1715931359
„ფერმერს არ აქვს გასაღების საშუალება“ - რა გამოწვევებია სოფლის მეურნეობაში
სოფლებში მცხოვრები მცირე ფერმერები რიგ შემთხვევებში უარს ამბობენ სხვადასხვა პროდუქციის წარმოებაზე. მიზეზად ძირითადად ასახელებენ სოფლად წარმოებულ პროდუქციაზე დაბალ ფასს. როგორც ისინი „ბიზნესპრესნიუსის“ მიერ დასმულ შეკითხვაზე პასუხობენ, გადამყიდველები მათგან პროდუქციას იაფად ყიდულობენ და შემდეგ ძვირად ყიდიან.
ბაზრები, სადაც მათ ხელი მიუწვდება, მცირეა. ფერმერებს ზოგ შემთხვევებში პროდუქცია გასაყიდი რჩებათ ან იმაზე იაფად უწევთ გაყიდვა, ვიდრე საწარმოო ხარჯებია. ყოველივე აქედან გამომდინარე, მათი ნაწილი კონკრეტული პროდუქციის მოყვანას წყვეტს.
„როდესაც ფერმერს არ აქვს გასაღების საშუალება და ვერ ყიდის თავის პროდუქციას, ის მომავალ წელს არც ფულს ჩადებს და აღარც შრომას და ენერგიას დახარჯავს ანალოგიური პროდუქციის მოყვანისთვის“, - აცხადებს „ბიზნესპრესნიუსთან“ ხილ-ბოსტნეულის ექსპორტიორთა ასოციაციის პრეზიდენტი ვახტანგ ბეჟიტაშვილი.
საქსტატის მონაცემების თანახმად, სოფლად მცხოვრები მოქალაქეების რაოდენობა მცირდება. აღნიშნული თავისთავად აისახება სოფლის-მეურნეობის პროდუქციის წარმოებაზეც. მაგალითად, 2001 წლის შემდეგ მინიმუმზეა სოფლად მცხოვრები მოქალაქეების რაოდენობა და ბოლო მონაცემებით, 2023 წლის დასაწყისში 39.6%-ს გაუტოლდა. აღსანიშნავია ისიც, რომ მთლიანი შიდა პროდუქტში სოფლის მეურნეობის წილი 2011 წლიდან 2023 წლამდე 11%-დან 6.9%-მდე შემცირდა.
ქვეყანაში შემცირებულია სხვადასხვა კულტურის წარმოებაც. მაგალითად, 2023 წელს გასულ წელთან შედარებით, ხორბლის წარმოება 6.5%-ით შემცირდა, ხოლო ქერის 26.9%-ით. გარდა ამისა, მცირდება ერთწლიანი კულტურების: ნიორი, კიტრი, მწვანილი, სტაფილო, კომბოსტო და სხვათა წარმოებაც. მნიშვნელოვნად, 22.2%-ით შემცირდა ყურძნის წარმოება და გასულ წელს 223.4 ათასი ტონას გაუტოლდა. შემცირებულია ნათესი ფართობები. კერძოდ, 2002 წელს თუ 215.7 ათას ჰექტარს მოიცავდა ნათესი ფართობები, 2023 წელს 205.2 ათასი ჰექტარი იყო.
ამ ყველაფრის ფონზე ბეჟიტაშვილი იმ მთავარ გამოწვევებზე საუბრობს, რაც ფერმერებს აქვთ. მისი თქმით, საქართველოში მეურნეობები ძირითადად მცირე მასშტაბისაა. ქსელურ მარკეტებში მცირე ადგილია ადგილობრივად მოყვანილი სოფლის მეურნეობის პროდუქციისთვის. მიზეზი არის ის, რომ მცირე მეურნეობების გამო, ფერმერები ქსელებისთვის არ არიან სტაბილური მიმწოდებლები. მისი აზრით, მნიშვნელოვანია, რომ მეურნეობები გაიზარდოს.
„რაც უფრო მსხვილმასშტაბიანი იქნება მეურნეობა, მათ უკვე გაუადვილდებათ ურთიერთობა რითეილ სექტორთან, ექსპორტიორებთან და მათი პროდუქცია უფრო მარტივად გაიყიდება.
უნდა მოხდეს გამსხვილება ფერმერული მეურნეობების. საქართველო არც ისე მსხვილმასშტაბიანი მიწის მფლობელი ქვეყანაა. თუ იქნება მსხვილმასშტაბიანი მიწების კონსოლიდირება, არცერთი გოჯი მიწა არ უნდა იყოს დაუმუშავებელი“, - აღნიშნავს ბეჟიტაშვილი.
