Kaspi.kz-მ 650 მლნ დოლარის პირველი ობლიგაციები გამოუშვა

1742372836

მიხეილ ლომთაძის ფინანსური ტექნოლოგიების კომპანია Kaspi-მ, რომელიც ყაზახეთში ყველაზე ძვირადღირებული საჯარო კომპანიაა, თავისი პირველი ხუთწლიანი ობლიგაციები 6.25%-ად განათავსა. ამით კომპანია 650 მლნ დოლარის მიზიდვას გეგმავს.ინფორმაციას Bloomberg ავრცელებს.ეს მას შემდეგ მოხდა, რაც კომპანიამ გასულ კვირას ფიქსირებული შემოსავლის საერთაშორისო ინვესტორებთან დავალიანება განათავსა.გარიგების ორგანიზატორები Citi, JP Morgan და BCC Invest არიან.2024 წელს Kaspi.kz-ის სუფთა მოგება 25%-ით, 1.1 ტრლნ ტენგემდე (2.2 მლრდ დოლარამდე), ხოლო შემოსავალი 32%-ით 2.5 ტრლნ ტენგემდე, ანუ 5 მლრდ დოლარზე მეტად გაიზარდა.კომპანია წელს სუფთა მოგების 20%-ით ზრდას მოელის.ცნობისთვის: 1-ლი იანვრის მდგომარეობით, Kaspi.kz-ის ძირითადი აქციონერები არიან: მიხეილ ლომთაძე (22.6%), ვიაჩესლავ კიმი (21.4%) და Baring Funds (24.68%). 2024 წლის იანვარში აქციონერებმა Nasdaq-ზე IPO-ს მეშვეობით თავიანთი აქციების ნაწილი გაყიდეს და 1.04 მლრდ დოლარი მიიზიდეს. Kaspi.kz ყაზახეთის სიდიდით მესამე საცალო ბანკის, Kaspi Bank-ის მფლობელია. მიმდინარე წლის თებერვლის ბოლოს თურქულმა წამყვანმა მარკეტპლეის Hepsiburada-მ, რომლის 65,41%-იანი წილიც Kaspi.kz-მა იანვარში შეიძინა, მიხეილ ლომთაძე გამგეობის თავმჯდომარედ აირჩია. Hepsiburada-ს 9-კაციან გამგეობაში Kaspi.kz-დან კიდევ ორი ქართველი, თენგიზ მოსიძე და სანდრო ბერძენიშვილი შევიდნენ. მოსიძე Kaspi.kz-ში ფინანსებზე არის პასუხისმგებელი, ხოლო ბერძენიშვილი Kaspi Pay-სა და Kaspi.kz-ის მობილური კომერციის ხელმძღვანელია.bpn.ge

