გვირაბში მოყვანილი მოცვის მოსავლიანობამ უკრაინელი ფერმერების მოლოდინს გადააჭარბა — ერთ ბუჩქზე 2 კილოგრამზე მეტი მიიღეს
სოფლის მეურნეობა • 1785565629
საზოგადოება
ცენტრალური გათბობა საქართველოში მცხოვრები ოჯახების მხოლოდ მესამედს აქვს
CRRC-ის ბიზნეს ომნიბუსის (მაისი, 2026) მონაცემებით, საქართველოში საყოფაცხოვრებო ტექნიკის ფლობა მნიშვნელოვნად განსხვავდება კატეგორიების მიხედვით: მაგალითად, მაცივარი და სარეცხი მანქანა თითქმის ყველა ოჯახშია მაშინ, როცა ცენტრალური გათბობა, მიკროტალღური ღუმელი და ჭურჭლის სარეცხი მანქანა გაცილებით ნაკლებად არის გავრცელებული.უფრო კონკრეტულად, ცენტრალური გათბობა გამოკითხულთა მხოლოდ 31 პროცენტს აქვს, ხოლო კონდიციონერი - 28 პროცენტს. კიდევ უფრო ნაკლები, 15 პროცენტია იმ ადამიანების წილი, ვისაც სახლში ჭურჭლის სარეცხი მანქანა აქვს.საგულისხმოა ისიც, რომ მოსახლეობის მხოლოდ ნახევარი ფლობს ლეპტოპს, კომპიუტერს ან ტაბლეტს, ავტომანქანა კი 55 პროცენტს ჰყავს.CRRC-ის შეფასებით, ეს მონაცემები აჩვენებს, რომ პირველადი მოხმარების ტექნიკით ოჯახები უმეტესად უზრუნველყოფილნი არიან, ხოლო სხვა კატეგორიებში შედარებით დაბალი მაჩვენებელი, ერთი მხრივ, ოჯახების ეკონომიკურ მდგომარეობას ასახავს, მეორე მხრივ კი, ბიზნესისთვის ბაზრის განვითარების შესაძლებლობებზე მიუთითებს.ბიზნეს ომნიბუსი ეროვნული მასშტაბის, მოსახლეობის კვარტალური სატელეფონო (CATI) გამოკითხვაა, რომელიც ფარავს მთელს საქართველოს და შედეგები მოსახლეობის წარმომადგენლობითია.
1785479896
1785309604
მინისტრობიდან ეროვნულ ბანკში - რა ქონებას ფლობს ოთარ შამუგიას ოჯახისაქართველოს ეროვნული ბანკის საბჭოს წევრმა ოთარ შამუგიამ ქონებრივი დეკლარაცია მიმდინარე წლის მაისში წარადგინა.შეგახსენებთ, რომ შამუგია წლების განმავლობაში სოფლის მეურნეობის სამინისტროში სხვადასხვა პოზიციებზე იყო დასაქმებული.ამასთან, 2022-2024 წლებში საქართველოს გარემოს დაცვისა და სოფლის მეურნეობის მინისტრის პოსტს იკავებდა, უკვე 2025 წლის თებერვლიდან სებ-ის საბჭოს წევრია, ამ პოზიციაზე მას უფლებამოსილება 2032 წლის თებერვლამდე აქვს.ოთარ შამუგიას მიერ შევსებული დოკუმენტის მიხედვით, მის სახელზეა რეგისტრირებული 129 კვ.მ. ფართობის ბინა თბილისში, რომელიც 2024 წელს გაცვლით აქვს მიღებული, უძრავ ქონებაში კი 75 000 აშშ დოლარია გადახდილი (სავარაუდოდ, თანხა დამატებულია გაცვლისას).ამას გარდა მისი მეუღლის სახელზეა: 27 კვ.მ. ფართობის ბინა თბილისში, რომელიც 2016 წელს ჩუქებით აქვს მიღებული, 14.85 კვ.მ. ფართობის ავტოფარეხი, რომელიც 2023 წელს 5 000 დოლარად აქვს შეძენილი.ოთარ შამუგიას მეუღლის საკუთრებაშია ასევე ავტომანქანა ლექსუსი (გამოშვების წელი 2021), რომელიც 2025 წელს 26 000 აშშ დოლარად აქვს შეძენილი.რაც შეეხება ფინანსურ მდგომარეობას, დეკლარაციის შევსების მომენტში ოთარ შამუგიას სხვადასხვა საბანკო ანგარიშზე ჯამში, 9 044 ლარი; მის მეუღლეს კი 23 594 ლარი და 10 000 დოლარი ჰქონდა.გარდა ამისა, როგორც ქონებრივ დეკლარაციაშია მითითებული, ოთარ შამუგიას ეროვნული ბანკის საბჭოს წევრის პოსტზე, გასული წლის 9 თებერვლიდან 31 დეკემბრის ჩათვლით პერიოდში, შემოსავლის სახით მიღებული აქვს 145 201 ლარი; ხოლო მის მეუღლეს გარემოს დაცვისა და სოფლის მეურნეობის სამინისტროში, მეორე კატეგორიის უფროსი სპეციალისტის პოსტზე, გასულ წელს 31 345 ლარის შემოსავალი აქვს მიღებული.ამასთან დეკლარაციაში აღნიშნულია, რომ ოთარ შამუგიას გასულ წელს მოგზაურობაში დახარჯული აქვს 13 550 ლარი. ქონების გადასახადის სახით კი 5 000 ლარი გადაიხადა. ამასთან, მის მეუღლეს ძმისთვის საჩუქრად აქვს გადაცემული 8 ათასი ლარი.BPN
1785309462
მთავრობა 319 ახალ პიკაპს ყიდულობს - ტენდერის ღირებულება 28.8 მილიონ ლარს აღემატებასაქართველოს ცენტრალურმა შემსყიდველმა ორგანომ 319 ერთეული ახალი პიკაპის შესაძენად კონსოლიდირებული ტენდერი გამოაცხადა. შესყიდვის სავარაუდო ღირებულება 28 836 643 ლარია.ტენდერის ფარგლებში შეძენილი სპეციალიზებული კლასის ავტომობილები სხვადასხვა სახელმწიფო უწყებაზე გადანაწილდება. ყველაზე მეტი — 90 პიკაპი - სურსათის ეროვნულ სააგენტოს გადაეცემა. ეროვნულ სატყეო სააგენტო 50 ავტომობილს მიიღებს, გაზის ტრანსპორტირების კომპანია - 33-ს, ფინანსთა სამინისტროს საგამოძიებო სამსახური -30-ს, ხოლო გარემოსდაცვითი ზედამხედველობის დეპარტამენტი — 28-ს.შესყიდვით ასევე ისარგებლებენ „საქართველოს მელიორაცია“ (25 ერთეული), შემოსავლების სამსახური (18), დაცული ტერიტორიების სააგენტო (10), ველური ბუნების ეროვნული სააგენტო (9), აჭარის სატყეო სააგენტო (5) და სხვა სახელმწიფო უწყებები.სატენდერო პირობების მიხედვით, ყველა პიკაპი უნდა იყოს ოთხწამყვანი (4x4), აღჭურვილი არანაკლებ 5-საფეხურიანი მექანიკური გადაცემათა კოლოფითა და მინიმუმ 102 ცხენის ძალის ძრავით. განსაზღვრულია ავტომობილების მინიმალური ზომებიც, ხოლო სტანდარტულ აღჭურვილობაში უნდა შედიოდეს უსაფრთხოების ბალიშები, ABS, კონდიციონერი, აუდიოსისტემა, საჭის ჰიდროგამაძლიერებელი, წინა ელექტროშუშები და სათადარიგო საბურავი.დოკუმენტაციის თანახმად, მიმწოდებელი კომპანიისთვის სავალდებულოა ავტომწარმოებლის ოფიციალური წარმომადგენლის სტატუსი და საქართველოში მოქმედი სერვისცენტრი. ავტომობილებზე გათვალისწინებულია 5-წლიანი გარანტია ძირითად აგრეგატებზე, ხოლო სრულ ავტომობილზე — 3 წელი ან 150 000 კილომეტრი.ტენდერი ასევე ითვალისწინებს უსაფრთხოების საერთაშორისო სტანდარტებთან შესაბამისობის დამადასტურებელი დოკუმენტის წარმოდგენას, მათ შორის Euro NCAP-ის, IIHS-ის, JNCAP-ის ან Latin NCAP-ის შეფასებას.წინადადებების მიღება 2 აგვისტოს დაიწყება და 3 აგვისტოს დასრულდება. გამარჯვებულმა კომპანიამ ავტომობილების მიწოდება ხელშეკრულების გაფორმებიდან 210 კალენდარული დღის ვადაში უნდა უზრუნველყოს.