როდესაც ვსაუბრობთ მეურნეობების გაზრდაზე, იკვეთება მიწის ფრაგმენტაციის პრობლემა. მიუხედავად რეგისტრაციის რამდენიმე ტალღისა, ფერმერების ნაწილს ჯერ კიდევ არ აქვს სახნავ-სათესი მიწები რეგისტრირებული.
„მიწების ფრაგმენტაცია სანამ საქართველოში იქნება და წარსულში დაშვებული შეცდომების გამოსწორებაზე არ იფიქრებს სახელმწიფო და კერძო სექტორი, ასევე არ მომზადდება შესაბამისი საკანონმდებლო ბაზა, პრობლემა სულ იქნება“, - დასძინა ვახტანგ ბეჟიტაშვილმა.
დაბოლოს, როგორც ბეჟიტაშვილი აღნიშნავს, ზემოთ ჩამოთვლილი პრობლემების აღმოსაფხვრელად საჭიროა ადგილობრივ და უცხოელ ექსპერტებთან კონსულტაციის საფუძველზე შესაბამისი საკანონმდებლო ბაზის მოწესრიგება.
ენერგეტიკა
საზოგადოება
1716120060
„მსოფლიოს საუკეთესო სანაპიროების“ 2024 წლის რეიტინგში საქართველო ვერ მოხვდაThe World’s 50 Best Beaches-მა, Banana Boat-თან თანამშრომლობით, „მსოფლიოს საუკეთესო სანაპიროების“ 2024 წლის რეიტინგი გამოაქვეყნა.მიმდინარე წლის ანგარიშით, Trunk Bay (მდებარეობს ამერიკის შეერთებულ შტატებში, ვირჯინიის კუნძულებიდან ერთ-ერთზე, კერძოდ კი, სენტ-ჯონზე) მსოფლიოს საუკეთესო სანაპიროდ დასახელდა.World’s 50 Best Beaches-ი საუკეთესო სანაპიროს გამოსავლენად, ათასობით მოგზაურს შორის გამოკითხვას ყოველწლიურად ატარებს. კვლევის ფარგლებში რესპონდენტები მათ საყვარელ სანაპიროს ასახელებენ, ხოლო შედგენილ კითხვარში რამდენიმე ფაქტორზეა გამახვილებული ყურადღება, მათ შორისაა: ლანდშაფტის უნიკალურობა, ცურვისთვის საკმარისად წყნარი დინება, იდილიური პლაჟების სიხალვათე და ა.შ.World’s 50 Best Beaches-ის ანგარიშის მიხედვით, Trunk Bay, კარიბის ზღვის აუზის სამოთხე, მსოფლიოს საუკეთესო სანაპიროდ რამდენიმე ძირითადი ფაქტორის გამო დასახელდა. პლაჟი დაცული ტერიტორიაა, იდეალური ადგილი დასასვენებლად, თუნდაც მცირე პერიოდით ქალაქიდან გასაქცევად, მდიდარი ფლორითა და ადგილობრივი ველური ბუნებით. ყურეს სახელწოდება ტყავიანი კუს პატივსაცემად შეურჩიეს, რომელსაც ადგილობრივები trunks-ს ეძახიან.TOP 10 სანაპირო შემდეგნაირად გამოიყურება: Trunk Bay, ვირჯინიის კუნძულები, აშშ; Cala Mariolu, იტალია; Meads Bay, ანგილია, დიდი ბრიტანეთი; Entalula Beach, ფილიპინები; Voutoumi Beach, საბერძნეთი; Turquoise Bay, ავსტრალია; Pink Beach, ინდონეზია; Anse Georgette, სეიშელი; Green Lagoon, საფრანგეთის პოლინეზია; Horse Shoe Island, მიანმარი.
