რუსეთისთვის ღვინის ყველაზე დიდი პირდაპირი მომწოდებლები იტალია და საქართველოა - AAWE
მსოფლიო • 1792134060
საზოგადოება
27.2 ათასი ლარი ხელფასი თვეში, 52 400 აშშ დოლარი ანაბარზე - რა ქონებას ფლობს სებ-ის პირველი ვიცე-პრეზიდენტი
საქართველოს ეროვნული ბანკის საბჭოს წევრმა და პირველმა ვიცე-პრეზიდენტმა ეკატერინე მიქაბაძემ ქონებრივი დეკლარაცია მიმდინარე წლის აგვისტოში წარადგინა.დეკლარაციის მიხედვით, მიქაბაძის საკუთრებაშია ბინა თბილისში, მიწის ნაკვეთი დუშეთში, ავტოფარეხი დედაქალაქში და მსუბუქი ავტომობილი Chevrolet Cruze.კერძოდ, ეკატერინე მიქაბაძემ 2021 წელს თბილისში 82.2 კვადრატული მეტრის ბინა 209 085 ლარად შეიძინა. 2026 წელს კი დუშეთში 450 კვადრატული მეტრის მიწის ნაკვეთი 66 728 ლარად იყიდა. მის საკუთრებაშია ასევე თბილისში მდებარე ავტოფარეხი, რომელიც 2022 წელს 24 417 ლარად აქვს შეძენილი.რაც შეეხება ავტომობილს, დეკლარაციის თანახმად, ეკატერინე მიქაბაძემ Chevrolet Cruze-ში 2022 წელს 23 175 ლარი გადაიხადა.დეკლარაციის შევსების მომენტში ეკატერინე მიქაბაძეს ანაბრებზე 205 000 ლარი, 52 400 აშშ დოლარი და 6 400 ევრო ჰქონდა განთავსებული.ამასთან, მის მულტისავალუტო უნივერსალურ ანგარიშზე 7 785 ლარი, ხოლო სტანდარტულ საბანკო ანგარიშზე 82.77 ლარი ირიცხებოდა.ამასთან, დეკლარაციის თანახმად, ეკატერინე მიქაბაძემ გასულ წელს საქართველოს ეროვნული ბანკის საბჭოს წევრისა და პირველი ვიცე-პრეზიდენტის პოზიციაზე ხელფასის სახით (გადასახადების შემდეგ) - 326 688 ლარი მიიღო. ამასთან, ილიას სახელმწიფო უნივერსიტეტსა და საქართველოს ეროვნულ უნივერსიტეტში ლექტორობისთვის ჯამურად 2 190 ლარი აქვს მიღებული.დოკუმენტის მიხედვით, გასულ წელს მიქაბაძემ ძმისთვის გაცემული 30 000-ლარიანი სესხი უკან დაიბრუნა. ამასთან, მეგობარს სესხის სახით იგივე ოდენობის თანხა მისცა.როგორც დოკუმენტში ვკითხულობთ, გასულ წელს ეკატერინე მიქაბაძემ იპოთეკური სესხის დასაფარად 168 219 ლარი გადაიხადა. გარდა ამისა, დუშეთში მიწის ნაკვეთის შესაძენად გადასახდელი თანხის ნაწილი, 33 454 ლარი დაფარა.დეკლარაციის თანახმად, 2025 წელს მიქაბაძემ მოგზაურობაში 5 290 ლარი დახარჯა, ხოლო მკურნალობის ხარჯმა 13 500 ლარი შეადგინა.ცნობისთვის, ეკატერინე მიქაბაძე საქართველოს ეროვნული ბანკის საბჭოს წევრი 2021 წლის ივლისიდან არის, ხოლო პირველი ვიცე-პრეზიდენტის თანამდებობას 2025 წლის 10 თებერვლიდან იკავებს. 2023-2025 წლებში ის ეროვნული ბანკის ვიცე-პრეზიდენტი იყო.მანამდე, 2018-2021 წლებში, მიქაბაძე საქართველოს ეკონომიკისა და მდგრადი განვითარების სამინისტროში მინისტრის მოადგილისა და პირველი მოადგილის თანამდებობებს იკავებდა. 2016-2018 წლებში მუშაობდა საქართველოს ფინანსთა სამინისტროში, მაკროეკონომიკური ანალიზისა და ფისკალური პოლიტიკის დაგეგმვის დეპარტამენტში. სხვადასხვა დროს მას საქართველოს ეროვნულ ბანკსა და სტატისტიკის სახელმწიფო დეპარტამენტშიც ეკავა პოზიციები.გარდა ამისა, 2011 წლიდან დღემდე ის აკადემიურ საქმიანობას ეწევა და ლექტორია ეკონომიკისა და ბიზნესის მართვის მიმართულებით.BPN
1792057800
1791790777
რუსეთი საქართველოს კვლავ მოუწოდებს ოკუპირებული ტერიტორიების ე.წ საზღვრების დემარკაციისკენრუსეთის საგარეო საქმეთა სამინისტროს განცხადებით, რუსეთი საქართველოსგან კვლავ მოითხოვს ოკუპირებული სოხუმისა და ცხინვალის მიმართ "ძალის გამოუყენებლობის შესახებ გარანტიების გაცემასა და საზღვრების დელიმიტაციას", რასაც შემდგომში მათი დემარკაცია უნდა მოჰყვეს.განცხადებაში აღნიშნულია, რომ სერგეი ლავროვის მოადგილემ, მიხეილ გალუზინმა ეს საკითხი ჟენევის საერთაშორისო დისკუსიების თანათავმჯდომარეებთან გამართულ ვიდეოკონფერენციაზე დააყენა, რომელიც ნოემბერში დაგეგმილ მორიგ რაუნდს შეეხებოდა."ნოემბერში დაგეგმილი მორიგი რაუნდისთვის მზადების ფარგლებში დეტალურად განიხილეს დისკუსიების მიმდინარე საკითხები, რომლებიც ამ მნიშვნელოვანი მოლაპარაკების ფორმატის დღის წესრიგშია. რუსეთის მხარემ კიდევ ერთხელ გაუსვა ხაზი აფხაზეთისა და სამხრეთ ოსეთის მტკიცე უსაფრთხოების უზრუნველყოფის კუთხით ძალისხმევის გაძლიერების აუცილებლობას.პრაქტიკული თვალსაზრისით, ყურადღება უნდა გამახვილდეს კონკრეტული ზომების შემუშავებაზე, რაც, უპირველეს ყოვლისა, ეხება ოფიციალური თბილისის მიერ სოხუმისა და ცხინვალის მიმართ ძალის გამოუყენებლობის გარანტიების გაცემას, აგრეთვე საქართველო-აფხაზეთისა და საქართველო-სამხრეთ ოსეთის სახელმწიფო საზღვრების დელიმიტაციის პროცესის დაწყებას, რასაც შემდგომში მათი დემარკაცია უნდა მოჰყვეს", - აღნიშნულია განცხადებაში.
