სოფლის მეურნეობა
„ქართული არტიზანული ყველი ექსპორტზე ჯერჯერობით ვერ გავა“ - ანა მიქაძე-ჩიკვაიძე
საქართველოს ყველის მწარმოებელთა ასოციაციის თავმჯდომარე, ქართული ყველის მკვლევარი ანა მიქაძე-ჩიკვაიძე „ბიზნესპარტნიორთან“ ქართული არტიზანული ყველის პერსპექტივაზე საუბრობს. მისი განცხადებით, წარმოება სტანდარტს ჯერჯერობით ვერ აკმაყოფილებს, რის გამოც პროდუქტი ექსპორტისთვის მზად არ არის.ბაზრის კვლევა ანა მიქაძე-ჩიკვაიძემ „ქართული ყველის“ პროექტის ფარგლებში მოახდინა და არტიზანული ყველის წარმოებას საქართველოს თითქმის ყველა რეგიონში გაეცნო.როგორც მკვლევარი აღნიშნავს, ქვეყანას აქვს არტიზანული ყველის უნიკალური სახეობები, რომელიც დიდი ხნის განმავლობაში მივიწყებული იყო და ტრადიცია ახლა ცოცხლდება.მთავარი დაბრკოლება, მისი შეფასებით, სურსათის უვნებლობის საკითხია, რაშიც მწარმოებლებს მხარდაჭერა სჭირდება, რათა წარმოებას ორგანიზებული ფორმა მიეცეს და სფერო განვითარდეს.„მსოფლიოს ყველა ქვეყანა, სადაც დღეს ყველის წარმოება მაღალ დონეზეა განვითარებული, ურთულესი გზა გაიარა. ჩვენს იგივე პროცესს გავდივართ, ფაქტობრივად ახლა ვიწყებთ. ამიტომ სანამ საექსპორტო ბაზრებზე დავიწყებდეთ ფიქრს, მანამდე საკუთარ თავს უნდა ვკითხოთ, ჯერ აქ რას ვჭამთ, რაც არ ვიცით. არც ის, რა ხელით მომზადდა, როგორ შეიფუთა, დაცულია თუ არა სტანდარტი, ელემენტარული სანიტარიული ნორმა. უცხოეთმა დიდი ხანია ეს დააწესა, რეგულაციებში ასახა და ვერავინ დაარღვევს, წარმოება გაუჩერდება, რადგან არაფერია ისეთი საშიში, როგორც დაბინძურებული რძის პროდუქტებია“, - აცხადებს ანა მიქაძე-ჩიკვაიძე ''ბიზნესპარტნიორთან".რაც შეეხება ყველის სახეობებს, აღდგენილია მივიწყებული უნიკალური წარმოება, როგორიცაა ტენილი, დამბალ ხაჭო, გვაჯილა, შუშველა, ნარჩვი და სხვა.ცნობისთვის, არტიზანული ყველის მხარდაჭერა „ქართული ყველის“ ერთ-ერთი პროექტის „ქარხანა ბორბლებზე" ფარგლებში ხორციელდება. ანა მიქაძე ჩიკვაიძემ პროექტზე მუშაობა 2023 წელს დაიწყო. ქართული ყველის მკვლევარი პროექტს საკუთარი რესურსით ახორციელებს.მარი ჩიტაია
1713947946
1712910417
ერთწლიანი კულტურების ნათესი ფართობები 4.9%-ით შემცირდაწინასწარი მონაცემებით, 2023 წელს ერთწლიანი კულტურების ნათესმა ფართობმა 205.2 ათასი ჰექტარი შეადგინა, რაც წინა წლის შესაბამის მაჩვენებელს 4.9%-ით ჩამორჩება.საქსტატის ინფორმაციით, საშემოდგომო მარცვლოვანი კულტურების ნათესი ფართობი შემცირდა 3.7%-ით და შეადგინა 64.6 ათასი ჰექტარი, ხოლო საგაზაფხულო კულტურების ნათესი ფართობი შემცირდა 5.5%-ით და 140.5 ათასი ჰექტარი შეადგინა.ამასთანავე, ერთწლიანი კულტურების ნათეს ფართობში ყველაზე დიდი წილი სიმინდს უკავია, რომლის ნათესმა ფართობმა 75.4 ათასი ჰექტარი შეადგინა. ხორბლის ნათესი ფართობი 56.7 ათასი ჰექტარი იყო, ქერის - 22.4 ათასი ჰექტარი, კარტოფილის - 16.2 ათასი ჰექტარი, ერთწლიანი და მრავალწლიანი ბალახების - 13.2 ათასი ჰექტარი, ბოსტნეულის - 10.2 ათასი ჰექტარი, ხოლო დანარჩენი კულტურების ჯამური ნათესი ფართობი 11.1 ათას ჰექტარს შეადგენდა.