1742367464

რუსული „ვექტორფარმი“ დიღომში საავადმყოფოს და სამედიცინო უნივერსიტეტს აშენებს.შპს „ვექტორფარმი“ გასული წლის დასაწყისიდან ტერიტორიის მფლობელი კომპანიის შპს „ქალთა ჯანმრთელობის ცენტრის“ 100%-ის მმართველია, რომელიც მანამდე შპს „აკადემიკოს ნოდარ ყიფშიძის სახელობის თერაპიის ეროვნული ცენტრს“ ეკუთვნოდა. ეს უკანასკნელი, წლების განმავლობაში ბიზნესმენ ალექსანდრე ხარებავას კომპანია იყო.ცნობილი ბიზნესმენი ალექსანდრე ხარებავა დიღომში, ჩაჩავას ქუჩაზე ახალ, თანამედროვე ტექნოლოგიებით აღჭურვილ საავადმყოფოს აშენებს წლების განმავლობაში ცდილობდა. „აკადემიკოს ნოდარ ყიფშიძის სახელობის თერაპიის ეროვნული ცენტრმა“ პირველად მშენებლობის ნებართვა 2017 წელს მოითხოვა, დედაქალაქის მთავრობასთან ამავე წელს შეთანხმდა საავადმყოფოს პროექტიც. ალექსანდრე ხარებავამ 2019 წელს მშენებლობის ნებართვის გაგრძელება მოითხოვა. არქიტექტურის სამსახურმა კომპანიას მშენებლობის ვადა 2020 წლის ივლისამდე გაუხანგრძლივა. მას შემდეგ კომპანიამ ნებართვის გაგრძელება არაერთხელ მოითხოვა, საბოლოოდ კი წილი გაასხვისა.არქიტექტურის სამსახურის ვებგვერდზე არსებული ბოლო ინფორმაციით, საავადმყოფოს და სამედიცინო უნივერსიტეტის კორექტირებული პროექტის შეთანხმება მიმდინარეობს.„საპროექტო მიწის ნაკვეთზე (6267 მ2) 2017 წელს შეთანხმებული იქნა საავადმყოფოს პროექტი, ხოლო 2021 წელს იქნა დაკორექტირებული პროექტი. ამჟამინდელი კორექტირებით საპროექტო შენობა-ნაგებობამ შეიცვალა პროფილი და იქნება მრავალპროფილური საავადმყოფო.საპროექტო შენობა წარმოადგენს სამედიცინო დაწესებულებას, კერძოდ საავადმყოფოს. შენობის მთლიანი სიმაღლე 27.5 მ-ია. შენობა 5 სართულიანია, რომლის 1 სართული წარმოადგენს მიწისქვეშა სართულს“, - ნათქვამია განმარტებით ბარათში.რაც შეეხება სამედიცინო უნივერსიტეტის პროექტს, როგორც განმარტებით ბარათში წერია,  საპროექტო შენობა წარმოადგენს  სამედიცინო უნივერსიტეტს, რომლის დაშენებაც ხდება მშენებარე ორსართულიან მიწისქვეშა ავტოსადგომზე. შენობა 5 სართულიანია, დამატებითი ორი მიწისქვეშა სართულით.რაც შეეხება თავად რუსულ კომპანია „ვექტორფარმს“, ის 2021 წელს მოსკოვში დარეგისტრირდა და მის ძირითად საქმიანობას ფარმაცევტული პროდუქტებით საბითუმო ვაჭრობა წარმოადგენს. კომპანიის გენერალური დირექტორი ალექსანდრე როჟდესტვენსკია, რომელიც წლების განმავლობაში იყო რუსეთის განათლების ფედერალური სააგენტოს უფროსის მოადგილე და ასევე რუსეთის ტრანსპორტის სამინისტროს ეკონომიკისა და სახელმწიფო ქონების მართვის დეპარტამენტის უფროსის მოადგილე. 

1742365934

გარემოს ეროვნული სააგენტოს ცნობით, 19 მარტს ამინდი საქართველოში განპირობებული იქნება შავი ზღვის ჩრდილო - დასავლეთიდან შემომავალი ცივი და ნოტიო ჰაერის მასებისა და სამხრეთიდან მოქმედი თბილი ჰაერის მასების ურთიერთქმედებით.საქართველოში მოსალოდნელია: უმეტესად ღრუბლიანი ამინდი. უმეტეს რაიონში წვიმა, მაღალ მთაში თოვლი, ზოგან ძლიერი, ზოგან შესაძლებელია ქარბუქი. საქართველოში იქროლებს დასავლეთის მიმართულების ზომიერი ქარი, ზოგან დროგამოშვებით ძლიერი.დასავლეთ საქართველოში - უმეტესად ღრუბლიანი ამინდი. წვიმა, მაღალ მთაში თოვლი, ზოგან ძლიერი, შესაძლებელია ქარბუქი. დასავლეთის ქარი 10-15 მ/წმ. ჰაერის ტემპერატურა: დაბლობში ღამით +4, +9°, დღისით +6, +11°; მთაში ღამით +1, +6°, დღისით +2, +7°; მაღალმთაში ღამით -2, +3°, დღისით -1, +4°.აღმოსავლეთ საქართველოში - დროგამოშვებით ღრუბლიანობის მომატება. წვიმა, მაღალმთაში თოვლი, ზოგან ძლიერი, შესაძლებელია ქარბუქი. დასავლეთის ქარი 10-15 მ/წმ, ზოგან ძლიერი 17-22 მ/წმ. ჰაერის ტემპერატურა: ბარში ღამით +7, +12°, დღისით +10, +15°; მთაში ღამით +1, +6°, დღისით +5, +10°; მაღალმთაში ღამით -2, +3°, დღისით -1, +4°.სოხუმი: წვიმა. ჰაერის ტემპერატურა: +8°.ბათუმი: წვიმა. ჰაერის ტემპერატურა: +9°.ქობულეთი: წვიმა. ჰაერის ტემპერატურა: +8°.ქუთაისი: წვიმა. ჰაერის ტემპერატურა: +9°.ზუგდიდი: წვიმა. ჰაერის ტემპერატურა: +10°.ანაკლია: წვიმა. ჰაერის ტემპერატურა: +10°.ოზურგეთი: წვიმა. ჰაერის ტემპერატურა: +9°.ონი: წვიმა. ჰაერის ტემპერატურა: +5°.გორი: წვიმა. ჰაერის ტემპერატურა: +12°.ცხინვალი: წვიმა. ჰაერის ტემპერატურა: +11°.თბილისი: დროგამოშვებით ღრუბლიანობის მომატება. წვიმა. ჩრდილო დასავლეთის ქარი 10-15მ/წმ, დროგამოშვებით ძლიერი 17-22 მ/წმ. ჰაერის ტემპერატურა: +13°.მარნეული: წვიმა. ჰაერის ტემპერატურა: +14°.რუსთავი: წვიმა. ჰაერის ტემპერატურა: +13°.ახალციხე: წვიმა. ჰაერის ტემპერატურა: +10°ბორჯომი: წვიმა. ჰაერის ტემპერატურა: +10°ბაკურიანი: თოვლი. ჰაერის ტემპერატურა: +2°სტეფანწმინდა: თოვლი. ჰაერის ტემპერატურა: +2°თელავი: წვიმა. ჰაერის ტემპერატურა: +14°.

