რუსთაველის გამზირის რეაბილიტაცია იწყება - 23 ივლისიდან ავტოტრანსპორტის მოძრაობა სრულად შეიზღუდება
საზოგადოება • 1784616368
საზოგადოება
გმირი საქართველოდან: ირლანდიაში გიორგი ჯოლოგუას, რომელმაც ზღვაში ტურისტი სიკვდილს გადაარჩინა, ცხოვრების უფლება მიანიჭეს
ირლანდიაში საქართველოს მოქალაქემ, გიორგი ჯოლოგუამ ადამიანი დახრჩობას გადაარჩინა , - ინფორმაციას ამის შესახებ ინფორმაციას Dublin Live ავრცელებს.როგორც გამოცემა წერს, ერთ-ერთი დამსვენებელი პლაჟზე ზღვამ გაიტაცა, ის კი საქართველოს მოქალაქემ გადაარჩინა სიკვდილს.„რატომღაც კუნძულის ჩრდილო-დასავლეთით წავედი, მაშინ როცა ჩვეულებრივ აღმოსავლეთ მხარეს მივდივარ ხოლმე. ჩემი ნავის მარცხენა ბორტთან, დაახლოებით 300 მეტრში, რაღაც შავი დავინახე. მეგონა, ტივტივა ან სელაპი იყო. მაგრამ მერე მოძრაობა დაიწყო. თავი გმირად არ მიმაჩნია. ჩემს ადგილას თითოეული ადამიანი ასე მოიქცეოდა“, - ამბობს გიორგი ჯოლოგუა გამოცემასთან.Dublin Live წერს, რომ გიორგი ჯოლოგუა ირლანდიაში თავშესაფრის მაძიებელია და მას გმირობის სანაცვლოდ ირლანდიაში დარჩენის უფლება მიეცემა მის მეუღლესთან და ახალშობილ ქალიშვილთან ერთად.
1784686554
1784523858
რუსეთში ქართული დიასპორის პრეზიდენტი ქართული მხარისგან რუსეთის მოქალაქეების კომფორტის უზრუნველყოფას ითხოვსრუსეთში საქართველოს ნაციონალურ-კულტურული ფედერალური ავტონომიის, ანუ ქართული დიასპორის პრეზიდენტი, ბიზნესმენი დავით ცეცხლაძე კახეთში მომხდარ შემთხვევას ეხმაურება."სოციალურ მედიაში რუსი ტურისტების მიმართ შეურაცხმყოფელი ვიდეოების რაოდენობის ზრდას ვხედავთ. საქართველო ყოველთვის ცნობილი იყო თავისი სტუმართმოყვარეობით და ამას აგრძელებს. თუმცა, დასავლურმა პროპაგანდამ საზოგადოების გარკვეულ ნაწილში სიძულვილისა და რუსოფობიის დათესვა მოახერხა.მოვუწოდებ ტურიზმსა და უსაფრთხოებაზე პასუხისმგებელ ყველა სახელმწიფო ინსტიტუტს, ჩაატარონ ყოვლისმომცველი საინფორმაციო კამპანიები - როგორც ტურისტულ დაწესებულებებთან, ასევე სამოქალაქო საზოგადოებასთან და წინააღმდეგობა გაუწიონ დასავლურ-უკრაინულ პროპაგანდას. ეს აუცილებელია მომავალში სერიოზული ინციდენტების თავიდან ასაცილებლად.ჩვენს ქვეყნებს შორის ხანგრძლივი პოლიტიკური სირთულეების მიუხედავად, ჩვენი ხალხები ინარჩუნებენ თბილ და ძმურ ურთიერთობებს. ამას მოწმობს რუსეთის მოქალაქეებს შორის საქართველოში და პირიქით, ორმხრივი ვიზიტების სტატისტიკა. საქართველო რუსებისთვის ერთ-ერთი ყველაზე პოპულარული ქვეყანაა არა მხოლოდ დასასვენებლად, არამედ მეგობრული და ოჯახური კავშირებით, ასევე არაერთი კულტურული პროექტისა და ბიზნეს წამოწყების თანამშრომლობით.ვიმედოვნებ, რომ ქართული მხარე გადადგამს საჭირო ნაბიჯებს, რათა უზრუნველყოს რუსეთის მოქალაქეებისთვის ქვეყანაში ყველაზე კომფორტული ყოფნა, ისევე როგორც ეს უზრუნველყო საქართველოს მოქალაქეებისთვის რუსეთში". - წერს ცეცხლაძე.ცნობისთვის, კახეთში, მოქალაქე გიორგი ჭიღლაძე 19 ივლისს დაკავეს. შინაგან საქმეთა სამინისტროს განცხადებით, ტურისტებმა ქორწილის სტუმრებს წყალი გადაასხეს და სიტყვიერი შეურაცხყოფა მიაყენეს. უწყებას არ დაუკონკრეტებია ტურისტების მოქალაქეობა.