1712731882
როგორია ჩაის პლანტაციების რეაბილიტაციის სახელმწიფო პროგრამის 2023 წლის შედეგებიჩაის პლანტაციების რეაბილიტაციის სახელმწიფო პროგრამა 2016 წელს დაიწყო, რომლის ფარგლებშიც, 2023 წელს სარეაბილიტაციო პლანტაციების ჯამური ფართობი 120.97 ჰექტარი იყო. ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალურიდაცვის სამინისტროს, დასაქმების პოლიტიკის დაგეგმვისა და განხორციელების 2023 წლის ანგარიშშია საუბარი.რაც შეეხება გასულ წელს დამტკიცებულ პროექტებში თანადაფინანსების ოდენობას, დოკუმენტის თანახმად, 305,136 ლარია.„პროექტის მიზანია, როგორც კერძო სექტორში, ასევე, სახელმწიფო საკუთრებაში არსებული ჩაის პლანტაციების რეაბილიტაცია, ჩაის პოტენციალის ეფექტიანად გამოყენება, თანამედროვე ჩაის გადამმუშავებელი საწარმოების შექმნა და ადგილობრივი ჩაის (მათ შორის, ბიო ჩაი) წარმოების ზრდის ხელშეწყობა. შედეგად ქვეყანაში თვითუზრუნველყოფის დონე ამაღლდება და საექსპორტო პოტენციალი გაიზრდება. 2023 წელს განხორციელდა შემდეგი აქტივობები:🔵 პროგრამაში ჩართული ბენეფიციარების რაოდენობა - 4;🔵 სარეაბილიტაციო პლანტაციების ჯამური ფართობი - 120.97 ჰა;🔵 რეაბილიტირებული პლანტაციების სარეაბილიტაციო სამუშაოების ჯამური ღირებულება - 438,137 ლარი;🔵 დამტკიცებულ პროექტებში თანადაფინანსების ოდენობა - 305,136 ლარი“,- აღნიშნულია დოკუმენტში.
1712300077
მეფუტკრეობის განვითარებაში მთავარი დაბრკოლება კადრების სიმცირეა - მეფუტკრეთა გაერთიანებაპროფესიონალი კადრების სიმცირის გამო მეფუტკრეობის სფერო ვერ ვითარდება ისე, რისი რესურსიც გაგვაჩნია - ამის შესახებ „ბიზნესპარტნიორთან“ მეფუტკრე ტრენერი, საქართველოს მეფუტკრეთა გაერთიანების თანადამფუძნებელი ვლადიმერ ვარდოსანიძე აცხადებს. მისი თქმით, წარმოების მასშტაბის ზრდა დიდწილად სწორედ პროფესიულ კადრზეა დამოკიდებული, რის გამოც ვერც მავნებლების გავრცელების პრევენცია ხერხდება.ცნობილი მეფუტკრე აცხადებს, რომ ამ დროს სექტორის განვითარებაში დიდი პერსპექტივაა როგორც წარმოების ზრდის, ასევე აპიტურიზმის განვითარების მიმართულებითაც.„ვეტერინარი არის პრობლემა, ვინაიდან კადრი არ გვყავს, ამისთვის საჭიროა ვიწრო სპეციალობის ადამიანი, რომელიც მეფუტკრეობაში ერკვევა. ამას ყველა ვეტერინარი ვერ გააკეთებს. განათლების დონე უნდა გაიზარდოს მეფუტკრეობაში, რადგან სამრეწველო მეფუტკრეობაზე გადავდივართ და კადრებთან დაკავშირებული საკითხი პირველ რიგში უნდა მოგვარდეს, ამისთვის პროფესიული სასწავლებლების როლის გაძლიერება ერთ-ერთი მნიშვნელოვანი ფაქტორია. აუცილებელია საგანმანათლებლო ღონისძიებების გატარება მეფუტკრეობის სფეროში პროფესიონალიზმის ასამაღლებლად და ასევე მეფუტკრეების მუშაობის კულტურის ამაღლება“, - აცხადებს ვლადიმერ ვარდოსანიძე.