1762599540
ტრამპი ცენტრალური აზიის ლიდერებს შეხვდა
ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს.
ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.
6 ნოემბერს აშშ-ს პრეზიდენტი დონალდ ტრამპი ცენტრალური აზიის 5 ქვეყნის ლიდერს შეხვდა.
ტრამპი ყაზახეთის, ყირგიზეთის, ტაჯიკეთის, თურქმენეთისა და უზბეკეთის ლიდერებს თეთრ სახლში შეხვდა. შეხვედრას ესწრებოდა ამერიკელი სენატორი ჯიმ რიში, რომელსაც „ქართული ოცნების“ წევრები „დიფ სთეითის“ წარმომადგენლად მოიხსენებენ.
როგორც Reuters წერს, შეხვედრის მთავარი მიზანი ამერიკის გავლენების გაფართოების მცდელობაა რესურსებით მდიდარ რეგიონში, რომელსაც დიდი ხანია რუსეთი დომინირებს და ჩინეთი სულ უფრო მეტად იზიდავს.
მედიის ინფორმაციით, ტრამპმა ცენტრალური აზია „უკიდურესად მდიდარ რეგიონად“ მოიხსენია და თქვა, რომ მას სურს ხუთ ქვეყანასთან ამერიკის პარტნიორობა გააძლიეროს.
„ჩვენი დღის წესრიგის ერთ-ერთი მთავარი საკითხი კრიტიკული მინერალებია… ბოლო კვირების განმავლობაში ჩემმა ადმინისტრაციამ გააძლიერა ამერიკის ეკონომიკური უსაფრთხოება მსოფლიოს მოკავშირეებთან და მეგობრებთან შეთანხმებების მიღწევით, რათა გააფართოოს ჩვენი კრიტიკული მინერალური მიწოდების ჯაჭვები“, – განაცხადა დონალდ ტრამპმა.
მედიის ცნობით, მოლაპარაკებები გაიმართა ცენტრალური აზიის მინერალებზე, რომელიც მოიცავს ურანს, სპილენძს, ოქროს და იშვიათ მიწათა ლითონებს, ვინაიდან კონკურენციის გამწვავების ფონზე, დასავლეთის ქვეყნები მოსკოვისა და პეკინისგან მოშორებით მიწოდების ჯაჭვების დივერსიფიკაციას ცდილობენ.
როგორც მედია იუწყება, აშშ ცდილობს ახალი პარტნიორობის დამყარებას, რათა უზრუნველყოს კრიტიკული მინერალები, ენერგია და სახმელეთო სავაჭრო გზები, რომლებიც მის გეოპოლიტიკურ კონკურენტებს გვერდს უვლიან.
Reuters-ის ცნობით, ყაზახეთის პრეზიდენტმა, კასიმ-ჟომარტ ტოკაევმა, შეხვედრას „შეერთებულ შტატებსა და ცენტრალურ აზიას შორის ურთიერთობის ახალი ეპოქის დასაწყისი“ უწოდა.
ყაზახეთი ასევე შეუერთდა აბრაამის შეთანხმებებს. აბრაამის შეთანხმება არის ისტორიული შეთანხმება, რომელიც მიზნად ისახავს ისრაელსა და არაბულ ქვეყნებს შორის ურთიერთობების ნორმალიზებას და რეგიონში მშვიდობის დამყარებას.
მედიის ცნობით, უზბეკეთის პრეზიდენტმა, შავკატ მირზიიოევმა, ტრამპს „მსოფლიოს პრეზიდენტი“ უწოდა და შესთავაზა ცენტრალურ აზიაში მუდმივი სამდივნოს შექმნა.
ტრამპმა თავის სოციალურ ქსელშიTruth Social-ში გამოაცხადა, რომ უზბეკეთი გეგმავს მომდევნო ათწლეულის განმავლობაში 100 მილიარდ დოლარზე მეტის შეძენას და ინვესტირებას აშშ-ს ძირითად სექტორებში, მათ შორის კრიტიკულ მინერალებში, საავტომობილო ნაწილებსა და ავიაციაში.
C5+1 პლატფორმა აერთიანებს შეერთებულ შტატებს და ცენტრალური აზიის ხუთ სახელმწიფოს ეკონომიკური, ენერგეტიკული და უსაფრთხოების საკითხებში თანამშრომლობის გასაღრმავებლად.