1785249336
Haven Capital ტაბახმელაში ხარისხსა და კომფორტზე დაფუძნებულ პრემიუმ საცხოვრებელ უბანს ქმნისHaven Capital დეველოპერული კომპანიაა, რომელიც მომხმარებელს პრემიუმ კლასის საცხოვრებელ გარემოს სთავაზობს. კომპანიის საქმიანობის, მიმდინარე პროექტის, ბაზრის ტენდენციებისა და სამომავლო განვითარების გეგმების შესახებ Business Insider Georgia-ს Haven Capital-ის გაყიდვების გუნდის უფროსი, მარიამ ქავთარაძე ესაუბრა.როგორია Haven Capital-ის საქმიანობის სპეციფიკა, რა ტიპის პროექტებზე მუშაობთ და როდიდან ოპერირებთ საქართველოს ბაზარზე?Haven Capital არის დეველოპერული კომპანია, რომელიც ქმნის პრემიუმ საცხოვრებელ პროექტს, სადაც თანამედროვე არქიტექტურა, მაღალი ხარისხის მშენებლობა და ბუნებასთან ჰარმონიული გარემო ერთიანდება.დღეს ვმუშაობთ ჩვენს პირველ პროექტზე Haven Fields, რომელიც ტაბახმელაში მდებარეობს და 16 Townhouse-ის ტიპის პრემიუმ სახლისგან შემდგარ უბანს მოიცავს. მიუხედავად იმისა, რომ ეს ჩვენი პირველი პროექტია, მის უკან დგას მრავალწლიანი გამოცდილების მქონე გუნდი, რომელსაც არაერთ წამყვან დეველოპერულ პროექტზე მუშაობის გამოცდილება აქვს. სწორედ ამ ცოდნასა და პროფესიონალიზმს ვდებთ Haven Fields-ის თითოეულ დეტალში, რათა შევქმნათ სივრცე, რომელიც გამოირჩევა მაღალი ხარისხითა და გრძელვადიანი ღირებულებით.რა კრიტერიუმებით არჩევთ პროექტებს და რა ძირითად პრინციპებს ეყრდნობით მათი განვითარების პროცესში?ჩვენთვის პროექტის არჩევისას გადამწყვეტი მნიშვნელობა აქვს ლოკაციას, გარემოსა და იმ პოტენციალს, რომელიც მომავალში მომხმარებლისთვის რეალურ ღირებულებას შექმნის. განვითარების პროცესში ვეყრდნობით რამდენიმე ძირითად პრინციპს: ხარისხიან მშენებლობას, ფუნქციურ დაგეგმარებას, სანდო ინფრასტრუქტურას და პასუხისმგებლიან მიდგომას თითოეული დეტალის მიმართ.რით გამოირჩევა Haven Capital-ი ბაზარზე და რა არის თქვენი მთავარი კონკურენტული უპირატესობა?Haven Capital-ის მთავარი უპირატესობა ჩვენი დამოკიდებულებაა საქმის მიმართ. ჩვენთვის მნიშვნელოვანია თითოეული დეტალი და გადაწყვეტილება, რადგან გვჯერა, რომ ხარისხი სწორედ ამ პროცესში იქმნება.მნიშვნელოვანია არა მხოლოდ საბოლოო შედეგი, არამედ ის გზაც, თუ როგორ მივდივართ შედეგამდე. პროცესში წარმოქმნილ ნებისმიერ საკითხს ჩვენი გუნდი დიდი ყურადღებით და პასუხისმგებლობით ეკიდება, რათა ყველაფერი სწორად და ხარისხიანად შესრულდეს.სწორედ ეს მიდგომა აისახება Haven Fields-შიც და ვქმნით საცხოვრებელ გარემოს, რომელიც დროთა განმავლობაში შეინარჩუნებს თავის ღირებულებას და ადამიანებს შესთავაზებს კომფორტულ, მშვიდ და ხარისხიან ცხოვრებას.რა ტიპის საცხოვრებელ პროექტებზეა დღეს ყველაზე მაღალი მოთხოვნა და როგორ პასუხობს Haven Capital-ი ბაზრის ამ ტენდენციებს?თანამედროვე ცხოვრების ტემპის ცვლილებასთან ერთად, ადამიანები სულ უფრო მეტად ირჩევენ ისეთ საცხოვრებელ გარემოს, რომელიც ქალაქთან სიახლოვეს, ბუნების სიმშვიდესა და პირად სივრცეს აერთიანებს.დღეს განსაკუთრებით მოთხოვნადი ხდება ადგილი, რომელიც ადამიანს საშუალებას აძლევს, იყოს ქალაქთან ახლოს, თუმცა ყოველდღიურობაში მეტი სიმშვიდე, ბუნებასთან სიახლოვე და კომფორტი შეინარჩუნოს.სწორედ ამ მოთხოვნას პასუხობს Haven Fields, ეს პრემიუმ საცხოვრებელი სივრცე არის მათთვის, ვინც აფასებს ხარისხიან ცხოვრებას, თანამედროვე არქიტექტურას და ბუნებასთან ჰარმონიაში ყოფნას ისე, რომ არ დაკარგოს ქალაქთან სიახლოვე.როგორია კომპანიის სამომავლო გეგმები და განვითარების ხედვა?ჩვენი მიზანია Haven Capital ეტაპობრივად იქცეს დეველოპერულ კომპანიად, რომლის სახელიც ხარისხთან, ნდობასა და პასუხისმგებლიან მიდგომასთან ასოცირდება. დღეს ჩვენი მთავარი ფოკუსი Haven Fields-ის წარმატებით განვითარება და განხორციელებაა. გვჯერა, რომ თითოეული წარმატებული პროექტი მომავალში კიდევ უფრო მასშტაბური და საინტერესო საცხოვრებელი სივრცეების შექმნის საფუძველი გახდება.