1784523738
რა პრობლემებს შექმნის ერთწლიანი მაგისტრატურა უნივერსიტეტებში?ერთწლიანი მაგისტრატურა და შემცირებული კვოტები - რა პრობლემებს ხედავენ განათლების რეფორმაში?საქართველოს უნივერსიტეტებში სამაგისტრო პროგრამების ერთ წლამდე შემცირება და მისაღები ადგილების მკვეთრი შეზღუდვა განათლების ხარისხთან, კვლევით კომპონენტთან და სტუდენტების საერთაშორისო შესაძლებლობებთან დაკავშირებულ კითხვებს აჩენს. განათლების მკვლევარი ლელა ჩახაია მიიჩნევს, რომ ერთწლიანი მაგისტრატურა თავისთავად პრობლემური მოდელი არ არის, თუმცა საქართველოში მისი ერთიანი წესითა და დაჩქარებულად დანერგვა მნიშვნელოვან რისკებს ქმნის.ერთწლიანი მაგისტრატურა ყველა პროგრამისთვისლელა ჩახაიას თქმით, ერთწლიანი სამაგისტრო პროგრამები არაერთ ქვეყანაში არსებობს და თავადაც ერთწლიანი პროფესიული მაგისტრატურა ჰარვარდის განათლების სკოლაში აქვს დასრულებული. თუმცა ასეთ შემთხვევებში უნივერსიტეტები თავად განსაზღვრავენ, რომელი პროგრამა შეიძლება იყოს ერთწლიანი და რომელი საჭიროებს უფრო ხანგრძლივ სწავლებასა და კვლევით კომპონენტს.საქართველოში კი, მისი შეფასებით, გადაწყვეტილება ცენტრალიზებულად მიიღეს და უნივერსიტეტებს პროგრამების ხანგრძლივობის დამოუკიდებლად განსაზღვრის შესაძლებლობა პრაქტიკულად არ მისცეს.„იმ ქვეყნებში, სადაც ერთწლიანი სამაგისტრო პროგრამებია, თავად უნივერსიტეტები წყვეტენ, რომელი პროგრამები უნდა იყოს ერთწლიანი, მაგრამ ჩვენთან უნივერსიტეტებს არავინ არაფერს ეკითხება და პირდაპირ დააწესეს, რომ ყველა ფაკულტეტზე ერთწლიანი მაგისტრატურა უნდა იყოს“, - ამბობს მკვლევარი.რეფორმის მიხედვით, სტუდენტს, რომელსაც დოქტორანტურაში სწავლის გაგრძელება სურს, დამატებითი ერთი წლის გავლა შეეძლება. ჩახაიას შეფასებით, ე.წ. „1+1“ მოდელის დეტალები სრულად ჩამოყალიბებული არ არის, უნივერსიტეტებს კი მოქმედი ორწლიანი პროგრამების მოკლე ვადაში გადაკეთება უწევთ.კვლევითი კომპონენტის დაკარგვის საფრთხეგანათლების მკვლევრის შეფასებით, ორწლიანი პროგრამების ერთ წლამდე დაყვანა განსაკუთრებით პრობლემურია იმ მიმართულებებში, სადაც სტუდენტს თეორიულ სწავლებასთან ერთად კვლევითი უნარების განვითარება და სამაგისტრო ნაშრომზე მუშაობა სჭირდება.მისი თქმით, უნივერსიტეტები ხშირად იძულებულნი არიან, არსებული პროგრამები მექანიკურად შეამცირონ და სასწავლო კურსების ნაწილი ამოიღონ.„პირდაპირ, ავტომატურად ჩეხენ პროგრამებს. თუ სოციოლოგიაში ორწლიანი იყო სამაგისტრო პროგრამა და გაწერილი იყო, რა უნდა ესწავლათ სტუდენტებს პირველ და მეორე წელს, ახლა ამ პროგრამების დანაწევრება ხდება. მაგისტრატურაში ეს უბრალოდ შეუძლებელია და კვლევით კომპონენტს გამორიცხავს“, - ამბობს ჩახაია.მისი განმარტებით, პროფესიული და კვლევითი მაგისტრატურები განსხვავებულ მიზნებს ემსახურება. შესაბამისად, ყველა დარგისთვის ერთი და იმავე მოდელის გამოყენება განათლების ხარისხზე უარყოფითად შეიძლება აისახოს.შესაძლო პრობლემა უცხოეთში სწავლის გაგრძელებისასერთწლიანი მაგისტრატურის კურსდამთავრებულებს შესაძლოა უცხოურ უნივერსიტეტებში სწავლის გაგრძელებისას დამატებითი მოთხოვნების შესრულება დასჭირდეთ. ჩახაიას თქმით, ამის პასუხად ხელისუფლება სტუდენტებს დამატებითი წლის, ანუ „1+1“ მოდელის გავლას სთავაზობს.თუმცა მკვლევარი მიიჩნევს, რომ საკითხი მხოლოდ ფორმალური კრედიტების რაოდენობას არ უკავშირდება. უცხოურ უნივერსიტეტებს შეიძლება აინტერესებდეთ, გაიარა თუ არა სტუდენტმა სრულყოფილი კვლევითი მომზადება და შეესაბამება თუ არა მისი კვალიფიკაცია სადოქტორო პროგრამის მოთხოვნებს.მისი შეფასებით, შემცირებულმა სასწავლო პერიოდმა შესაძლოა ქართველ სტუდენტებს საერთაშორისო აკადემიურ სივრცეში დამატებითი ბარიერები შეუქმნას.გამონაკლისები და არათანაბარი მიდგომაზოგიერთმა ფაკულტეტმა ორწლიანი პროგრამის შენარჩუნება სამინისტროსთან მოლაპარაკების შედეგად შეძლო. ჩახაიას თქმით, თბილისის სახელმწიფო უნივერსიტეტის ფსიქოლოგიის მიმართულებამ შესაბამისი მოთხოვნა წარადგინა და ორწლიანი პროგრამის დატოვების უფლება მიიღო.გამონაკლისი დაუშვეს თბილისის სახელმწიფო კონსერვატორიის შემთხვევაშიც, რომელმაც ოთხწლიანი საბაკალავრო პროგრამები შეინარჩუნა.მკვლევრის აზრით, ასეთი გადაწყვეტილებები მიუთითებს, რომ ერთიანი რეფორმა ყველა სპეციალობის აკადემიურ საჭიროებებს თავიდანვე არ ითვალისწინებდა. თუ ზოგიერთ მიმართულებას ხანგრძლივი სწავლება სჭირდება, მაშინ უნივერსიტეტებს პროგრამების ხანგრძლივობის განსაზღვრის მეტი თავისუფლება უნდა ჰქონდეთ.სამაგისტრო ადგილები 40%-ით შემცირდალელა ჩახაიას ინფორმაციით, უნივერსიტეტებისთვის სამაგისტრო პროგრამებზე მისაღები ადგილების რაოდენობა მთლიანობაში დაახლოებით 40%-ით შემცირდა, გამონაკლისი კი სამედიცინო უნივერსიტეტია.მისი შეფასებით, ეს ცვლილება განსაკუთრებით მძიმე მდგომარეობაში აყენებს რეგიონულ უნივერსიტეტებს. სოხუმისა და ზუგდიდის უნივერსიტეტებს სამაგისტრო პროგრამებზე კვოტები საერთოდ არ გამოეყოთ, ხოლო თელავის, გორისა და სამცხე-ჯავახეთის უნივერსიტეტებს მხოლოდ შეზღუდული რაოდენობის ადგილები მიეცათ.„გარდა იმისა, რომ წელი მოაკლეს სამაგისტროს, კვოტებიც შეამცირეს. ტენდენცია არის ის, რომ რაც შეიძლება ცოტამ ისწავლოს და რაც შეიძლება ცოტა ხნით“, ამბობს ჩახაია.კვოტების შემცირება სამაგისტრო პროგრამებზე კონკურენციას გაზრდის და აპლიკანტების ნაწილს სწავლის გაგრძელების შესაძლებლობას შეუზღუდავს. ამან შესაძლოა განსაკუთრებით დააზარალოს რეგიონებში მცხოვრები ახალგაზრდები, რომლებსაც სხვა ქალაქში გადასვლისა და სწავლის დაფინანსების ნაკლები რესურსი აქვთ.