1791443880
ძვირად ღირებული სამკაულები და ასიათასობით ლარის შემოსავალი - რა ქონებას ფლობენ მარიამ ქვრივიშვილი და მისი მეუღლეეკონომიკისა და მდგრადი განვითარების მინისტრი მარიამ ქვრივიშვილი ვიცე-პრემიერი გახდა. ამის შესახებ პრემიერ-მინისტრმა, ირაკლი კობახიძემ მთავრობის დღევანდელ სხდომაზე განაცხადა.ცნობისთვის, მარიამ ქვრივიშვილი ეკონომიკის მინისტრის პოსტს გასული წლის ივნისის ბოლოდან იკავებს. აღნიშნულ თანამდებობაზე მან ლევან დავითაშვილი ჩაანაცვლა.მანამდე 2021 წლის 24 მაისიდან საქართველოს ეკონომიკისა და მდგრადი განვითარების მინისტრის მოადგილე იყო, უფრო ადრე კი ტურიზმის ეროვნული ადმინისტრაციის ხელმძღვანელის პოზიციას იკავებდა.„ბიზნესპრესნიუსი” დაინტერესდა, რა ქონებას ფლობს მარიამ ქვრივიშვილი, რომელიც ეკონომიკის მინისტრობის პარალელურად, ახალ მოვალეობასაც შეასრულებს.მარიამ ქვრივიშვილმა ქონებრივი დეკლარაცია მიმდინარე წლის აპრილში წარადგინა. დოკუმენტის მიხედვით, მის სახელზეა: 2012 წელს 98 000 დოლარად შეძენილი 147 კვ.მ. ფართობის ბინა თბილისში; ასევე, 1047 კვ.მ. ფართობის მიწის ნაკვეთი წავკისში, რაშიც 2022 წელს 139 251 აშშ დოლარი აქვს გადახდილი.რაც შეეხება მოძრავ ქონებას, დეკლარაციის მიხედვით, მინისტრის საკუთრებაშია მსუბუქი ავტომობილი BMW x6, რომელიც 2018 წელს 60 000 დოლარად აქვს შეძენილი.გარდა ამისა მის საკუთრებაშია Rolex-ის ბრენდის 2 საათი, აქედან ერთი 2016 წელს ჩუქებით აქვს მიღებული, მეორე საათი კი 2017 წელს 12 000-დოლარად აქვს შეძენილი.ამასთან, ვიცე-პრემიერი ფლობს Cartier-ის ბრენდის სამაჯურსა და ბეჭედს, რომელშიც 2017 წელს ჯამში, 10 500 დოლარი აქვს გადახდილი.რაც შეეხება, ფინანსურ მდგომარეობას დეკლარაციის შევსების მომენტში მარიამ ქვრივიშვილს საბანკო ანგარიშებზე ჯამში ჰქონდა: 405 765 ლარი, 343 000 აშშ დოლარი და 3 383 გირვანქა სტერლინგი;მასვე გასულ წელს ეკონომიკის სამინისტროში ანაზღაურების სახით 111 277 ლარი აქვს მიღებული. ამასთან, უძრავი ქონების ქირავნობიდან წლიურად მიღებული აქვს 13 287 დოლარის შემოსავალი.როგორც დეკლარაციაშია აღნიშნული, ეკონომიკის მინისტრი ფლობს შპს „ვოიაჟერ“-ის 10%-იან წილსა და შპს „ეარლაინ რეპრეზენთეიშენ გრუპ“-ის 30%-იან წილებს, რომელთა საქმიანობითაც გასულ წელს ჯამში 349 834 ლარის შემოსავალი მიიღო. აღსანიშნავია, რომ დოკუმენტის თანახმად, მინისტრს წილები სამართავად სხვა პირზე აქვს გადაცემული.რაც შეეხება მარიამ ქვრივიშვილის მეუღლეს, მის მფლობელობაშია თბილისში მდებარე 3 ბინა, რომლებიც 2016 და 2021 წელს ჯამში, 208 ათას დოლარად არის შეძენილი. ასევე მის საკუთრებაშია არასაცხოვრებელი ფართის 35%-იანი წილი.გარდა ამისა, როგორც დეკლარაციიდან იკრვევა, მარიამ ქვრივიშვილის მეუღლე არის ორი კომპანიის - შპს „ვორქლინკ ინტერნეიშენალისა“ და „მინერალ მაინინგ კორპორეიშენის“ 50% და 30%-იანი წილების მეწილე {შენიშვნა: როგორც დეკლარაციაშია მითითებული „ვორქლინკ ინტერნეიშენალის“ 50%-იანი წილი 2026 წელს აქვს გასხვისებული}. მასვე დოკუმენტის თანახმად, 20-ზე მეტ კომპანიაში ეკავა დირექტორის პოზიცია.მასვე გასული წლის განმავლობაში 328 715 ლარის შემოსავალი აქვს მიღებული შპს „აჭარა ჰოლდინგის“ მმართველი დირექტორის პოსტზე. ამასთან, საანგარიშო პერიოდში ფასიანი ქაღალდების გაყიდვიდან მიღებული აქვს 26 847 ლარის შემოსავალი.როგორც დოკუმენტში ვკითხულობთ, ქონებრივი დეკლარაციის შევსების მომენტში ქვრივიშვილის მეუღლეს საბანკო ანგარიშებზე ჯამში, 500 აშშ დოლარი, 85 115 ევრო, 9 908 ლარი და ნაღდი ფულის სახით 3 000 დოლარი ჰქონდა.გარდა ამისა, როგორც ვიცე-პრემიერისა და ეკონომიკის მინისტრის მარიამ ქვრივიშვილის ქონებრივი დეკლარაციიდან ირკვევა, გასულ წელს მისი და მისი მეუღლის მიერ მიღებულმა სხვადასხვა შემოსავალმა ჯამში, 25 ათასი დოლარი; 36 516 ლარი და 26 ათასი ევრო შეადგინა. რაც შეეხება გასავალს, მათი ჯამური გასავალი წინა წლის განმავლობაში - 140 ათასი ლარი, 34 700 დოლარი და 5 751 ევრო იყო {არ არის მითითებული სესხების მომსახურების შედეგად მიღებული გასავალი}.BPN
1791358443
318 ათასი ლარის წლიური შემოსავალი, მეუღლის საკუთრებაში არსებული აქციები და უძრავ/მოძრავი ქონება - როგორია დეპუტატ სალომე ჯინჯოლავას ოჯახის ქონება114 097 ლარის შემოსავალი პარლამენტის წევრობაზე, მეუღლის საკუთრებაში არსებული ფასიანი ქაღალდები და უძრავ/მოძრავი ქონება - ასეთია ამონარიდი პარლამენტის დეპუტატის სალომე ჯინჯოლავას ქონებრივი დეკლარაციიდან.პარლამენტის წევრმა სალომე ჯინჯოლავამ ქონებრივი დეკლარაცია მიმდინარე წლის ივლისის ბოლოს წარადგინა.დეკლარაციის მიხედვით, სალომე ჯინჯოლავას საკუთრებაშია ბათუმში მდებარე 50.8 კვ. მეტრი ფართობის ბინა, რომელიც 2022 წელს 42 500 აშშ დოლარად შეიძინა, ასევე 2023 წელს 12 000 აშშ დოლარად შეძენილი Toyota Camry.როგორც დეკლარაციიდან ირკვევა, უძრავ-მოძრავი ქონება ძირითადად მისი მეუღლის საკუთრებაში ფიქსირდება.კერძოდ, როგორც დოკუმენტაციიდან ირკვევა, დეპუტატის მეუღლეს სახელზეა რეგისტრირებული 63 კვ.მ. ფართობის ბინა თბილისში, რომელშიც 2016 წელს 155 000 აშშ დოლარად აქვს შეძენილი; ასევე, თბილისში აქვს სამი კომერციული ფართი, რომლებშიც 2016 და 2024 წლებში ჯამში, 106 000 აშშ დოლარი აქვს გადახდილი.გარდა ამისა, პარლამენტის წევრის მეუღლე ფლობს 73,87 კვ.მ. ფართობის არასაცხოვრებელი ფართიც თბილისში, რომელიც 2010 წელს 80 000 აშშ დოლარად აქვს შეძენილი; ასევე მის საკუთრებაშია ბაკურიანში მდებარე 5640 კვ.მ. მიწის ნაკვეთის 25%-იანი წილი, რომელიც ადგილმონაცვლეობის შედეგად აქვს მიღებული 2025 წელს.ამასთან, სალომე ჯინჯოლავას მეუღლის სახელზეა რეგისტრირებული სამი მსუბუქი ავტომობილიც. ესენია: 2014 წელს 4 500 აშშ დოლარად შეძენილი Honda Civic; 2023 წელს 9000 აშშ დოლარად ნაყიდი Jeep Grand Cherokee და 2024 წელს 22 000 აშშ დოლარად შეძენილი Hyunday Santafe.ზემოთ ჩამოთვლილი ქონების გარდა, პარლამენტის წევრის მეუღლე ფასიან ქაღალდებსაც ფლობს. კერძოდ, 2024-2025 წლებში აქვს შეძენილი NVIDIA Corporation-ის - 21 აქცია, TSLA-ს - 2 აქცია, Taiwan Semiconductor Manufacturing Co.-ის - 1 აქცია, Boeing Company-ის - 1 აქცია, BHP BILLITON LIMITED-ის - 1 აქცია, Technology Sector SPDR-ის - 1 აქცია, S&P 500 ETF-ის - 1 აქცია, Palantir Technologies Inc-ის- 3 აქცია.