ჩვენ ვაპირებთ, მოქალაქეობის გაუქმებას სომალიდან ან ნებისმიერი სხვა ადგილიდან ჩამოსული ნებისმიერი ნატურალიზებული იმიგრანტისთვის, ვინც თაღლითობაში იქნება მსჯავრდებული, – ამის შესახებ აშშ-ის პრეზიდენტმა, დონალდ ტრამპმა დეტროიტის ეკონომიკურ კლუბში სიტყვით გამოსვლისას განაცხადა.როგორც ტრამპმა აღნიშნა, მსგავს პირებს ქვეყნიდან გააძევებს.„თუ ამერიკაში ამერიკელების გასაძარცვად ჩამოხვალთ, ციხეში ჩაგსვამთ და დაგაბრუნებთ იქ, საიდანაც მოხვედით. პირდაპირ ციხეში ჩაგსვამთ. მათ ეს იციან“, – აღნიშნა დონალდ ტრამპმა.1tv.ge

„იგლ ჰილსის" პროექტის სამშენებლო ეტაპზე 30 000 სამუშაო ადგილი შეიქმნება, სახელმწიფო ბიუჯეტში შესაძლებელი იქნება საგადასახადო შემოსავლების მობილიზება, საუბარია 3.5 ან 4 მილიარდი დოლარის ეკვივალენტზე, - ამის შესახებ „იგლ ჰილსის" დამფუძნებელმა მოჰამედ ალაბარმა საქართველოს პრემიერ-მინისტრ ირაკლი კობახიძესთან შეხვედრის შემდეგ ჟურნალისტებს განუცხადა.მისი თქმით, ურბანული განვითარების ამგვარი პროექტი ქვეყნის ეკონომიკურ ზრდას 5%-ს შემატებს.„თუ გადავხედავთ იმას, რაც ბოლო 30 წლის განმავლობაში მიკეთებია მასშტაბური პროექტების სახით - 6 ან 6.5 მილიარდი დოლარის ფარგლებში - ოთხმაგი ეფექტი ჰქონია მასპინძელი ქვეყნის ეკონომიკაზე; ეს ინფორმაცია გადამოწმებადია და ინტერნეტშიც შეიძლება ფაქტების მოძიება. 6 ან 6.5 მილიარდიანი ინვესტიციის ეფექტი იქნება ამ რიცხვის ოთხზე გამრავლება. შესაბამისად, ფაქტობრივად საუბარია 24 მილიარდზე. ეს კი იმას ნიშნავს, რომ ყველაფერს, რასაც გავაკეთებთ ამ ინიციატივის ფარგლებში - იქნება ეს მასალების შეძენა, მარაგების გაკეთება, სპეციალისტების დასაქმება, არქიტექტორების დაქირავება, კონტრაქტორების აყვანა და ა.შ. ყველაფერი ადგილობრივად მოხდება.ნიშანდობლივია, რომ მშენებლობის პროცესში 30 000 ადამიანი დასაქმდება; ანუ სამშენებლო ეტაპზე 30 000 სამუშაო ადგილი შეიქმნება.რაც შეეხება სამთავრობო სფეროში მიღებულ სარგებელს, სახელმწიფო ბიუჯეტში შესაძლებელი იქნება საგადასახადო შემოსავლების მობილიზება, საუბარია 3.5 ან 4 მილიარდი დოლარის ეკვივალენტზე.ურბანული განვითარების ამგვარი პროექტი ქვეყნის ეკონომიკურ ზრდას 5 პროცენტს მატებს. როდესაც საუბარია მთლიანი შიდა პროდუქტის მაჩვენებელზე, სწორედ ეს იგულისხმება. ამგვარ პროექტს ცალკე აღებულს შეუძლია, ქვეყნის მშპ 5 პროცენტით გაზარდოს", - აღნიშნა მოჰამედ ალაბარმა.„იგლ ჰილსის" დამფუძნებელმა ასევე ისაუბრა, თუ რა ეფექტს იქონიებს აღნიშნული ინიციატივა ტურიზმის სექტორზე და აღნიშნა, რომ ამ მასშტაბის პროექტს სულ მცირე ნახევარი მილიონი ტურისტის მოზიდვა შეუძლია.„ყველა იმ ქვეყნის გამოცდილებით ვსაუბრობ, სადაც ამგვარი პროექტები გვიკეთებია. ასეთი მასიური და პასუხისმგებლობიანი ურბანული განვითარების პროექტები ინვესტიციებს იზიდავს მთელი მსოფლიოდან. ინვესტიციების გარდა ხდება ტურისტების მოზიდვა. თითოეული ჩვენი პროექტი 1 000 ახალ ბიზნეს სუბიექტს უქმნის ახალ შესაძლებლობას. სკოლებსა და სკვერებს ვაშენებთ. არქიტექტურულ ქმნილებებს და არაჩვეულებრივი დიზაინის მქონე ობიექტებს ვქმნით მასპინძელ ქვეყანაში. ასე და ამგვარად ჩნდება სიცოცხლით სავსე ადგილი და ეს ჩვენ კარგად გამოგვდის. გვიყვარს ამის კეთება, უმშვენიერეს გარემოს ვქმნით.აუცილებლად მინდა ვთქვა, რომ ძალიან მიხარია, ასე გულთბილად რომ მიღებს საქართველო და შევეცდებით, ყველაზე კარგ პროექტად ეს ინიციატივა ვაქციოთ" , - განაცხადა მოჰამედ ალაბარმა.