რეფორმის ხარისხობრივი და ფინანსური მიზნებიხელისუფლება განათლების რეფორმის მიზნად სისტემის ეფექტიანობისა და სწავლების ხარისხის გაუმჯობესებას ასახელებს. ლელა ჩახაია კი მიიჩნევს, რომ განხორციელებული ცვლილებები განათლების ხარისხის ზრდის ნიშნებს ჯერ არ აჩვენებს.მისი თქმით, პროგრამების შემცირებას უნივერსიტეტების დაფინანსების, კვლევისა და მეცნიერების განვითარების მნიშვნელოვანი ზრდა არ მოჰყოლია. ამ პირობებში სასწავლო წლებისა და მისაღები ადგილების შემცირება უფრო მეტად ხარჯების დაზოგვის მცდელობას ჰგავს.„ფაქტია, რომ კონტროლი უნდათ უნივერსიტეტებზე და ისიც, რომ რაც შეიძლება მეტი თანხა დაზოგონ. ამიტომ ჩქარ-ჩქარა და ნაკლებმა ადამიანმა უნდა ისწავლოს უნივერსიტეტში“, - აცხადებს მკვლევარი.სწავლის საერთო ხანგრძლივობის შემცირებაჩახაია ყურადღებას ამახვილებს ზოგადი და უმაღლესი განათლების საერთო ხანგრძლივობაზეც. მისი შეფასებით, თუ სასკოლო სწავლება შემცირდება, ბაკალავრიატი სამწლიანი გახდება, მაგისტრატურა კი ერთწლიანი, სტუდენტმა შესაძლოა განათლების სრული ციკლი დაახლოებით 20 წლის ასაკში დაასრულოს.მკვლევრის თქმით, ასეთ შემთხვევაში საქართველოში განათლების საერთო ხანგრძლივობა არაერთი ევროპული ქვეყნის სტანდარტზე ნაკლები იქნება. ამან შეიძლება გავლენა მოახდინოს კვალიფიკაციების საერთაშორისო აღიარებასა და სტუდენტების შემდგომ აკადემიურ შესაძლებლობებზე.მთავარი კითხვა, დაზოგვა თუ ხარისხიერთწლიანი მაგისტრატურა საერთაშორისო პრაქტიკაში მიღებული მოდელია, თუმცა განათლების სპეციალისტების შეფასებით, მისი წარმატება პროგრამის მიზნებზე, დარგის თავისებურებებსა და უნივერსიტეტის ავტონომიაზეა დამოკიდებული.საქართველოში მთავარი პრობლემა მხოლოდ პროგრამის ერთ წლამდე შემცირება არ არის. რისკს ქმნის ცვლილებების დაჩქარებული განხორციელება, უნივერსიტეტების არასაკმარისი ჩართულობა, კვლევითი კომპონენტის შესაძლო დაკარგვა და სამაგისტრო ადგილების ერთდროული შემცირება.ლელა ჩახაიას შეფასებით, თუ პროგრამების შემცირებას უნივერსიტეტების დაფინანსება, მეცნიერების განვითარება და სწავლების ახალი მოდელი არ ახლავს, რეფორმამ შესაძლოა განათლების ხარისხი კი არ გააუმჯობესოს, არამედ სტუდენტებს სრულფასოვანი სპეციალიზაციისა და საერთაშორისო აკადემიური განვითარების შესაძლებლობები შეუზღუდოს.batumelebi.netgazeti.ge
1784438640
თბილისში ყოველ 1.5 მოსახლეზე ერთი ავტომობილი მოდის - როგორია სტატისტიკა რეგიონების მიხედვით2026 წლის პირველი კვარტლის მდგომარეობით საქართველოში რეგისტრირებული ავტომობილების რაოდენობა 1 942 480 ერთეულს შეადგენს, აქედან 912 565, ანუ დაახლოებით 47% დედაქალაქში მოძრაობს.თუ მოსახლეობის რაოდენობას ავიღებთ, გამოდის, რომ დედაქალაქში მცხოვრებ ყოველ 1.5 მოქალაქეზე ერთი ავტომობილი მოდის, მთლიანად ქვეყნის მასშტაბით კი ეს მაჩვენებელი 2 მოქალაქეზე ერთ მანქანას შეადგენს. საქსტატის მონაცემებით, 2026 წლის 1-ელი იანვრის მდგომარეობით ქვეყანაში სულ 3 941 100 ადამიანი ცხოვრობს, აქედან დედაქალაქში - 1 369 400.როგორც უკვე აღვნიშნეთ, საქართველოს რეგიონების მიხედვით, ყველაზე მეტი ავტომობილი დედაქალაქშია რეგისტრირებული. მთლიანად რეგიონების რეიტინგი კი ასეთია: თბილისი - 912 565 ავტომობილი (ყოველ 1.5 მოსახლეზე ერთი მანქანა) იმერეთი - 212 729 ავტომობილი (ყოველ 2.3 მოსახლეზე ერთი მანქანა) ქვემო ქართლი - 164 627 ავტომობილი (ყოველ 2.6 მოსახლეზე ერთი მანქანა) კახეთი - 152 334 ავტომობილი (ყოველ 2 მოსახლეზე ერთი მანქანა) აჭარა - 130 290 ავტომობილი (ყოველ 3.1 მოსახლეზე ერთი მანქანა) სამეგრელო- ზემო სვანეთი - 108 386 ავტომობილი (ყოველ 2.7 მოსახლეზე ერთი მანქანა) შიდა ქართლი - 96 823 ავტომობილი (ყოველ 2.4 მოსახლეზე ერთი მანქანა) სამცხე-ჯავახეთი - 67 313 ავტომობილი (ყოველ 2.3 მოსახლეზე ერთი მანქანა) მცხეთა-მთიანეთი - 45 257 ავტომობილი (ყოველ 2 მოსახლეზე ერთი მანქანა) გურია - 40 749 ავტომობილი (ყოველ 2.5 მოსახლეზე ერთი მანქანა) რაჭა-ლეჩხუმი და ქვემო სვანეთი - 11 409 ავტომობილი (ყოველ 2.6 მოსახლეზე ერთი მანქანა)
სპორტი
1784523633
ესპანეთი მსოფლიო ჩემპიონია
სხვა სიახლეები
ზაფხულის მზე D ვიტამინის დეფიციტს ვერ ავსებს – კვლევა
ზაფხულში მზის სხივები არ იძლევა D ვიტამინის დონის აღდგენის გარანტიას, განსაკუთრებით ხანდაზმული ასაკის და მუქი კანის მქონე ადამიანებისთვის, – ნიუკასლის უნივერსიტეტის მეცნიერების მიერ ჩატარებული კვლევის შედეგები ScienceAlert-ში გამოქვეყნდა.სპეციალისტებმა 2024 წლის დეკემბრიდან 2025 წლის აგვისტომდე პერიოდში 299 მოხალისის სისხლი გააანალიზეს. მონაცემებმა აჩვენა, რომ 65 წელზე უფროსი ასაკის მონაწილეთა 55%-ზე მეტი და მუქი კანის ტონის მქონე ადამიანების 72%-ზე მეტი არ იღებდა ნორმას. ზამთრიდან ზაფხულზე გადასვლას პრაქტიკულად არანაირი გავლენა არ მოუხდენია მათ მაჩვენებლებზე - D ვიტამინის დონე თბილ სეზონზეც კი არ აღდგენილა.ვიტამინის დაბალი სინთეზი აიხსნება ბიოლოგიით და გეოგრაფიით. ასაკთან ერთად, კანი ნაკლებად რეაგირებს ულტრაიისფერ გამოსხივებაზე. მუქი ფერის კანის მელანინი ბლოკავს UVB სხივებს, ამიტომ მუქი ფერის კანის მქონე ადამიანებს დეფიციტის შესავსებად მზეზე გაცილებით მეტი დრო სჭირდებათ. გარდა ამისა, ექსპერიმენტი ინგლისის ჩრდილოეთ ნაწილში ჩატარდა, სადაც ზაფხულის თვეებშიც კი არასაკმარისი განათებაა.ავტორები ურჩევენ რისკის ქვეშ მყოფ ადამიანებს მხოლოდ მზეზე არ იყვნენ დამოკიდებული. მათი თქმით, მთელი წლის განმავლობაში გამოყენებისთვის დიეტური დანამატების არჩევის შესახებ, ღირს ექიმთან კონსულტაცია. თუმცა, მკვლევრები აფრთხილებენ, რომ D ვიტამინის ჭარბი დოზა შეიძლება ჯანმრთელობისთვის საზიანო იყოს, ამიტომ მნიშვნელოვანია რეკომენდებული დოზის დაცვა.წყარო: snob.ru
ჯანდაცვა • 1784699009
როგორ განაწილდა მსოფლიო ჩემპიონატის $655-მილიონიანი საპრიზო ფონდი გუნდებზე?