სპორტი
1784523633
ესპანეთი მსოფლიო ჩემპიონია
სხვა სიახლეები
რუსეთში კონიაკის გაყიდვებით საქართველო მესამე ადგილზეა
რუსეთში კონიაკის გაყიდვებით საქართველო ტოპ 5-ეულშია და მესამე ადგილი უკავია. ამის შესახებ რუსული „კომერსანატი“ ბაზრის მონაწილეებზე დაყრდნობით წერს.კერძოდ, იანვარ-ივნისის პერიოდში რუსეთში 816.7 ათასი დეკალიტრი (დალ) ქართული კონიაკი გაიყიდა (1 დალ=10 ლიტრს). ეს გასული წლის ანალოგიურ პერიოდთან შედარებით 0.4%-ით მეტია. ამასთან, რუსულ ბაზარზე კონიაკებზე მოთხოვნის მთლიან სტრუქტურაში საქართველოს წილი 11.9%-ს შეადგენს.აღსანიშნავია, რომ რუსეთში სომხური კონიაკის გაყიდვების 12.2%-ით შემცირების მიუხედავად, სომხეთი საქართველოზე ერთი პოზიციით წინ, მეორე ადგილზეა. კერძოდ, იანვრიდან-ივნისის პერიოდში რუსეთში სომხური კონიაკის საცალო გაყიდვები, წინა წელთან შედარებით, 12.2%-ით შემცირდა და 1.37 მლნ დეკალიტრი შეადგინა. სომხეთის წილი კონიაკის მთლიან მოთხოვნაში 20%-ია, რაც წინა წელთან შედარებით 1.7 პროცენტული პუნქტით ნაკლებია.ალკოჰოლური სასმელების ბაზრის ექსპერტები განმარტავენ, რომ სომხური პროდუქციის გაყიდვების შემცირება შეზღუდვებით არის განპირობებული. კერძოდ, მაისში „როსპოტრებნადზორმა“ სამი მწარმოებლის, „ვედი-ალკოს,“ „აბოვიანის კონიაკის ქარხნისა“ და „შახნაზარიანის ღვინისა და კონიაკის სახლის“ გაყიდვები შეაჩერა.რუსულ გილდია „ალკოპროს“ შეფასებით, სომხურ კონიაკს რუსეთის ბაზარზე პერსპექტივა აღარ აქვს და თავიანთი პოზიციების შენარჩუნებას მხოლოდ ყველაზე პოპულარული და დაძველებული ბრენდები, „არარატი“ და „ნოა“ შეძლებენ. თუმცა, მომავალში გარე ფაქტორებმა შესაძლოა, ამ პროდუქტებზეც იმოქმედოს.ამდენად, „ალკოპრო“ პროგნოზირებს, რომ გრძელვადიან პერსპექტივაში სომხურ კონიაკს თაროებზე საქართველოში, აზერბაიჯანსა და უზბეკეთში წარმოებული სასმელები ჩაანაცვლებს. კომპანიის პროგნოზით, ეს ქვეყნები სომხეთს, ასევე, კონიაკის დისტილატის მიმწოდებლების რანგშიც გაუსწრებენ, რომელსაც რუსული ალკოჰოლური სასმელების კომპანიები მზა პროდუქციის ჩამოსხმისთვის იყენებენ. მაგალითად, „სოიუზკონიაკის“ მონაცემებით, რუსეთმა 2025 წელს 4.5 მლნ დეკალიტრი ამ ნედლეულის იმპორტი განახორციელა, საიდანაც 2.1 მლნ დეკალიტრი სომხეთიდან იყო.იანვარ-ივნისის პერიოდში რუსეთში კონიაკის გაყიდვებით ტოპ-5 ქვეყანა ასე გამოიყურება: რუსეთი - 4.465.6 მლნ დალ (წლიურად -3.4%; ბაზრის წილი 65.1%); სომხეთი - 1.370.3 მლნ დალ ( -12.2%; ბაზრის წილი 20%); საქართველო - 816.7 ათასი დალ (+0.4%; ბაზრის წილი 11.9%); ესპანეთი - 63.4 ათასი დალ (-5.7%; ბაზრის წილი 0.9%); უზბეკეთი - 45.9 ათასი დალ (+53.6%; ბაზრის წილი 0.7%). აღსანიშნავია, რომ კვლევაში რუსულ ბაზარზე ფრანგული კონიაკის გაყიდვების მონაცემები არ არის შესული.მთლიანობაში, ბაზრის მონაწილეების შეფასებით, რუსეთში წლის პირველ ნახევარში კონიაკის გაყიდვები (ფრანგულის გამოკლებით), წინა წელთან შედარებით, 4.6%-ით შემცირდა და 6.85 მლნ დეკალიტრს მიაღწია.