მეფუტკრე ტრენერი ფუტკრის დაავადებებზეც ამახვილებს ყურადღებას და აცხადებს, რომ დანაკარგი გარდაუვალია, მაგრამ პროცესის სწორი მართვით მისი მასშტაბის შემცირება შესაძლებელია.„ფუტკარს განსაკუთრებით გაზაფხულზე უჭირს, ბევრი ვერ ახერხებს გამოზამთრებას და იღუპება. ცალკე პრობლემაა მავნებელი, ამ შემთხვევაში ტკიპა, რასაც ფუტკარი ყველაზე მეტად ეწირება. სწორედ ამიტომ გვჭირდება გამოცდილი კადრი, რომ დაავადებას სწორად ვებრძოლოთ და აგროღონისძიებები გავატაროთ. რა თქმა უნდა, სახელმწიფოს მხრიდან მონიტორინგი უნდა გაძლიერდეს, მაგრამ ბევრი რამ ასევე სპეციალისტზეც არის დამოკიდებული. ყველა რეგიონში, სადაც მეფუტკრეობა ვეტერინარი არის პრობლემა, კადრი არ არის, ვინც უნდა შეამოწმოს საფუტკრე და რეკომენდაცია გასცეს. ნორმალურ პირობებში ფუტკრის დანაკარგი 5-10%-ს არ უნდა აღემატებოდეს, მაგრამ ხშირ შემთხვევაში გაცილებით მაღალი მასშტაბისაა, რაც სწორედ უცოდინარობას და კადრის დეფიციტს უკავშირდება“, - აცხადებს ვლადიმერ ვარდოსანიძე.ცნობისთვის, საქართველოს მეფუტკრეთა გაერთიანება 2018 წლის ოქტომბერში დაფუძნებული ორგანიზაციაა. გაერთიანების წევრია 13 სექტორული ორგანიზაცია (10 ასოციაცია და 3 კომპანია), ხოლო გაერთიანების ქოლგის ქვეშ მთელი საქართველოს მასშტაბით 4 000- ზე მეტი მეფუტკრეა.
სხვა სიახლეები
აზერბაიჯანში შესაძლოა ელექტრონული სიგარეტის გამოყენება აკრძალონ
აზერბაიჯანში, ეკონომიკური პოლიტიკის, მრეწველობისა და მეწარმეობის კომიტეტის თავმჯდომარე თაჰირ მირკიშილი ელექტრონული სიგარეტის მოხმარების აკრძალვის წინადადებით გამოვიდა. ამის შესახებ ინფორმაციას ადგილობრივი მედია ავრცელებს. როგორც მედია იუწყება, მირკიშილის მიერ ჩატარებული კვლევის მიხედვით, ელექტრონული სიგარეტი მოწევის „მოდური“ სახეობაა, ფართოდ გავრცელებული ახალგაზრდებში, მაგრამ მომავალში ის ძალიან სერიოზულ გართულებებს გამოიწვევს.„ უმეტეს ქვეყნებში ელექტრონული სიგარეტი აკრძალულია. აზერბაიჯანში მათი აკრძალვა არ არსებობს და ქვეყანაში წელიწადში დაახლოებით 3 მილიონი ერთჯერადი ელექტრონული სიგარეტი შემოდის. თუ ეკონომიკური თვალსაზრისით ზიანი არ არის, შეგვიძლია ამ საკითხზე ინიციატივა გამოვიჩინოთ“, - აღნიშნა მან.