1716105600
ყველაზე მოთხოვნადი სამუშაო უნარები დღეს - როგორ მოვაწონოთ თავი დამსაქმებელსკარიერული ქსელებისა და დასაქმების უმსხვილეს პლატფორმებს (Indeed, Glassdoor და LinkedIn) აქვს შეჯერებული მონაცემები, იმის შესახებ, თუ რომელ უნარებს აფასებენ დღეს ყველაზე მეტად დამსაქმებლები.იმის გასარკვევად, თუ რა უნარებია დღეს ყველაზე მოთხოვნადი, სწორედ ზემოთ აღნიშნულ მონაცემებს გავეცანით და სტატიაში მოკლე მიმოხილვას გთავაზობთ:ღრუბლოვანი გამოთვლა ბიზნესებს თავიანთ ფუნქციები ე.წ. ღრუბელზე გადააქვთ, ამიტომ ღრუბლოვან გამოთვლებზე მთელს მსოფლიოში დიდი მოთხოვნაა.ღრუბლოვანი ინჟინრები პასუხისმგებელნი არიან ღრუბლოვანი გამოთვლითი სისტემების ინჟინერიასა და მართვაზე.ხელოვნური ინტელექტიხელოვნური ინტელექტი ჩვენს სამყაროს იმაზე მეტად ცვლის, ვიდრე ჩვენ შეგვიძლია წარმოვიდგინოთ. ხელოვნური ინტელექტის მოდელების შექმნა, მათი ტესტირება და ინფრასტრუქტურის შენარჩუნება მხოლოდ რამდენიმე ფუნქციაა, რისთვისაც საკმაო უნარების ქონაა საჭირო.გაყიდვების მენეჯერიგაყიდვები არის ის, რაც ყველა ბიზნესისთვის საკვანძო ეტაპია. გაყიდვების ლიდერები დახელოვნებულნი არიან გარიგებების წარმოებასა და სხვების მოტივაციაში. ამიტომ მათ განსხვავებული ანაზღაურებაც აქვთ.ანალიზიანალიტიკური უნარები საჭიროა თითქმის ყველა ინდუსტრიაში, რადგან ისინი ხელს უწყობენ პრობლემის გადაჭრას. ანალიტიკური უნარები გულისხმობს შაბლონების აღმოჩენის, მონაცემების ინტერპრეტაციის, თეორიის და გადაწყვეტილების მიღების უნარს.თარგმანიჩვენს გლობალურ ეკონომიკაში მთარგმნელობითი უნარები უფრო მოთხოვნადია, ვიდრე ოდესმე. აუცილებელია არა მხოლოდ მონაცემთა ინტერპრეტაცია და სხვა ენაზე თარგმნა, არამედ კულტურული განსხვავებების გაგებაც.მობილური აპლიკაციის დეველოპერიდღეს დიდი მოთხოვნაა ადამიანებზე, რომლებსაც შეუძლიათ მობილური აპლიკაციების შექმნა და განვითარება. მოსალოდნელია, რომ დროსთან ერთად, მათზე მოთხოვნა გაიზრდება.ვიდეო/ აუდიო კონტენტის მწარმოებელიდღეს მსოფლიო მედია და საინფორმაციო, თუ გასართობი ბაზარი მთლიანად არის დამოკიდებული ვიდეო/აუდიო კონტენტს მწარმოებელზე. შესაბამისად, თითქმის ნებისმიერ სამსახურში პრივილეგირებული ხართ, თუ ამ უნარებს ფლობთ. მისი სწავლა შესაძლებელია სახლიდან, უფასო ონლაინ ვიდეოების საშუალებითაც.შესაძლოა, ბანალურად ჟღერს, თუმცა გარდა სტატიაში ჩამოთვლილი უნარებისა, აუცილებელია გამოავლინოთ კრეატიულობა, გუნდური მუშაობის უნარი, სიტუაციებში ადაპტირების უნარი, დროის მენეჯმენტი და ემოციური ინტელექტი.წყარო: msn.com
1716042703
სალომე ზურაბიშვილმა "რუსულ კანონს" ვეტო დაადოსალომე ზურაბიშვილმა "რუსულ კანონს" ვეტო დაადო. ამის შესახებ მან ბრიფინგზე განაცხადა.ვეტო არის გამართული იურიდიულად და ის დღესვე გადაეცემა პარლამენტს.„დღეს დავადე ვეტო რუსულ კანონს. ეს კანონი არის თავისი არსით, თავისი სულისკვეთებით რუსული კანონი, რომელიც ეწინააღმდეგება ჩვენ კონსტიტუციას და ყველა ევროპულ სტანდარტს და წარმოადგენს შეფერხებას ევროპულ გზაზე. ვეტო სრულიად გამართულია იურიდიულად და დღესვე გადაეცემა პარლამენტს. კანონი არ ექვემდებარება არავითარ ცვლილებას, არავითარ გაუმჯობესებას. ეს კანონი უნდა გაუქმდეს“, - განაცხადა პრეზიდენტმა.
