იმ ათლეტებისთვის, რომლებიც თავიანთი შესაძლებლობების პიკზე არიან, სპორტული ინდუსტრია მომგებიანი ბიზნესია. ვარსკვლავებს შეუძლიათ დააგროვონ სიმდიდრე თავიანთი მიღწევებით, სარეკლამო გარიგებებით და სხვა შეთავაზებებით.თუმცა, ზოგიერთი უიღბლო სპორტსმენისთვის, სპორტის მიღმა მიღებულმა არასწორმა გადაწყვეტილებებმა მათი ფინანსური ბედი განსაზღვრა და გაკოტრდნენ კიდეც.წარმოგიდგენთ სპორტის ვარსკვლავებს, რომლებმაც თავიანთი წარმატების პიკზე მილიონობით დოლარი გამოიმუშავეს, თუმცა წლების შემდეგ გაკოტრდნენ და უფრო მეტიც, სიღარიბეს ებრძოდნენ.ლეონ სპინქსიგარდაცვლილი კრივის ჩემპიონი ლეონ სპინქსი იყო ერთ-ერთი იმ მცირერიცხოვან ადამიანთაგან, ვინც 1978 წლის თებერვალს რინგზე დიდებული მუჰამედ ალი დაამარცხა. სპინქსმა მოიპოვა მძიმე წონის მსოფლიო ჩემპიონის ტიტული და მილიონები ბანკში. თუმცა, იმედისმომცემი ახალგაზრდა მოკრივის დიდება ხანმოკლე აღმოჩნდა და ის ვალებსა და ნარკოდამოკიდებულებაში ჩაიძირა.სპინქსი 1986 წელს გაკოტრდა. ყოფილი მსოფლიო ჩემპიონი მოგვიანებით დამლაგებლად მუშაობდა YMCA-ში და ასევე მუშაობდა ადგილობრივ McDonald’s-ში. ის 2021 წელს პროსტატის კიბოთი გარდაიცვალა.როლანდ „როლი“ ფინგერსიბეისნ~ბოლის ვარსკვლავს, როლანდ ფინგერსს, 1985 წელს 1.1 მილიონი დოლარი ჰქონდა დაგროვილი.თუმცა სულ რაღაც ოთხი წლის შემდეგ თავი გაკოტრებულად გამოაცხადა. როგორც აღმოჩნდა, მას კრედიტორები 4 მილიონ დოლარზე მეტს სთხოვდნენ.მისი წარუმატებლობის მიზეზი იყო არაერთი არასწორი ინვესტიცია, მათ შორის, ფსტის ფერმები, ქარის ტურბინები და არაბული ცხენების ფარაც კი. ფინგერსმა ვალები მუშაობითა და ბეისბოლის ბარათების გაყიდვით დაფარა.ჯონი იუნიტასიყველა დროის ერთ-ერთი უდიდესი ამერიკული ფეხბურთის მოთამაშე, ჯონი „ოქროს მკლავი“ იუნიტასი, Baltimore Colts-ს სუპერ ბოულის დიდებამდე უძღოდა. მიუხედავად მოედანზე ბრწყინვალებისა, იუნიტასი ფინანსებში ნაკლებად წარმატებული იყო.1974 წელს პენსიაზე გასვლის შემდეგ, მან ვერ შეძლო თავისი უნარების ბიზნესად ქცევა. მან ფინანსური კრახი განიცადა წარუმატებელი წამოწყებების შემდეგ, რაც მოიცავდა ბოულინგის ცენტრების ქსელსა და ბეჭდური სქემების კომპანიას. ბოლოს მას 3.2 მილიონი დოლარის ოდენობის ვალი ჰქონდა და 1991 წელს თავი გაკოტრებულად გამოაცხადა. ის 2002 წელს გარდაიცვალა.მაიკ ტაისონიყველა დროის ერთ-ერთმა უდიდესმა მოკრივემ, მაიკ ტაისონმა, ბრძოლებითა და სარეკლამო გარიგებებით დაახლოებით 430 მილიონი დოლარი გამოიმუშავა.