სხვადასხვა • 1714304460
საქართველოს მოსახლეობის ნახევარზე მეტს აქტიური სესხი უფიქსირდება - 300 ათას ადამიანს კრედიტის გადახდა უჭირს
რა არის და რისგან შედგება თქვენი საკრედიტო ისტორია და როგორ უნდა მართოთ ინფორმაცია, რომელიც შესაძლოა, სამომავლოდ ბანკებთან ურთიერთობისას მათ გადაწყვეტილებაზე აისახოს, ამის შესახებ რადიო „პალიტრას“ გადაცემაში „თქვენი დრო“ „კრედიტინფო საქართველოს“ ბიზნეს ანალიტიკოსმა, მირიან ჯობავამ ისაუბრა.მირიან ჯობავა: საკრედიტო ისტორია არის თქვენი საკრედიტო გადახდების მთლიანი წყობა. თუკი რამე სესხით გისარგებლიათ, ეს ყველაფერი ინახება ჩვენს ბაზაში და ახალი სესხის აღების დროს, საკრედიტო დაწესებულება ამოწმებს თქვენს ისტორიას. ამაში მოიაზრება ინფორმაცია დეტალურად: სად გქონდათ აღებული სესხი, რა ვადით, როგორი გადახდები გქონდათ, 1-დღიანი ვადაგადაცილებაც კი ნეგატიურად ისახება საკრედიტო ქულაზე.მირიან ჯობავას თქმით, „კრედიტინფოში“ დაახლოებით 3 მლნ ადამიანის ინფორმაცია ინახება. „ჩვენთან 3 მლნ-მდე ადამიანის ინფორმაციაა, აქედან დაახლოებით 1.9 მლნ-ს აქვს აქტიური სესხი, რაც საქართველოს მოსახლეობის ნახევარზე მეტს წარმოადგენს. ჯამური ვალდებულება არის დაახლოებით 44.8 მლრდ ლარი და ამ მოცულობიდან ვადაგადაცილება დაახლოებით 300 ათასამდე ადამიანს უფიქსირდება. მათი ჯამური ვალდებულება კი არის 2,100 მილიარდი, რაც ჯამური ვალდებულების დაახლოებით 6%-ია“.მირიან ჯობავას თქმით, ვადაგადაცილებების დროსაც ხდება ჯარიმის პატიება ან გრაფიკის აწყობა ისე, რომ გადაცილება აღარ დაფიქსირდეს.
ეკონომიკა • 1714296060
პარიზის სასტუმროებს ჯავშნების სიმცირის გამო ფასების შემცირება უწევთ
2023 წლის ბოლოდან დაიწყო ინფორმაციის გავრცელება იმის შესახებ, რომ პარიზის სასტუმროებმა მნიშვნელოვნად გაზარდეს ფასები ოლიმპიური თამაშების პერიოდისთვის 2024 წლის 26 ივლისიდან 11 აგვისტომდე. ანალოგიური ვითარება შეიქმნა საზოგადოებრივ ტრანსპორტთან და სხვა ტურისტულ სერვისებთან დაკავშირებით. თუმცა, როგორც The Independent აღნიშნავს, შედეგად, ხარბი პარიზელი სასტუმროები კლიენტების გარეშე დარჩნენ - ოლიმპიადის დაწყებამდე სამი თვით ადრე მათი ოთახების მხოლოდ ნახევარი იყო სავსე. შედეგად მათ ფასების შემცირება მოუწიათ.ამრიგად, სასტუმროს ბაზრის ანალიტიკოსის Lighthouse-ის მონაცემები, რომელიც გამოცემას აქვს, აჩვენებს ოლიმპიადის დროს ღამის ღირებულების მუდმივ შემცირებას გასული წლის სექტემბერში 800 ევროზე მეტიდან 500 ევროზე ნაკლებამდე ამჟამად. მხოლოდ ბოლო 30 დღის განმავლობაში სამვარსკვლავიან სასტუმროებში ფასები 9%-ით, ოთხვარსკვლავიან სასტუმროებში 8%-ით, ხუთვარსკვლავიან სასტუმროებში 6%-ით დაეცა.ერთი თვით ადრე, The Independent-მა აღნიშნა, რომ პარიზში ტურიზმის უმაღლესი ოფიციალური პირები ელოდნენ, რომ თამაშების განმავლობაში სასტუმროების დატვირთვის მაჩვენებელი 60-იდან 70 პროცენტამდე იქნებოდა. შედარებისთვის, 2023 წლის ივლისში დაკავებულობის საშუალო მაჩვენებელი 91% იყო.