მედიის ცნობით, აშშ-სა და C5-ის სხვა ქვეყნების წარმომადგენლებს ასევე მოეთხოვებოდათ კრიტიკული მინერალების სფეროში თანამშრომლობის შესახებ შეთანხმებების ხელმოწერა.
გამოცხადებულ ბიზნეს გარიგებებს შორის იყო Boeing-ის (BA.N) შეთანხმება, რომელიც ყაზახეთის, ტაჯიკეთისა და უზბეკეთის ავიაკომპანიებისთვის ჯამში 37 თვითმფრინავის გაყიდვის ახალ ეტაპს ხსნის, ნათქვამია მთავრობის განცხადებაში.ასევე, ამერიკული კომპანია Cove Capital ყაზახეთში მთავრობის მიერ მხარდაჭერილი დაფინანსებით ვოლფრამს მოიპოვებს.
ცენტრალური აზიის ამ ხუთ ქვეყანაში ურანის, სპილენძის, ოქროს, იშვიათმიწა ლითონებისა და სხვა სტრატეგიული მინერალების უზარმაზარი საბადოებია, რომლებიც აუცილებელია ენერგიის უფრო მწვანე ფორმებზე გადასვლის გლობალური ძალისხმევისთვის.
ურანის წარმოების ნახევარზე ოდნავ მეტი ყაზახეთსა და უზბეკეთზე მოდის, რაც სასიცოცხლოდ მნიშვნელოვან რესურსს წარმოადგენს აშშ-ს ბირთვული ენერგიისთვის, რომელიც აშშ-ს ელექტროენერგიის მნიშვნელოვანი წყაროა.
რუსეთი აშშ-ში იმპორტირებული ურანის დაახლოებით 20%-ს ამარაგებს, რაც ამერიკისთვის დივერსიფიკაციას სულ უფრო აქტუალურს ხდის.
მედიის ცნობით, ტრამპის მმართველობის დროს აშშ-მ მრავალმხრივი სტრატეგია განახორციელა კრიტიკული მინერალების უზრუნველსაყოფად და ჩინეთზე დამოკიდებულების შესამცირებლად, რომელიც დომინირებს სტრატეგიული ლითონების, მათ შორის ურანის, იშვიათ მიწათა ლითონების, სპილენძისა და ტიტანის, გლობალურ მიწოდების ჯაჭვებში. ჩინეთმა, ზოგ შემთხვევაში, თავისი დომინირება ექსპორტის შეზღუდვით გამოიყენა.
მსოფლიო
სხვადასხვა
ტრამპი ცენტრალური აზიის ლიდერებს შეხვდა
1762595340
აფხაზეთმა რუსეთში მანდარინის, ფეიხოას და ლიმონის ექსპორტი გაზარდაოქტომბერში ციტრუსის სეზონის დაწყებიდან აფხაზეთმა რუსეთში მანდარინის, ფეიხოას და ლიმონის ექსპორტი გაზარდა. ამის შესახებ TASS-ს დე ფაქტო სახელმწიფო საბაჟო კომიტეტის სტატისტიკის დეპარტამენტში განუცხადეს.კერძოდ, „ოქტომბრის დასაწყისიდან აფხაზეთიდან რუსეთში 2700 ტონა მანდარინი იქნა ექსპორტირებული, რაც 2024 წლის ანალოგიურ პერიოდთან შედარებით 558 ტონით მეტია. ასევე, ექსპორტირებულია 136 ტონა ლიმონი, რაც 2024 წლის მოცულობაზე 93 ტონით მეტია. 2024 წლის ამავე პერიოდში აფხაზეთიდან რუსეთში 719 ტონა ფეიხოა გავიდა, მაშინ, როცა წლევანდელი მაჩვენებელი 819 ტონას შეადგენს.“თუმცა ხურმის ექსპორტი 6 ტონით შემცირდა და 122 ტონა შეადგინა.ხილი, ძირითადად, დიდი რაოდენობით, მძიმე სატვირთო მანქანებით გადის ექსპორტზე. ამასთან, აფხაზეთიდან რუსეთში 5 კგ-მდე წონის მანდარინის, ფორთოხლის, ლიმონისა და სხვა ციტრუსის ტრანსპორტირება უბაჟოა, ხოლო 5 კგ-ზე მეტი წონის, თუმცა არაუმეტეს 25 კგ-ის ტვირთის ხელბარგით ან საბარგულით გადატანა მხოლოდ ფიტოსანიტარიული (საკარანტინო) სერტიფიკატის წარდგენის შემთხვევაში არის დაშვებული.25 კგ-ზე მეტი წონის ხილბოსტნეულის პროდუქცია სავალდებულო დეკლარირებას და საბაჟო გადასახადებს ექვემდებარება. სერტიფიკატის გარეშე ციტრუსის პროდუქცია პირს რუსეთის კანონმდებლობის შესაბამისად ჩამოერთმევა. ეს წესი 2014 წლის 21 ივლისს დადგენილი „მცენარეთა კარანტინის შესახებ“ ფედერალური კანონით განისაზღვრება და ტრანსპორტის ყველა სახეობაზე, მათ შორის, მატარებლებსა და ელექტრომატარებლებზე ვრცელდება.ცნობისთვის: აფხაზეთში ციტრუსი, ფეიხოა და ხურმა ოქტომბერში იწყებს დამწიფებას. ციტრუსის სეზონი ყველაზე დიდხანს გაზაფხულის დასაწყისამდე გრძელდება.bpn.ge