ტაისონი ცნობილი იყო ფულის არასწორი მართვით. მან თავისი ქონების დიდი ნაწილი ექსტრავაგანტურ და უცნაურ ნივთებში დახარჯა, მაგალითად: 24−კარატიანი ოქროს აბაზანაში (2.2 მილიონი) და თეთრ ბენგალურ ვეფხვებში (70,000 თითო). მისმა ცხოვრების სტილმა, ნარკოდამოკიდებულებამ და ციხეში გატარებულმა დრომ ის 2003 წელს გაკოტრებამდე მიიყვანა 23 მილიონ დოლარიანი ვალით. დღეს მისი ქონება 30 მილიონადაა შეფასებული.დიეგო მარადონამაშინაც კი, თუ სპორტის ფანი არ ხართ, ალბათ, გსმენიათ დიეგო მარადონას შესახებ.ფეხბურთის ლეგენდამ მილიონობით ქონება დააგროვა, მაგრამ მას არ უყვარდა გადასახადების გადახდა. 2009 წელს გაირკვა, რომ მას 54 მილიონი დოლარი მართებდა იტალიის საგადასახადო უწყებებისთვის, რის გამოც გაკოტრება გამოაცხადა.2020 წელს გარდაცვალებისას მას ბანკში მხოლოდ 99 000 დოლარი ჰქონდა დარჩენილი.წყარო: lovemoney.com

„დინამო არენას“ რეაბილიტაციის პროექტი უკვე დამზადდა. პროექტის პირველადი იდეის შესახებ ინფორმაცია სტადიონის რეკონსტრუქციაზე მომუშავე ქურდიანების კომპანიამ გაავრცელა.როგორც კომპანიის მიერ გავრცელებული ინფორმაციიდან ირკვევა, ბორის პაიჭაძის სახელობის ეროვნული სტადიონის რეკონსტრუქციის მიზანია: ტევადობის გაზრდა 70 ათასზე მეტ მაყურებლამდე; პარკირების უზრუნველყოფა (UEFA-ს მოთხოვნების შესაბამისად); ქალაქთან ინტეგრირებული საზოგადოებრივი სივრცის შექმნა და კომერციალიზაციის დანერგვა.პროექტის მიხედვით, 800 ავტომობილზე გათვლილი ერთდონიანი ავტოსადგომი მთლიანად მიწისქვეშ არის გადატანილი, რაც ზედაპირს მანქანებისგან ათავისუფლებს. რაც შეეხება მიწისზედა სართულს, ის სრულად გამოყოფილია საზოგადოებრივი და კომერციული ფუნქციებისთვის - სტადიონი, მუზეუმი, კლუბი, საცალო ვაჭრობა, კინოთეატრი და სხვა.ამასთან, მომზადებული პირველადი პროექტის მიხედვით, ასევე იგეგმება: სარბენი ბილიკის დემონტაჟი {რაც სავარაუდოდ, შესაძლებელს გახდის მაყურებელი სტადიონთან უფრო ახლოს იყოს}, პირველი იარუსის დიზაინის სრული შეცვლა, ახალი იარუსის შექმნა ოპტიმალური ხედვის არეალის შენარჩუნებით, მოედნის დონეზე დამატებითი შესასვლელების დამატება, არსებული მეორე იარუსის, საევაკუაციო აივნის და სტრუქტურული სახურავის სისტემის შენარჩუნება, სახურავის საფარის რეკონსტრუქცია დასაჯდომი ადგილების 100%-ის დასაფარად, ახალი პირველი იარუსის ქვეშ სივრცეების განვითარება სპორტული, ადმინისტრაციული და ოპერაციული მიზნებისთვის. ასევე, მომზადებული პროექტიდან ცნობილი ხდება, რომ ფეხით მოსიარულეთა გამტარიანობისთვის იგეგმება ღობეების მოხსნა,შეგახსენებთ, რომ „დინამო არენას“ რეკოსნტრუქცია/რეაბილიტაციის შესახებ ინფორმაცია ჯერ კიდევ 2025 წლის ივნისში გავრცელდა.BPN