ეკონომიკა • 1785565659
გვირაბში მოყვანილი მოცვის მოსავლიანობამ უკრაინელი ფერმერების მოლოდინს გადააჭარბა — ერთ ბუჩქზე 2 კილოგრამზე მეტი მიიღეს
უჩვეულოდ ცივი და ხანგრძლივი გაზაფხულის მიუხედავად, უკრაინაში დამცავი გვირაბების ქვეშ მოყვანილი მოცვის მოსავლიანობა მოსალოდნელზე მაღალი აღმოჩნდა. ქოთნებში გაშენებული „დიუკის“ ჯიშის მოცვის თითოეული ბუჩქიდან 2 კილოგრამზე მეტი ნაყოფი მიიღეს.შედეგების შესახებ უკრაინული კენკროვანი კულტურების მეურნეობის — „Fruktovyi Sad AT“-ის თანადამფუძნებელმა, ანა დომბროვსკამ ისაუბრა. მეურნეობაში მოცვი სპეციალურ კონტეინერებში, დამცავი გვირაბების ქვეშ მოჰყავთ.მისი განცხადებით, მიმდინარე სეზონზე თითოეული ბუჩქიდან დაახლოებით 2 კილოგრამ მოსავალს ელოდნენ, თუმცა საბოლოო შედეგი პროგნოზზე უკეთესი აღმოჩნდა.„წელს თითოეული ბუჩქიდან 2 კილოგრამის მიღებას ველოდით, თუმცა შედეგი ოდნავ უკეთესი იყო. მოსავლიანობით კმაყოფილები ვართ და მომდევნო რამდენიმე წლის განმავლობაში გვირაბში მოცვის წარმოებაზე დაკვირვებასა და ტექნოლოგიის შესწავლას გავაგრძელებთ“, — განაცხადა დომბროვსკამ.ცივმა გაზაფხულმა ყვავილობა და მოსავლის აღება დააგვიანა2026 წლის სეზონზე მოცვის წარმოებაზე განსაკუთრებით ცივმა გაზაფხულის დღეებმა და ღამეებმა იმოქმედა. დაბალმა ტემპერატურამ გვირაბებში ყვავილობის პერიოდი გაახანგრძლივა და მცენარეების განვითარება შეანელა.გვირაბში მოყვანილი მოცვის კრეფა 8 ივნისს დაიწყო — წინა სეზონთან შედარებით სამი დღით გვიან. მოსავლის აღების პროცესი კი გასულ წელთან შედარებით დაახლოებით ერთი კვირით გვიან დასრულდა.ცივმა ამინდმა ღია გრუნტში მოყვანილ მოცვზეც იმოქმედა. პლანტაციებში მოსავლის კრეფა ჩვეულებრივზე დაახლოებით ერთი კვირით გვიან დაიწყო.ამის მიუხედავად, გვირაბში მოყვანილ მოცვს დროის მხრივ მნიშვნელოვანი უპირატესობა მაინც ჰქონდა — როდესაც მეურნეობამ ღია გრუნტში პირველი მასშტაბური კრეფა დაიწყო, გვირაბებში მოსავლის აღება უკვე ბოლო ეტაპზე იყო.გვირაბები მოცვის სეზონის მართვისა და გახანგრძლივების შესაძლებლობას იძლევამიღებული შედეგები აჩვენებს, რომ დამცავი გვირაბების გამოყენება ფერმერებს მოსავლის აღების ვადების უკეთ მართვაში, არასტაბილური ამინდისგან მცენარეების დაცვასა და ღია გრუნტთან შედარებით ბაზრისთვის მოცვის უფრო ადრე მიწოდებაში ეხმარება.კონტეინერებში მოცვის მოყვანა მწარმოებლებს სუბსტრატის, მორწყვისა და საკვები ნივთიერებების მიწოდების უფრო ზუსტად გაკონტროლების შესაძლებლობასაც აძლევს.თუმცა მეურნეობაში აცხადებენ, რომ ტექნოლოგიის გრძელვადიანი ეკონომიკური ეფექტიანობის საბოლოოდ შესაფასებლად დაკვირვებას კიდევ რამდენიმე სეზონის განმავლობაში გააგრძელებენ.უკრაინელი კენკროვანი კულტურების მწარმოებლებისთვის, რომლებიც სულ უფრო არაპროგნოზირებადი გაზაფხულის პირობებში მუშაობენ, დაცულ სივრცეში წარმოება შესაძლოა მოსავლის დაკარგვის რისკების შემცირებისა და ახალი მოცვის რეალიზაციის სეზონის გახანგრძლივების მნიშვნელოვანი საშუალება გახდეს.
სოფლის მეურნეობა • 1785565629
საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება
საქართველოს ბანკი, როგორც განათლებისა და ახალგაზრდების განვითარების მთავარი მხარდამჭერი, ფოთის საჭადრაკო კლუბის პარტნიორია. ფოთის საჭადრაკო კლუბის ორგანიზებით, საერთაშორისო საჭადრაკო ფესტივალის ფინალური ეტაპი გაიმართა, რომელშიც 530-მდე მოჭადრაკემ მიიღო მონაწილეობა, მათ შორის 300-ზე მეტი ქართველი იყო. ტურნირის ფარგლებში 22-მა ქართველმა მოჭადრაკემ 25 გამარჯვება მოიპოვა. ფოთის საჭადრაკო კლუბისა და ბანკის პარტნიორობის ფარგლებში, საქართველოს ბანკი ქართველი მოჭადრაკეების მთავარი მხარდამჭერია.ინფორმაციისთვის, ფოთის საერთაშორისო საჭადრაკო ფესტივალი ქალაქის ყოველწლიური საერთაშორისო საჭადრაკო ღონისძიებაა, რომელიც ფოთის საჭადრაკო კლუბის და საქართველოს ჭადრაკის ფედერაციის ორგანიზებით იმართება. წელს ფოთი ფესტივალს უკვე მეცხრამეტედ მასპინძლობს. ფესტივალის პროგრამის ფარგლებში 25-მდე სხვადასხვა ტურნირი ჩატარდა. მონაწილეებმა სხვადასხვა სარეიტინგო და ასაკობრივ კატეგორიაში: A, B, C, D და E Open-ებსა და ბავშვთა ტურნირებში იასპარეზეს. ძირითადი შეჯიბრებები 9 ტურად, შვეიცარიული სისტემით გაიმართა, მიღებული შედეგები კი საერთაშორისო რეიტინგში აისახა. თითოეულ ტურნირში პირველ, მეორე და მესამე ადგილზე გასული მოჭადრაკეები დაჯილდოვდნენ.ფესტივალი შესაძლებლობას აძლევს როგორც გამოცდილ მოთამაშეებს, ისე ახალგაზრდა მოჭადრაკეებს, საერთაშორისო გარემოში გამოცადონ საკუთარი შესაძლებლობები, დააგროვონ გამოცდილება და გადადგან შემდეგი ნაბიჯები პროფესიული განვითარების გზაზე.შეგახსენებთ, რომ ფოთის საჭადრაკო კლუბი 1948 წელს გაიხსნა, სადაც ახალგაზრდებს ჭადრაკის სიღრმისეულად შესწავლის შესაძლებლობა მიეცათ.დღეს საქართველოს ბანკი კლუბის მთავარი მხარდამჭერია და პარტნიორობის ფარგლებში ხელს უწყობს ახალი თაობის მოჭადრაკეების განვითარებას. ფოთის საერთაშორისო საჭადრაკო ფესტივალზე ქართველი მოთამაშეების მხარდაჭერა კი ამ პარტნიორობის კიდევ ერთი გაგრძელებაა.აღსანიშნავია, რომ ფოთის საერთაშორისო საჭადრაკო ფესტივალი ფოთში დაბადებული ქართველი მოჭადრაკის, ქალთა მსოფლიო ჩემპიონობის ორგზის პრეტენდენტის და ქართული ჭადრაკის ერთ-ერთი გამორჩეული წარმომადგენლის - ნანა ალექსანდრიას სახელს ატარებს. ყოველწლიურად კი ფესტივალი ასობით მონაწილეს მასპინძლობს.