48 გუნდის მონაწილეობით გამართული 2026 წლის მსოფლიო ჩემპიონატი 40 დღისა და 104 მატჩის შემდეგ დასრულდა. ტურნირის გამარჯვებული ესპანეთის საფეხბურთო ნაკრები გახდა, რომელმაც ფინალში არგენტინა 1:0 დაამარცხა და მსოფლიო ჩემპიონის ტიტული ისტორიაში მეორედ მოიპოვა.2026 წლის მსოფლიო ჩემპიონატის საპრიზო ფონდი 655 მილიონ აშშ დოლარს შეადგენდა, რაც FIFA-ს მიერ ორგანიზებული ტურნირის ისტორიაში ყველაზე მაღალი თანხაა. შედარებისთვის, 2022 წლის მუნდიალის საპრიზო ფონდი 440 მილიონი დოლარი იყო, რაც ნიშნავს, რომ ოთხ წელიწადში ის თითქმის 50%-ით გაიზარდა.წელს მსოფლიო ჩემპიონატი 48-გუნდიანი ფორმატით პირველად ჩატარდა. საპრიზო თანხაც სწორედ ამ 48 ნაკრების შედეგების მიხედვით გადანაწილდა.აღსანიშნავია, რომ ფულადი ჯილდო იმ 16 ნაკრებსაც ერგო, რომლებმაც ჯგუფური ეტაპი ვერ დაძლიეს. თითოეულმა მათგანმა 9 მილიონი აშშ დოლარი მიიღო.მეთექვსმეტედფინალში გასულმა 16 ნაკრებმა 11-11 მილიონი დოლარი დაიმსახურა, მერვედფინალისტებმა კი – 15-15 მილიონი დოლარი.მეოთხედფინალში გასული ოთხი ნაკრები – მაროკო, ბელგია, ნორვეგია და შვეიცარია – FIFA-სგან 19-19 მილიონ დოლარს მიიღებს.მესამე ადგილისთვის შეხვედრაში დამარცხებული საფრანგეთის ნაკრები 27 მილიონი დოლარით დაჯილდოვდება, ხოლო ბრინჯაოს მედლის მფლობელი ინგლისი – 29 მილიონი დოლარით.ფინალისტებს შორის, ვიცე-ჩემპიონი არგენტინა 33 მილიონ აშშ დოლარს მიიღებს, ხოლო მსოფლიო ჩემპიონი ესპანეთი – 50 მილიონ დოლარს.მსოფლიო ჩემპიონატზე მიღებული საპრიზო თანხის განაწილების წესი თითოეული ეროვნული ფეხბურთის ფედერაციის გადაწყვეტილებაზეა დამოკიდებული. როგორც წესი, თანხა ფეხბურთელებს, სამწვრთნელო შტაბსა და ტურნირში ჩართულ სხვა პერსონალს შორის ნაწილდება, თუმცა კონკრეტული სქემა ყველა ქვეყანაში განსხვავებულია.ვრცლად forbes.ge - ზე
სპორტი • 1784698896
გმირი საქართველოდან: ირლანდიაში გიორგი ჯოლოგუას, რომელმაც ზღვაში ტურისტი სიკვდილს გადაარჩინა, ცხოვრების უფლება მიანიჭეს
ირლანდიაში საქართველოს მოქალაქემ, გიორგი ჯოლოგუამ ადამიანი დახრჩობას გადაარჩინა , - ინფორმაციას ამის შესახებ ინფორმაციას Dublin Live ავრცელებს.როგორც გამოცემა წერს, ერთ-ერთი დამსვენებელი პლაჟზე ზღვამ გაიტაცა, ის კი საქართველოს მოქალაქემ გადაარჩინა სიკვდილს.„რატომღაც კუნძულის ჩრდილო-დასავლეთით წავედი, მაშინ როცა ჩვეულებრივ აღმოსავლეთ მხარეს მივდივარ ხოლმე. ჩემი ნავის მარცხენა ბორტთან, დაახლოებით 300 მეტრში, რაღაც შავი დავინახე. მეგონა, ტივტივა ან სელაპი იყო. მაგრამ მერე მოძრაობა დაიწყო. თავი გმირად არ მიმაჩნია. ჩემს ადგილას თითოეული ადამიანი ასე მოიქცეოდა“, - ამბობს გიორგი ჯოლოგუა გამოცემასთან.Dublin Live წერს, რომ გიორგი ჯოლოგუა ირლანდიაში თავშესაფრის მაძიებელია და მას გმირობის სანაცვლოდ ირლანდიაში დარჩენის უფლება მიეცემა მის მეუღლესთან და ახალშობილ ქალიშვილთან ერთად.