სხვადასხვა • 1714294800
სად ცხოვრობს ყველაზე მეტი/ცოტა ადამიანი საქართველოში
საქსტატის მონაცემებით, 2024 წლის 1-ელი იანვრის მდგომარეობით, საქართველოს მოსახლეობის 61% საქალაქო დასახლებებში ცხოვრობს. ამასთან, ქ. თბილისის მოსახლეობა მთლიანი მოსახლეობის მესამედზე მეტს შეადგენს.უფრო კონკრეტულად კი, ყველაზე ბევრი და ყველზე ცოტა ადამიანი საქართველოს შემდეგ რეგიონებში ცხოვრობს:🔵 ქ. თბილისი - 1 258 მლნ🔵 იმერეთი - 442 ათასი🔵 ქვემო ქართლი - 436 ათასი🔵 აჭარის ა.რ. – 363 ათასი🔵 კახეთი - 299 ათასი🔵 სამეგრელო-ზემო სვანეთი - 287 ათასი🔵 შიდა ქართლი - 244 ათასი🔵 სამცხე-ჯავახეთი - 142 ათასი🔵 გურია - 101 ათასი🔵 რაჭა-ლეჩხუმი და ქვემო სვანეთი - 26 ათასისტატისტიკის სამსახურის მონაცემებით, 2024 წლის 1-ლი იანვრის მდგომარეობით, საქართველოს მოსახლეობის რიცხოვნობამ 3 694 600 ათასი კაცი შეადგინა, რაც წინა წლის შესაბამისი პერიოდის მაჩვენებელთან შედარებით 1.1%-ით ნაკლებია.
საზოგადოება • 1714291800
მთავრობამ ბაკურიანში ბიატლონის ტრასის აშენება 6.8 მლნ ლარით გააიაფა
მთავრობამ დაბა ბაკურიანში ბიატლონის ტრასის აშენება 6.8 მლნ ლარით გააიაფა.საქართველოს მუნიციპალური განვითარების ფონდის მიერ თებერვალში გამოცხადებული ტენდერის მიხედვით, მაშინ შესყიდვის სავარაუდო ღირებულება 16.6 მლნ ლარი იყო. მაშინ ტენდერში წინადადებები სამმა კომპანიამ წარადგინა, თუმცა ის საბოლოოდ უშედეგოდ დასრულდა - სამივე კომპანია ტენდერიდან ტექნიკური დოკუმენტაციის გამო დისკვალიფიკაცირდა.ხელახლა ფონდმა ბაკურიანში ბიატლონისა და თხილამურებით რბოლის ტრასების და მათთან დაკავშირებული ინფრასტრუქტურის მოწყობის სამუშაოების შესყიდვისთვის ტენდერი 23 აპრილს გამოაცხადა. ტენდერში განცხადებების მიღება 3 მაისს დაიწყება და 6 მაისს დასრულდება. შესყიდვის სავარაუდო ღირებულება კი 9.746 მლნ ლარია (დღგ-ს ჩათვლით). დაბა ბაკურიანში ბიატლონის ტრასის, სასროლეთის, ხელოვნური ნაგებობების, ელექტრო მომარაგებისა და ხელოვნური გათოვლიანების მანქანებისთვის წყალმომარაგების საპროექტო-სახარჯთაღრიცხვო დოკუმენტაცია „გლობალ პროჯექთის“ მიერ არის მომზადებული.
სხვადასხვა • 1714288320
დღეს ბზობის დღესასწაული აღინიშნება
მართლმადიდებელი ეკლესია დღეს იერუსალიმში მაცხოვრის დიდებით შესვლას, ბზობის დღესასწაულს აღნიშნავს. დიდმარხვის მეექვსე კვირა დღეს მართლმადიდებელი ეკლესია მაცხოვრის იერუსალიმში დიდებით შესვლას ზეიმობს, რასაც ბაიაობას, ანუ ბზობას უწოდებენ. იგი ათორმეტთაგან რიგით პირველი მოძრავი დღესასწაულია, რომელიც ყოველთვის ბრწყინვალე აღდგომის წინა კვირა დღეს აღინიშნება.წმინდა სახარების მიხედვით, მაცხოვრის შესვლა იერუსალიმს ძლევამოსილი მეფის სატახტო ქალაქში შესვლას ჰგავდა და მას უბრალო ადამიანებმა საზეიმო შეხვედრა მოუწყვეს. იერუსალიმისკენ მიმავალ მაცხოვარს გზაზე ხალხი სამოსელს უფენდა, ზოგს კი პალმის რტოები ეკავა და ასე ეგებებოდა მას. ყოველი მხრიდან ისმოდა ღაღადისი: "ოსანა ძესა დავითისასა, კურთხეულ არს მომავალი სახელითა უფლისაჲთა! ოსანა, რომელი ხარ მაღალთა შინა!" დღესასწაულთან დაკავშირებით მლოცველები ტაძრებში ბზის რტოებით და სანთლებით მიდიან. ეკლესიებში ბზა იკურთხება, როგორც სიმბოლო უფლისთვის მიგებებისა. ბზობის გამო დიდმარხვის ეს დღე თევზით ხსნილია. შემდეგ ერთი კვირა კი მორწმუნეთათვის მძიმეა, რადგან ვნების შვიდეული აღინიშნება.