1762595147
„წლიურად 120-150 ტონამდე ქათმის ფეხებსა და კისერს ვაწარმოებთ - ალბათ, მოხდება ერთ ადგილას შეგროვება და ჩინეთში გატანა“ - ასოციაცია„როგორც ჩინეთიდან აქ შემოდის მხოლოდ ქათმის ფილე, ალბათ, ჩვენგან ჩინეთში გავა ფეხები, კისერი და ქათმის სხვა ნაწილები, რომელიც ჩვენთან ყველაზე დაბალ ფასად იყიდება“, - ამის შესახებ მეფრინველეობის განვითარების ასოციაციის ხელმძღვანელმა, ზურაბ უჩუმბეგაშვილმა „ბიზნესპრესნიუსთან“ განაცხადა.შეგახსენებთ, საქართველოსა და ჩინეთს შორის ურთიერთთანამშრომლობის მემორანდუმი გაფორმდა. აღნიშნული მემორანდუმი საქართველოს შესაძლებლობას აძლევს ჩინეთში ქათმის ხორცის ექსპორტი განახორციელოს.ზურაბ უჩუმბეგაშვილის თქმით, ქართველი ფერმერებისთვის კარგი იქნება, თუ იმ ნაწილებს, რაც საქართველოში ყველაზე იაფია და არც მოთხოვნაა, ჩინეთში კარგ ფასად გაყიდვის შესაძლებლობა გამოუჩნდება.„ჩინეთი არის საქართველოში ქათმის ხორცის ყველაზე მსხვილი იმპორტიორი. ქათმის ფილე რაც შემოდის, უდიდესი ნაწილი ჩინურია. 18 ათასი ტონაა შემოსულია მარტო ამ წლების განმავლობაში. აქედან გამომდინარე, ვფიქრობ, რომ დიდი ალბათობით საუბარი იქნება არა ქათმის ხორცზე, არამედ ქათმის ნაწილებზე. როგორც ჩინეთიდან აქ შემოდის მხოლოდ ქათმის ფილე და სხვა არაფერი, ალბათ, ჩვენგან ჩინეთში გავა ფეხები, კისერი და ქათმის სხვა ნაწილები, რომელიც ჩვენთვის, მაინც და მაინც, სახარბიელო არაა. საქართველოში ყველაზე დაბალ ფასად იყიდება ეს ნაწილები, შესაბამისად, ქართველი ფერმერებისთვის კარგი იქნება, თუ იმ ნაწილებს, რაც აქ ყველაზე იაფია და კარგად არ იყიდება, გამოუჩნდება პერსპექტივა, რომ კარგ ფასად ჩინეთში გაყიდონ“, - აღნიშნავს უჩუმბეგაშვილი.ამასთანავე, ასოციაციაში აცხადებენ, რომ ქათმის ფეხებსა და კისერს მთიანი ქათმის წონის დაახლოებით 6-7% უკავია, აქედან გამომდინარე, რაოდენობა მცირე იქნება. ამ ფონზე უჩუმბეგაშვილი ფიქრობს, რომ შესაძლოა, საექსპორტო პროდუქცია ერთ ადგილას შეგროვდეს და რომელიმე ექსპორტიორის მიერ ჩინეთში გატანა განხორციელდეს.„ქათმის ფეხები და კისერი სულ არის ქათმის მთლიანი ტან-ფეხის წონის დაახლოებით 6-7%. საკმაოდ მცირე რაოდენობა ფერმებისთვის, ალბათ, მოხდება ერთ ადგილას შეგროვება, გახდება ვინმე ექსპორტიორი ვინც გაიტანს. რა თქმა უნდა, კარგია, რადგან ის რაც იაფია სწრაფად, გარანტირებულად და ძვირად გაიყიდება“, - დასძინა მან.კითხვაზე, რა მოცულობის ქათმის ფეხებსა და კისერს აწარმოებს საქართველო მთელი წლის განმავლობაში, უჩუმბეგაშვილი პასუხობს, რომ დაახლოებით 120-150 ტონას.„დაახლოებით წლის განმავლობაში საქართველო აწარმოებს 24-25 ათას ტონა ქათმის ხორცს. დაახლოებით 120-150 ტონამდე გამოვა ფეხები და კისერი წლიურად. იმის გათვალისწინებით, რომ ადგილობრივადაც მოვიხმართ პროდუქტს, ალბათ, სრულად ჩინეთში არ გავა. სამომავლო პერსპექტივისთვის თუნდაც ერთი დასახლების პროდუქციით ამხელა ბაზარზე შესვლა ცუდი არ არის“, - განაცხადა „ბიზნესპრესნიუსთან“ საუბრისას ზურაბ უჩუმბეგაშვილმა.