დღეს, 14 იანვარს საქართველოს სახელმწიფო დროშის დღე აღინიშნება. შსს-ს ინფორმაციით, სახელმწიფო დროშის დღესთან დაკავშირებით, ტრადიციულად, შინაგან საქმეთა სამინისტროს სხვადასხვა დანაყოფში დროშის აღმართვის ცერემონია გაიმართა.ქვეყნის ეროვნული სიმბოლოს პატივისცემის ნიშნად, თავდაცვის ძალების სამხედრო მოსამსახურეებმა სახელმწიფო ჰიმნის ფონზე საქართველოს დროშები საზეიმოდ აღმართეს.თავდაცვის სამინისტროს ინფორმაციით, დროშის დღესთან დაკავშირებით, დროშის აღმართვის ცერემონიალი საქართველოს თავდაცვის სამინისტროს ტერიტორიასა და თავდაცვის ძალების სამხედრო ბაზებზე გაიმართა.საქართველოს სახელმწიფო დროშის დღეს საქართველოს ორგანული კანონი განსაზღვრავს.

ეროვნული ბანკის მიერ 12 იანვრის დადგენილი კურსით, დღეს 1 აშშ დოლარის ღირებულება 2.6969 ლარი, ხოლო ევროს კურსი 3.1467 ლარია.გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6970 ლარად შეძლებენ, სავალუტო ჯიხურები კი - 2.6920 ლარად ყიდულობენ. ერთი ევროს შეძენა მოქალაქეებს 3.1470 ლარად, გაყიდვა კი 3.1350 ლარად შეუძლიათ.ჩუღურეთში დოლარის ყიდვას მოქალაქეები 2.6980 ლარად, ხოლო გაყიდვას 2.6930 ლარად შეძლებენ. რაც შეეხება ევროს, მისი ყიდვა მოქალაქეებს - 3.1400 ლარად, ხოლო გაყიდვა - 3.1340 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6975 ლარად, გაყიდვა კი - 2.6930 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.1440 ლარად, გაყიდვას კი - 3.1340 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.7000 ლარად, ხოლო გაყიდვას 2.6700 ლარად შეძლებენ, რაც შეეხება ევროს, მისი ყიდვა მოქალაქეებს 3.1450 ლარად, გაყიდვა კი 3.1050 ლარად შეუძლიათ.