საზოგადოება • 1784686554
აშშ-მა კანადური პროდუქციის ფართო სპექტრზე 50-პროცენტიანი ტარიფი დააწესა
თეთრი სახლის ინფორმაციით, აშშ-მა კანადური პროდუქციის ფართო სპექტრზე 50-პროცენტიანი ტარიფი დააწესა. მათივე ცნობით, ეს ნაბიჯი კანადის მიერ აშშ-ის ავტომობილების, ალკოჰოლისა და რძის პროდუქტების მიმართ „დისკრიმინაციული მოპყრობის“ საპასუხოდ ხდება.„პრეზიდენტი ტრამპი ზომებს იღებს, რათა კანადამ პასუხი აგოს აშშ-ის კომერციის მიმართ დისკრიმინაციის, არაგონივრული და არათანაბარი მოპყრობისთვის, რაც შრომისმოყვარე ამერიკელებს ტვირთად დააწვა და ისინი არახელსაყრელ მდგომარეობაში ჩააგდო“, – ნათქვამია განცხადებაში.თეთრი სახლის ცნობით, ტარიფები არაერთ პროდუქტს მოიცავს, რომელთა შორისაა ტექნიკა, ღვინო, ჰოკეის ჯოხები, ცემენტი და მრავალი სხვა. როგორც ცნობილია, ტარიფები 30 დღეში შევა ძალაში.აღსანიშნავია, რომ კანადაში მომხდარმა ტყის ხანძრებმა ოტავასა და ვაშინგტონს შორის დაძაბულობა გაზარდა. ტყის ხანძრით გამოწვეულმა კვამლმა, კანადის გარდა, აშშ-ის ქალაქები, მათ შორის ნიუ იორკი და ვაშინგტონი მოიცვა. დონალდ ტრამპმა ჟურნალისტებს განუცხადა, რომ კანადამ ონტარიოს ხანძრების კონტროლს უკეთ უნდა გაართვას თავი, წინააღმდეგ შემთხვევაში აშშ კანადურ საქონელზე ტარიფებს გაზრდის.
მსოფლიო • 1784617180
McDonald’s მსოფლიოში ყველაზე ძვირად ღირებული რესტორნების ქსელია - კომპანიის საბაზრო ღირებულება $195 მილიარდს აჭარბებს
საერთაშორისო რესტორნების ქსელებს შორის ყველაზე მაღალი საბაზრო კაპიტალიზაცია McDonald's-ს აქვს. კომპანია პირველ ადგილზეა Visual Capitalist-ის რეიტინგში, რომელიც CompaniesMarketCap-ის მონაცემებზე დაყრდნობით მომზადდა.რეიტინგის მიხედვით, McDonald’s-ის საბაზრო ღირებულება $195.1 მილიარდს შეადგენს. მეორე პოზიცია დაიკავა ამერიკულმა ქსელმა Chipotle Mexican Grill-მა, რომლის კაპიტალიზაცია $45.2 მილიარდია. მესამე ადგილზეა Yum! Brands — ჰოლდინგი, რომელიც ისეთ ბრენდებს აერთიანებს, როგორებიცაა KFC, Pizza Hut და Taco Bell. მისი საბაზრო ღირებულება $45.1 მილიარდად არის შეფასებული.აღსანიშნავია, რომ 2006 წლამდე McDonald’s Chipotle Mexican Grill-ის 90%-იან წილს ფლობდა.რეიტინგში სულ 20 საჯარო რესტორნების კომპანია მოხვდა, მათგან 11 ამერიკული წარმოშობისაა. სიაში ასევე არიან Darden Restaurants, Texas Roadhouse, Domino's Pizza და სწრაფად მზარდი CAVA Group, რომლის საბაზრო კაპიტალიზაციამ $8.4 მილიარდს მიაღწია.ამერიკის ფარგლებს გარეთ ყველაზე ძვირად ღირებული რესტორნების კომპანია კანადური Restaurant Brands International გახდა, რომელიც Burger King-ის, Popeyes-ისა და Tim Hortons-ის მფლობელია. კომპანია რეიტინგში მეოთხე ადგილზეა, $34.3 მილიარდის საბაზრო ღირებულებით.მეექვსე ადგილი დაიკავა ჩინურმა Yum China-მ, რომლის კაპიტალიზაცია $14.8 მილიარდია. კომპანია ჩინეთში KFC-ის, Pizza Hut-ისა და სხვა ბრენდების ოპერირებას მართავს და 2016 წელს Yum! Brands-ის ჩინური ბიზნესის ცალკე სტრუქტურად გამოყოფის შედეგად შეიქმნა.ათეულში ასევე მოხვდა იაპონური Zensho Holdings, რომლის საბაზრო ღირებულება $8.5 მილიარდია.McDonald’s, რომელიც რეიტინგის ლიდერია, 1940 წელს დაარსდა და დღეს მსოფლიოში 40 ათასზე მეტ რესტორანს აერთიანებს. ქსელი განსაკუთრებით ფართოდ არის წარმოდგენილი აშშ-ში, ჩინეთსა და იაპონიაში. სიაში ცალკე შევიდა ასევე McDonald’s-ის იაპონური ოპერაცია, რომლის ღირებულებაც $6.3 მილიარდად შეფასდა.მსოფლიოს ყველაზე ძვირად ღირებული რესტორნების კომპანიების ჩამონათვალში ასევე მოხვდნენ ჩინური Haidilao Hot Pot, იაპონური Food & Life Companies, ემირატული Americana Restaurants International, ფილიპინური Jollibee Foods Corporation და ამერიკული The Cheesecake Factory და Shake Shack.
