1770618436
„ვკარგავთ ბაზალეთს, როგორც საკურორტო ზონას - ბევრი ჭაობი, რომელიც ფილტრი იყო მტკნარი წყლის, გავაქრეთ“ - ნინო ჩხობაძე
საქართველო, მსოფლიოს ანალოგიურად ჭაობების და ტბების გაქრობის საფრთხის წინაშეა. როგორც „ბიზნესპრესნიუსთან“ საუბრისას „საქართველოს მწვანეთა მოძრაობა/დედამიწის მეგობრების“ თავმჯდომარე ნინო ჩხობაძე აღნიშნავს, წლების განმავლობაში ქვეყანაში გავაქრეთ ბევრი ჭაობი, რომელიც მტკნარი წყლის ფილტრი იყო.
მსოფლიოს დაჭაობებული ადგილების შესახებ რამსარის კონვენციის ბოლო ანგარიშის მიხედვით, 1970 წლიდან მოყოლებული გლობალური ჭაობების, მინიმუმ, 22% არის დაკარგული.
დანაკარგის ძირითადი მიზეზები სოფლის მეურნეობის გაფართოება, უკონტროლო ურბანიზაცია, სამრეწველო საქმიანობა, კაშხლების, გზების მშენებლობა და კლიმატის ცვლილებაა. ანგარიშის თანახმად, წელიწადში ჭაობები, საშუალოდ, 0.52%-ით იკარგება. თუ ეს ტენდენცია გაგრძელდა, 2050 წლისთვის შესაძლოა, მსოფლიო ჭაობების კიდევ 20% გაქრეს.
ჭაობების გაქრობის საფრთხის წინაშეა საქართველოც. როგორც „ბიზნესპრესნიუსთან“ საუბრისას „საქართველოს მწვანეთა მოძრაობა/დედამიწის მეგობრების“ თავმჯდომარე ნინო ჩხობაძე აღნიშნავს, ჭაობის მნიშვნელობასა და სარგებელზე საქართველოში ბევრმა არ იცის. არადა, მისი თქმით, სწორედ კოლხეთის ჭაობების დამსახურებაა ის, რომ შავ ზღვაში, მხოლოდ საქართველოს სანაპიროზე მოიპოვება თევზი.
„საქართველოში ბევრმა არ იცის ჭაობის მნიშვნელობა და სარგებელი, არადა, მაგალითად, კოლხეთის ჭაობები გარანტიას აძლევენ შავ ზღვას, რომ ის იყოს სუფთა, ამიტომ შედეგი გვაქვს ძალიან საინტერესო - კოლხეთის ჭაობების სისტემა იცავს და აჯანსაღებს შავ ზღვას, მხოლოდ საქართველოს სანაპიროზე მოიპოვება თევზი. ამიტომ შემოდის თურქეთის, უკრაინის გემები ჩვენთან. ის გარკვეული ფილტრია - ის ინარჩუნებს ტბას, წყალს, აძლევს საშუალებას ეკოსისტემას ამოქმედებისთვის.
მეორე მომენტია მტკნარი წყლის ჩამოყალიბებისთვის და ყველაზე საინტერესო ამ სიტუაციაში არის ისიც, რომ როცა ჭაობი ტბის მაგივრად ჩნდება, ეს ნიშნავს, რომ სერიოზული პრობლემა აქვს ეკოსისტემას. მაგალითად, რომ მოვიყვანოთ ბაზალეთის დაჭაობება და გამწვანება არის სერიოზულზე სერიოზული სიგნალი იმისა, რომ ჩვენ მტკნარ წყალს ვკარგავთ, ანუ ვკარგავთ ბაზალეთს, როგორც საკურორტო ზონას. საკმაოდ დიდი პროცენტის მაღალმთიანი ჭაობებისთვის ეს დამახასიათებელი.
კიდევ ერთი მომენტი, რომელიც ჭაობებს ახასიათებს, ეს არის გადამფრენი ფრინველები ანუ ზუსტად ჩვენს ჭაობებზე გადის ევროპული გადამფრენი ფრინველების მიგრაციული გზა და ის ფრინველები, რომლებიც ჩამოდიან და ბინადრობენ, მათთვის ეს არის ბიომასა, რომელიც მათ სჭირდებათ“, - აღნიშნა ნინო ჩხობაძემ.