აღსანიშნავია, რომ აღნიშნულ აქციებში, ჯამში, გადახდილი აქვს 6 740 აშშ დოლარი.რაც შეეხება ფინანსურ საბანკო ანგარიშებს, დეკლარაციის შევსების მომენტში პარლამენტის დეპუტატის სალომე ჯინჯოლავას საბანკო ანგარიშზე 9 606 ლარი, ნაღდი ფულადი თანხის სახით კი, 14 000 აშშ დოლარი ჰქონდა. ხოლო მის მეუღლეს საბანკო ანგარიშებზე 7 147 ლარი და 4 000 აშშ დოლარი, ნაღდი ფულის სახით კი - 75 000 ლარის დანაზოგი ჰქონდა.ქონებრივი დეკლარაციიდან ირკვევა, რომ დეპუტატის მეუღლე 5 კომპანიაში ფლობს წილებს, თუმცა, არცერთის საქმიანობით მიღებული შემოსავალი არ უფიქსირდება. ამასთან, შპს „ქართული საბასიზო ჯგუფის“ 50%-იანი წილი სამართავად სხვა პირისთვის აქვს გადაცემული.როგორც დოკუმენტშია აღნიშნული, გასული წლის განმავლობაში 32 816 ლარის შემოსავალი აქვს მიღებული შპს „ექსპერიმენტალური სტუდიის“ დირექტორის პიოზიციაზე.ამასთან, დეკლარაციის მიხედვით, 2025 წელს სალომე ჯინჯოლავას შემოსავალმა პარლამენტის დეპუტატის პოზიციაზე 114 097 ლარი შეადგინა. მისმა მეუღლემ კი 2025 წლის სხვადასხვა პერიოდსა და სხვადასხვა პოზიციაზე მუშაობისთვის ჯამში, 128 990 ლარის შემოსავალი აქვს მიღებული. კერძოდ: შპს „ჯორჯიან ბილდინგ გროუპის“ იურისტის საქმიანობიდან - 3216 ლარი; ფინანსთა სამინისტროს საგამოძიებო სამსახურის უფროსის პირველი მოადგილის პოსტზე - 89 135 ლარი; საქართველოს საავტომობილო სპორტის ფედერაციის ვიცე-პრეზიდენტის პოზიციაზე - 12 306 ლარი; საქართველოს სპორტის სამინისტროს იურისტის პოზიციაზე - 16 293 ლარი; შპს Sky Group-ის იურისტის პოზიციაზე - 3015 ლარი; შპს „რეფ ტრანსი 2013“-ის იურისტის პოზიციაზე - 5025 ლარი. ამასთან, დეკლარაციის მიხედვით, სალომე ჯინჯოლავას მეუღლეს გასულ წელს ერთჯერადი იურიდიული მომსახურებიდან ჯამში 75 011 ლარის შემოსავალი ჰქონდა.BPN
სხვა სიახლეები
საქართველოს ბანკის Wealth Management-ის მიმართულება და Visa წარმოგიდგენთ Visa Infinite Private ბარათს
საქართველოს ბანკი მსოფლიოში ერთ-ერთი პირველი ფინანსური ინსტიტუტია, რომელიც Visa-სთან პარტნიორობით Visa Infinite Private ბარათს წარადგენს. ბარათი მხოლოდ სპეციალური მოწვევითაა ხელმისაწვდომი Wealth Management-ის Ultra-High-Net-Worth მომხმარებლებისთვის. ახალი მეტალის ბარათი აერთიანებს Wealth Management-ის პერსონალურ საბანკო გამოცდილებას, Visa-ს გლობალურ საგადახდო შესაძლებლობებთან, სერვისებსა და პერსონალიზებულ შეთავაზებებთან, რაც ხელს უწყობს ბანკის როგორც გამორჩეული პერსონალური საბანკო მომსახურების მქონე ორგანიზაციის პოზიციონირების გაძლიერებასა და მომხმარებლებთან გრძელვადიანი ურთიერთობების გაღრმავებას.Visa Infinite Private მეტია, ვიდრე უბრალოდ გადახდის საშუალება. ეს არის ურთიერთობის ახალი სტანდარტი და ფორმა, რომელიც სპეციალურად Wealth Management-ის მომხმარებლებისთვის შეიქმნა. მეტალის ბარათი გამოირჩევა თავისი უნიკალური დიზაინით, რომელსაც ანალოგი არ აქვს მსოფლიოში - მასზე გამოსახულია საქართველოს ბანკის ბრენდის სიმბოლო, ალაზნის ველის ლომი.Visa Infinite Private ასევე აერთიანებს გამორჩეულ გამოცდილებებსა და ექსკლუზიურ შეთავაზებებს სხვადასხვა კატეგორიაში, მათ შორის: დასვენება და მოგზაურობა; გართობა და გასტრონომია; შოპინგი, ჯანმრთელობა და ჯანსაღი ცხოვრება.აღსანიშნავია, რომ ახალი ბარათი მულტისავალუტოა და საქართველოში პირველად, მომხმარებლებს რვა ვალუტის ერთდროულად მართვის შესაძლებლობა ეძლევათ. 27 ოქტომბრიდან ბარათები Wealth Management-ის იმ მომხმარებლებისათვის გაიცემა, რომლებსაც ბანკი ამ ექსკლუზიურ შესაძლებლობას პერსონალურად შესთავაზებს.Visa Infinite Private-ის წარდგენა კიდევ ერთი ნაბიჯია საქართველოს ბანკის Wealth Management-სა და Visa-ს შორის არსებულ გრძელვადიან პარტნიორობაში. ორგანიზაციები ერთობლივად გააგრძელებენ ამ პროდუქტის განვითარებას Wealth Management-ის მომხმარებლებზე მორგებული სერვისებითა და გამორჩეული გამოცდილებებით, რითიც დროთა განმავლობაში მის ფასეულობას კიდევ უფრო გააძლიერებენ.„საქართველოს ბანკის Wealth Management-ის მთავარი მიზანი ყოველთვის იყო ჩვენი მომხმარებლებისთვის არა მხოლოდ ფინანსური სერვისის, არამედ საერთაშორისო სტანდარტის, გამორჩეული და პერსონალიზებული გამოცდილების შექმნა. Visa Infinite Private ბარათი ამ ხედვის გაგრძელებაა - პირველად მსოფლიოში შექმნილი ბარათი აერთიანებს ექსკლუზიურ შესაძლებლობებს და განსაკუთრებულ გამოცდილებებს, რომლებიც ჩვენი მომხმარებლების ინდივიდუალურ საჭიროებებსა და ცხოვრების სტილს ერგება. ჩვენთვის მნიშვნელოვანი მიღწევაა, რომ ასეთი მასშტაბის ინოვაცია Visa-სთან პარტნიორობით სწორედ საქართველოს ბანკის Wealth Management-ის მომხმარებლებისთვის შეიქმნა. ეს არის კიდევ ერთი ნაბიჯი იმ გზაზე, რომელსაც წლებია მივყვებით - შევქმნათ გამოცდილებები, რომლებიც არა მხოლოდ პასუხობს საერთაშორისო სტანდარტებს, არამედ თავად განსაზღვრავს მათ“, - აღნიშნავს ვალერიან გაბუნია, პრემიუმ საცალო საბანკო მიმართულების ხელმძღვანელი.„საქართველოს ბანკის Wealth Management-ში ჩვენი მთავარი პრიორიტეტია კლიენტებთან ნდობაზე დაფუძნებული, გრძელვადიანი ურთიერთობების ჩამოყალიბება, მათი კაპიტალის მართვის პროცესში ინდივიდუალური მიდგომისა და საერთაშორისო სტანდარტების შესაბამისი მომსახურების უზრუნველყოფა. განსაკუთრებით ვამაყობთ, რომ საქართველოს ბანკი მსოფლიოში ერთ-ერთი პირველი ფინანსური ინსტიტუტია, რომელიც Visa Infinite Private-ს წარადგენს. ეს გამორჩეული პროდუქტი ექსკლუზიურად ჩვენი Wealth Management-ის კლიენტებისთვის იქნება ხელმისაწვდომი. Visa Infinite Private-ის დანერგვა კიდევ ერთი მნიშვნელოვანი ნაბიჯია ჩვენი სტრატეგიული მიზნისკენ - ქართველ და საერთაშორისო კლიენტებს საქართველოში შევთავაზოთ მსოფლიო დონის საბანკო მომსახურება, ინოვაციური გადაწყვეტილებები და მათ საჭიროებებსა და ცხოვრების სტილზე მორგებული ექსკლუზიური პრივილეგიები. ჩვენთვის ეს მხოლოდ ახალი პროდუქტის წარდგენა არ არის - ეს არის ჩვენი ამბიციის გამოხატულება, მუდმივად ავამაღლოთ Wealth Management-ის მომსახურების სტანდარტი და ჩვენს მომხმარებელებს მივცეთ პრიორიტეტული წვდომა ისეთ ინოვაციურ პროდუქტებსა და გამორჩეულ შესაძლებლობებზე, რომლებიც ჯერ კიდევ იშვიათობაა გლობალურ კერძო საბანკო სივრცეშიც კი“, - თეონა ბერია, Wealth Management-ის მიმართულების ხელმძღვანელი„ეს პარტნიორობა ასახავს Visa-ს გლობალური ინოვაციებისა და საქართველოს ბანკის Wealth Management-ის ბაზრის ექსპერტიზისა და მომხმარებლებთან სანდო ურთიერთობების სტრატეგიულ მნიშვნელობას. ჩვენ ერთობლივად ვაძლიერებთ პრემიუმ საბანკო მიმართულებას საქართველოში, ვქმნით კლიენტებთან ურთიერთობის ახალ შესაძლებლობებს და ვაჩვენებთ, თუ როგორ შეიძლება საერთაშორისო პლატფორმის ადაპტირება ადგილობრივი ბაზრისთვის საჭირო ღირებულების შესაქმნელად“, - დიანა კიღურაძე, Visa-ს რეგიონული მენეჯერი კავკასიასა და მოლდოვაში.