საქართველოს ბანკი ბიზნესების მხარდაჭერას განაგრძობს და მათთვის მდგრადი განვითარებისა და ენერგოეფექტურობის მიმართულებით ცოდნის მიღების ახალ შესაძლებლობებს ქმნის. ამ მიზნით, საქართველოს ბანკის ბიზნესკურსის პლატფორმას ახალი კურსი,  მზის ენერგიის გამოყენება დაემატა.კურსი განკუთვნილია მეწარმეებისთვის, მცირე და საშუალო ბიზნესების წარმომადგენლებისთვის, რომლებიც დაინტერესებულნი არიან ენერგოეფექტური გადაწყვეტილებებით და სურთ, გაიგონ, რა სარგებლის მოტანა შეუძლია ბიზნესისთვის მზის ენერგიის გამოყენებას.ბიზნესკურსის ფარგლებში მონაწილეები ეტაპობრივად გაეცნობიან, რა პრინციპით მუშაობს სისტემა და როგორ შეიძლება მისი გამოყენება სხვადასხვა ტიპის ბიზნესში. კურსი მიმოიხილავს მზის ენერგიის გამოყენების ძირითად უპირატესობებს, მათ შორის ხარჯების შემცირებასა და გრძელვადიან ფინანსურ ეფექტს.კურსს უძღვება თორნიკე დარჯანია, Helios Energy-ის დამფუძნებელი, რომელიც მონაწილეებს გაუზიარებს პრაქტიკულ გამოცდილებასა და რეალურ მაგალითებს მზის ენერგიის პროექტების დაგეგმვისა და განხორციელების შესახებ საქართველოში.კურსზე რეგისტრაციისთვის ეწვიეთ საქართველოს ბანკის ვებგვერდს.ბიზნესკურსი საქართველოს ბანკის საგანმანათლებლო პლატფორმაა, რომელიც ნებისმიერ დაინტერესებულ პირს აძლევს შესაძლებლობას, მენეჯმენტის, ფინანსების, მარკეტინგისა და სხვა მიმართულებებით ცოდნა მიიღოს გამოცდილი სპეციალისტებისგან. კურსები მორგებულია ადგილობრივი ბაზრის საჭიროებებზე და პლატფორმა მუდმივად ახლდება.ბიზნესკურსი საქართველოს ბანკის პლატფორმა Business 360°-ის ნაწილია — ესაა ერთიანი ეკოსისტემა, რომელიც აერთიანებს საგანმანათლებლო პროექტებს, ვორკშოპებსა და პრაქტიკულ რესურსებს ბიზნესის განვითარების ყველა ეტაპისთვის. 

ირანის უზენაესი ლიდერი და ცნობილი შიიტი სასულიერო პირი, ალი ხამენეი სამ ათწლეულზე მეტი ხნის განმავლობაში ისლამურ რესპუბლიკაზე უპრეცედენტო ავტორიტეტს ფლობს.BBN TIMES მისი პირადი ქონების შესახებ წერს, რაც საჯაროდ არ დასტურდება, თუმცა ინფორმაცია ამის შესახებ ფართოდ ვრცელდება.კერძოდ, ალი ხამენეი უზარმაზარ ფინანსურ იმპერიას მართავს, რომლის სავარაუდო ღირებულება 95-დან 200 მლრდ დოლარამდე შეადგენს. ის ამას ისეთი ორგანიზაციის მეშვეობით აკეთებს, როგორიც იმამის ბრძანებების აღსრულების შტაბი Setad-ია და რომელიც ჩამორთმეულ ქონებაზე, ინვესტიციებსა და სახელმწიფოსთან დაკავშირებულ აქტივებზე არის დაფუძნებული.კერძოდ, Reuters-ის 2013 წლის საგამოძიებო რეპორტაჟის თანახმად, ხამენეის ზედამხედველობის ქვეშ მყოფი Setad-ის ფონდი უზარმაზარ უძრავ ქონებას, ფინანსურ აქტივებსა და შაჰის ეპოქისა თუ სხვა დროის ჩამორთმეულ ქონებას განკარგავს, რომლის ღირებულებაც მაშინ, მინიმუმ, 95 მლრდ დოლარს შეადგენდა. თუმცა აშშ-ის ოფიციალური პირები ვარაუდობენ, რომ ეს თანხა ამჟამად 200 მლრდ დოლარს მიუახლოვდა.