მისი თქმით, ყველაზე დიდი პრობლემა ჭაობების ხელოვნური დაშრობაა, რომელიც დასავლეთ საქართველოში ჯერ კიდევ მე-20 საუკუნიდან დაიწყო.
„რა დავაშავეთ ჩვენ ჭაობებთან მიმართებაში? ყველაზე მეტი პრობლემა არის ის, რომ ჩვენ მოვახერხეთ და მე-20 საუკუნეში დასავლეთ საქართველოში დავიწყეთ ჭაობების დაშრობა და ჩაის პლანტაციების გაშენება. გავაშენეთ პლანტაციები, მერე ვეღარ გავაგრძელეთ ჭაობების დაშრობა, დაიწყო მიწამ ლპობა, რომელმაც აღარ მოგვცა ეკონომიკურად არანაირი შედეგი და გახმა ჩაის პლანტაციები. უმძიმესი სიტუაცია ჩამოყალიბდა - დამშრალმა ჭაობებმა სერიოზული პრობლემები შექმნა, იგივე პალიასტომთან მიმართებაში. სამწუხაროდ, ჩვენ ბევრი ჭაობი, რომელიც ფილტრი იყო მტკნარი წყლის, გავაქრეთ.
ტერიტორიის ჭაობად ჩამოყალიბებას სჭირდება 300 წელი, ხოლო დაშრობას - მაქსიმუმ 5 წელი და დღეს მთელ ევროპაში და არამარტო, მიდის ტენდენცია, რომ როგორმე ხელოვნურად აღადგინონ ის ჭაობები, რომლებიც იყო. სამწუხაროდ, ჩვენ აქამდე ვერ მივდივართ“ - განაცხადა მან.
ნინო ჩხობაძემ ხაზი გაუსვა კოლხეთის ჭაობების უნიკალურობას და აღნიშნა, რომ კოლხეთი ეროვნული პარკი თავის დროზე სწორედ იმისთვის შეიქმნა, რომ კოლხეთის ჭაობი იყოს დაცული.
„ცენტრალურ ევროპაში, რუსეთის ევროპულ ნაწილს ვგულისხმობ, არის ბუნებრივი ჭაობები, ტორფები, ძალიან დიდი ენერგეტიკული პოტენციალის მატარებელი. ჩვენ ასეთი ჭაობები არ გვაქვს, მაგრამ კოლხეთის ჭაობები განსხვავებულია, იმიტომ, რომ გვხვდება მხოლოდ კოლხეთის დაბლობზე და კანადაში, ეს არის ის ჭაობები, რომლებიც პირველი გამყინვარების მერე დარჩა ანუ იმდენად უნიკალურია, რომ ის შთანთქავს დაბინძურებულ ჰაერს და აწარმოებს სუფთა ჰაერს. ანუ, ჩვენი ჭაობი უნიკალურია არამარტო წყალის სისუფთავესთან მიმართებაში, არამედ ჰაერის სისუფთავესთან მიმართებითაც. ასე რომ, მნიშვნელობა ჭარბტენიანი ტერიტორიის არის ძალიან დიდი. ჩვენ ვართ რამსარის კონვენციის მხარე, რომელიც იცავს ჭარბტენიან ტერიტორიებს და რამსარის კონვენცია, რომელიც არის უმკაცრესი და რომელიც ითხოვს ამის დაცვას და კოლხეთის ეროვნული პარკი სწორედ ამისთვის შეიქმნა, რომ დავიცვათ კოლხეთის ჭაობი“, - განაცხადა ჩხობაძემ.
მისი თქმით, დღესდღეობით მიდის ინტენსიური მუშაობა, რომ აღარ მოხდეს ჭაობების დაშრობა, არამედ პირქით, მაქსიმალურად მოხდეს არსებულის შენარჩუნება.
„ჩვენ ტბებსაც ვკარგავთ, იმიტომ, რომ იქ მიდის დაჭაობება, რაც მაინცდამაინც კარგი არ არის და ბუნებრივი ტბების დაცვა არის აუცილებელი“, - განაცხადა მან.