1715957020
სოხუმში რუსეთთან რეგულარული ავიარეისების შესრულებას 2025 წლის ტურისტული სეზონისთვის გეგმავენაფხაზეთსა და რუსეთს შორის რეგულარული ფრენები 2025 წლის ტურისტული სეზონისთვის განახლდება, წელს კი სატესტო რეისი შესრულდება. ამის შესახებ აფხაზეთის დე ფაქტო პრეზიდენტის პრესსამსახურის განცხადებაში წერია.აეროპორტის სარეკონტრუქციო სამუშაოები ასლან ბჟანიამ დე ფაქტო ვიცე-პრეზიდენტ ბადრი გუნბას, ენერგეტიკისა და ტრანსპორტის, ასევე, ეკონომიკის დე ფაქტო მინისტრებთან, ჯანსუღ ნანბასა და კრისტინა ოზგანთან ერთად დაათვალიერა.ბჟანაის ადმინისტრაციის ცნობით, აეროპორტის ტერიტორიაზე ინერტული მასალის საწყობების განსათავსებლად საწარმოო ბაზის მომზადება გრძელდება, ხოლო ცემენტ-ბეტონის საწარმოო ქარხნების საძირკვლის მოწყობა დასრულდა და ამჟამად თავად ქარხნების მონტაჟი მიმდინარეობს. პრესსამსახურის ცნობით, „ასაფრენი ზოლის, მოსახვევი ბილიკებისა და ბაქნის ზედაპირის რეკონსტრუქცია განრიგის მიხედვით მიმდინარეობს.” ამ სამუშაოების დასრულება ივლისის ბოლოს იგეგმება, რის შემდეგაც, დე ფაქტო პრეზიდენტის პრესსამსახურის ცნობით, აეროპორტი პირველი ტექნიკური რეისის მიღებას შეძლებს. ბჟანიამ ე.წ. სამინისტროებსა და შესამბამის სამსახურებს დაავალა, “განრიგი მკაცრად დაცვან, რომ პროექტი დაგეგმილ ვადებში განხორციელდეს”.სოხუმის აეროპორტის კომპლექსური რეკონსტრუქცია ორ ეტაპად მიმდინარეობს. კერძოდ, პირველ ეტაპზე ასაფრენი ბილიკი აღდგება, ასევე, მგზავრებისა და ავიაკომპანიების მომსახურების ოპერატიულად დასაწყებად დროებითი ნაგებობები აშენდება. მეორე ეტაპზე თანამედროვე ახალი სამგზავრო ტერმინალი მთლიანი საწარმოო და მომსახურების ინფრასტრუქტურით, ასევე, ახალი ბაქანი აშენდება.აპრილის ბოლოს ბჟანიამ განაცხადა, რომ სოხუმის აეროპორტის ამოქმედებამ, შესაძლოა, დამატებითი სანქციები გამოიწვიოს იმ ავიაკომპანიების მიმართ, რომლებიც აფხაზეთში იფრენენ. მან, ასევე, სამოქალაქო ავიაციის საერთაშორისო ორგანიზაცია (ICAO) გააკრიტიკა და განაცხადა, რომ ICAO საქართველოს ინიციატივით სოხუმის აეროპორტის რეკონსტრუქციისა და გაშვების პროექტს ბლოკავს.ცნობისთვის: აეროპორტის რეკონსტრუქციას რუსული კომპანია, „ინფრასტრუქტურული განვითარება“ ეწევა, რომლის თანამფლობელიც რუსეთის უშიშროების საბჭოს მდივნის პირველი მოადგილის შვილი, რაშიდ ნურგალიევ-უმცროსია. ეს კომპანია კრემლმა გასული წლის 10 ივლისს, სპეციალურად სოხუმის აეროპორტის მშენებლობისთვის დააფუძნა. რუსეთის ეკონომიკური განვითარების სამინისტროს მონაცემებით, აფხაზეთსა და რუსეთს შორის საჰაერო მიმოსვლის აღდგენის პროექტში ინვესტიციები 12 მლრდ რუბლს (132 მლნ დოლარს) შეადგენს.
1715941648
რა ღირს დოლარი/ევრო სავალუტო ჯიხურებშიბოლო დღეების განმავლობაში ლარი, დოლართან და ევროსთან მიმართებით უფასურდება. გუშინ დადგენილი კურსით, დღეს 1 აშშ დოლარის ოფიციალურმა ღირებულებამ 2.7596 ლარი შეადგინა. ეს მაშინ როდესაც, 16 მაისს 1 დოლარი 2.7323 ლარი ღირდა, 15 მაისს - 2.6866 ლარი, 14 მაისს - 2.6866. ლარირაც შეეხება ევროს, გუშინ დადგენილი კურსით, 3.0002 ლარს შეადგენს. 16 მაისს მოქმედი კურსი კი, 2.9577 ლარს შეადგენდა.ამ დროისთვის სავალუტო ჯიხურებში 1 დოლარის ღირებულება 2.7600 ლარიდან 2.8000 ლარამდე მერყეობს. ხოლო 1 ევროს შეძენა 2.9900 ლარიდან 3.0300 ლარამდეა შესაძლებელი.
