარს შეადგენს. Boat Tail წარმოადგენს 1910-იანი წლების Rolls-Royce Ltd-ის Boat Tail-ის განახლებულ მოდელს. ინსპირაციის წყარო კი 1920-იანი და 1930-იანი წლების იახტები გახდა. Boat Tail განახლებული მოდელი 2021 წელს გამოვიდა. ის 1.8 ათასზე მეტი შეკვეთილი ნაწილისგანაა დამზადებული. ჯამში წარმოებულია 3 მოდელი. ავტომობილის უკანა ნაწილი არის სენსორული და იხსნება პეპლის ფრთების მსგავსად. აღნიშნულ ადგილას, რომელსაც გემბანს უწოდებენ, განთავსებულია ქოლგა, მცირე ზომის მაგიდა, სკამები, ალკოჰოლური სასმელები, მაცივარი, ჭურჭლის სრული კომპლექტი და ა.შ.ყველაზე ძვირად ღირებული ავტომობილების ათეულში მეორე ადგილს 2019 წელს წარმოებული Buggati La Voiture Noire იკავებს, რომელიც საკულტო Type 57 SC Atlantic-ის თანამედროვე ინტერპრეტაციას წარმოადგენს. ავტომობილის დამზადებისთვის გამოიყენება ძირითადად შეკვეთილი ნაწილები და შეზღუდული რაოდენობით, ერთი მოდელი იწარმოვა, რაც მას მსოფლიოში ერთ-ერთ ყველაზე მოთხოვნად და ძვირად ღირებულ ავტომობილად აქცევს. მისი ღირებულება 19 მილიონ დოლარს შეადგენს.ძვირად ღირებულ ავტომობილებს შორის მესამე ადგილს იკავებს 2017 წელს გამოშვებული Pagani Zonda HP Barchetta, რომელიც მსოფლიოში სულ სამი ეგზემპლარია. აქედან ერთ-ერთს Pagani Automobili S.p.A-ის დამფუძნებელი, ჰორაციო პაგანი თავად ფლობს. აღსანიშნავია ისიც, რომ ერთი მოდელი 2022 წელს ხორვატიაში Supercar Circle-ის Owners ღონისძიებაზე მონაწილეობდა და დაიმტვრა, მისი შეკეთება კი მიმდინარე წლის მაისში დასრულდა. ავტომობილის ღირებულება 17.5 მილიონ დოლარს აღწევს.რეიტინგში Rolls-Royce-ის კიდევ ერთი ავტომობილი Sweptail-იც მოხვდა. მოდელი ამ შემთხვევაში შთაგონებულია მე-20 საუკუნის დასაწყისის იახტებით. ავტომობილის წარდგენა 2017 წელს განხორციელდა და იმ დროისთვის მსოფლიოში ყველაზე ძვირად ღირებული ავტომობილის სტატუსი მოიპოვა, 2019 წელს კი მას Bugatti La Voiture Noire-მ გადაუსწრო. სულ წარმოებულია ერთი მოდელი, ღირებულება ამჟამად 13 მილიონ დოლარს შეადგენს.მეხუთე ადგილი ერგო 2019 წელს Bugatti-ს 110-ე საიუბილეო წლისთავისთვის შექმნილ Centodieci-ს. მისი ღირებულება 9 მილიონ დოლარს უტოლდება. მსოფლიოში სულ 10 მოდელია წარმოებული. Centodieci დიზაინს იღებს Bugatti-ს EB110 მოდელიდან. Centodieci-ის იშვიათი დიზაინი, ექსკლუზიური წარმოება და მცირე რაოდენობა განაპირობებს მის მაღალ ფასს.2005 წელს გამოშვებულ Maybach Exelero-ს ერგო რეიტინგში მეექვსე ადგილი. მისი ღირებულება 8 მილიონ დოლარს შეადგენს. ავტომობილს გააჩნია გამორჩეული დიზაინი და მდიდრული ინტერიერი. ამასთანავე, ესაა ლიმუზინების დიზაინით შთაგონებული ავტომობილი, რომელიც აერთიანებს სპორტული ავტომობილების ელემენტებს. სულ Maybach Exelero-ს ერთი მოდელია წარმოებული.