1770618436
ირაკლი კობახიძე: ერთ ქალაქში გვაქვს სამი მულტიფუნქციური უნივერსიტეტი, რის საშუალებასაც არ აძლევს საკუთარ თავს, მაგალითად, გერმანია
განათლების სისტემის რეფორმა არის აუცილებელი იმისათვის, რომ ჩვენ მოვახერხოთ გარდამტეხი ცვლილებების შეტანა ჩვენი ქვეყნის განვითარებაში, მათ შორის, ეკონომიკურ განვითარებაში, - ამის შესახებ საქართველოს პრემიერ-მინისტრმა ირაკლი კობახიძემ განაცხადა.
მისივე თქმით, თანამედროვე საზოგადოებაში, პირველი, რაზეც ეკონომიკა დგას, განათლებაა.
„ჩვენ რომ გვქონოდა უკეთესი ვითარება განათლების სისტემაში, ის ეკონომიკური ზრდა, რომელიც ისედაც მაღალია, საშუალო ზრდა ბოლო წლების განმავლობაში გვაქვს 9.3 %, რა თქმა უნდა, ბევრად უფრო მაღალი იქნებოდა. ეკონომიკური კუთხით, სოციალური განვითარების თვალსაზრისით, ყველა მიმართულებით მნიშვნელოვანია, რომ ჩვენ გვქონდეს ჯანსაღი განათლების სისტემა. ვითარება არის საკმაოდ არასახარბიელო ამ თვალსაზრისით, რაზეც საყოველთაო კონსენსუსი იყო საზოგადოებაში. ჩვენი ოპონენტები ჩვენ გვსაყვედურობდნენ, რომ არ იყო საქართველოში უზრუნველყოფილი უმაღლესი განათლების სათანადო ხარისხი, ამბობდნენ, რომ ამის გამო ახალგაზრდები გადიოდნენ ქვეყნიდან, საზღვარგარეთ განათლების მისაღებად. გახსოვთ, როცა ჩვენ დავაანონსეთ ინიციატივა სასკოლო განათლების 12-დან 11-კლასამდე შემცირების თაობაზე, მთავარი პრეტენზია იყო, რომ ბავშვებს აღარ ექნებოდათ ევროპაში სწავლის გაგრძელების შესაძლებლობა. იმაზე არავინ საუბრობდა, რომ საკუთარ ქვეყანაში უნდა ჰქონდეს პირველ რიგში ბავშვს და ახალგაზრდას სათანადო განათლების მიღების შესაძლებლობა. საყოველთაოდ აღიარებული იყო ის ფაქტი, რომ საქართველოში უმაღლესი განათლების ხარისხი არის, რბილად რომ ვთქვათ, დაბალი. მარტივად შემიძლია, შევადარო საქართველო და გერმანია, ჩვენი საუკეთესო უნივერსიტეტი და გერმანიაში საშუალო უნივერსიტეტი, აქაც კი ხუთმაგი, ათმაგი არის სხვაობა, ხარისხს თუ შევხედავთ. ამიტომ, ჩვენ გვჭირდება გარდამტეხი ცვლილებები განათლების სისტემაში. სტატისტიკას რომ შევხედოთ, 64 უნივერსიტეტია საქართველოში, ასეთ პატარა ქვეყანაში. საქართველოში არის იმაზე მეტი უნივერსიტეტი, ვიდრე ნიდერლანდებში, ავსტრიაში, ჩვენი ზომის და ჩვენზე უფრო დიდ ქვეყნებში. ეს სტატისტიკაც, თავისთავად, მეტყველებს იმაზე, რომ სისტემა არაჯანსაღად არის ჩამოყალიბებული. გვჭირდება ცვლილებების განხორციელება",- აღნიშნა მთავრობის მეთაურმა.
მისივე თქმით, განათლების სისტემის რეფორმას სასიცოცხლო მნიშვნელობა აქვს ქვეყნის სწორი განვითარებისთვის და ხელისუფლება მას ბოლომდე მიიყვანს.