ბიზნესი • 1785565580
იტალიამ ესპანეთთან თავისუფალი მიმოსვლის შეთანხმება შეაჩერა
იტალიამ ესპანეთთან შენგენის თავისუფალი მიმოსვლის შეთანხმება შეაჩერა. ამის შესახებ ინფორმაციას საინფორმაციო სააგენტო Reuters ავრცელებს.არსებული ინფორმაციით, იტალიამ ესპანეთთან შენგენის თავისუფალი მიმოსვლის შეთანხმება ერთი თვით შეაჩერა.გადაწყვეტილება ესპანეთის სეუტას ანკავში მაროკოდან მიგრანტების მასობრივ შეჭრას უკავშირდება.იტალიას სახმელეთო საზღვარი არ გააჩნია ესპანეთთან, თუმცა აღნიშნული გადაწყვეტილება შეეხება პირებს, რომლებიც ორ ქვეყანას შორის თვითმფრინავით ან გემით მოგზაურობენ და მათ პასპორტის ჩვენება მოუწევთ.იტალიის შინაგან საქმეთა სამინისტროს განცხადებით, ისინი საფრანგეთთან შეთანხმდნენ საფრანგეთ-იტალიის საზღვარზე კონტროლის გაძლიერებაზე, რათა აღკვეთონ არალეგალური მიგრანტების შეღწევა.იტალიის გადაწყვეტილება ესპანეთის განცხადებას მოჰყვა, რომლის თანახმადაც მადრიდმა შეაჩერა სეუტაში მიგრანტების შეჭრა და აღნიშნა, რომ 50,000 ადამიანიდან, რომლებმაც საზღვარი გადაკვეთეს, უმრავლესობა ნებაყოფლობით დაბრუნდა უკან.
მსოფლიო • 1785565515
საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა
საქართველოს ბანკი მეწარმე ქალების გაძლიერებისა და მათი ბიზნესების განვითარებისთვის სხვადასხვა საგანმანათლებლო ინიციატივის მხარდაჭერას აგრძელებს. ამ მიზნით, ბანკის მხარდაჭერითა და EFSE-ის პარტნიორობით, Business 360˚-ის შეხვედრების სერიის ფარგლებში, მეწარმე ქალებისთვის ვორკშოპი — „გაყიდვები გაზრდილი კონკურენციის პირობებში“ გაიმართა.შეხვედრას გაყიდვებისა და ბიზნესის განვითარების სპეციალისტი ნანა აბურჯანიძე უძღვებოდა. ვორკშოპის ფარგლებში მონაწილეებმა თანამედროვე ბაზარზე გაყიდვების ზრდასთან დაკავშირებული გამოწვევები, მომხმარებლის ქცევის ცვლილებები და გაყიდვების თანამედროვე მიდგომები განიხილეს.მონაწილეებმა იმსჯელეს, როგორ შეიცვალა გაყიდვების თეორიები, მიდგომები და ტაქტიკები ბოლო წლებში, რა მოთხოვნებია თანამედროვე ბაზარზე გაყიდვების გუნდის კომპეტენციებისა და უნარების კუთხით და რა როლს ასრულებს სწორი კომუნიკაცია გაყიდვების პროცესში.შეხვედრა ინტერაქციულ ფორმატში წარიმართა — მონაწილეებმა ადგილობრივი და გლობალური ბრენდების მაგალითები განიხილეს, ერთმანეთს სხვადასხვა ინდუსტრიის გამოცდილება გაუზიარეს და საკუთარ ბიზნესებთან დაკავშირებულ საკითხებზე კითხვები დასვეს.ბიზნეს 360˚ საქართველოს ბანკის პლატფორმაა, რომელიც ბიზნესს ერთ სივრცეში სთავაზობს განვითარებისთვის საჭირო შესაძლებლობებს. პლატფორმა აერთიანებს საგანმანათლებლო რესურსებს, მათ შორის ბიზნესკურსებს, სექტორულ კვლევებსა და შეთავაზებებს, ასევე სხვადასხვა ტიპის ღონისძიებებს — ფინანსურ, ტექნოლოგიურ თუ სხვა თემატურ შეხვედრებს, რომლებიც მეწარმეებს ცოდნის გაღრმავებასა და ბიზნესის ზრდაში ეხმარება.
ბიზნესი • 1785565502
საქართველოს ბანკის მხარდაჭერით, ბათუმში მეწარმე ქალებისთვის ელექტრონული კომერციის ვორკშოპი გაიმართა
საქართველოს ბანკის მხარდაჭერით, იქომერს ასოციაციისა და სვისკონტაქტის ორგანიზებით, ბათუმში მეწარმე ქალებისთვის ელექტრონული კომერციის ორდღიანი პრაქტიკული ვორკშოპი გაიმართა. ღონისძიების მიზანი მონაწილეებისთვის ონლაინ გაყიდვების მიმართულებით პრაქტიკული ცოდნის გაზიარება და მათი ბიზნესების ციფრული შესაძლებლობების გაძლიერება იყო.ვორკშოპში სხვადასხვა გამოცდილების მქონე მეწარმე ქალებმა მიიღეს მონაწილეობა და ორი დღის განმავლობაში ელექტრონული კომერციის ძირითად პრინციპებს, ონლაინ გაყიდვების მოდელებსა და მომხმარებელთან ციფრული კომუნიკაციის ეფექტიან გზებს გაეცნენ. მონაწილეებმა მიღებული ცოდნა პრაქტიკულ დავალებებში გამოიყენეს და საკუთარ ბიზნესებზე მუშაობის პროცესში ონლაინ გაყიდვების განვითარებისთვის საჭირო ინსტრუმენტები გამოცადეს.ვორკშოპის ფარგლებში განხილული იყო ელექტრონული კომერციის სხვადასხვა მოდელი, მათ შორის Marketplace-ები, სოციალური კომერცია და საკუთარი ვებგვერდის გამოყენება. მონაწილეებმა ასევე იმუშავეს სამიზნე მომხმარებლის განსაზღვრაზე, პროდუქტის ონლაინ წარდგენასა და პოზიციონირებაზე, პროდუქტის ფოტოგრაფიაზე, აღწერის მომზადებასა და ფასის ფორმირებაზე.განსაკუთრებული ყურადღება დაეთმო მომხმარებელთან კომუნიკაციასა და სოციალური მედიის გამოყენებას გაყიდვების წასახალისებლად. ვორკშოპის ერთ-ერთი პრაქტიკული მიმართულება საქართველოს ბანკის Ads მენეჯერის გაცნობას დაეთმო. მონაწილეებმა პლატფორმის ძირითადი ფუნქციები შეისწავლეს და საკუთარი ბიზნესებისთვის შეთავაზებების შექმნაზე იმუშავეს. ორდღიანი პროგრამა ასევე მოიცავდა საგადასახადო და საბუღალტრო საკითხებს. მონაწილეებმა მიიღეს ინფორმაცია მცირე მეწარმის სტატუსის, შემოსავლის დეკლარირების, ელექტრონული ინვოისისა და დღგ-ის შესახებ.საქართველოს ბანკი მეწარმე ქალების გაძლიერებას სხვადასხვა საგანმანათლებლო და ბიზნეს ინიციატივის მხარდაჭერით აქტიურად აგრძელებს. მათ შორის ავითარებს პლატფორმას ბიზნეს 360°, რომელიც აერთიანებს ინფორმაციას, შეხვედრებსა და ინსტრუმენტებს ბიზნესის ზრდისა და განვითარებისთვის.