2025 წლის 31 დეკემბრის მდგომარეობით, მიმოქცევაში არსებული ნაღდი ფულის ოდენობამ 7 442 200 000 ლარი შეადგინა. ამის შესახებ ეროვნული ბანკის გასული წლის საქმიანობის ანგარიშშია აღნიშნული.დოკუმენტის თანახმად, მათ შორის ბანკნოტები - 7 215 500 000 ლარი, ხოლო მონეტები - 226 700 000 ლარი იყო.ამასთან, როგორც ანგარიშშია აღნიშნული, საანგარიშო პერიოდში, მიმოქცევაში ნაღდი ფულის მოცულობა წლის დასაწყისთან შედარებით 825.2 მლნ ლარით, ანუ 12.5%-ით გაიზარდა.„2025 წლის განმავლობაში მიმოქცევაში ბანკნოტების თანხობრივი რაოდენობა 805.9 მლნ ლარით გაიზარდა და მიმოქცევაში არსებული ფულის მთლიან მოცულობაში მისმა ხვედრითმა წილმა 97% შეადგინა.საანგარიშო პერიოდში, წინა წელთან შედარებით, 9.3%-ით გაიზარდა მიმოქცევაში არსებული მონეტების თანხობრივი რაოდენობა და მისმა ხვედრითმა წილმა მთლიან მიმოქცევაში 3% შეადგინა,“ - ვკითხულობთ ანგარიშში.ამასთან, ეროვნული ბანკის ანგარიშში ასევე მოცემულია ინფორმაცია ფულის ნიშნების ექსპერტიზის მონაცემების შესახებ.კერძოდ, სებ-ის ცნობით, 2025 წლის განმავლობაში ექსპერტიზა ჩატარდა კომერციული ბანკებიდან, ვალუტის გადამცვლელი პუნქტებიდან, მიკროსაფინანსო ორგანიზაციებიდან, სამართალდამცავი ორგანოებიდან და ფიზიკური პირების მიერ შეტანილ 6 573 ცალ საეჭვო ფულის ნიშანზე, რომელთა 45% ყალბი აღმოჩნდა.უფრო კონკრეტულად, ეროვნული ბანკის შემოწმებული 6 573 საეჭვო ფულის ნიშნიდან 2967 აღმოჩნდა ყალბი; 2525 იყო ნამდვილი, ხოლო 1081 - არგადახდითი.„2025 წელს გამოვლენილი ლარის ყალბი ბანკნოტების რაოდენობა 2024 წელთან შედარებით შემცირდა 10.7%-ით.დოლარების ყალბი ბანკნოტების რაოდენობა გაიზარდა 8.9%-ით, ხოლო, ევროს ყალბი ბანკნოტების რაოდენობა შემცირდა 23.6%-ით.ასევე, სხვა უცხოური ყალბი ვალუტა შემცირდა 32.3%-ით.რაც შეეხება ლარის ყალბ მონეტებს, 2024 წელთან შედარებით მათი რაოდენობა უმნიშვნელოა (შემცირდა 99.7%-ით),“ - ნათქვამია ეროვნული ბანკის ანგარიშში.აღსანიშნავია, ისიც, რომ ეროვნული ბანკის ანგარიშის თანახმად, საქართველოში ეროვნული ვალუტის შემთხვევაში ყველაზე მეტად 100 და 50 ლარიანებს აყალბებენ. ლარის გამოვლენილ ყალბ ბანკნოტებსა და მონეტებში მათზე შესაბამისად, 47.9% და 46.8%-იანი წილი მოდის.