1762323967
როგორი ამინდია მოსალოდნელი დღეს საქართველოში5 ნოემბერს, ქუთაისში მზიანი ამინდი იქნება, დღისით +21 და ღამით +19 გრადუსია მოსალოდნელი.მზეა ოზურგეთშიც, დღისით +22 გრადუსი დაფიქსირდება, ღამით კი +8. ბათუმშიც მზიანი ამინდი იქნება, დღისით ჰაერი +22 გრადუსამდე გათბება, ხოლო ღამით +9 გრადუსი დაფიქსირდება.უნალექო ამინდია მოსალოდნელი ფოთში. დღისით +22 გრადუსი დაფიქსირდება, ღამით კი +11 გრადუსია მოსალოდნელი. მზიანი ამინდი იქნება ზუგდიდში, დღისით ტემპერატურა +20, ღამით კი +8 გრადუსია ნავარაუდევი.მზიანი დღეა სოხუმში. +20 გრადუსია მოსალოდნელი დღისით, ღამით +10 გრადუსი დაფიქსირდება.მესტიაში უნალექო ამინდია ნავარაუდევი, დღისით +12 გრადუსი იქნება, ღამით კი -2 გრადუსი დაფიქსირდება. ამბროლაურში მზიანი ამინდია, ჰაერი +20 გრადუსამდე გათბება, ღამით კი +3 გრადუსი დაფიქსირდება.უნალექო ამინდია ჭიათურაში, დღისით +21 გრადუსი, ღამით კი +6 გრადუსი დაფიქსირდება. ახალციხეში მზიან დღეს ვარაუდობენ. დღისით ჰაერი +17 გრადუსამდე გათბება, ღამით კი ტემპერატურა -2 გრადუსი იქნება.ბორჯომშიც უნალექო დღეა, +15 იქნება დღისით, ღამით კი +3 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +14 გრადუსია მოსალოდნელი, ღამით -4 გრადუსი დაფიქსირდება.უნალექო ამინდს ელოდებიან გორში, დღისით +17 გრადუსი, ღამის განმავლობაში კი 0 გრადუსი დაფიქსირდება. მზიანი ამინდი იქნება ცხინვალშიც, ჰაერის ტემპერატურა +16 გრადუსი იქნება, ღამით კი -1 გრადუსი დაფიქსირდება.გუდაურშიც მზიანი ამინდი იქნება, დღის განმავლობაში +10 გრადუსი დაფიქსირდება, ღამით კი ჰაერის ტემპერატურა -2 გრადუსი იქნება. ომალოშიც მზიანი ამინდი იქნება, დღისით +11, ღამით კი -1 გრადუსი დაფიქსირდება.ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +16 გრადუსი იქნება, ღამით კი +6 გრადუსი დაფიქსირდება. უნალექო დღე იქნება თელავშიც, +17 გრადუსი დაფიქსირდება, ღამით კი +5 გრადუსია ნავარაუდევი.მზიან ამინდს ვარაუდობენ გურჯაანშიც. დღისით +16 გრადუსი, ღამით კი +6 გრადუსი დაფიქსირდება. სიღნაღში უნალექო ამინდს ელოდებიან, დღისით +15 გრადუსია მოსალოდნელი, ღამით +5 გრადუსი დაფიქსირდება.მზიანი დღეა მოსალოდნელი რუსთავში, დღისით +19 გრადუსია მოსალოდნელი, ღამით კი +6 გრადუსი დაფიქსირდება.თბილისში მზიანი დღე იქნება. ჰაერის ტემპერატურა დღისით +18 გრადუსს მიაღწევს, ღამით კი +6 გრადუსი იქნება.