მსოფლიო
სხვადასხვა
1770701526
10 თებერვალი: როგორი ამინდია მოსალოდნელი საქართველოში?10 თებერვალს ქუთაისში იწვიმებს, დღისით +9 და ღამით +4 გრადუსია მოსალოდნელი.წვიმაა ოზურგეთშიც, დღისით +8 გრადუსი დაფიქსირდება, ღამით კი 4. ბათუმშიც იწვიმებს, დღისით ჰაერი +10 გრადუსამდე გათბება, ხოლო ღამით +5 გრადუსი დაფიქსირდება.ნალექიანი ამინდია ფოთშიც. დღისით +11 გრადუსი დაფიქსირდება, ღამით კი +6 გრადუსია მოსალოდნელი. იწვიმებს ზუგდიდშიც, დღისით ტემპერატურა +10, ღამით კი 3 გრადუსია ნავარაუდევი.წვიმიანი დღეა დღეა სოხუმშიც. +9 გრადუსია მოსალოდნელი დღისით, ღამით 5 გრადუსი დაფიქსირდება.მესტიაში თოვას ვარაუდობენ, დღისით 0 გრადუსი იქნება, ღამით კი -9 გრადუსი დაფიქსირდება. ამბროლაურში თოვლია მოსალოდნელი, ჰაერი +6 გრადუსამდე გათბება, ღამით კი -4 გრადუსი დაფიქსირდება.თოვლია მოსალოდნელი ჭიათურაშიც, დღისით +6 გრადუსი, ღამით კი 0 გრადუსი დაფიქსირდება.ახალციხეში თოვლს ელოდებიან დღისით ჰაერი +35 გრადუსამდე გათბება, ღამით კი ტემპერატურა -5 გრადუსი იქნება.ახალქალაქში დღისით თოვლი და +4 გრადუსია მოსალოდნელი, ღამით კი -5 გრადუსი.ბორჯომშიც მოთოვს, +6 იქნება დღისით, ღამით კი -3 გრადუსი დაფიქსირდება. თოვლია მოსალოდნელი ბაკურიანში, დღისით 0 გრადუსია მოსალოდნელი, ღამით -10 გრადუსი დაფიქსირდება.ნალექიან დღეს ელოდებიან გორში, დღისით +7 გრადუსი, ღამის განმავლობაში კი -2 გრადუსი დაფიქსირდება. მოთოვს ცხინვალშიც, ჰაერის ტემპერატურა +6 გრადუსი იქნება, ღამით კი -3 გრადუსი დაფიქსირდება.თოვს გუდაურში, დღის განმავლობაში -3 გრადუსი დაფიქსირდება, ღამით კი ჰაერის ტემპერატურა -9 გრადუსი იქნება.თოვლია ომალოშიც დღისით -2, ღამით კი -8 გრადუსი დაფიქსირდება.ლაგოდეხში წვიმიან ამინდს ელოდებიან. ჰაერის ტემპერატურა დღის განმავლობაში +7 გრადუსი იქნება, ღამით კი +0 გრადუსი დაფიქსირდება. წვიმიანი დღე იქნება თელავში, +8 გრადუსი დაფიქსირდება, ღამით კი -2 გრადუსია ნავარაუდევი.გურჯაანშიც იწვიმებს. დღისით +9 გრადუსი, ღამით კი 0 გრადუსი დაფიქსირდება. სიღნაღში წვიმიანი დღეა მოსალოდნელი, დღისით +7 გრადუსია მოსალოდნელი, ღამით -2 გრადუსი დაფიქსირდება.რუსთავში წვიმაა ნავარაუდები, დღისით +9 გრადუსია მოსალოდნელი, ღამით კი -1 გრადუსი დაფიქსირდება.თბილისშიც მოსალოდნელია მცირე ნალექი წვიმის სახით და ქარი. ჰაერის ტემპერატურა დღისით +9 გრადუსს მიაღწევს, ღამით კი -1 გრადუსი იქნება.