„რომ ავიღოთ თბილისი და თსუ-ს და ტექნიკური უნივერსიტეტის თემა, ამას ემატება კიდევ მესამე უნივერსიტეტი. საქართველოს დედაქალაქში ჩვენ გვაქვს 3 მულტიფუნქციური უნივერსიტეტი. საქართველოს ტექნიკური უნივერსიტეტი არ არის დარგობრივი უნივერსიტეტი, ესეც არის ჩამოყალიბებული ბოლო 35 წლის განმავლობაში, როგორც მულტიფუნქციური უნივერსიტეტი. ერთ მარტივ მაჩვენებელს მოვიყვან - ტექნიკური უნივერსიტეტის სტუდენტების დაახლოებით 60% გადის არატექნიკურ კურსებს ტექნიკურ უნივერსიტეტში. ესენია არატექნიკური დისციპლინები, შესაბამისად, ტექნიკური უნივერსიტეტი ჩამოყალიბდა დაახლოებით ისეთ უნივერსიტეტად, როგორიცაა თსუ, როგორიცაა ილიას უნივერსიტეტი და ერთ ქალაქში გვაქვს 3 მულტიფუნქციური უნივერსიტეტი, რის საშუალებასაც არ აძლევს საკუთარ თავს, მაგალითად, გერმანია. ერთადერთი პრეცედენტია ბერლინი, ისტორიული კონტექსტის გათვალისწინებით, სადაც არის ორი უნივერსიტეტი. ყველა სხვა ქალაქში, მათ შორის, მილიონიან ქალაქებში არის თითო უნივერსიტეტი და საქართველოში, სადაც არის სერიოზული პრობლემები, სერიოზული დეფიციტი, მათ შორის, ადამიანური რესურსების თვალსაზრისით, როგორ შეიძლება, ერთ ქალაქში გქონდეს, მაგალითად, სამი იურიდიული ფაკულტეტის შენარჩუნების ფუფუნება. ეს, თავისთავად, მეტყველებს იმაზე, რომ ის მწირი რესურსიც კი, რაც გვაქვს, სრულიად ირაციონალურად გამოიყენება. აქედან გამომდინარე, ჩვენ არგუმენტებით ვსაუბრობთ იმაზე, თუ რა უნდა შეიცვალოს, რა უნდა გაკეთდეს და ოპონენტები საუბრობენ ყოველგვარი არგუმენტების გარეშე. თან, რეალურად, თავის დროზე აღიარებული აქვთ, რომ სერიოზული, უმძიმესი პრობლემებია განათლების სისტემაში და როგორც კი შევეხეთ, ერთხელ ნახევრად ხუმრობითაც კი ვთქვი, რომ უცბად თსუ გამოაცხადეს ჰარვარდად, ტექნიკური უნივერსიტეტი გამოაცხადეს კემბრიჯად, ილიას უნივერსიტეტი კი ოქსფორდად, როცა მანამდე ყველა აღიარებდა, რომ არსად არ იყო უზრუნველყოფილი განათლების სათანადო ხარისხი. ეს მეტყველებს იმაზე, რომ არავითარი არგუმენტები არ არსებობს, მოსაწესრიგებელია თავიდან ბოლომდე სისტემა. ჩვენ გვაქვს ერთი მარტივი ამოცანა, დღეს ქართველი სტუდენტი ვერ იღებს სათანადო ხარისხის განათლებას უნივერსიტეტში და ჩვენ ვფიქრობთ, რომ აქ არის გარდამტეხი ცვლილებები საჭირო, არა კოსმეტიკური, არამედ რეალური ცვლილებები. თუ ვინმეს აქვს განსხვავებული აზრი რეფორმის შინაარსთან დაკავშირებით, უნდა გამოვიდეს საკუთარი არგუმენტებით და არა უარგუმენტო კრიტიკით იმაზე, თუ რას აკეთებს ხელისუფლება. გამომდინარე იქიდან, რომ სასიცოცხლო მნიშვნელობა აქვს ამ რეფორმას ჩვენი ქვეყნის სწორი განვითარებისთვის, ჩვენი ახალგაზრდების განვითარებისთვის, რა თქმა უნდა, ეს რეფორმა ბოლომდეა მისაყვანი და ამ რეფორმას ბოლომდე მივიყვანთ",- აღნიშნა პრემიერმა.
მსოფლიო
სხვადასხვა
1770615600
9 თებერვლის ამინდის პროგნოზი ქალაქების მიხედვით9 თებერვალს საქართველოში შედარებით გრილი, თუმცა უმეტესად სტაბილური ამინდი იქნება.ყველაზე მაღალი მაჩვენებელი +11 გრადუსი ფოთსა და ბათუმში დაფიქსირდება, ხოლო ყველაზე დაბალი ტემპერატურა -2 გრადუსი გუდაურში იქნება.რაც შეეხება ამინდს ქალაქების მიხედვით, პროგნოზი ასეთია:სოხუმი +11 გრადუსი,ზუგდიდი +9 გრადუსი,მესტია +2 გრადუსი,ფოთი +11 გრადუსი,ბათუმი +10 გრადუსი,ოზურგეთი +9 გრადუსი,ქუთაისი +10 გრადუსი,ბორჯომი +5 გრადუსი,ბაკურიანი +1 გრადუსი,ცხინვალი +5 გრადუსი,გორი +6 გრადუსი,გუდაური -2 გრადუსი,თელავი +11 გრადუსი,რუსთავი +11 გრადუსი,თბილისი +11 გრადუსი.