ბიზნესი • 1784617105
„ეს რომ იცოდნენ, სიჩქარეს აღარ გადააჭარბებდნენ - სიჩქარის გაორმაგება სამუხრუჭე მანძილს ოთხჯერ ზრდის“ - ავტოექსპერტი
საქართველოში ავტოსაგზაო შემთხვევების შემცირებისთვის მხოლოდ სანქციების გამკაცრება საკმარისი არ არის.როგორც ავტოექსპერტი ზურა ბეჟაშვილი „ბიზნესპრესნიუსთან“ ამბობს, მთავარი პრობლემა საგზაო უსაფრთხოების შესახებ ცოდნის ნაკლებობაა.მისივე თქმით, როგორც მედიაში, ისე საჯარო და კერძო ორგანიზაციებში აუცილებელია საგანმანათლებლო კამპანიებისა და ლექციების ჩატარება, რათა მძღოლებმა გააცნობიერონ, რა შედეგი შეიძლება მოჰყვეს მოძრაობის წესების დარღვევას.როგორც ზურა ბეჟაშვილი აცხადებს, ქვეყანაში საგზაო უსაფრთხოების შესახებ ცნობიერების ამაღლება ერთ-ერთი მთავარი პრიორიტეტი უნდა გახდეს.„ნომერ პირველი, რაც უნდა გაკეთდეს, არის შემეცნებითი გადაცემები. არ არსებობს განვითარებული ქვეყანა, რომელმაც ეს ეტაპი არ გაიარა. დღეს ჩვენ გვჭირდება, რომ ყველა მედიასაშუალებით - ტელევიზიით, ჟურნალით, ინტერნეტითა თუ სოციალური ქსელებით - მუდმივად ხდებოდეს საგზაო უსაფრთხოების შესახებ ინფორმაციის გავრცელება.გარდა ამისა, აუცილებელია ლექციები ჩატარდეს ორგანიზაციებში, მედიაში, სახელმწიფო უწყებებში. ჩემი აზრით, წელიწადში ერთხელ ან ორჯერ მაინც უნდა ტარდებოდეს ასეთი შეხვედრები, რათა ადამიანებმა გაიგონ, რა არის საგზაო მოძრაობის უსაფრთხოების ნორმები.პრაქტიკულად არავინ იცის, რა შედეგები შეიძლება მოჰყვეს სიჩქარის გადაჭარბებას ან არასწორ მანევრს. სწორედ ამიტომ ხდება ამდენი ავტოსაგზაო შემთხვევა,“ - აცხადებს ზურა ბეჟაშვილი „ბიზნესპრესნიუსთან“.მისივე განმარტებით, მძღოლების უმეტესობამ არც ის იცის, რომ სიჩქარის გაზრდა ავტომობილის გაჩერებისთვის საჭირო მანძილს მნიშვნელოვნად ზრდის.„სიჩქარის გაორმაგება სამუხრუჭე მანძილის გაორმაგებას კი არ იწვევს, არამედ მის გაოთხმაგებას. მაგალითად, თუ 60 კმ/სთ სიჩქარით მოძრაობისას ავტომობილი დაახლოებით 15 მეტრში ჩერდება, 120 კმ/სთ სიჩქარის შემთხვევაში გაჩერებისთვის ოთხჯერ მეტი მანძილი სჭირდება.ეს რომ ადამიანებმა იცოდნენ და საკუთარი თვალით ენახათ ექსპერიმენტი, სიჩქარეს აღარ გადააჭარბებდნენ,“ - ამბობს ავტოექსპერტი.ზურა ბეჟაშვილი კიდევ ერთ პრობლემად წვიმის დროს განათების გამოუყენებლობას ასახელებს და მიიჩნევს, რომ ამ მიმართულებით რეგულაციებიც უნდა გამკაცრდეს.„წვიმის დროს, როდესაც ხილვადობა იზღუდება, ახლო მაშუქების ჩართვა აუცილებლად უნდა იყოს სავალდებულო. თუ ძლიერი წვიმაა, მძღოლმა აუცილებლად უნდა გამოიყენოს ახლო მაშუქები, რადგან ასეთ დროს არც თვითონ ხედავს კარგად და არც სხვა მძღოლები ხედავენ მას. ეს მნიშვნელოვნად ამცირებს ავტოსაგზაო შემთხვევების რისკს.ზოგიერთ ავტომობილს ეს სისტემა ქარხნულად აქვს, თუმცა ვიცი შემთხვევები, როდესაც მძღოლები მას სპეციალურად თიშავენ. ეს უსაფრთხოებისთვის შექმნილი სისტემაა და მისი გათიშვა არასწორია,“ - აცხადებს ზურა ბეჟაშვილი.მისი შეფასებით, საგზაო უსაფრთხოების გაუმჯობესებაზე ერთდროულად უნდა მუშაობდნენ ავტოინჟინრები, ექსპერტები, ნარკოლოგები და იურისტები, ხოლო ნასვამ მდგომარეობაში ავტომობილის მართვაზე პასუხისმგებლობა კიდევ უფრო უნდა გამკაცრდეს.„ვფიქრობ, ნასვამ მდგომარეობაში ავტომობილის მართვაზე სასჯელი კიდევ უფრო მკაცრი უნდა იყოს,“ - აღნიშნა ზურა ბეჟაშვილმა „ბიზნესპრესნიუსთან“.BPN
საზოგადოება • 1784616960
მსოფლიო
სხვადასხვა
1784523504
როგორი ამინდია მოსალოდნელი დღეს საქართველოში20 ივლისს ქუთაისში მზიანი დღე იქნება, დღისით +31 და ღამით +19 გრადუსი დაფიქსირდება. მზიანი დღე იქნება ოზურგეთშიც. დღისით +32 გრადუსი დაფიქსირდება, ღამით კი +20 გრადუსი იქნება.ბათუმშიც მზეა მოსალოდნელი, დღისით ჰაერი +30 გრადუსამდე გათბება, ხოლო ღამით +20 გრადუსი დაფიქსირდება.უნალექო ამინდია ფოთში. დღისით +30 გრადუსი დაფიქსირდება, ღამით კი +21 გრადუსია მოსალოდნელი. ზუგდიდში დღე უნალექოდ ჩაივლის, ჰაერის ტემპერატურა დღისით +30, ღამით კი +18 გრადუსი იქნება.სოხუმშიც მზეა, +28 გრადუსია მოსალოდნელი დღისით, ღამით +19 გრადუსი დაფიქსირდება.მესტიაშიც მზეა, დღისით +28 გრადუსი იქნება, ღამით კი +12 გრადუსი დაფიქსირდება. ამბროლაურში მზეს ელოდებიან. ჰაერი +29 გრადუსამდე გათბება, ღამით კი +16 გრადუსი დაფიქსირდება.ჭიათურაშიც მზიანი დღეა, დღისით +30 გრადუსი, ღამით კი +16 გრადუსი დაფიქსირდება.ახალციხეშიც მზიანი დღეა, დღისით +28 გრადუსი, ღამით კი +13 გრადუსი იქნება.ბორჯომშიც მზეა მოსალოდნელი, +29 იქნება დღისით, ღამით კი +15 გრადუსი დაფიქსირდება.უნალექო დღეა მოსალოდნელი ბაკურიანში, დღისით +23 გრადუსია მოსალოდნელი, ღამით +9 გრადუსი დაფიქსირდება.მზიან ამინდს გვპირდებიან სინოპტიკოსები გორშიც, დღისით +32 გრადუსი, ღამის განმავლობაში კი +16 გრადუსი დაფიქსირდება. ცხინვალშიც მზეა მოსალოდნელი, ჰაერის ტემპერატურა +31 გრადუსი იქნება, ღამით კი +15 გრადუსი დაფიქსირდება.გუდაურში წვიმიანი ამინდია მოსალოდნელი, დღის განმავლობაში +16 გრადუსი დაფიქსირდება, ღამით კი ჰაერის ტემპერატურა +8 გრადუსი იქნება.ომალოში ნალექიან ამინდს ელოდებიან. დღისით +20 ღამით კი +10 გრადუსი დაფიქსირდება.ლაგოდეხში ხანმოკლე წვიმას ვარაუდობენ, ჰაერის ტემპერატურა დღის განმავლობაში +31 გრადუსი იქნება, ღამით კი +18 გრადუსი დაფიქსირდება.ანალოგიური ამინდი იქნება დღეს თელავში, სადაც დღისით +30 გრადუსი დაფიქსირდება, ღამით კი +19 გრადუსია ნავარაუდევი.ნალექიანი დღე იქნება გურჯაანშიც, დღისით +30 გრადუსი, ღამით კი +19 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +29 გრადუსია მოსალოდნელი, ღამით +17 გრადუსი დაფიქსირდება.რუსთავში მზიანი დღეა მოსალოდნელი. დღისით +31 გრადუსია მოსალოდნელი, ღამით კი +21 გრადუსი დაფიქსირდება.თბილისში მოსალოდნელია ხანმოკლე წვიმა. ჰაერის ტემპერატურა დღისით +31 გრადუსს მიაღწევს, ღამით კი +20 გრადუსი იქნება.