„Visa Infinite Private მარტივი იდეის გარშემო შეიქმნა: მივცეთ ჩვენს ყველაზე მომთხოვნ და ხარისხზე ორიენტირებულ კლიენტებს წვდომა ისეთ გამოცდილებებზე, რომლებიც გამორჩეული, განსაკუთრებულად სასურველი და ხშირად რთულად ხელმისაწვდომია. მოგზაურობიდან დაწყებული, ექსკლუზიური გასტრონომიით, საკულტო სპორტული ღონისძიებებითა და პრივილეგირებული შოპინგის გამოცდილებით დამთავრებული - ეს პროდუქტი მიზნად ისახავს ახალი შესაძლებლობებისა და დაუვიწყარი მომენტების შექმნას, რაც ბევრად სცდება ბარათების არსებულ და ტრადიციულ უპირატესობებს“, - აღნიშნავს გოდფრი სალივანი, Visa-ს უფროსი ვიცე-პრეზიდენტი და პროდუქტებისა და გადაწყვეტილებების მიმართულების ხელმძღვანელი CEMEA-ს რეგიონში.გამორჩეული გამოცდილებისთვის.მხოლოდ Infinite.დამატებითი ინფორმაციისთვის, ეწვიეთ ვებ-გვერდს
ბიზნესი • 1792155573
30, 31 ოქტომბერი და 1-ელი ნოემბერი - საქართველოს ბანკის მხარდაჭერით, თბილისის წიგნის დღეები გაიმართება
საქართველოს ბანკი, როგორც განათლების მთავარი მხარდამჭერი, საგანმანათლებლო ინიციატივების მხარდაჭერას განაგრძობს. სწორედ ამიტომ, ბანკი თბილისის წიგნის დღეების გენერალური სპონსორია. წელს ღონისძიება 30 ოქტომბრიდან 1-ელი ნოემბრის ჩათვლით, კვლავ ExpoGeorgia-ს მე-11 პავილიონში გაიმართება. ღონისძიების ფარგლებში დამთვალიერებლებს შესაძლებლობა ექნებათ: გაეცნონ ახალ გამოცემებს; დაესწრონ წიგნების პრეზენტაციებს; შეხვდნენ ავტორებს და რაც მთავარია, შეიძინონ სასურველი წიგნები განსაკუთრებულ ფასად.ამასთან, თბილისის წიგნის დღეების ფარგლებში საქართველოს ბანკის მომხმარებლებს შესაძლებლობა ექნებათ, ისარგებლონ სპეციალური შეთავაზებებით, მათ შორის: სტუდენტური ბარათითა და sCool Card-ით გადახდისას იმოქმედებს 20%-იანი ქეშბექი (მაქსიმუმ 20 ლარი); PLUS ბარათით გადახდისას კი დაგერიცხებათ ათჯერ მეტი PLUS ქულა. გახსოვდეთ, Student Card-ის და PLUS Card-ის შეთავაზება უნდა გაიაქტიუროთ მობილბანკში. sCool Card-ის შეთავაზება კიsCoolApp-შიშეთავაზებების შესახებ დამატებითი ინფორმაციის მისაღებად ეწვიეთ ბმულს.ღონისძიების ორგანიზატორია ექსპოჯორჯიასაქართველოს ბანკი – განათლების მთავარი მხარდამჭერია
ბიზნესი • 1792152005
City Mall-ის დაბადების დღეზე საქართველოს ბანკის მომხმარებლები ნაწილ-ნაწილ გადახდით პირველად სარგებლობისას ქეშბექს მიიღებენ
საქართველოს ბანკი პარტნიორ City Mall-ის დაბადების დღეს მომხმარებლებისთვის სხვადასხვა შეთავაზებით აღნიშნავს. თუ საქართველოს ბანკის ნაწილ-ნაწილ გადახდის მეთოდით ჯერ არასოდეს გისარგებლიათ, 18 ოქტომბერს, City Mall-ის საბურთალოსა და გლდანის ფილიალებში პარტნიორ ობიექტებში გადახდისას, თანხის 30%-ს დაიბრუნებთ. (მაქსიმუმ 100 ლარის)ქეშბექი ანგარიშზე 3 სამუშაო დღის განმავლობაში აისახება.ინფორმაციისთვის, ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). მომხმარებლებს ასევე შეუძლიათ თანხის ნაწილი წინასწარ გადაიხადონ, დარჩენილი კი მომდევნო თვეებზე გადაანაწილონ.
ბიზნესი • 1792148888
ჩუმად „გაპარული“ ინფექცია?! - რა მოხდა სინამდვილეში ირკუტსკის ლაბორატორიაში და ემუქრება თუ არა მსოფლიოს „შავი ჭირის“ საფრთხე
რუსეთში "შავი ჭირის" შემთხვევამ გააჩინა კითხვები, რამდენად რეალურია საფრთხე და რა შეიძლება იდგეს ლაბორანტის გარდაცვალების უკან? საერთაშორისო ორგანიზაციები რუსულ მხარეს მეტი ინფორმაციის გავრცელებას სთხოვენ. ჯანდაცვის მსოფლიო ორგანიზაცია აცხადებს, რომ არსებული მონაცემებით რისკის სრულად შეფასება ჯერ ვერ ხერხდება, თუმცა ამ ეტაპზე ფართო გავრცელების ნიშნები არ იკვეთება. ევროპის დაავადებათა კონტროლის ცენტრის შეფასებითაც, ამ დროისთვის არ არსებობს მეორადი შემთხვევების ან ადამიანიდან ადამიანზე გადაცემის მტკიცებულება.რუსეთმა უარყო ინფორმაცია მეორე შესაძლო შემთხვევის შესახებაც და განაცხადა, რომ ჩატარებული ათასობით ტესტით საშიში პათოგენების გავრცელება არ გამოვლენილა. მიუხედავად ამისა, კითხვები კვლავ არის - რა მოხდა სინამდვილეში ირკუტსკის ლაბორატორიაში და რა უნდა იცოდეს საზოგადოებამ ამ დაავადების შესახებ? - ამ კითხვებით მივმართეთ ინფექციონისტ ალექსანდრე გოგინავას.- რამდენად საფუძვლიანია შიში, რომ რუსეთში "შავი ჭირის" შესაძლო შემთხვევა ფართო ეპიდემიოლოგიურ საფრთხედ იქცეს? საფრთხე პრაქტიკულად ძალიან დაბალია. ჯანდაცვის მსოფლიო ორგანიზაციის შეფასებითაც საერთაშორისო გავრცელების რისკი ამ ეტაპზე ძალიან დაბალია, შესაბამისად, მას სპეციალური რეკომენდაციები არ გაუცია. თუმცა მეორე საკითხია, რომ არა გვაქვს სრული სურათი. ოფიციალურად, ლაბორატორიულად, არ დადასტურებულა, რომ ადამიანი "შავი ჭირით" გარდაიცვალა. ვიცით მხოლოდ ის, რომ მას ჰქონდა მძიმე მიმდინარეობის პნევმონია და მუშაობდა "შავი ჭირის" კვლევით ლაბორატორიაში. ასევე გავრცელდა ინფორმაცია მეორე ადამიანის გარდაცვალების შესახებაც, თუმცა ესეც არ დასტურდება. ჯანდაცვის მსოფლიო ორგანიზაცია და აშშ რუსეთისგან მეტ ინფორმაციას ითხოვენ და რეკომენდაციები მკაფიო სურათის შემდეგ გაიცემა. არის კითხვები, რატომ გავრცელდა ეს დაავადება. თუნდაც დავუშვათ, რომ მოხდა ტექნიკური დარღვევები ლაბორატორიაში, არსებობს სპეციალური პროტოკოლები, როგორ უნდა მოიქცეს ასეთ დროს ადამიანი, რომელსაც პირდაპირი ექსპოზიცია ჰქონდა ამ პათოგენთან. არსებობს ანტიბიოტიკები, რომლებიც ეფექტურია, თუ მათ პირველივე საათებში მიიღებენ. ამიტომ უცნაურია, რატომ ჰქონდა ლაბორატორიის თანამშრომელს პირდაპირი ექსპოზიცია მძიმე პათოგენთან და, მეორე მხრივ, რატომ არ დაიწყო დროულად პოსტექსპოზიციური მკურნალობა მის გადასარჩენად. შეიძლება საქმე არა "შავ ჭირთან", არამედ სრულიად სხვა შემთხვევასთან გვქონდეს.- არის ეჭვი, რომ შესაძლოა რუსეთი, როგორც ყოველთვის, ინფორმაციას მალავს. თუკი "შავი ჭირის" შემთხვევა დადასტურდება რა რისკების წინაშე დადგება ხალხი?