1762146389
როგორი ამინდია მოსალოდნელი დღეს საქართველოში3 ნოემბერს, ქუთაისში უნალექო ამინდი იქნება, დღისით +24 და ღამით +14 გრადუსია მოსალოდნელი.მზეა ოზურგეთშიც, დღისით +22 გრადუსი დაფიქსირდება, ღამით კი +12. ბათუმშიც მზიანი ამინდი იქნება, დღისით ჰაერი +22 გრადუსამდე გათბება, ხოლო ღამით +12 გრადუსი დაფიქსირდება.უნალექო ამინდია მოსალოდნელი ფოთში. დღისით +22 გრადუსი დაფიქსირდება, ღამით კი +12 გრადუსია მოსალოდნელი. მზიანი ამინდი იქნება ზუგდიდში, დღისით ტემპერატურა +23, ღამით კი +12 გრადუსია ნავარაუდევი.მზიანი დღეა სოხუმში. +20 გრადუსია მოსალოდნელი დღისით, ღამით +11 გრადუსი დაფიქსირდება.მესტიაში უნალექო ამინდია ნავარაუდევი, დღისით +16 გრადუსი იქნება, ღამით კი -1 გრადუსი დაფიქსირდება. ამბროლაურში მზიანი ამინდია, ჰაერი +20 გრადუსამდე გათბება, ღამით კი +5 გრადუსი დაფიქსირდება.უნალექო ამინდია ჭიათურაში, დღისით +21 გრადუსი, ღამით კი +8 გრადუსი დაფიქსირდება. ახალციხეში მზიან დღეს ვარაუდობენ. დღისით ჰაერი +17 გრადუსამდე გათბება, ღამით კი ტემპერატურა -2 გრადუსი იქნება.ბორჯომშიც უნალექო დღეა, +17 ქნება დღისით, ღამით კი 2 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +16 გრადუსია მოსალოდნელი, ღამით -3 გრადუსი დაფიქსირდება.უნალექო ამინდს ელოდებიან გორში, დღისით +18 გრადუსი, ღამის განმავლობაში კი 7 გრადუსი დაფიქსირდება. მზიანი ამინდი იქნება ცხინვალშიც, ჰაერის ტემპერატურა +16 გრადუსი იქნება, ღამით კი 6 გრადუსი დაფიქსირდება.გუდაურშიც მზიანი ამინდი იქნება, დღის განმავლობაში 7 გრადუსი დაფიქსირდება, ღამით კი ჰაერის ტემპერატურა -2 გრადუსი იქნება. ომალოშიც მზიანი ამინდი იქნება, დღისით +8, ღამით კი -1 გრადუსი დაფიქსირდება.ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +16 გრადუსი იქნება, ღამით კი +7 გრადუსი დაფიქსირდება. უნალექო დღე იქნება თელავშიც, +15 გრადუსი დაფიქსირდება, ღამით კი +6 გრადუსია ნავარაუდევი.მზიან ამინდს ვარაუდობენ გურჯაანშიც. დღისით +15 გრადუსი, ღამით კი +6 გრადუსი დაფიქსირდება. სიღნაღში უნალექო ამინდს ელოდებიან, დღისით +16 გრადუსია მოსალოდნელი, ღამით +7 გრადუსი დაფიქსირდება.მზიანი დღეა მოსალოდნელი რუსთავში, დღისით +18 გრადუსია მოსალოდნელი, ღამით კი +8 გრადუსი დაფიქსირდება.თბილისში მზიანი დღე იქნება. ჰაერის ტემპერატურა დღისით +17 გრადუსს მიაღწევს, ღამით კი +8 გრადუსი იქნება.