ბიზნესი • 1785501001
მსოფლიო
სხვადასხვა
1785394776
გარემოს ეროვნული სააგენტო ამინდის მოსალოდნელი გაუარესების შესახებ ინფორმაციას ავრცელებს30 ივლისის დღის მეორე ნახევრიდან 31 ივლისის დღის მეორე ნახევრამდე შიდა ქართლის, მცხეთა-მთიანეთის და კახეთის რეგიონებში მოსალოდნელია დროგამოშვებით წვიმა, ჩრდილოეთით მთიან რაიონებში ზოგან ძლიერი. შესაძლებელია ელჭექი, სეტყვა და ნისლი.მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გაქტიურება გამოიწვიოს (საფრთხის დონე საშუალო).ინფორმაციას გარემოს ეროვნული სააგენტო ავრცელებს
1784955300
ქორწინება სმარტფონიდან - უკრაინაში ონლაინ რეგისტრაციამ ერთ წელიწადში ტრადიციულ მოდელს სერიოზული კონკურენცია გაუწია2026 წლის პირველ ნახევარში უკრაინაში რეგისტრირებული ქორწინებების 38.3% სრულად ელექტრონულად გაფორმდა, რაც სახელმწიფო სერვისების გაციფრულების ერთ-ერთი ყველაზე სწრაფად მზარდი მიმართულებაა. უკრაინის იუსტიციის სამინისტროს მონაცემებით, იანვრიდან ივნისის ჩათვლით ქვეყანაში 79 516 ქორწინება დარეგისტრირდა, აქედან 30 488 ონლაინ რეჟიმში. შედარებისთვის, 2025 წლის განმავლობაში რეგისტრირებული 165 587 ქორწინებიდან ელექტრონული ფორმით 18.4% გაფორმდა. შესაბამისად, ონლაინ რეგისტრაციის წილი ერთ წელიწადში 19.9 პროცენტული პუნქტით გაიზარდა და ორ წელზე ნაკლებ დროში პრაქტიკულად გაორმაგდა. 2026 წლის მხოლოდ ექვს თვეში ელექტრონულად გაფორმებული ქორწინებების რაოდენობა უკვე დაახლოებით გაუტოლდა 2025 წლის მთელი წლის სავარაუდო მაჩვენებელს.„Diia-ს“ მობილური აპლიკაციის საშუალებით წყვილს შეუძლია შეიტანოს განცხადება, შეარჩიოს თარიღი, დაადასტუროს თანხმობა ელექტრონული ხელმოწერით და ვიდეოკავშირის დროს ოფიციალურად გააფორმოს ქორწინება. ცერემონია მაქსიმუმ 30 წუთს გრძელდება, ციფრული მოწმობა კი აპლიკაციაში ავტომატურად აისახება. სურვილის შემთხვევაში ქაღალდის დოკუმენტის ფოსტით მიღებაც შესაძლებელია. უკრაინა პირველი ქვეყანაა, რომელმაც ქორწინების სრული სამართლებრივი პროცესი, განცხადებიდან ოფიციალურ რეგისტრაციამდე, მობილურ აპლიკაციაში გადაიტანა.სერვისი განსაკუთრებით მნიშვნელოვანია ომის პირობებში, როდესაც მილიონობით უკრაინელი ქვეყნის შიგნით ან საზღვარგარეთაა გადაადგილებული, სამხედრო მოსამსახურეთა ნაწილი კი ფრონტის ხაზზე იმყოფება. „Diia-ს“ ინფორმაციით, 2026 წლის თებერვლისთვის ონლაინ ქორწინების სერვისით უკვე 40 ათასზე მეტ წყვილს ჰქონდა სარგებლობა, მათ შორის 1 700-ზე მეტ სამხედრო ოჯახს. ფიზიკური ადგილმდებარეობა რეგისტრაციისთვის დაბრკოლებას აღარ წარმოადგენს, რადგან ცერემონიაში მონაწილეობა სხვადასხვა ქალაქიდან ან ქვეყნიდან შეიძლება.ეკონომიკური ეფექტი პირველ რიგში დროის, ტრანსპორტისა და ადმინისტრაციული რესურსების დაზოგვაში გამოიხატება. 2026 წლის პირველ ნახევარში ონლაინ დაქორწინებული 30 488 წყვილი 60 976 მოქალაქეს ნიშნავს. მხოლოდ პირობითი სცენარით, თუ თითოეულ ადამიანს სახელმწიფო ოფისში ერთი მისვლა და ჯამურად ორი საათი მაინც ეზოგება, მოსახლეობის დაზოგილი დრო დაახლოებით 122 ათას საათს აღწევს. ეს ოფიციალური ეკონომიკური შეფასება არ არის, თუმცა აჩვენებს სერვისის შესაძლო პროდუქტიულობის ეფექტს. ამას ემატება მგზავრობის, დოკუმენტების ბეჭდვისა და რიგში დგომის ხარჯების შემცირება, ხოლო სახელმწიფოსთვის მონაცემების ავტომატური შემოწმება და ელექტრონული ჩანაწერები ხელით დამუშავების საჭიროებას ამცირებს.ზუსტი საბიუჯეტო სარგებლის დათვლა ამ ეტაპზე შეუძლებელია. უკრაინის ხელისუფლებას არ გამოუქვეყნებია ინფორმაცია, რა დაჯდა კონკრეტულად ონლაინ ქორწინების სისტემის შექმნა, რამდენია ერთი ელექტრონული რეგისტრაციის თვითღირებულება ან რამდენი ადმინისტრაციული თანხა დაიზოგა. ცნობილია, რომ სერვისი იუსტიციისა და ციფრული ტრანსფორმაციის სამინისტროებმა სხვა სახელმწიფო უწყებებთან ერთად შექმნეს, ფინანსური და ინსტიტუციური მხარდაჭერა შვეიცარიულ-უკრაინულმა EGAP-ის პროგრამამ უზრუნველყო, ვიდეოკავშირის ტექნოლოგიური პარტნიორი კი Cisco გახდა. პროექტის ცალკე ბიუჯეტი საჯაროდ არ არის დასახელებული, ამიტომ კონკრეტული ფინანსური ეკონომიის მითითება მხოლოდ ვარაუდი იქნებოდა.მომხმარებლისთვის სახელმწიფო ქორწინების რეგისტრაციის საბაზისო მოსაკრებელი დაბალია და 0.85 გრივნას შეადგენს, თუმცა ონლაინ მომსახურების საბოლოო ფასი შეიძლება გაიზარდოს არჩეული თარიღის, დამატებითი მომსახურებისა და დოკუმენტის მიწოდების მიხედვით. სამართლებრივი კვლევების მიხედვით, სრული ონლაინ მომსახურების მაქსიმალური ღირებულება დაახლოებით 1 664 გრივნას აღწევდა, თუმცა ეს თანხა ყველა წყვილისთვის სავალდებულო გადასახადი არ არის.სერვისი 2024 წელს მთავრობის მიერ დამტკიცებული ექსპერიმენტული პროექტის ფარგლებში ამოქმედდა. 