1770615600
9 თებერვლის ამინდის პროგნოზი ქალაქების მიხედვით9 თებერვალს საქართველოში შედარებით გრილი, თუმცა უმეტესად სტაბილური ამინდი იქნება.ყველაზე მაღალი მაჩვენებელი +11 გრადუსი ფოთსა და ბათუმში დაფიქსირდება, ხოლო ყველაზე დაბალი ტემპერატურა -2 გრადუსი გუდაურში იქნება.რაც შეეხება ამინდს ქალაქების მიხედვით, პროგნოზი ასეთია:სოხუმი +11 გრადუსი,ზუგდიდი +9 გრადუსი,მესტია +2 გრადუსი,ფოთი +11 გრადუსი,ბათუმი +10 გრადუსი,ოზურგეთი +9 გრადუსი,ქუთაისი +10 გრადუსი,ბორჯომი +5 გრადუსი,ბაკურიანი +1 გრადუსი,ცხინვალი +5 გრადუსი,გორი +6 გრადუსი,გუდაური -2 გრადუსი,თელავი +11 გრადუსი,რუსთავი +11 გრადუსი,თბილისი +11 გრადუსი.
1769432837
ამერიკის საელჩო: „თუ შეერთებულ შტატებში ნებადართულ დროზე დიდი ხნით დარჩებით, შესაძლოა სამუდამოდ აგეკრძალოთ აშშ-ში მოგზაურობა“ - „გულწრფელი შეცდომა“ არ არსებობსსაქართველოში ამერიკის შეერთებული შტატების საელჩო მოქალაქეებისთვის ინფორმაციას ავრცელებს. „თუ შეერთებულ შტატებში ნებადართულ დროზე დიდი ხნით დარჩებით, შესაძლოა სამუდამოდ აგეკრძალოთ აშშ-ში მოგზაურობა.საკონსულო ოფიცრებს აქვთ სრული წვდომა თქვენს საიმიგრაციო ისტორიაზე და შეიტყობენ წარსული დარღვევების შესახებ. "გულწრფელი შეცდომა" არ არსებობს - ვიზის სწორად გამოყენება თქვენი პასუხისმგებლობაა." - წერს ამერიკის საელჩო "ფეისბუკში".
1769406517
26 იანვარი: როგორი ამინდია მოსალოდნელი საქართველოში?26 იანვარს ქუთაისში უნალექო ამინდს ელოდებიან, დღისით +17 და ღამით +7 გრადუსია მოსალოდნელი.ნალექს არც ოზურგეთში ელოდებიან, დღისით +16 გრადუსი დაფიქსირდება, ღამით კი +8 გრადუსი იქნება. ბათუმში დღისით ჰაერი +16 გრადუსამდე გათბება, ხოლო ღამით +9 გრადუსი დაფიქსირდება.უნალექო ამინდია ფოთშიც. დღისით +16 გრადუსი დაფიქსირდება, ღამით კი +9 გრადუსია მოსალოდნელი. ნალექი არც ზუგდიდში იქნება, დღისით ტემპერატურა +16, ღამით კი +6 გრადუსია ნავარაუდევი.სოხუმშიც მზიანი ამინდია. +19 გრადუსია მოსალოდნელი დღისით, ღამით +8 გრადუსი დაფიქსირდება.მესტიაშიც უნალექო დღეა მოსალოდნელი, დღისით +2 გრადუსი იქნება, ღამით კი -7 გრადუსი დაფიქსირდება. ამბროლაურშიც უნალექო ამინდია, ჰაერი +11 გრადუსამდე გათბება, ღამით კი -2 გრადუსი დაფიქსირდება.ასეთივე ამინდია ჭიათურაში, დღისით +11 გრადუსი, ღამით კი 1 გრადუსი დაფიქსირდება. ახალციხეში დღისით +9 გრადუსი, ღამით კი -4 გრადუსი იქნება.ახალქალაქში მზიანი დღეა მოსალოდნელი, დღისით +8, ღამით -3 დაფიქსირდება.ბორჯომშიც უნალექო დღეა, +9 იქნება დღისით, ღამით კი -1 გრადუსი დაფიქსირდება. თოვლია მოსალოდნელი ბაკურიანში, დღისით 4 გრადუსია მოსალოდნელი, ღამით -7 გრადუსი დაფიქსირდება.უნალექო დღეს ელოდებიან გორში, დღისით +9 გრადუსი, ღამის განმავლობაში კი -3 გრადუსი დაფიქსირდება. ცხინვალში ჰაერის ტემპერატურა 9 გრადუსი იქნება, ღამით კი -3 გრადუსი დაფიქსირდება.