„სოციალურად დაუცველი და მრავალშვილიანი ოჯახებისთვის ელექტროენერგიის სუბსიდირების თანხა იზრდება. ცვლილების მიზანია, ახალი ტარიფის განსაზღვრის შემდეგ, ელექტროენერგიის გადასახადი მათთვის უცვლელი დარჩეს“ – ინფორმაციას ჯანდაცვის სამინისტრო ავრცელებს.„მთავრობის დადგენილებით - ოჯახებს, რომელთა სარეიტინგო ქულა 70 000-ზე ნაკლებია, დამატებით - 5 თეთრი დაუსუბსიდირდებათ. ჯამში ისინი, დახმარების სახით, მიიღებენ 2020 წლის დეკემბერსა და 2015 წლის ივლისში არსებული სამომხმარებლო ტარიფს შორის სხვაობას დამატებულ 1 კვტ-სთ-ზე 8.5 თეთრს - ამ დრომდე ეს მაჩვენებელი 1კვტ-სთ-ზე 3.5 თეთრს შეადგენდა.ის ოჯახები კი, რომელთა სარეიტინგო ქულა მეტია 70 000-ზე და ნაკლებია ან ტოლია 150 000-ისა, 200 კვტ-სთ-ის ელექტროენერგიას 1 კვტ-სთ-ზე 8.5 თეთრის ოდენობით სუბსიდიას მიიღებენ - ამ დრომდე ეს მაჩვენებელი კვტ-სთ-ზე 3.5 თეთრს შეადგენდა.სიახლე თბილისის მუნიციპალიტეტის გარდა მთელი ქვეყნის მასშტაბით მცხოვრებ ბენეფიციარებს შეეხებათ.რაც შეეხება მრავალშვილიან ოჯახებს, ელექტროენერგიის ახალი ტარიფის შესაბამისად, დამატებით - 10 ლარის სუბსიდიას მიიღებენ. მთელი ქვეყნის მასშტაბით, ამ სტატუსის მქონე ოჯახები, სოციალური შეღავათის სახით, ელექტროენერგიის გადასახადისთვის 20 ლარის ნაცვლად 30 ლარს მიიღებენ. ამას ემატება 10-ლარიანი სუბსიდია ყოველ მომდევნო შვილზე.ცვლილება უკვე ამოქმედდა - მთავრობის გადაწყვეტილება ძალაში პირველი აპრილიდან შევიდა“ – ნათქვამია ინფორმაციაში.

ჰანტავირუსის სავარაუდო გავრცელების გამო, არგენტინასა და კაბო-ვერდეს შორის მოძრავ საკრუიზო გემზე სამი ადამიანი დაიღუპა.ჯანდაცვის მსოფლიო ორგანიზაციის თანახმად, პოტენციურად სასიკვდილო ვირუსის ერთი შემთხვევა უკვე დადასტურდა.თუმცა, სავარაუდო გავრცელებამ გააჩინა კითხვები იმის თაობაზე, ვრცელდება თუ არა ადამიანიდან ადამიანზე ვირუსი, რომელიც როგორც წესი, მღრღნელებთან კონტაქტით ვრცელდება. რამდენად გავრცელებულია ჰანტავირუსები ეს ვირუსები მთელ მსოფლიოში გვხვდება, ინფიცირების შემთხვევები მთელი წლის განმავლობაში ფიქსირდება. მაგალითად, წელიწადში რამდენიმე ათასი შემთხვევა ფიქსირდება ჩინეთში, რუსეთსა და სამხრეთ კორეაში.ამერიკის კონტინენტზე, ფინეთსა და საფრანგეთში ფიქსირდება წელიწადში რამდენიმე ასეული შემთხვევა.ჰანტავირუსების გარკვეული შტამები, რომლებიც მხოლოდ მღრღნელებში გვხვდება — ვირთხებში, თაგვებსა და მემინდვრიებში — ადამიანებშიც ვრცელდება. რამდენად სახიფათოა ჰანტავირუსები ორ ჯგუფად იყოფა: ძველი მსოფლიოს ვირუსებად (ევროპა, აზია და აფრიკა) და ახალი მსოფლიოს ვირუსებად (ჩრდილოეთ და სამხრეთ ამერიკა).ძველი მსოფლიოს ვირუსების შემთხვევაში, სიკვდილიანობის მაჩვენებელი შეიძლება 14 პროცენტი იყოს. თუმცა, ისეთ განვითარებულ ქვეყნებში, როგორიცაა საფრანგეთი, ფატალური შემთხვევები უკიდურესად იშვიათია და ძირითადად ეხება ადამიანებს, რომლებსაც უკვე აქვთ ჯანმრთელობის პრობლემები.