1769432837
ამერიკის საელჩო: „თუ შეერთებულ შტატებში ნებადართულ დროზე დიდი ხნით დარჩებით, შესაძლოა სამუდამოდ აგეკრძალოთ აშშ-ში მოგზაურობა“ - „გულწრფელი შეცდომა“ არ არსებობსსაქართველოში ამერიკის შეერთებული შტატების საელჩო მოქალაქეებისთვის ინფორმაციას ავრცელებს. „თუ შეერთებულ შტატებში ნებადართულ დროზე დიდი ხნით დარჩებით, შესაძლოა სამუდამოდ აგეკრძალოთ აშშ-ში მოგზაურობა.საკონსულო ოფიცრებს აქვთ სრული წვდომა თქვენს საიმიგრაციო ისტორიაზე და შეიტყობენ წარსული დარღვევების შესახებ. "გულწრფელი შეცდომა" არ არსებობს - ვიზის სწორად გამოყენება თქვენი პასუხისმგებლობაა." - წერს ამერიკის საელჩო "ფეისბუკში".
1769406517
26 იანვარი: როგორი ამინდია მოსალოდნელი საქართველოში?26 იანვარს ქუთაისში უნალექო ამინდს ელოდებიან, დღისით +17 და ღამით +7 გრადუსია მოსალოდნელი.ნალექს არც ოზურგეთში ელოდებიან, დღისით +16 გრადუსი დაფიქსირდება, ღამით კი +8 გრადუსი იქნება. ბათუმში დღისით ჰაერი +16 გრადუსამდე გათბება, ხოლო ღამით +9 გრადუსი დაფიქსირდება.უნალექო ამინდია ფოთშიც. დღისით +16 გრადუსი დაფიქსირდება, ღამით კი +9 გრადუსია მოსალოდნელი. ნალექი არც ზუგდიდში იქნება, დღისით ტემპერატურა +16, ღამით კი +6 გრადუსია ნავარაუდევი.სოხუმშიც მზიანი ამინდია. +19 გრადუსია მოსალოდნელი დღისით, ღამით +8 გრადუსი დაფიქსირდება.მესტიაშიც უნალექო დღეა მოსალოდნელი, დღისით +2 გრადუსი იქნება, ღამით კი -7 გრადუსი დაფიქსირდება. ამბროლაურშიც უნალექო ამინდია, ჰაერი +11 გრადუსამდე გათბება, ღამით კი -2 გრადუსი დაფიქსირდება.ასეთივე ამინდია ჭიათურაში, დღისით +11 გრადუსი, ღამით კი 1 გრადუსი დაფიქსირდება. ახალციხეში დღისით +9 გრადუსი, ღამით კი -4 გრადუსი იქნება.ახალქალაქში მზიანი დღეა მოსალოდნელი, დღისით +8, ღამით -3 დაფიქსირდება.ბორჯომშიც უნალექო დღეა, +9 იქნება დღისით, ღამით კი -1 გრადუსი დაფიქსირდება. თოვლია მოსალოდნელი ბაკურიანში, დღისით 4 გრადუსია მოსალოდნელი, ღამით -7 გრადუსი დაფიქსირდება.უნალექო დღეს ელოდებიან გორში, დღისით +9 გრადუსი, ღამის განმავლობაში კი -3 გრადუსი დაფიქსირდება. ცხინვალში ჰაერის ტემპერატურა 9 გრადუსი იქნება, ღამით კი -3 გრადუსი დაფიქსირდება.გუდაურში უნალექო ამინდია მოსალოდნელი, დღის განმავლობაში -1 გრადუსი დაფიქსირდება, ღამით კი ჰაერის ტემპერატურა -10 გრადუსი იქნება. ომალოშიც მზიანი ამინდია, 0, ღამით კი -10 გრადუსი დაფიქსირდება.ლაგოდეხში უნალექო დღეს ელოდებიან. ჰაერის ტემპერატურა დღის განმავლობაში +8 გრადუსი იქნება, ღამით კი 1 გრადუსი დაფიქსირდება. უნალექო დღე იქნება თელავში, +7 გრადუსი დაფიქსირდება, ღამით კი -1 გრადუსია ნავარაუდევი.ნალექი არც გურჯაანში იქნება. დღისით +7 გრადუსი, ღამით კი -1 გრადუსი დაფიქსირდება. სიღნაღში უნალექო დღეა მოსალოდნელი, დღისით 9 გრადუსია მოსალოდნელი, ღამით -1 გრადუსი დაფიქსირდება.რუსთავშიც მზიანი დღეა მოსალოდნელი, დღისით +9 გრადუსია მოსალოდნელი, ღამით კი -1 გრადუსი დაფიქსირდება.თბილისშიც მზიან დღეს ელოდებიან. ჰაერის ტემპერატურა დღისით +9 გრადუსს მიაღწევს, ღამით კი -1 გრადუსი იქნება.