მეშვიდე ადგილი ერგო 2018 წელს გამოშვებულმა Bugatti Divo-მ. ეს მოდელი უნიკალურია მისი აეროდინამიკური დიზაინით და ძლიერი W16 ძრავით. მსოფლიოში სულ Divo-ს 40 ერთეულია, რაც მის ექსკლუზიურ დიზაინთან და შესაძლებლობებთან ერთად, მისი ღირებულების განმაპირობებელი ერთ-ერთი ფაქტორია. ფასი ამჟამად 5.9 მილიონ დოლარს შეადგენს.2010 წელს შევიდა ექსპლუატაციაში Koenigsegg CCXR Trevit, რომელიც რეიტინგში მერვე ადგილს იკავებს. ასეთი ავტომობილი სულ მსოფლიოში 2 ერთეულია, რაც განპირობებულია მისი ექსკლუზიურად დამზადებული ნაწილების მცირე რაოდენობით. მოდელის ღირებულება 4.8 მილიონ დოლარს უტოლდება.რეიტინგში მე-9 ადგილი ერგო Lamborghini Veneno Roadster-ს, რომელიც ასევე შეზღუდული გამოშვების ავტომობილია. მოდელის წარდგენა 2014 წელს Lamborghini-ს 50 წლის იუბილეს აღსანიშნავად შეიქმნა. კომპანიამ სულ Veneno Roadster-ს 9 ერთეული გამოუშვა, რაც მას ერთ-ერთ უიშვიათეს მოდელად აქცევს. ღირებულება 4.5 მილიონ დოლარს შეადგენს.ყველაზე ძვირადღირებული ავტომობილების ათეულს ხურავს Pagani Huayra BC, რომელიც Pagani-ს საინჟინრო ოსტატობის მწვერვალად მიიჩნევა. Huayra BC 2016 წელს წარადგინეს და დებიუტიდან მალევე, წარმოების დაწყებამდე წინასწარ გაიყიდა 20-ვე ერთეული. ჯამში აღნიშნული მოდელის 20 ერთეულია წარმოებული. ღირებულება ამ შემთხვევაში 4 მილიონ დოლარს შეადგენს.
1729503078
ამერიკელები წლევანდელ ჰელოუინზე 3-5%-ით მეტ ფულს დახარჯავენამერიკელები წლევანდელ ჰელოუინზე, ანუ 31 ოქტომბრისთვის კანფეტებსა და შოკოლადში, გასულ წელთან შედარებით, 3-5%-ით მეტს დახარჯავენ.ამის შესახებ აშშ-ის კონდიტერთა ეროვნული ასოციაცია (NCA) პროგნოზირებს, რასაც MarketWatch ავრცელებს.ჰელოუინის ტრადიციის თანახმად, ტკბილეულს ურიგებენ ბავშვებს, რომლებიც დღესასწაულის დროს კარზე აკაკუნებენ და გამასპინძლებას ითხოვენ.2023 წლის 31 ოქტომბრისთვის კანფეტ-შოკოლადის მთლიანმა ხარჯმა 6,4 მლრდ დოლარი შეადგინა.წელს ტკბილეულის შეძენას იმ ამერიკელების 95% გეგმავს, რომელიც ამ დღესასწაულს აღნიშნავს.NCA-ს მონაცემებით, ზოგადად, კანფეტები და შოკოლადი აშშ-ში ყველაზე პოპულარულია, ხოლო საკონდიტრო ნაწარმის კატეგორიის მთლიანმა გაყიდვებმა 2023 წელს 48 მლრდ დოლარს მიაღწია.NCA ზრდის ტენდენციას პროგნოზირებს და 2028 წლისთვის საკონდიტრო ნაწარმის მთლიან კატეგორიაში 61 მლრდ დოლარის გაყიდვებს მოელის.ცნობისთვის: აშშ-ის საცალო ვაჭრობის ეროვნული ფედერაციის (NRF) მიერ სექტემბერში გამოქვეყნებული ყოველწლიური კვლევის თანახმად, წლევანდელ ჰელოუინზე ერთი ადამიანი ტკბილეულზე, საშუალოდ, 31,69 დოლარს დახარჯავს.