1783920569
როგორი ამინდია მოსალოდნელი 13 ივლისს საქართველოში13 ივლისს ქუთაისში მზიანი ამინდი იქნება, დღისით +32 და ღამით +21 გრადუსი დაფიქსირდება. მზიანი დღე იქნება ოზურგეთში. დღისით +31 გრადუსი დაფიქსირდება, ღამით კი +21 გრადუსი იქნება.ბათუმშიც მზეა მოსალოდნელი, დღისით ჰაერი +31 გრადუსამდე გათბება, ხოლო ღამით +22 გრადუსი დაფიქსირდება.უნალექო დღეა ფოთში. დღისით +30 გრადუსი დაფიქსირდება, ღამით კი +23 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +32, ღამით კი +21 გრადუსი იქნება.სოხუმში მზიანი ამინდია მოსალოდნელი, +30 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში ხანმოკლე წვიმას პროგნოზირებენ. დღისით +29 გრადუსი იქნება, ღამით კი +11 გრადუსი დაფიქსირდება. ამბროლაურშიც მზიან დღეს ელოდებიან. ჰაერი +30 გრადუსამდე გათბება, ღამით კი +19 გრადუსი დაფიქსირდება.ჭიათურაში წვიმიანი დღეა, დღისით +29 გრადუსი, ღამით კი +17 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +18 გრადუსი იქნება.ახალქალაქში დღისით +27 გრადუსი, ღამით კი +12 იქნება.ბორჯომშიც ნალექია მოსალოდნელი, +30 იქნება დღისით, ღამით კი +18 გრადუსი დაფიქსირდება.წვიმაა მოსალოდნელი ბაკურიანში, დღისით +24 გრადუსია მოსალოდნელი, ღამით 12 გრადუსი დაფიქსირდება.მზიან დღეს ელოდებიან გორში, დღისით +31 გრადუსი, ღამის განმავლობაში კი +18 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +30 გრადუსი იქნება, ღამით კი +19 გრადუსი დაფიქსირდება.გუდაურში მზიანი დღეა მოსალოდნელი, დღის განმავლობაში +19 გრადუსი დაფიქსირდება, ღამით კი ჰაერის ტემპერატურა +10 გრადუსი იქნება.ომალოში დღისით +22 ღამით კი +13 გრადუსი დაფიქსირდება.ლაგოდეხში ჰაერის ტემპერატურა დღის განმავლობაში +34 გრადუსი იქნება, ღამით კი +23 გრადუსი დაფიქსირდება. დღე უნალექოდ ჩაივლის.თელავში მზიანი ამინდია ნავარაუდევი. დღისით +33 გრადუსი დაფიქსირდება, ღამით კი +20 გრადუსი იქნება.მზიანი დღეა გურჯაანში, დღისით +33 გრადუსი, ღამით კი +23 გრადუსი დაფიქსირდება. სიღნაღში უნალექო დღე იქნება, დღისით +33 გრადუსია მოსალოდნელი, ღამით +23 გრადუსი დაფიქსირდება.რუსთავში მზიანი დღეა. დღისით +34 გრადუსია მოსალოდნელი, ღამით კი +23 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +34 გრადუსს მიაღწევს, ღამით კი +22 გრადუსი იქნება.
1783661686
როგორი ამინდია მოსალოდნელი 10 ივლისს საქართველოშიბათუმშიც ხანმოკლე წვიმაა მოსალოდნელი, დღისით ჰაერი +32 გრადუსამდე გათბება, ხოლო ღამით +22 გრადუსი დაფიქსირდება.წვიმაა მოსალოდნელი ფოთში. დღისით +30 გრადუსი დაფიქსირდება, ღამით კი +25 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +31, ღამით კი +21 გრადუსი იქნება.სოხუმში მზეა მოსალოდნელი, +33 გრადუსია მოსალოდნელი დღისით, ღამით +21 გრადუსი დაფიქსირდება.მესტიაში წვიმიანი დღეა, დღისით +26 გრადუსი იქნება, ღამით კი +12 გრადუსი დაფიქსირდება. ამბროლაურში მზიან დღეს ელოდებიან. ჰაერი +29 გრადუსამდე გათბება, ღამით კი +18 გრადუსი დაფიქსირდება.ჭიათურაში წვიმიანი დღეა, დღისით +32 გრადუსი, ღამით კი +18 გრადუსი დაფიქსირდება.ახალციხეში მცირე ნალექია მოსალოდნელი, დღისით +32 გრადუსი, ღამით კი +17 გრადუსი იქნება.ახალქალაქში მზეა, დღისით +26 გრადუსი, ღამით კი +13 იქნება. წვიმა იქნება ახალქალაქშიც, დღისით +29 გრადუსი, ღამით კი +13 გრადუსია მოსალოდნელი.ბორჯომშიც ნალექია მოსალოდნელი, +32 იქნება დღისით, ღამით კი +18 გრადუსი დაფიქსირდება.წვიმაა მოსალოდნელი ბაკურიანში, დღისით +25 გრადუსია მოსალოდნელი, ღამით +11 გრადუსი დაფიქსირდება.მზიან დღეს ელოდებიან გორში, დღისით +33 გრადუსი, ღამის განმავლობაში კი +19 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +32 გრადუსი იქნება, ღამით კი +18 გრადუსი დაფიქსირდება.გუდაურში მზეა მოსალოდნელი, დღის განმავლობაში +24 გრადუსი დაფიქსირდება, ღამით კი ჰაერის ტემპერატურა +9 გრადუსი იქნება.ომალოშიც უნლექო დღეა. დღისით +25 ღამით კი +11 გრადუსი დაფიქსირდება.ლაგოდეხში მზე იქნება, ჰაერის ტემპერატურა დღის განმავლობაში +34 გრადუსი იქნება, ღამით კი +22 გრადუსი დაფიქსირდება.თელავში მზეა ნავარაუდევი. დღისით +33 გრადუსი დაფიქსირდება, ღამით კი +20 გრადუსი იქნება.მზიანი დღეა გურჯაანში, დღისით +33 გრადუსი, ღამით კი +21 გრადუსი დაფიქსირდება.სიღნაღში შესაძლოა იწვიმოს, დღისით +30 გრადუსია მოსალოდნელი, ღამით +20 გრადუსი დაფიქსირდება.რუსთავში მზიანი დღეა. დღისით +34 გრადუსია მოსალოდნელი, ღამით კი +22 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +33 გრადუსს მიაღწევს, ღამით კი +21 გრადუსი იქნება.