გუდაურში უნალექო ამინდია მოსალოდნელი, დღის განმავლობაში -1 გრადუსი დაფიქსირდება, ღამით კი ჰაერის ტემპერატურა -10 გრადუსი იქნება. ომალოშიც მზიანი ამინდია, 0, ღამით კი -10 გრადუსი დაფიქსირდება.ლაგოდეხში უნალექო დღეს ელოდებიან. ჰაერის ტემპერატურა დღის განმავლობაში +8 გრადუსი იქნება, ღამით კი 1 გრადუსი დაფიქსირდება. უნალექო დღე იქნება თელავში, +7 გრადუსი დაფიქსირდება, ღამით კი -1 გრადუსია ნავარაუდევი.ნალექი არც გურჯაანში იქნება. დღისით +7 გრადუსი, ღამით კი -1 გრადუსი დაფიქსირდება. სიღნაღში უნალექო დღეა მოსალოდნელი, დღისით 9 გრადუსია მოსალოდნელი, ღამით -1 გრადუსი დაფიქსირდება.რუსთავშიც მზიანი დღეა მოსალოდნელი, დღისით +9 გრადუსია მოსალოდნელი, ღამით კი -1 გრადუსი დაფიქსირდება.თბილისშიც მზიან დღეს ელოდებიან. ჰაერის ტემპერატურა დღისით +9 გრადუსს მიაღწევს, ღამით კი -1 გრადუსი იქნება.
1769237726
მოსალოდნელია წვიმა - უახლოესი დღეების ამინდის პროგნოზიგარემოს ეროვნული სააგენტო 24-26 იანვარს საქართველოში მოსალოდნელი ამინდის შესახებ ინფორმაციას ავრცელებს.სააგენტოს ცნობით, 24-25 იანვარს საქართველოს ცალკეულ რაიონში მოსალოდნელია ნალექიანი ამინდი, ხოლო 26 იანვარს უმეტესად უნალექო ამინდი იქნება.ქ. თბილისში უმეტესად უნალექოდ. ჰაერის ტემპერატურა ღამით -2, 0, დღისით +7, +9 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): 24 - 25 იანვარს მოსალოდნელია წვიმა, ხოლო 26 იანვარს უნალექო ამინდი იქნება. ჰაერის ტემპერატურა ღამით +6, +8, დღისით +14 +16 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 24 - 25 იანვარს მოსალოდნელია წვიმა, ხოლო 26 იანვარს უნალექო ამინდი იქნება. ჰაერის ტემპერატურა ღამით +4, +6, დღისით +13, +15 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 24 - 25 იანვარს მოსალოდნელია ნალექი, ხოლო 26 იანვარს უნალექო ამინდი იქნება. ჰაერის ტემპერატურა ღამით -2, +2, დღისით +10, +12 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): 24 - 25 იანვარს მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -4, -6, დღისით +5, +7 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): 24 - 25 იანვარს ზოგან მოსალოდნელია ნალექი, უმეტესად თოვლის სახით, ხოლო 26 იანვარს უნალექო ამინდი იქნება. ჰაერის ტემპერატურა ღამით -4 -6, დღისით +7, +9 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 24 - 25 იანვარს ზოგან მოსალოდნელია ნალექი, უმეტესად თოვლის სახით, ხოლო 26 იანვარს უნალექო ამინდი იქნება. ჰაერის ტემპერატურა ღამით -3, -5, დღისით +8, +10 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 24 - 25 იანვარს ზოგან მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -5 -7, დღისით +4, +6 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 24 - 25 იანვარს ზოგან მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -8, -10, დღისით -2, +2 გრადუსი დაფიქსირდება.