2026 წელს უკრაინის პარლამენტში დაიწყო მუშაობა ცვლილებებზე, რომლებმაც ონლაინ ქორწინება დროებითი ექსპერიმენტიდან მუდმივ სამართლებრივ მექანიზმად უნდა გარდაქმნას. პარლამენტის ჰუმანიტარული და საინფორმაციო პოლიტიკის კომიტეტმა შესაბამის ინიციატივას მხარი დაუჭირა, თუმცა მასალის მომზადების დროისთვის საბოლოო საკანონმდებლო პროცესი დასრულებული არ იყო. ეს განსხვავება მნიშვნელოვანია: სერვისი რეალურად მოქმედებს, მაგრამ მისი გრძელვადიანი სამართლებრივი სტატუსის საბოლოო გამყარება ჯერ კიდევ საპარლამენტო პროცესზეა დამოკიდებული.გაციფრულებას კიბერუსაფრთხოების ხარჯიც ახლავს. 2024 წლის დეკემბერში რუსეთის მიერ განხორციელებულმა მასშტაბურმა კიბერშეტევამ უკრაინის იუსტიციის სამინისტროს სახელმწიფო რეესტრები დროებით გათიშა, რის შედეგადაც ქორწინების, დაბადებისა და სხვა სამოქალაქო აქტების ონლაინ სერვისებიც შეფერხდა. ოფიციალური პირების განცხადებით, მონაცემების დაკარგვა არ დადასტურდა, თუმცა შემთხვევამ აჩვენა, რომ ციფრული სახელმწიფოს ფინანსური ეფექტიანობა მონაცემთა დაცვის, სარეზერვო სისტემებისა და უწყვეტი მუშაობის უზრუნველყოფაში მუდმივ ინვესტიციას მოითხოვს.ფართო სურათში ონლაინ ქორწინების პოპულარობა „Diia-ს“ მომხმარებელთა ბაზის ზრდას ასახავს. 2025 წლის ოქტომბრისთვის აპლიკაციას 23 მილიონზე მეტი უკრაინელი იყენებდა, მასში 33 ციფრული დოკუმენტი და 70-ზე მეტი მომსახურება იყო ინტეგრირებული, ხოლო სისტემასთან 25 ათასზე მეტი სახელმწიფო დაწესებულება და კომპანია თანამშრომლობდა. ქორწინებების თითქმის 40%-ის ონლაინ რეგისტრაცია მიუთითებს, რომ ელექტრონული სახელმწიფო უკრაინაში მხოლოდ ტექნოლოგიური პროექტი აღარ არის და მოქალაქეების ყოველდღიური ქცევის ნაწილად იქცა.საბოლოოდ, ინიციატივის მთავარი ეკონომიკური მნიშვნელობა მოსაკრებლების ზრდაში არ არის. მისი ღირებულება ბიუროკრატიული ტრანზაქციის შემცირებაში, მოქალაქეების დროის დაზოგვაში, სამხედროებისა და ემიგრაციაში მყოფი ადამიანებისთვის სახელმწიფო სერვისებზე ხელმისაწვდომობაში და რეესტრების ავტომატიზაციაში მდგომარეობს. თუ 2026 წლის მეორე ნახევარშიც იგივე ტენდენცია შენარჩუნდება, ონლაინ ქორწინება უკრაინაში ალტერნატიული მომსახურებიდან სამოქალაქო რეგისტრაციის ერთ-ერთ ძირითად არხად გადაიქცევა.
1784870754
როგორი ამინდია მოსალოდნელი დღეს საქართველოში24 ივლისს ქუთაისში ხანმოკლე წვიმა იქნება, დღისით +30 და ღამით +21 გრადუსი დაფიქსირდება.ხანმოკლე წვიმა იქნება ოზურგეთშიც. დღისით +30 გრადუსი დაფიქსირდება, ღამით კი +20 გრადუსი იქნება.ბათუმშიც ხანმოკლე წვიმაა მოსალოდნელი, დღისით ჰაერი +28 გრადუსამდე გათბება, ხოლო ღამით +22 გრადუსი დაფიქსირდება.მზიანი დღეა ფოთში. დღისით +28 გრადუსი დაფიქსირდება, ღამით კი +22 გრადუსია მოსალოდნელი.ზუგდიდშიც ნალექიანი ამინდია, ჰაერის ტემპერატურა დღისით +30, ღამით კი +21 გრადუსი იქნება.სოხუმში წვიმიანი დღეა მოსალოდნელი, +27 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში წვიმიანი დღეა, დღისით +28 გრადუსი იქნება, ღამით კი +10 გრადუსი დაფიქსირდება. ამბროლაურშიც წვიმიან ამინდს ელოდებიან. ჰაერი +29 გრადუსამდე გათბება, ღამით კი +17 გრადუსი დაფიქსირდება.ჭიათურაშიც იწვიმებს. დღისით +29 გრადუსი, ღამით კი +18 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +15 გრადუსი იქნება.ახალქალაქშიც იწვიმებს, დღისით +29 გრადუსი, ღამით კი +16 იქნება.ბორჯომშიც ნალექია მოსალოდნელი, +29 იქნება დღისით, ღამით კი +17 გრადუსი დაფიქსირდება.წვიმაა მოსალოდნელი ბაკურიანში, დღისით +23 გრადუსია მოსალოდნელი, ღამით +9 გრადუსი დაფიქსირდება.მცირე ნალექს ელოდებიან გორში, დღისით +32 გრადუსი, ღამის განმავლობაში კი +19 გრადუსი დაფიქსირდება.ცხინვალში ხანმოკლე წვიმაა მოსალოდნელი, ჰაერის ტემპერატურა +31 გრადუსი იქნება, ღამით კი +18 გრადუსი დაფიქსირდება.გუდაურში წვიმაა მოსალოდნელი, დღის განმავლობაში +19 გრადუსი დაფიქსირდება, ღამით კი ჰაერის ტემპერატურა +12 გრადუსი იქნება.ომალოშიც იწვიმებს. დღისით +20 ღამით კი +10 გრადუსი დაფიქსირდება.ლაგოდეხში ხანმოკლე წვიმა იქნება, ჰაერის ტემპერატურა დღის განმავლობაში +31 გრადუსი იქნება, ღამით კი +21 გრადუსი დაფიქსირდება.თელავშიც წვიმაა ნავარაუდევი. დღისით +30 გრადუსი დაფიქსირდება, ღამით კი +20 გრადუსი იქნება.წვიმიანი დღეა გურჯაანში, დღისით +32 გრადუსი, ღამით კი +21 გრადუსი დაფიქსირდება.სიღნაღში დღისით +31 გრადუსია მოსალოდნელი, ღამით +21 გრადუსი დაფიქსირდება. დღე ხანმოკლე წვიმაა მოსალოდნელი.რუსთავში მოსალოდნელია ხანმოკლე წვიმა. დღისით +34 გრადუსია მოსალოდნელი, ღამით კი +21 გრადუსი დაფიქსირდება.თბილისშიც მცირე ნალექს ელოდებიან. ჰაერის ტემპერატურა დღისით +33 გრადუსს მიაღწევს, ღამით კი +21 გრადუსი იქნება.