1769237726
მოსალოდნელია წვიმა - უახლოესი დღეების ამინდის პროგნოზიგარემოს ეროვნული სააგენტო 24-26 იანვარს საქართველოში მოსალოდნელი ამინდის შესახებ ინფორმაციას ავრცელებს.სააგენტოს ცნობით, 24-25 იანვარს საქართველოს ცალკეულ რაიონში მოსალოდნელია ნალექიანი ამინდი, ხოლო 26 იანვარს უმეტესად უნალექო ამინდი იქნება.ქ. თბილისში უმეტესად უნალექოდ. ჰაერის ტემპერატურა ღამით -2, 0, დღისით +7, +9 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): 24 - 25 იანვარს მოსალოდნელია წვიმა, ხოლო 26 იანვარს უნალექო ამინდი იქნება. ჰაერის ტემპერატურა ღამით +6, +8, დღისით +14 +16 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 24 - 25 იანვარს მოსალოდნელია წვიმა, ხოლო 26 იანვარს უნალექო ამინდი იქნება. ჰაერის ტემპერატურა ღამით +4, +6, დღისით +13, +15 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 24 - 25 იანვარს მოსალოდნელია ნალექი, ხოლო 26 იანვარს უნალექო ამინდი იქნება. ჰაერის ტემპერატურა ღამით -2, +2, დღისით +10, +12 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): 24 - 25 იანვარს მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -4, -6, დღისით +5, +7 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): 24 - 25 იანვარს ზოგან მოსალოდნელია ნალექი, უმეტესად თოვლის სახით, ხოლო 26 იანვარს უნალექო ამინდი იქნება. ჰაერის ტემპერატურა ღამით -4 -6, დღისით +7, +9 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 24 - 25 იანვარს ზოგან მოსალოდნელია ნალექი, უმეტესად თოვლის სახით, ხოლო 26 იანვარს უნალექო ამინდი იქნება. ჰაერის ტემპერატურა ღამით -3, -5, დღისით +8, +10 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 24 - 25 იანვარს ზოგან მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -5 -7, დღისით +4, +6 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 24 - 25 იანვარს ზოგან მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -8, -10, დღისით -2, +2 გრადუსი დაფიქსირდება.
1769060566
როგორი ამინდია მოსალოდნელი საქართველოში?სინოპტიკოსების ინფორმაციით, დღეს საქართველოს მასშტაბით უნალექო ამინდია მოსალოდნელი.ჰაერის მაქსიმალური ტემპერატურა რამდენიმე გრადუსით მოიმატებს,შემცირდება ყინვებიც. თუმცა მომდევნო დღეებში ზოგიერთ რაიონში კვლავ შენარჩუნდება ნალექი, თოვლის სახით. სინოპტიკოსთა თქმით, ცივი ამინდები 24 იანვრამდე გაგრძელდება.„რაც შეეხება შემდეგ დღეებს - 23 იანვრიდან დასავლეთ საქართველოს ზოგიერთ რაიონში, დაბლობში მოსალოდნელია ნალექი წვიმის სახით, მთიან და მაღალმთიან რაიონებში თოვლი, ასევე აღმოსავლეთ საქართველოს დასავლეთ რაიონებში არის მოსალოდნელი ნალექი. თბილისში დღეს უნალექო ამინდია მოსალოდნელი და ჰაერის ტემპერატურა გუშინდელთან შედარებით ორი გრადუსით მოიმატებს", - განაცხადა გარემოს ეროვნული სააგენტოს მოკლევადიანი პროგნოზების განყოფილების უფროსმა დოდო გვაზავამ.