საზოგადოება • 1714285740
ენერგეტიკა
საზოგადოება
1714291800
სად ცხოვრობს ყველაზე მეტი/ცოტა ადამიანი საქართველოშისაქსტატის მონაცემებით, 2024 წლის 1-ელი იანვრის მდგომარეობით, საქართველოს მოსახლეობის 61% საქალაქო დასახლებებში ცხოვრობს. ამასთან, ქ. თბილისის მოსახლეობა მთლიანი მოსახლეობის მესამედზე მეტს შეადგენს.უფრო კონკრეტულად კი, ყველაზე ბევრი და ყველზე ცოტა ადამიანი საქართველოს შემდეგ რეგიონებში ცხოვრობს:🔵 ქ. თბილისი - 1 258 მლნ🔵 იმერეთი - 442 ათასი🔵 ქვემო ქართლი - 436 ათასი🔵 აჭარის ა.რ. – 363 ათასი🔵 კახეთი - 299 ათასი🔵 სამეგრელო-ზემო სვანეთი - 287 ათასი🔵 შიდა ქართლი - 244 ათასი🔵 სამცხე-ჯავახეთი - 142 ათასი🔵 გურია - 101 ათასი🔵 რაჭა-ლეჩხუმი და ქვემო სვანეთი - 26 ათასისტატისტიკის სამსახურის მონაცემებით, 2024 წლის 1-ლი იანვრის მდგომარეობით, საქართველოს მოსახლეობის რიცხოვნობამ 3 694 600 ათასი კაცი შეადგინა, რაც წინა წლის შესაბამისი პერიოდის მაჩვენებელთან შედარებით 1.1%-ით ნაკლებია.
1714285740
დღეს ბზობის დღესასწაული აღინიშნებამართლმადიდებელი ეკლესია დღეს იერუსალიმში მაცხოვრის დიდებით შესვლას, ბზობის დღესასწაულს აღნიშნავს. დიდმარხვის მეექვსე კვირა დღეს მართლმადიდებელი ეკლესია მაცხოვრის იერუსალიმში დიდებით შესვლას ზეიმობს, რასაც ბაიაობას, ანუ ბზობას უწოდებენ. იგი ათორმეტთაგან რიგით პირველი მოძრავი დღესასწაულია, რომელიც ყოველთვის ბრწყინვალე აღდგომის წინა კვირა დღეს აღინიშნება.წმინდა სახარების მიხედვით, მაცხოვრის შესვლა იერუსალიმს ძლევამოსილი მეფის სატახტო ქალაქში შესვლას ჰგავდა და მას უბრალო ადამიანებმა საზეიმო შეხვედრა მოუწყვეს. იერუსალიმისკენ მიმავალ მაცხოვარს გზაზე ხალხი სამოსელს უფენდა, ზოგს კი პალმის რტოები ეკავა და ასე ეგებებოდა მას. ყოველი მხრიდან ისმოდა ღაღადისი: "ოსანა ძესა დავითისასა, კურთხეულ არს მომავალი სახელითა უფლისაჲთა! ოსანა, რომელი ხარ მაღალთა შინა!" დღესასწაულთან დაკავშირებით მლოცველები ტაძრებში ბზის რტოებით და სანთლებით მიდიან. ეკლესიებში ბზა იკურთხება, როგორც სიმბოლო უფლისთვის მიგებებისა. ბზობის გამო დიდმარხვის ეს დღე თევზით ხსნილია. შემდეგ ერთი კვირა კი მორწმუნეთათვის მძიმეა, რადგან ვნების შვიდეული აღინიშნება.