1784523504
როგორი ამინდია მოსალოდნელი დღეს საქართველოში20 ივლისს ქუთაისში მზიანი დღე იქნება, დღისით +31 და ღამით +19 გრადუსი დაფიქსირდება. მზიანი დღე იქნება ოზურგეთშიც. დღისით +32 გრადუსი დაფიქსირდება, ღამით კი +20 გრადუსი იქნება.ბათუმშიც მზეა მოსალოდნელი, დღისით ჰაერი +30 გრადუსამდე გათბება, ხოლო ღამით +20 გრადუსი დაფიქსირდება.უნალექო ამინდია ფოთში. დღისით +30 გრადუსი დაფიქსირდება, ღამით კი +21 გრადუსია მოსალოდნელი. ზუგდიდში დღე უნალექოდ ჩაივლის, ჰაერის ტემპერატურა დღისით +30, ღამით კი +18 გრადუსი იქნება.სოხუმშიც მზეა, +28 გრადუსია მოსალოდნელი დღისით, ღამით +19 გრადუსი დაფიქსირდება.მესტიაშიც მზეა, დღისით +28 გრადუსი იქნება, ღამით კი +12 გრადუსი დაფიქსირდება. ამბროლაურში მზეს ელოდებიან. ჰაერი +29 გრადუსამდე გათბება, ღამით კი +16 გრადუსი დაფიქსირდება.ჭიათურაშიც მზიანი დღეა, დღისით +30 გრადუსი, ღამით კი +16 გრადუსი დაფიქსირდება.ახალციხეშიც მზიანი დღეა, დღისით +28 გრადუსი, ღამით კი +13 გრადუსი იქნება.ბორჯომშიც მზეა მოსალოდნელი, +29 იქნება დღისით, ღამით კი +15 გრადუსი დაფიქსირდება.უნალექო დღეა მოსალოდნელი ბაკურიანში, დღისით +23 გრადუსია მოსალოდნელი, ღამით +9 გრადუსი დაფიქსირდება.მზიან ამინდს გვპირდებიან სინოპტიკოსები გორშიც, დღისით +32 გრადუსი, ღამის განმავლობაში კი +16 გრადუსი დაფიქსირდება. ცხინვალშიც მზეა მოსალოდნელი, ჰაერის ტემპერატურა +31 გრადუსი იქნება, ღამით კი +15 გრადუსი დაფიქსირდება.გუდაურში წვიმიანი ამინდია მოსალოდნელი, დღის განმავლობაში +16 გრადუსი დაფიქსირდება, ღამით კი ჰაერის ტემპერატურა +8 გრადუსი იქნება.ომალოში ნალექიან ამინდს ელოდებიან. დღისით +20 ღამით კი +10 გრადუსი დაფიქსირდება.ლაგოდეხში ხანმოკლე წვიმას ვარაუდობენ, ჰაერის ტემპერატურა დღის განმავლობაში +31 გრადუსი იქნება, ღამით კი +18 გრადუსი დაფიქსირდება.ანალოგიური ამინდი იქნება დღეს თელავში, სადაც დღისით +30 გრადუსი დაფიქსირდება, ღამით კი +19 გრადუსია ნავარაუდევი.ნალექიანი დღე იქნება გურჯაანშიც, დღისით +30 გრადუსი, ღამით კი +19 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +29 გრადუსია მოსალოდნელი, ღამით +17 გრადუსი დაფიქსირდება.რუსთავში მზიანი დღეა მოსალოდნელი. დღისით +31 გრადუსია მოსალოდნელი, ღამით კი +21 გრადუსი დაფიქსირდება.თბილისში მოსალოდნელია ხანმოკლე წვიმა. ჰაერის ტემპერატურა დღისით +31 გრადუსს მიაღწევს, ღამით კი +20 გრადუსი იქნება.
1783920569
როგორი ამინდია მოსალოდნელი 13 ივლისს საქართველოში13 ივლისს ქუთაისში მზიანი ამინდი იქნება, დღისით +32 და ღამით +21 გრადუსი დაფიქსირდება. მზიანი დღე იქნება ოზურგეთში. დღისით +31 გრადუსი დაფიქსირდება, ღამით კი +21 გრადუსი იქნება.ბათუმშიც მზეა მოსალოდნელი, დღისით ჰაერი +31 გრადუსამდე გათბება, ხოლო ღამით +22 გრადუსი დაფიქსირდება.უნალექო დღეა ფოთში. დღისით +30 გრადუსი დაფიქსირდება, ღამით კი +23 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +32, ღამით კი +21 გრადუსი იქნება.სოხუმში მზიანი ამინდია მოსალოდნელი, +30 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში ხანმოკლე წვიმას პროგნოზირებენ. დღისით +29 გრადუსი იქნება, ღამით კი +11 გრადუსი დაფიქსირდება. ამბროლაურშიც მზიან დღეს ელოდებიან. ჰაერი +30 გრადუსამდე გათბება, ღამით კი +19 გრადუსი დაფიქსირდება.ჭიათურაში წვიმიანი დღეა, დღისით +29 გრადუსი, ღამით კი +17 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +18 გრადუსი იქნება.ახალქალაქში დღისით +27 გრადუსი, ღამით კი +12 იქნება.ბორჯომშიც ნალექია მოსალოდნელი, +30 იქნება დღისით, ღამით კი +18 გრადუსი დაფიქსირდება.წვიმაა მოსალოდნელი ბაკურიანში, დღისით +24 გრადუსია მოსალოდნელი, ღამით 12 გრადუსი დაფიქსირდება.მზიან დღეს ელოდებიან გორში, დღისით +31 გრადუსი, ღამის განმავლობაში კი +18 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +30 გრადუსი იქნება, ღამით კი +19 გრადუსი დაფიქსირდება.გუდაურში მზიანი დღეა მოსალოდნელი, დღის განმავლობაში +19 გრადუსი დაფიქსირდება, ღამით კი ჰაერის ტემპერატურა +10 გრადუსი იქნება.ომალოში დღისით +22 ღამით კი +13 გრადუსი დაფიქსირდება.ლაგოდეხში ჰაერის ტემპერატურა დღის განმავლობაში +34 გრადუსი იქნება, ღამით კი +23 გრადუსი დაფიქსირდება. დღე უნალექოდ ჩაივლის.თელავში მზიანი ამინდია ნავარაუდევი. დღისით +33 გრადუსი დაფიქსირდება, ღამით კი +20 გრადუსი იქნება.მზიანი დღეა გურჯაანში, დღისით +33 გრადუსი, ღამით კი +23 გრადუსი დაფიქსირდება. სიღნაღში უნალექო დღე იქნება, დღისით +33 გრადუსია მოსალოდნელი, ღამით +23 გრადუსი დაფიქსირდება.რუსთავში მზიანი დღეა. დღისით +34 გრადუსია მოსალოდნელი, ღამით კი +23 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +34 გრადუსს მიაღწევს, ღამით კი +22 გრადუსი იქნება.