- პრობლემური შემთხვევები ლაბორატორიებში აქამდეც ყოფილა როგორც სსრკ-ში, ისე შემდეგ რუსეთის ფედერაციაში. ამიტომაც იბადება კითხვა, რამდენად სრულფასოვანია ინფორმაცია, რომელსაც რუსეთი ავრცელებს. თუკი დავუშვებთ, რომ საქმე გვაქვს "შავი ჭირის" იმ შტამთან, რომელიც იწვევს ფილტვის დაზიანებას, და ის გავრცელდა (ანუ ერთი შემთხვევის გარდა, არის სხვებიც, რომლებიც არ არის იდენტიფიცირებული), არის რისკი, რომ გავრცელებამ ფართომასშტაბიანი ხასიათი მიიღოს.ხშირად ანალოგად ახსენებენ COVID-19-ს, რაც არასწორია, რადგან ის იყო ახალი ვირუსული ინფექცია, რომლის საწინააღმდეგოდაც სამკურნალო საშუალება არ არსებობდა. ვირუსული ინფექციის გავრცელების ტიპი სხვანაირია. "შავი ჭირის" პულმონურ ფორმას შეუძლია უფრო სწრაფად გავრცელება, ვიდრე დაავადების სხვა ფორმებს, მაგრამ ის ვერ გავრცელდება ისე სწრაფად, როგორც COVID-19 და სხვა ვირუსები. ვირუსული ინფექციის შემთხვევაში ადამიანი შეიძლება დაინფიცირდეს უფრო დიდ მანძილზეც. "შავი ჭირის" პულმონური ფორმის დროს დაინფიცირება შესაძლებელია, თუ მას აქვს ორ მეტრზე ახლო კონტაქტი და თუ იმ პირს უკვე გამოხატული აქვს სიმპტომები. "შავი ჭირის" გამომწვევი ბაქტერიის საწინააღმდეგოდ არსებობს ეფექტური ანტიბაქტერიული მკურნალობა, რაც იძლევა საშუალებას, დაავადების გამოვლენისთანავე დაიწყოს და კარგი შედეგიც მიიღონ. ყველაზე ცუდი სცენარით, შესაძლებელია დაავადება უფრო ფართომასშტაბიანად გავრცელდეს თვითონ რუსეთის ტერიტორიაზე და მეზობელ ქვეყნებშიც იყოს ერთეული შემთხვევები, მაგრამ ის, რომ ბაქტერიულმა ინფექციამ, თუნდაც ლაბორატორიულმა შტამმა, COVID-19-ის მსგავსი პანდემია გამოიწვიოს, პრაქტიკულად წარმოუდგენელია. ყველაზე ცუდი მოლოდინი ის არის, რომ შეიძლება ლოკალურად უფრო მეტ ადამიანს აღმოაჩნდეს და თუ დროულად ვერ მოხდება დიაგნოსტიკა, მძიმე მიმდინარეობა და მაღალი ლეტალობა ახასიათებს.- რა არის "შავი ჭირი"?- "შავი ჭირის" დაავადებას იწვევს ბაქტერია და უარყოფითი ჩხირი, რომელიც ერთ-ერთი ყველაზე საშიში ბაქტერიული აგენტია. ისტორიულად "შავი ჭირი" იყო ერთ-ერთი ვერაგი ინფექციური დაავადება, რომელიც მთელი ცივილიზაციების განადგურებას იწვევდა. თუმცა თანამედროვე ეპოქაში ანტიბიოტიკოთერაპიის დანერგვისა და ზედამხედველობის განვითარების შემდეგ დაახლოებით 50 წლის განმავლობაში "შავი ჭირის" მასობრივი აფეთქებები არ დაფიქსირებულა. იყო ეპიდემიოლოგიური ვითარების გაუარესება გარკვეულ ენდემურ კერებში, განსაკუთრებით აზიისა და აფრიკის კონტინენტებზე, მაგრამ გამომდინარე იქიდან, რომ არსებობს ეფექტური მკურნალობა, ის ადამიანისთვის ისეთ საფრთხეს ვეღარ ქმნიდა, როგორსაც წინა საუკუნეებში.დაავადების კლინიკური მიმდინარეობის სხვადასხვა ფორმა არსებობს. ის ვრცელდება მღრღნელებიდან და ინფიცირებული რწყილებიდან, რის შედეგადაც სხვადასხვა კლინიკური ფორმა ვითარდება. ძირითადად გამოყოფენ ბუბონურ, სეპტიკურ და პულმონურ ფორმებს. ეს უკანასკნელი იშვიათი იყო. ბუნებრივი მიმდინარეობით პულმონური "შავი ჭირი" იშვიათად გვხვდებოდა, მაგრამ, როგორც ჩანს, ლაბორატორიულ შტამებს შეუძლიათ ასეთი ფორმის გამოწვევა.- როგორია პულმონური "შავი ჭირის" სიმპტომები და რამდენად სწრაფად შეიძლება გავრცელდეს ის ადამიანიდან ადამიანზე?- პულმონური "შავი ჭირის" მთავარი სიმპტომი და კლინიკური გამოვლინება რესპირატორული ტრაქტის დაზიანებაა. პირველ რიგში ზიანდება ფილტვები და იწვევს ძალიან მძიმე ორმხრივ პნევმონიას. მიმდინარეობს ფილტვის ქსოვილის დაზიანება. ამ დროს გამოხატულია ხველა, მკერდის არეში ტკივილი, ტუჩებისა და ცხვირის სილურჯე, მაღალი ცხელება და ინტოქსიკაცია. დაახლოებით 72 საათში შემთხვევა შეიძლება ლეტალურად დასრულდეს. თუმცა ამ ფორმის დროსაც, თუ სწრაფად მიიტანენ ეჭვს დაავადებაზე და დაიწყება ანტიბაქტერიული მკურნალობა, დიდი ალბათობით, პაციენტი გამოჯანმრთელდება. პულმონური ფორმა შეიძლება ადამიანიდან ადამიანზე გავრცელდეს. როდესაც ერთი პირი ინფიცირებულია და აწუხებს ხველა, ზედა სასუნთქი გზების დაზიანების შემთხვევაში წვეთოვანი გზით შეიძლება მეორე ადამიანი დაინფიცირდეს. მაგრამ თუ ვირუსული ინფექციებით ადამიანი შეიძლება 5-6 მეტრშიც დაინფიცირდეს, "შავი ჭირით" დაავადებისთვის აუცილებელია მჭიდრო, ინტენსიური კონტაქტი, დახურულ სივრცეში ყოფნა და ორ მეტრზე ნაკლები სიახლოვე.- ყირგიზეთმა, უზბეკეთმა და ყაზახეთმა საზღვრებზე უსაფრთხოების ზომები გააძლიერეს. ლიეტუვამ შესაძლოა რუსეთის მოქალაქეების ტრანზიტულად გადაადგილება აკრძალოს, თუ რუსეთში "შავი ჭირის" გავრცელების შესახებ ინფორმაცია დადასტურდება, აშშ კი ციმბირში პნევმონიური ჭირის სავარაუდო შემთხვევის გამოვლენის შემდეგ მოქალაქეებს რუსეთში გამგზავრებისგან თავის შეკავებისკენ მოუწოდებს, რა პოზიცია უნდა ჰქონდეს საქართველოს?შუა აზიის ქვეყნებს ინტენსიური მიმოსვლა აქვთ რუსეთის ფედერაციასთან და განსაკუთრებით იმ რეგიონთან, სადაც ეს დაავადება დაფიქსირდა. რეაგირებაც, ჩემი აზრით, ადეკვატურია. რაც შეეხება აშშ-სა და სხვა ქვეყნებს, რომლებიც შეშფოთებას გამოთქვამენ, ეს უფრო პრევენციული ხასიათისაა. საქმე გვაქვს მძიმე პათოგენთან და თადარიგს იჭერენ. რაც შეეხება საქართველოს, პირველ რიგში უნდა შესწავლილ იქნეს, არის თუ არა პირდაპირი მიმოსვლა იმ ქალაქებთან, სადაც ეს დაავადებაა დაფიქსირებული და კარანტინია გამოცხადებული; მეორე - უნდა მივყვეთ ჯანდაცვის მსოფლიო ორგანიზაციის მითითებებს. თუ გაიცემა რეკომენდაციები ჩვენი რეგიონის ქვეყნებისთვის, რა თქმა უნდა, მათი შესრულება საქართველომ სწრაფად უნდა დაიწყოს.წყარო: კვირის პალიტრა
ჯანდაცვა • 1792148880
რუსეთისთვის ღვინის ყველაზე დიდი პირდაპირი მომწოდებლები იტალია და საქართველოა - AAWE