1714218480
„მოთხოვნა დიდია, გვიწევს უარის თქმაც“ - ცხოველების სასტუმრო „ციბა“თბილისში ცხოველების სასტუმრო „ციბა“ 2018 წელს გაიხსნა. როგორც „კომერსანტთან“ საუბრისას „ციბას“ დამფუძნებელი და ხელმძღვანელი ალექსანდრა ჯაფარიძე ამბობს, პანდემიის დროს იკლო მოთხოვნამ, მაგრამ შემდეგ ისევ იმატა, მომსახურების ფასი კი დაახლოებით 15%-მდე გაიზარდა. ამჟამად „ციბაში“ შინაური ცხოველების დატოვე 1 დღე-ღამით 15-დან 40 ლარამდე ღირს. „კომერსანტი“ „ციბას“ დამფუძნებელს ცხოველების სასტუმროს შექმნის, პირობებისა და ფასების შესახებ ესაუბრა. როდის გაიხსნა ცხოველების სასტუმრო „ციბა“, რომელ ცხოველებს ემსახურებით და რამდენ სტუმარზეა გათვლილი სასტუმრო?ალექსანდრა ჯაფარიძე, ცხოველების სასტუმრო „ციბას“ ხელმძღვანელი: სასტუმრომ მუშაობა 2018 წლიდან დაიწყო, მაშინ ჯერ კიდევ ვეტერინარიის ფაკულტეტის სტუდენტი ვიყავი. „ციბა“ საოჯახო ტიპის სასტუმროა, სადაც ოჯახთან ერთად ვცხოვრობ. ჩვენს სასტუმროში ცხოველები არ არიან ვოლიერებში, არც გალიებში, არ ვკეტავთ. დიდი ეზო გვაქვს და იმდენ ცხოველს ვიტოვებთ, რამდენსაც შეუძლია, რომ თავისუფლად იყოს. გვყავს ხოლმე 7-8 ძაღლი და 4-5 ფისო. ძირითადად პატარა ზომის ძაღლებს ვიტოვებთ. ვერიდები, რომ ერთდროულად დიდი ზომის რამდენიმე ძაღლი დავიტოვო. კატები სხვადასხვა ოთახებში იზოლირებულად არიან გადანაწილებული.ძაღლებისა და კატების გარდა, კიდევ რომელ ცხოველებს იტოვებთ?ვისაც რა შინაური ცხოველი ჰყავს, შეზღუდვა არ მაქვს, ყველაფერს ვიტოვებთ - თუთიყუშს, თხუნელას, ზღვის გოჭს, თევზებს, წყლის კუს, კურდღელს, ზაზუნას. ერთდროულად მაქსიმუმ 15 ცხოველის დატოვება შეგვიძლია. თითოეული ცხოველის შემთხვევაში სასტუმეროში ფასები როგორია?ძაღლის შემთხვევაში 40 ლარი ღირს დღე-ღამე და საკვები პატრონმა თვითონ უნდა მოიტანოს; კატის შემთხვევაში - 25 ლარი და პლუს საკვები და ქვიშა ტუალეტისთვის; სხვა ცხოველებისთის (კურდღელი, კუ, თუთიყუში, თხუნელა) - 15 ლარი. ესენიც საკვებით უზრუნველყოფილები უნდა იყვნენ.მოთხოვნა როგორია, პანდემიის შემდეგ გაიზარდა?2018 წელს „ციბა“ სტაციონარივით იყო. კლინიკიდან სახლში ვიტოვებდი ცხოველებს, რომელთაც ჯერ პატრონს ვერ ვატანდი და მოვლა სჭირდებოდათ. შემდეგ ავტომატურად განვითარდა სასტუმროდ. პანდემიის პერიოდში, 2020 წლიდან, ნაკლები იყო მოთხოვნა, პანდემიის მერე საკმაოდ გაიზარდა. ჩვენთან რაკი გამოკეტილი არ არიან ცხოველები, ცოტას ვიტოვებ და მოთხოვნა უფრო დიდია, ვიდრე შემიძლია მიღება. ამიტომ, უარის თქმაც მიწევს ხოლმე. მუდმივი და სტაბილური სტუმრები გვყავს და მირჩევნია ამ მუდმივ სტუმრებს უარი არ ვუთხრა, რაკი უკვე შეჩვეულები არიან გარემოს და ახალი არ მივიღო.პანდემიის შემდეგ ფასი გაიზარდა? პანდემიის შემდეგ ფასი დიდად არ გაზრდილა, მხოლოდ 5 ლარით. მანამდე 35 ლარი ღირდა დღე-ღამე, ახლა - 40 ღირს.დამატებითი სერვისი თუ გაქვთ, მაგალითად - დაბანა?შემიძლია, თუ აქვთ სურვილი. პატარა ზომის ძაღლის დაბანა თუა საჭირო, 20 ლარი ღირს, დიდი ზომის ძაღლის - 50 ლარი. ფისოებს ხშირად დაბანა არ სჭირდება და ეს მომსახურება 15 ლარი ღირს.გაფართოებას ხომ არ გეგმავთ?გაფართოებას ჯერ არ ვფიქრობ. არ მინდა უფრო მეტი ცხოველი მყავდეს, არ მინდა დაისტრესონ. მირჩევნია, ცოტა იყვნენ და თავი კომფორტულად იგრძნონ. 30 და 40 ძაღლის დატოვება, ჩემთვის მისაღები არ არის.