1783572909
როგორი ამინდია მოსალოდნელი 9 ივლისს საქართველოში9 ივლისს ქუთაისში მზიანი ამინდი იქნება, დღისით +32 და ღამით +21 გრადუსი დაფიქსირდება. მზიანი დღე იქნება ოზურგეთში. დღისით +31 გრადუსი დაფიქსირდება, ღამით კი +20 გრადუსი იქნება.ბათუმშიც მზეა მოსალოდნელი, დღისით ჰაერი +30 გრადუსამდე გათბება, ხოლო ღამით +21 გრადუსი დაფიქსირდება.უნალექო დღეა ფოთში. დღისით +30 გრადუსი დაფიქსირდება, ღამით კი +23 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +31, ღამით კი +20 გრადუსი იქნება.სოხუმში მცირე წვიმაა მოსალოდნელი, +28 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში მზიანი დღეა, დღისით +26 გრადუსი იქნება, ღამით კი +11 გრადუსი დაფიქსირდება. ამბროლაურშიც მზიან დღეს ელოდებიან. ჰაერი +29 გრადუსამდე გათბება, ღამით კი +15 გრადუსი დაფიქსირდება.ჭიათურაშიც უნალექო დღეა, დღისით +28 გრადუსი, ღამით კი +17 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +14 გრადუსი იქნება.ახალქალაქში მზეა, დღისით +31 გრადუსი, ღამით კი +13 იქნება. წვიმა იქნება ახალქალაქშიც, დღისით +29 გრადუსი, ღამით კი +13 გრადუსია მოსალოდნელი.ბორჯომშიც ნალექია მოსალოდნელი, +30 იქნება დღისით, ღამით კი +16 გრადუსი დაფიქსირდება.წვიმაა მოსალოდნელი ბაკურიანში, დღისით +22 გრადუსია მოსალოდნელი, ღამით +8 გრადუსი დაფიქსირდება.მზიან დღეს ელოდებიან გორში, დღისით +30 გრადუსი, ღამის განმავლობაში კი +17 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +29 გრადუსი იქნება, ღამით კი +16 გრადუსი დაფიქსირდება.გუდაურში წვიმაა მოსალოდნელი, დღის განმავლობაში +17 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოში იწვიმებს. დღისით +19 ღამით კი +8 გრადუსი დაფიქსირდება.ლაგოდეხში ხანმოკლე წვიმა იქნება, ჰაერის ტემპერატურა დღის განმავლობაში +32 გრადუსი იქნება, ღამით კი +21 გრადუსი დაფიქსირდება.თელავშიც მცირე ნალექია ნავარაუდევი. დღისით +31 გრადუსი დაფიქსირდება, ღამით კი +19 გრადუსი იქნება.მზიანი დღეა გურჯაანში, დღისით +31 გრადუსი, ღამით კი +20 გრადუსი დაფიქსირდება. სიღნაღში უნალექო დღე იქნება, დღისით +31 გრადუსია მოსალოდნელი, ღამით +21 გრადუსი დაფიქსირდება.რუსთავში მზიანი დღეა. დღისით +31 გრადუსია მოსალოდნელი, ღამით კი +21 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +31 გრადუსს მიაღწევს, ღამით კი +21 გრადუსი იქნება.
1783489100
როგორი ამინდია მოსალოდნელი 8 ივლისს საქართველოში8 ივლისს ქუთაისში წვიმის ალბათობა დიდი იქნება, დღისით +28 და ღამით +18 გრადუსი დაფიქსირდება. იწვიმებს ოზურგეთში. დღისით +29 გრადუსი დაფიქსირდება, ღამით კი +19 გრადუსი იქნება.ბათუმშიც წვიმაა მოსალოდნელი, დღისით ჰაერი +28 გრადუსამდე გათბება, ხოლო ღამით +19 გრადუსი დაფიქსირდება.ფოთში წვიმიანი დღეა მოსალოდნელი. დღისით +27 გრადუსი დაფიქსირდება, ღამით კი +21 გრადუსია მოსალოდნელი. ზუგდიდში წვიმიანი ამინდია, ჰაერის ტემპერატურა დღისით +27, ღამით კი +18 გრადუსი იქნება.სოხუმშიც ნალექიანი დღეა, +27 გრადუსია მოსალოდნელი დღისით, ღამით +18 გრადუსი დაფიქსირდება.მესტიაშიც წვიმიანი დღეა, დღისით +21 გრადუსი იქნება, ღამით კი +6 გრადუსი დაფიქსირდება. ამბროლაურშიც წვიმიან დღეს ელოდებიან. ჰაერი +25 გრადუსამდე გათბება, ღამით კი +17 გრადუსი დაფიქსირდება.ჭიათურაშიც ნალექიანი დღეა, დღისით +27 გრადუსი, ღამით კი +18 გრადუსი დაფიქსირდება.ახალციხეშიც იწვიმებს, დღისით +26 გრადუსი, ღამით კი +14 გრადუსი იქნება.ახალქალაქშიც ნალექიანი ამინდია მოსალოდნელი, დღისით +26 გრადუსი, ღამით კი +13 იქნება.ბორჯომშიც წვიმაა მოსალოდნელი, +25 იქნება დღისით, ღამით კი +15 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +20 გრადუსია მოსალოდნელი, ღამით +9 გრადუსი დაფიქსირდება.წვიმიან დღეს ელოდებიან გორშიც, დღისით +29 გრადუსი, ღამის განმავლობაში კი +18 გრადუსი დაფიქსირდება.ცხინვალშიც ნალექიანი ამინდია მოსალოდნელი, ჰაერის ტემპერატურა +28 გრადუსი იქნება, ღამით კი +16 გრადუსი დაფიქსირდება.გუდაურში წვიმაა მოსალოდნელი, დღის განმავლობაში +16 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოშიც ნალექიანი დღე იქნება. დღისით +19 ღამით კი +8 გრადუსი დაფიქსირდება.ლაგოდეხში წვიმა იქნება, ჰაერის ტემპერატურა დღის განმავლობაში +27 გრადუსი იქნება, ღამით კი +19 გრადუსი დაფიქსირდება.იწვიმებს თელავშიც. დღისით +26 გრადუსი დაფიქსირდება, ღამით კი +16 გრადუსია ნავარაუდევი.იწვიმებს გურჯაანშიც, დღისით +27 გრადუსი, ღამით კი +19 გრადუსი დაფიქსირდება. სიღნაღში ნალექიანი დღე იქნება, დღისით +26 გრადუსია მოსალოდნელი, ღამით +17 გრადუსი დაფიქსირდება.რუსთავში იწვიმებს. დღისით +29 გრადუსია მოსალოდნელი, ღამით კი +19 გრადუსი დაფიქსირდება.თბილისშიც იწვიმებს. ჰაერის ტემპერატურა დღისით +28 გრადუსს მიაღწევს, ღამით კი +18 გრადუსი იქნება.