2025 წელს რუსეთისთვის ღვინის ყველაზე დიდი პირდაპირი მომწოდებლები, ღირებულების თვალსაზრისით, იტალია და საქართველო იყვნენ, ხოლო მოცულობით საქართველო ლიდერობდა.ამის შესახებ ამერიკის ღვინის ეკონომისტთა ასოციაცია (American Association of Wine Economists - AAWE) თავის facebook-გვერდზე წერს.კერძოდ, გასულ წელს რუსეთში 234 მლნ დოლარის იტალიური და 171 მლნ დოლარის ქართული ღვინო შევიდა. მაშინ, როცა მოცულობის თვალსაზრისით საქართველოდან რუსეთში 61 მლნ ლიტრამდე, იტალიიდან კი 59 მლნ ლიტრამდე ღვინო შევიდა.იტალიური ღვინის საექსპორტო ფასი, ქართულ ღვინოსთან შედარებით, თითქმის, ორჯერ მეტი იყო და ლიტრზე 4 დოლარს შეადგენდა, მაშინ, როცა ქართული ღვინო 2.81 დოლარი ღირდა.ასევე, წამყვან ხუთეულშია არაპირდაპირი ექსპორტიორები, როგორიც ლატვია და პოლონეთია.რუსეთში 2025 წლის ღვინის წამყვანი ექსპორტიორების ტოპ 10-ეული ასეთია: იტალია - 234.41 მლნ დოლარის; 58.64 მლნ ლიტრი; ლიტრის ფასი 4 დოლარი საქართველო - 170.67 მლნ დოლარის; 60.83 მლნ ლიტრი; ლიტრის ფასი 2.81 დოლარი ლატვია - 128.81 მლნ დოლარის; 17.92 მლნ ლიტრი; ლიტრის ფასი 7.19 დოლარი პოლონეთი - 80.62 მლნ დოლარის; 27.26 მლნ ლიტრი; ლიტრის ფასი 2.96 დოლარი პორტუგალია - 39.33 მლნ დოლარის; 14.61 მლნ ლიტრი; ლიტრის ფასი 2.69 დოლარი ჩილე - 34.58 მლნ დოლარის; 16.96 მლნ ლიტრი; ლიტრის ფასი 2.04 დოლარი გერმანია - 28.11 მლნ დოლარის; 9.09 მლნ ლიტრის; ლიტრის ფასი 3.09 დოლარი ესპანეთი - 23.04 მლნ დოლარის; 9.39 მლნ ლიტრი; ლიტრის ფასი 2,45 დოლარი სომხეთი - 13.56 მლნ დოლარის; 3.24 მლნ ლიტრი; ლიტრის ფასი 4.18 დოლარი ლიეტუვა - 11.57 მლნ დოლარის; 1.96 მლნ ლიტრი; ლიტრის ფასი 5.90 დოლარი ცნობისთვის: AAWE არაკომერციული საგანმანათლებლო ორგანიზაციაა, რომელიც ეკონომიკურ კვლევებს ეწევა, ასევე, მეღვინეობის სფეროში იდეებს აანალიზებს და მათ გაცვლას უწყობს ხელს. ასოციაციის ძირითადი საქმიანობა მეღვინეობის შესახებ რეცენზირებული ეკონომიკური ჟურნალის გამოცემა და მეღვინეობასთან დაკავშირებული სამეცნიერო კონფერენციების ორგანიზებაა.BPN
მსოფლიო • 1792134060
ნახე სად შეგიძლია ისწავლო საქართველოს ბანკის სრული დაფინანსებით
საქართველოს ბანკი, როგორც განათლების მთავარი მხარდამჭერი, მოსწავლეებისთვის, სტუდენტებისთვის, ახალგაზრდა პროფესიონალებისა და განვითარებით დაინტერესებული ადამიანებისთვის, 100%-იანი დაფინანსებით სწავლის შესაძლებლობას ქმნის.ამ მიზნით, ბანკი 40-ზე მეტ საგანმანათლებლო პროექტს ახორციელებს და უჭერს მხარს. მათ შორისაა პროგრამები, რომლებიც მონაწილეებს სწავლის საფასურის სრულად დაფინანსების მიღების შესაძლებლობას აძლევს.საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებისთვის 23 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში ახალგაზრდებს შესაძლებლობას აძლევს, მიიღონ სწავლის სრული ან ნაწილობრივი დაფინანსებაპროგრამაზე რეგისტრაცია დაიწყო. პროგრამის შესახებ დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ ვებგვერდს.AI სტიპენდია გოგოებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია დაიწყო, დეტალური ინფორმაციისთვის ეწვიეთ ვებგვერდს.სტიპენდია პროფესიულ აკადემიებში - ახალი უნარებისა და შესაძლებლობებისთვისიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-მდე პარტნიორ აკადემიაში. პროგრამაში მონაწილეობის მსურველთათვის რეგისტრაცია მალე დაიწყება. დეტალური ინფორმაციისთვის ეწვიეთ პროგრამის გვერდს.საქართველოს ბანკის სტიპენდია მოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულება სრული დაფინანსებითპროფესიულ აკადემიებში სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა აქვთ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.თბილისის წიგნის დღეები - ცოდნა წიგნებიდან იწყებაგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, განსხვავებული პერსპექტივების გაცნობა და ახალი სამყაროების აღმოჩენა წიგნებითაც შეიძლება.სწორედ ამიტომ, 30 ოქტომბრიდან 1 ნოემბრის ჩათვლით, საქართველოს ბანკის მხარდაჭერით, Expo Georgia-ში თბილისის წიგნის დღეები გაიმართება. ღონისძიება მკითხველებს წიგნებისა და ახალი იდეების გარშემო გაერთიანების შესაძლებლობას აძლევს.დეტალური ინფორმაციისთვის ეწვიეთ თბილისის წიგნის დღეების გვერდს.ეს საქართველოს ბანკის მიერ განხორციელებული საგანმანათლებლო ინიციატივების მხოლოდ ნაწილია. დამატებითი ინფორმაციისა და სხვა შესაძლებლობების აღმოსაჩენად ეწვიეთ ვებგვერდს ganatleba.bog.ge.
ბიზნესი • 1792134038
მსოფლიო
სხვადასხვა
1792126991
როგორი ამინდია მოსალოდნელი 16 ოქტომბერს საქართველოში16 ოქტომბერს ქუთაისში წვიმიან ამინდს ელოდებიან, დღისით +25 და ღამით +16 გრადუსია მოსალოდნელი.ნალექს ოზურგეთშიც ელოდებიან, დღისით +24 გრადუსი დაფიქსირდება, ღამით კი +15 გრადუსი იქნება. ბათუმშიც იწვიმებს დღისით ჰაერი +22 გრადუსამდე გათბება, ხოლო ღამით +17 გრადუსი დაფიქსირდება.ნალექიანი ამინდია ფოთშიც. დღისით +23 გრადუსი დაფიქსირდება, ღამით კი +18 გრადუსია მოსალოდნელი. ნალექი ზუგდიდშიც იქნება, დღისით ტემპერატურა +24, ღამით კი +15 გრადუსია ნავარაუდევი.სოხუმშიც წვიმიანი დღეა. +22 გრადუსია მოსალოდნელი დღისით, ღამით +16 გრადუსი დაფიქსირდება.მესტიაში წვიმს. დღისით +17 გრადუსი იქნება, ღამით კი 7 გრადუსი დაფიქსირდება. ამბროლაურშიც ნალექიანი ამინდია. დღისით ჰაერი +24 გრადუსამდე გათბება, ღამით კი +12 გრადუსი დაფიქსირდება.ჭიათურაში წვიმიანი ამინდია, დღისით +23 გრადუსი, ღამით კი +14 გრადუსი დაფიქსირდება. ახალციხეშიც წვიმიანი დღეა, დღისით +25 გრადუსი, ღამით კი +10 გრადუსი იქნება.ნალექს ახალქალაქშიც ელოდებიან. ტემპერატურა დღისით +21, ღამით კი +8 დაფიქსირდება.ბორჯომში ნალექიანი დღეა, +24 იქნება დღისით, ღამით კი +12 გრადუსი დაფიქსირდება. წვიმიანი დღეა მოსალოდნელი ბაკურიანშიც, დღისით +22 გრადუსია მოსალოდნელი, ღამით +7 გრადუსი დაფიქსირდება.წვიმიან დღეს ელოდებიან გორში, დღისით +25 გრადუსი, ღამის განმავლობაში კი +12 გრადუსი დაფიქსირდება. ცხინვალში ჰაერის ტემპერატურა +24 გრადუსი იქნება, ღამით კი +11 გრადუსი დაფიქსირდება და იქნება წვიმა.გუდაურშიც წვიმიანი ამინდია. დღის განმავლობაში +13 გრადუსი დაფიქსირდება, ღამით კი ჰაერის ტემპერატურა 6 გრადუსი იქნება. ომალოში დღისით, 16 ღამით კი 7 გრადუსი დაფიქსირდება და იწვიმებს.ლაგოდეხშიც წვიმიან დღეს ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +17 გრადუსი დაფიქსირდება. წვიმიანი დღე იქნება თელავში, +26 გრადუსი დაფიქსირდება, ღამით კი +16 გრადუსია ნავარაუდევი.ნალექი გურჯაანშიც იქნება. დღისით +26 გრადუსი, ღამით კი +16 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +24 გრადუსია მოსალოდნელი, ღამით +15 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +26 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +27 გრადუსს მიაღწევს, ღამით კი +17 გრადუსი იქნება.