1714209720
ქართველი ემიგრანტების რაოდენობა 62.2%-ით გაიზარდა - მაჩვენებელი ბოლო 12 წლის მაქსიმუმზეა2023 წელს ქართველი ემიგრანტების რაოდენობა 62.2%-ით გაიზარდა. აღნიშნულს მოწმობს სტატისტიკის ეროვნული სამსახურის მონაცემები.კერძოდ, საქსტატის ცნობით, 2023 წელს საქართველოდან ემიგრანტების რაოდენობამ ჯამში 245 064 კაცი შეადგინა, რაც 2012 წლიდან მოყოლებული ყველაზე მაღალი მაჩვენებელია. ზოგადად, ემიგრანტების რაოდენობა 2022 წელთან შედარებით, 95.6%-ით არის გაზრდილი. 2022 წელს საქართველოდან 125 269 კაცი წავიდა ემიგრაციაში.აღსანიშნავია, რომ 2023 წელს ემიგრანტების ძირითადი ნაწილი - 66.7% საქართველოს მოქალაქე იყო. უფრო კონკრეტულად, საქსტატის ცნობით, გასულ წელს ქვეყანიდან ემიგრაციაში 163 480 საქართველოს მოქალაქე წავიდა. 2022 წელს ეს მაჩვენებელი 100 802 კაცი იყო. შესაბამისად, წლიურად 62.2%-იანი ზრდა გვაქვს. 2023 წელს წინა წელთან შედარებით ემიგრაციაში 62 678 კაცით მეტი საქართველოს მოქალაქე წავიდა.
1714136395
საქართველოში შესაძლოა, UBER-ის ტაქსები გამოჩნდესსაქართველოში შესაძლოა, UBER-ის ტაქსები გამოჩნდეს. აღნიშნულის შესახებ ინფორმაცია რამდენიმე დღეა ვრცელდება სოციალურ ქსელში.როგორც ტაქსისტების ნაწილი „ბიზნესპრესნიუსთან“ აცხადებს, აპლიკაცია გამოწერეს და რაღაც ეტაპზე რეგისტრაციაც გაიარეს. მათივე ცნობით, ზუსტი ინფორმაცია არ აქვთ, თუმცა UBER-ის შემოსვლაზე საუბარი მიმდინარეობს. ამასთანავე, ისინი აცხადებენ, რომ ბოლო პერიოდში ქართულ ბაზარზე კიდევ ერთი ახალი ტაქსის პლატფორმა „ლაინი“ გამოჩნდა.ტაქსის გამოძახების მსოფლიოში ერთ-ერთი წამყვანი პლატფორმის აპლიკაცია ქართულ ბაზარზე უკვე დაემატა. Google Play-სა და App Store-ში აპლიკაცია Uber Ge-ის სახელით იძებნება. ამავე მონაცემებიდან ირკვევა, რომ ხელმისაწვდომი იქნება Uber Black-ი, რაც პრემიუმ კლასის მგზავრობის სერვისს სთავაზობს მოქალაქეებს.