1742296182

ავსტრალიის სამხრეთით მდებარე პლაჟებზე, უცნაურად დიდი რაოდენობის ქაფის წარმოქმნამ, სერფერებს ჯანმრთელობის პრობლემები შეუქმნა. The Guardian-ის ინფორმაციით, დაავადებულია 100-ზე მეტი სერფერი.მედიის ცნობით, სიმპტომებში შედის მხედველობის დაბინდვა, თვალების ქავილი, ხველა და სუნთქვის გაძნელება.აღნიშნულია, რომ ქაფი, რომელიც წყლის ბინადრებზეც ნეგატიურად მოქმედებს, შესაძლოა მაღალი ტემპერატურის გამო მიკროწყალმცენარეების აყვავებისა და წყლის სტაგნაციის შედეგად წარმოქმნილიყო.„ჯანდაცვის ორგანიზაციების რეკომენდაციით დაიხურა ვეიტპინგისა და პარსონსის პლაჟები, რომლებიც ადელაიდიდან სამხრეთით, დაახლოებით 80 კილომეტრში მდებარეობს“, - ნათქვამია მედიის მიერ გავრცელებულ ინფორმაციაში.

1742287930

„არაგვის ხიდის სრული რეაბილიტაცია არასდროს ჩატარებულა“, - ამის შესახებ „ბიზნესპრესნიუსს“ რეგიონული განვითარებისა და ინფრასტრუქტურის სამინისტროში განუცხადეს.უწყების ცნობით, ხიდზე პირველად დაზიანება 2023 წელს გამოიკვეთა და მას შემდეგ 4-ჯერ შეკეთდა. აღნიშნულზე კი ჯამში 100 000 ლარია დახარჯული.„არაგვის ხიდის სრული რეაბილიტაცია არასდროს ჩატარებულა. ხიდს უტარდება მუდმივი მონიტორინგი და გამოვლენილი დაზიანებების შეკეთება ტარდება პერიოდული მოვლა-შენახვის ხელშეკრულების ფარგლებში.არაგვის ხიდის ფილა პირველად დაზიანდა 2023 წლის დეკემბერში და მსგავსი დაზიანებები 4-ჯერ გამოვლინდა 2024 წელს. დაზიანებული ადგილების შეკეთებას სულ, მოხმარდა 100 ათასი ლარი.გამომდინარე იქიდან, რომ არაგვის ხიდი აშენებულია 70-იან წლებში, სრული რეაბილიტაცია ითხოვს მასზე ავტოტრანსპორტის მოძრაობის სრულ ან/და ნაწილობრივ აკრძალვას და ბოლო პერიოდში გახშირდა ხიდის ფილის დაზიანების შემთხვევები, 2024 წელს მომზადდა ახალი ხიდის მშენებლობის პროექტი.ახალი ხიდი აშენდება არსებული ხიდის პარალელურად და მისი ღირებულება დაზუსტდება საბოლოო დოკუმენტაციის შესაბამისად“, - განუცხადეს bpn.ge-ს რეგიონული განვითარებისა და ინფრასტრუქტურის სამინისტროში.შეგახსენებთ, რომ ხიდის შეკეთებამ საცობების კუთხით პრობლემები წელსაც შექმნა. აღნიშნულის გამო დასავლეთიდან მომავალ ავტომობილებს რამდენიმე საათიან საცობში უწევთ დგომა.