შედარებისთვის: 1979 წელს, შაჰის თანამდებობიდან მოჰამედ რეზა ფეჰლევის გადყენების დროს შაჰის მნიშვნელოვანი პირადი აქტივი სააქციო საკონტროლო წილებს შემდეგ კომპანიებში მოიცავდა: 17 ბანკი ირანის უმსხვილესი სადაზღვევო კომპანიის 80% ლითონის მწარმოებელი 25 კომპანია სამთომომპოვებელი 8 საწარმო ირანული ცემენტის უმსხვილესი კომპანიის 25% 45 სამშენებლო კომპანია საკვები პროდუქტების მწარმოებელი 43 კომპანია საკუთრების წილი ირანის ყველა მსხვილ სასტუმროში, რომლებშიც ქვეყნის სასტუმრო ნომრების 70% შაჰს პირადად ეკუთვნოდა General Motors Iran-ის 10% ამდენად, 1989 წლის აპრილში, მაშინდელ აიათოლა რუჰოლა ხომეინის მიერ დაფუძნებულ კორპორატიულ ერთეულ Setad-ს მიეცა უფლებამოსილება, შაჰისთვის ჩამორთმეულ ყველა აქტივზე საბოლოო გადაწყვეტილება მიეღო. Setad-ის შექმნიდან ორი თვის შემდეგ, 1989 წლის 3 ივნისს, 86 წლის ასაკში რუჰოლა ხომეინი გარდაიცვალა და ის მალევე მისმა ყოფილმა სტუდენტმა, ალი ხამენეიმ შეცვალა.2018 წელს, აშშ-ის მაშინდელმა სახელმწიფო მდივან მაიკ პომპეომ Setad ხამენეის “პირად არაოფიციალურ ჰეჯ-ფონდად“ მოიხსენია.Setad-ის “იმპერია” რეჟიმის პრიორიტეტებს, მათ შორის, ინფრასტრუქტურასა და სესხებს პარლამენტისგან დამოუკიდებლად აფინანსებს და პოლიტიკურ კონტროლს, ასევე, ელიტის გამდიდრებას ემსახურება.ალი ხამენეის კორუფციაში, ფულის გათეთრებასა და უკანონო საქმიანობაში მონაწილეობაში სდებენ ბრალს, თუმცა დადასტურებული მტკიცებულება, რომელიც მის პირდაპირ პირად ფუფუნებას აჩვენებს, ჯერ არ არსებობს. ხამენეი თეირანის უბრალო რეზიდენციაში სპარტანული, ანუ მკაცრი წესით ცხოვრებით მოკრძალებას ავლენს. მისი ოჯახის წევრებს, მათ შორის, ვაჟ მოჯტაბუს სიმდიდრის შესახებ, ასევე, ცალკეულ ბრალდებებს უყენებენ, რაც, ძირითადად, სახელმწიფოსთან დაკავშირებულ ორგანიზაციებს უკავშირდება. ირანის ეკონომიკური პრობლემების ფონზე Setad-ის გაუმჭვირვალობასა და მის საქმიანობაზე ქვეყანაში და საზღვარგარეთაც სერიოზული დისკუსიაა.COVID-19-ის პანდემიის დროს Setad-ის გავლენა ჯანდაცვაზეც გავრცელდა და ირანში პირველი ადგილობრივი ვაქცინა, COVIran Barekat გამოუშვა. მაშინ ხამენეიმ, ჯანდაცვის მხარდაჭერისა და ირანის ცხოვრებაში Setad-ის როლის დემონსტრირების მიზნით, ირანული ვაქცინა სიმბოლურად პირდაპირ ეთერში გაიკეთა.ცნობისთვის: ალი ხამენეის, როგორც ირანის უზენაეს ლიდერს, სამხედრო, სასამართლო, მედია და საგარეო პოლიტიკაზე აბსოლუტური ძალაუფლება აქვს. ის ნიშნავს ძირითად ფიგურებს და კონტროლის შესანარჩუნებლად ინსტიტუტებში ერევა.ცნობისათვის, უკვე მე­სა­მე კვი­რაა ირან­ში მას­შტა­ბუ­რი ან­ტი­სამ­თავ­რო­ბო საპ­რო­ტეს­ტო აქ­ცი­ე­ბი იმარ­თე­ბა. ქვეყანაში სულ უფრო და უფრო მძიმ­დე­ბა მდგო­მა­რე­ო­ბა, პრო­ტეს­ტი გრძელ­დე­ბა, ირა­ნის ის­ლა­მის­ტუ­რი რე­ჟი­მის რეპ­რე­სი­ე­ბი კი სულ უფრო სის­ხლი­ა­ნი ხდე­ბა. სხვადასხვა მონაცემებით, აქციების დროს გარდაცვლილთა რაოდენობა რამდენიმე ასეულს აჭარბებს.BPN