1792040659
როგორი ამინდია მოსალოდნელი 15 ოქტომბერს საქართველოში15 ოქტომბერს ქუთაისში მზიანი დღე იქნება, დღისით +29 და ღამით +17 გრადუსი დაფიქსირდება.მზიანი ამინდი იქნება ოზურგეთშიც. დღისით +29 გრადუსი დაფიქსირდება, ღამით კი +18 გრადუსი იქნება.ბათუმშიც მზიანი დღეა მოსალოდნელი, დღისით ჰაერი +28 გრადუსამდე გათბება, ხოლო ღამით +18 გრადუსი დაფიქსირდება.მზეა ფოთშიც. დღისით +29 გრადუსი დაფიქსირდება, ღამით კი +18 გრადუსია მოსალოდნელი.ზუგდიდშიც უნალექო ამინდია, ჰაერის ტემპერატურა დღისით +29, ღამით კი +17 გრადუსი იქნება.სოხუმში უნალექო დღეა მოსალოდნელი, +28 გრადუსია მოსალოდნელი დღისით, ღამით +17 გრადუსი დაფიქსირდება.მესტიაში მზიანი დღეა, დღისით +20 გრადუსი იქნება, ღამით კი +10 გრადუსი დაფიქსირდება. ლენტეხში დღისით +20 გრადუსი იქნება, ღამით კი +8 გრადუსი დაფიქსირდება.ამბროლაურშიც უნალექო ამინდს ელოდებიან. ჰაერი +25 გრადუსამდე გათბება, ღამით კი +13 გრადუსი დაფიქსირდება.ჭიათურაშიც მზეა. დღისით +26 გრადუსი, ღამით კი +17 გრადუსი დაფიქსირდება.ახალციხეში წვიმაა მოსალოდნელი, დღისით +23 გრადუსი, ღამით კი +10 გრადუსი იქნება.ახალქალაქშიც მცირე ნალექია, დღისით +21 გრადუსი, ღამით კი +8 იქნება.ბორჯომშიც იწვიმებს დღეა მოსალოდნელი, +23 იქნება დღისით, ღამით კი +13 გრადუსი დაფიქსირდება.მცირე წვიმაა მოსალოდნელი ბაკურიანში, დღისით +20 გრადუსია მოსალოდნელი, ღამით +6 გრადუსი დაფიქსირდება.ნალექიან ამინდს ელოდებიან გორში, დღისით +26 გრადუსი, ღამის განმავლობაში კი +14 გრადუსი დაფიქსირდება.ცხინვალშიც იწვიმებს, ჰაერის ტემპერატურა +25 გრადუსი იქნება, ღამით კი +13 გრადუსი დაფიქსირდება.გუდაურშიც მცირე წვიმაა მოსალოდნელი, დღის განმავლობაში +13 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოშიც გაწვიმდება. დღისით +16 ღამით კი +7 გრადუსი დაფიქსირდება.ლაგოდეხშიც მცირე წვიმა იქნება, ჰაერის ტემპერატურა დღის განმავლობაში +25 გრადუსი იქნება, ღამით კი +17 გრადუსი დაფიქსირდება.თელავშიც წვიმაა ნავარაუდევი. დღისით +24 გრადუსი დაფიქსირდება, ღამით კი +17 გრადუსი იქნება.წვიმიანი დღეა გურჯაანშიც, დღისით +24 გრადუსი, ღამით კი +17 გრადუსი დაფიქსირდება.სიღნაღშიც იწვიმებს. დღისით +23 გრადუსია მოსალოდნელი, ღამით +16 გრადუსი დაფიქსირდება.რუსთავში მცირე ნალექია მოსალოდნელი. დღისით +25 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ნალექს ელოდებიან. ჰაერის ტემპერატურა დღისით +24 გრადუსს მიაღწევს, ღამით კი +16 გრადუსი იქნება.
1791789839
„წვიმის ღმერთები“ - ახალი სტარტაპი დრონებით ღრუბლების „დათესვას“ იწყებს: რატომ შიშობენ ეკოლოგები?მსოფლიოში მტკნარი წყლის დეფიციტის ფონზე, ამინდის მართვა და ხელოვნური წვიმის გამოწვევა რეალურ ბიზნესად იქცა. სან-ფრანცისკოს სტარტაპმა Rainmaker-მა ალასკაზე უპილოტო საფრენი აპარატებით ღრუბლები „დათესა“ და 3 საათში 19 მილიონი გალონი წყალი მიიღო.ტექნოლოგია, რომელიც 80 წელზე მეტი ხნის წინ შეიქმნა, ეკოლოგებსა და ადგილობრივ მოსახლეობაში სერიოზულ კითხვებს აჩენს.საინტერესოა, როგორ ცდილობენ მეცნიერები ცის „მოტყუებას“ და რა საფრთხეებს შეიცავს ის?საიდუმლო ექსპერიმენტი ალასკის ცაზე და 19 (დაახლოებით, 72 ტონა წყალი) მილიონი გალონი წყალი23 აგვისტოს, ალასკის ქალაქ ჰომერის მცხოვრებმა კუპერ ფრიმენმა არ იცოდა, რომ მის თავსზემოთ არსებულ ღრუბლებში წვიმის გამოსაწვევად ვერცხლის ნაერთს აფრქვევდნენ. მოგვიანებით, ჰომერის ათასობით მცხოვრებმა შეიტყო, რომ სან-ფრანცისკოს სტარტაპმა Rainmaker-მა მათ რეგიონში ღრუბლების დათესვის ექსპერიმენტი ჩაატარა.კომპანიის განცხადებით, მათ სამ საათში ცაში 19 მილიონი ამერიკული გალონი წყალი წარმოქმნეს.ამინდის მოდიფიკაციის ეს მეთოდი 80 წელზე მეტი ხნისაა. ის თვითმფრინავებისა თუ დრონების მეშვეობით ღრუბლებში ისეთი ნაერთების გაფრქვევას გულისხმობს, როგორიცაა ვერცხლის იოდიდი, რათა ყინულის კრისტალები ჩამოყალიბდეს.პროცესის არსი: კრისტალები იზრდება და ქვედა შრეებში არსებული ტემპერატურის მიხედვით წვიმის ან თოვლის სახით მოდის დედამიწაზე. ტექნოლოგია აჩქარებს წყლის ორთქლის ბუნებრივ კონდენსაციას ღრუბლებში.თუმცა პროცესს სჭირდება იდეალური კლიმატური გარემო, მაგალითად, ცივი ან მთიანი რეგიონები, როგორიცაა ალასკა.ღრუბლების “დათესვას“ საფუძველი 1946 წელს ჩაეყარა, როდესაც General Electric-ის მკვლევარებმა მშრალი ყინული გამოიყენეს. ერთი წლის შემდეგ კი აღმოაჩინეს, რომ ვერცხლის იოდიდი მშრალ ყინულზე ბევრად ეფექტური იყო.ეკოლოგების განგაში: არის თუ არა უსაფრთხო ვერცხლის იოდიდი?ბიოლოგიური მრავალფეროვნების ცენტრის ალასკის დირექტორი კუპერ ფრიმენი შეშფოთებულია, რომ მოსახლეობა ექსპერიმენტის შესახებ წინასწარ არ გააფრთხილეს. იგი ეჭვქვეშ აყენებს პროცესის უსაფრთხოებას როგორც ადგილობრივებისთვის, ისე გარემოსთვის.„არ ჩატარებულა მონიტორინგი იმის დასადგენად, იმოქმედა თუ არა ამ ვერცხლის იოდიდმა გარემოზე,“ - აცხადებს ფრიმენი. მისი თქმით, კომპანიის მიერ ჩატარებული პროცედურა წყლის პრობლემებს ვერ გადაჭრის და ეს რეალური პრობლემებიდან ყურადღების გადატანას ჰგავს.