ზოგიერთი შემთხვევა უსიმპტომოა ან მხოლოდ ტკივილით შემოიფარგლება, მაგალითად, მუცლის ტკივილით ან მსუბუქი ხველით. თუმცა, იშვიათ შემთხვევაში შეიძლება თან ახლდეს თირკმლის პრობლემები, რამაც შეიძლება გამოიწვიოს თირკმლის მწვავე, მაგრამ შექცევადი უკმარისობა.ახალი მსოფლიოს ვირუსების შემთხვევაში, სიკვდილიანობის მაჩვენებელმა შეიძლება 40 პროცენტს გადააჭარბოს. ინფექცია სწრაფად ვრცელდება ფილტვებში და იწვევს სუნთქვის და ზოგჯერ გულის პრობლემებს.პრობლემებს. მკურნალობა რაც უფრო სწრაფად იმკურნალებს ადამიანი, მით უკეთესია პროგნოზი.ვინაიდან არ არსებობს კონკრეტულად ჰანტავირუსის სამკურნალო საშუალება, ექიმები მხოლოდ სიმპტომებს მართავენ.თუკი ვირუსი მძიმედ აზიანებს ფილტვებს, საჭირო ხდება ჟანგბადით თერაპია ინტენსიურ მზრუნველობის განყოფილებაში.განსაკუთრებული რისკის ქვეშ არიან კონკრეტულ სფეროებში მომუშავე ადამიანები, მაგალითად, სატყეო საქმესა და სოფლის მეურნეობაში.სხვა ნებისმიერი ინფექციის მსგავსად, ყველაზე მეტად რისკის ქვეშ არიან ხანდაზმულები, შესუსტებული იმუნური სისტემის მქონენი და ადამიანები, რომლებსაც უკვე აქვთ ჯანმრთელობის პრობლემები. არის თუ არა გადამდები ჯერჯერობით უცნობია, იყო თუ არა გემზე მომხდარი შემთხვევა ანდების ვირუსის გავრცელება.ანდების ვირუსი ჰანტავირუსის ერთადერთი შტამია, რომლის შემთხვევაშიც დადასტურებულია ადამიანიდან ადამიანზე გადადება, მაგრამ ამისათვის საჭიროა ახლო და ხანგრძლივი კონტაქტი — მაგალითად, ოჯახში.ადამიანები ძირითადად ინფიცირდებიან ცხოველთა ნერწყვით, ექსკრემენტებით ან შარდით დაბინძურებული აეროზოლების შესუნთქვით, მათ ფეკალიებთან პირდაპირი კონტაქტით, ნაკბენით ან ნაკაწრით.საკრუიზო გემის შემთხვევაში, არსებობს ორი შესაძლო სცენარი — ადამიანიდან ადამიანზე გადადება ან ცალკეული ინფიცირება გემზე ასვლამდე, მაგალითად, თუ მათ იქამდეც ერთად იმოგზაურეს. რა შეიძლება გამოავლინოს ვირუსის სეკვენირებამ გემზე ინფიცირებულ ადამიანთა ვირუსის სეკვენირება (გენომის თანმიმდევრობის გაშიფვრა) გამოავლენს, ჰანტავირუსის რომელი შტამით იყვნენ ისინი ინფიცირებული.ვინაიდან გემი არგენტინის სამხრეთში მდებარე კუნძულ უშუაიადან იყო გამოსული, მეცნიერებს ეჭვი ანდების ვირუსზე აქვთ, რადგან იქ სწორედ ის ცირკულირებს.თუმცა, თუკი ის ახალი მსოფლიოს სხვა რომელიმე შტამია, მაგალითად, სახელად სინ-ნომბრე, რომელიც მხოლოდ ჩრდილოეთ ამერიკაში ცირკულირებს — შეიძლება გამოვრიცხოთ ინფიცირება სამხრეთ ამერიკაში.თუკი ახალი მსოფლიოს ჰანტავირუსი გემზე ადამიანებს შორის გავრცელდა, შემთხვევა უპრეცედენტო იქნება.მომზადებულია Agence France-Presse-ის მიხედვით.წყარო: პირველი არხი

2025 წელს საქართველოს ეროვნულმა ბანკმა 1.7 მილიარდი ლარის წმინდა მოგება მიიღო, - ამის შესახებ ეროვნული ბანკის ფინანსური შედეგებიდან ხდება ცნობილი, რომელიც სებ-მა პარლამენტს წარუდგინა.გასული წლის მაჩვენებელი 2024 წლის მონაცემთან, 1.15 მილიარდ ლართან, შედარებით 48%-ით მეტია.სებ-მა 2025 წელს ცენტრალურ ბიუჯეტში საკუთარი მოგებიდან 571.5 მილიონი ლარი გადარიცხა, ხოლო 2024 წელს მთავრობისთვის გადარიცხული დივიდენდი 302.8 მილიონი ლარი იყო.