1761728092
Forbes-ის რეიტინგით, მოჰამედ ალაბარი, რომელიც საქართველოში $6.5 მილიარდიან ინვესტიციას ახორციელებს მსოფლიოს უმდიდრეს არაბთა შორისააForbes-ის რეიტინგში, Emaar ჯგუფის და Eagle Hills-ის დამფუძნებელი მოჰამედ ალაბარი, რომელიც საქართველოში $6.5 მილიარდიან ინვესტიციას ახორციელებს მსოფლიოს უმდიდრეს არაბ ადამიანებს შორისაა.სწორედ მოჰამედ ალაბარის მიერ დაფუძნებულმა კომპანიამ Emaar Properties-მ, მსოფლიოში ყველაზე მაღალი შენობა ბურჯ ხალიფა ააშენა. მან კომპანია 1997 წელს დააფუძნა, ხოლო 2000 წელს დუბაის საფონდო ბირჟაზე მისი აქციების საჯარო განთავსება განახორციელა. მიუხედავად იმისა, რომ მან 2020 წელს თავმჯდომარის პოსტი დატოვა, მისი მთავარი სიმდიდრის წყარო რჩება Americana Restaurants-ში მისი 33%-იანი წილი, რომელიც ახლო აღმოსავლეთში ცნობილი სწრაფი კვების ფრენჩაიზების მფლობელია.ალაბარის ბიზნეს ინტერესები აქ არ სრულდება. 2014 წელს მან აბუ-დაბიში დააარსა კომპანია Eagle Hills, რომელიც უკვე სამ კონტინენტზე, ათ ქვეყანაში ახორციელებს მაღალი კლასის საცხოვრებელი კომპლექსების, სასტუმროებისა და სავაჭრო ობიექტების მშენებლობას.გარდა ამისა, ბიზნესმენი ფლობს მნიშვნელოვან წილებს ელექტრონულ ვაჭრობის პლატფორმა Noon.com-ში და დუბაიში დაფუძნებულ ციფრულ ბანკში Zand Bank-ში.ალაბარის საქმიანობა მრავალფეროვან ინდუსტრიებს აერთიანებს, რაც მას გლობალურ ბიზნეს არენაზე დივერსიფიცირებულ და გავლენიან ინვესტორად აქცევს.ცნობისთვის, 2025 წლის Forbes-ის მსოფლიო მილიარდერების რეიტინგის მიხედვით, მსოფლიოს მასშტაბით მილიარდერების რაოდენობამ პირველად გადააჭარბა 3,000-ს სიაში მოხვდა 3,028 ადამიანი, რაც 247-ით მეტია 2024 წელთან შედარებით. გაიზარდა არა მხოლოდ მილიარდერების რაოდენობა, არამედ მათი საერთო ქონებაც, რომელიც ისტორიულ მაქსიმუმს მიაღწია — ჯამში 16.1 ტრილიონი დოლარი, რაც თითქმის 2 ტრილიონით მეტია 2024 წელს დაფიქსირებულ მაჩვენებელზე.მილიარდელების რაოდენობის მიხედვით აშშ ლიდერობს 902 მილიარდერი, შემდეგ მოდის ჩინეთი (516, ჰონგ-კონგის ჩათვლით) და ინდოეთი (205). რეიტინგის შედგენისას Forbes-მა იხელმძღვანელა 2025 წლის 7 მარტის საფონდო ფასებითა და ვალუტის კურსებით.MENA რეგიონის რვა ქვეყანაში საერთო ჯამში ცხოვრობს 38 არაბი მილიარდერი, რომელთა ქონება შეადგენს 128.4 მილიარდ აშშ დოლარს. ეს მნიშვნელოვნად აღემატება 2024 წლის მაჩვენებელს, როცა სიაში მხოლოდ 20 არაბი მილიარდერი იყო საერთო 53.7 მილიარდი დოლარით.საუდის არაბეთმა შვიდწლიანი პაუზის შემდეგ წელს Forbes-ის გლობალურ მილიარდერთა სიაში დაბრუნება შეძლო | სიაში მოხვდა 15 საუდელი მილიარდერი, რომელთაგან 14 ახალია. მათი სიმდიდრე ძირითადად იმ კომპანიებში წილზე მოდის, რომლებიც საუდის ბირჟაზეა ჩამოთვლილი. IPO-ების ზრდამ COVID-ის შემდეგ მნიშვნელოვნად გაზარდა მათი ქონება.პრინცი ალვალიდ ბინ ტალალ ალ საუდი მსოფლიოში ყველაზე მდიდარი არაბია.ეს ინფორმაცია წარმოადგენს Forbes-ის 39-ე ყოველწლიური მსოფლიო მილიარდერთა ნაწილს, სადაც არაბთა სია მოიცავს არაბული წარმოშობის მილიარდერებს, რომლებიც ცხოვრობენ არაბულენოვან ახლო აღმოსავლეთსა და ჩრდილოეთ აფრიკის ქვეყნებში.