თავის მხრივ, Rainmaker-ის დამფუძნებელი და აღმასრულებელი დირექტორი ოგასტუს დორიკო აცხადებს, რომ თითოეული ფრენისას ათასობით კვადრატულ კილომეტრზე მხოლოდ 20 გრამი ვერცხლი გამოიყოფა. მისი განმარტებით, ნიადაგზე ნივთიერების კონცენტრაციის მატება იმდენად მცირეა, რომ FDA-ს მიერ დაშვებულ ზღვარზე ბევრად დაბალია.„წვეთი ზღვაში“: შეუძლია თუ არა ტექნოლოგიას წყლის კრიზისის გადაჭრა?გაეროს გენერალურმა მდივანმა ანტონიო გუტერეშმა განაცხადა, რომ მსოფლიო მტკნარ წყალს იმაზე სწრაფად მოიხმარს, ვიდრე მისი აღდგენა ხდება. თუმცა, ექსპერტები აღნიშნავენ, რომ ღრუბლების დათესვა დიდ ცვლილებას არ იწვევს - მაგალითად, Rainmaker-ის მიერ მიღებული 19 მილიონი გალონი 100 კვადრატულ მილზე წვიმის მხოლოდ 0.01 დუიმს შეადგენს.იუტას კლიმატური ცენტრის კლიმატოლოგ ჯონ მეიერის თქმით, სწორი პირობების არსებობისას ტექნოლოგიას ნალექების 5-დან 10%-მდე გაზრდა შეუძლია.2017 წლის მნიშვნელოვანმა კვლევამ რადარებისა და ნალექზომების მეშვეობით დაადასტურა, რომ ვერცხლის იოდიდი ეფექტურად მუშაობს.Rainmaker-ი უკვე საქმიანობს ისეთ შტატებში, როგორებიცაა აიდაჰო, იუტა, კოლორადო და ახლო აღმოსავლეთში, კერძოდ იორდანიაში, სადაც მოსახლეობას წყალი კვირაში ხშირად მხოლოდ რამდენიმე საათით მიეწოდება.ნიადაგის ცილები ვერცხლის ნაცვლად: ინოვაციური ალტერნატივასან-ფრანცისკოს კომპანია Recast Systems-ის აღმასრულებელი დირექტორი ოლივია ლი ატარებს ექსპერიმენტებს ნიადაგში არსებული ამინომჟავებისგან მიღებულ პროტეინზე.ტეხასის A&M უნივერსიტეტში ჩატარებული ტესტების მიხედვით, ეს ახალი აგენტი: არის სრულიად უსაფრთხო და ბიოდეგრადირებადი; ყინულის წარმოქმნას უფრო მაღალი ეფექტურობით უზრუნველყოფს, ვიდრე ვერცხლის იოდიდი. ექსპერტები ვარაუდობენ, რომ წყლის დეფიციტის ზრდასთან ერთად, მსგავს ინოვაციურ ტექნოლოგიებზე მოთხოვნა მთელ მსოფლიოში კიდევ უფრო გაიზრდება.წყარო: bbc
1791436576
როგორი ამინდია მოსალოდნელი 8 ოქტომბერს საქართველოში8 ოქტომბერს ქუთაისში მზიანი დღე იქნება, დღისით +26 და ღამით +15 გრადუსი დაფიქსირდება.მზიანი ამინდი იქნება ოზურგეთშიც. დღისით +25 გრადუსი დაფიქსირდება, ღამით კი +15 გრადუსი იქნება.ბათუმშიც მზიანი დღეა მოსალოდნელი, დღისით ჰაერი +25 გრადუსამდე გათბება, ხოლო ღამით +15 გრადუსი დაფიქსირდება.მზეა ფოთშიც. დღისით +24 გრადუსი დაფიქსირდება, ღამით კი +16 გრადუსია მოსალოდნელი.ზუგდიდშიც უნალექო ამინდია, ჰაერის ტემპერატურა დღისით +26, ღამით კი +14 გრადუსი იქნება.სოხუმში უნალექო დღეა მოსალოდნელი, +24 გრადუსია მოსალოდნელი დღისით, ღამით +12 გრადუსი დაფიქსირდება.მესტიაში მზიანი დღეა, დღისით +18 გრადუსი იქნება, ღამით კი +8 გრადუსი დაფიქსირდება. ლენტეხში დღისით +17 გრადუსი იქნება, ღამით კი +6 გრადუსი დაფიქსირდება.ამბროლაურშიც უნალექო ამინდს ელოდებიან. ჰაერი +24 გრადუსამდე გათბება, ღამით კი +11 გრადუსი დაფიქსირდება.ჭიათურაში ხანმოკლე წვიმაა. დღისით +22 გრადუსი, ღამით კი +11 გრადუსი დაფიქსირდება.ახალციხეში უნალექო მოსალოდნელი, დღისით +22 გრადუსი, ღამით კი +7 გრადუსი იქნება.ახალქალაქშიც მზეა დღისით +21 გრადუსი, ღამით კი +6 იქნება.ბორჯომშიც მზიანი დღეა მოსალოდნელი, +20 იქნება დღისით, ღამით კი +9 გრადუსი დაფიქსირდება.მზეა მოსალოდნელი ბაკურიანში, დღისით +17 გრადუსია მოსალოდნელი, ღამით +5 გრადუსი დაფიქსირდება.მზიან ამინდს ელოდებიან გორში, დღისით +24 გრადუსი, ღამის განმავლობაში კი +12 გრადუსი დაფიქსირდება.ცხინვალში მზიანი დღეა მოსალოდნელი, ჰაერის ტემპერატურა +23 გრადუსი იქნება, ღამით კი +11 გრადუსი დაფიქსირდება.გუდაურში მზეა მოსალოდნელი, დღის განმავლობაში +7 გრადუსი დაფიქსირდება, ღამით კი ჰაერის ტემპერატურა +3 გრადუსი იქნება.ომალოში უნალექო დღეა. დღისით +11 ღამით კი +5 გრადუსი დაფიქსირდება.ლაგოდეხშიც მზიანი დღე იქნება, ჰაერის ტემპერატურა დღის განმავლობაში +23 გრადუსი იქნება, ღამით კი +13 გრადუსი დაფიქსირდება.თელავშიც მზეა ნავარაუდევი. დღისით +22 გრადუსი დაფიქსირდება, ღამით კი +12 გრადუსი იქნება.უნალექო დღეა გურჯაანშიც, დღისით +23 გრადუსი, ღამით კი +13 გრადუსი დაფიქსირდება.სიღნაღში დღისით +22 გრადუსია მოსალოდნელი, ღამით +12 გრადუსი დაფიქსირდება.რუსთავში მზიანი დღეა მოსალოდნელი. დღისით +24 გრადუსია მოსალოდნელი, ღამით კი +12 გრადუსი დაფიქსირდება.თბილისშიც მზიან ამინდს ელოდებიან. ჰაერის ტემპერატურა დღისით +23 გრადუსს მიაღწევს, ღამით კი +14 გრადუსი იქნება.
1791264911
როგორი ამინდი იქნება 6 ოქტომბერს საქართველოში6 ოქტომბერს საქართველოს უმეტეს ტერიტორიაზე ღრუბლიანი ამინდია მოსალოდნელი. ზოგიერთ რეგიონში ნავარაუდევია წვიმა, ნალექია მოსალოდნელი დედაქალაქშიც. ჰაერი ზოგიერთ ქალაქში +21 გრადუსამდე გათბება, ყველაზე დაბალი ტემპერატურა კი გუდაურში +8 გრადუსია მოსალოდნელი.ამინდის პროგნოზი ქალაქების მიხედვით: გაგრა +21 - უმეტესად ღრუბლიანისოხუმი +21 - უმეტესად ღრუბლიანიზუგდიდი +21 - უმეტესად ღრუბლიანიმესტია +14 - წვიმაფოთი +21 - უმეტესად ღრუბლიანიბათუმი +20 - წვიმაოზურგეთი +21 - უმეტესად ღრუბლიანიქუთაისი +21 - უმეტესად ღრუბლიანიამბროლაური +21 - წვიმაახალციხე +18 - წვიმაბორჯომი +18 - წვიმაბაკურიანი +13 - წვიმაგორი +20 - წვიმაცხინვალი +19 - წვიმასტეფანწმინდა +11 - წვიმაგუდაური +8 - წვიმათელავი +21 - უმეტესად ღრუბლიანირუსთავი +20 - უმეტესად ღრუბლიანითბილისი +21 - წვიმა.
