„შუახევი ჰესის“ მფლობელი კომპანიის, „აჭარისწყალი ჯორჯიას“ სამეთვალყურეო საბჭოს დირექტორებად ასბიორნ გრუნდტი და ტრონ ენგბრეტსენი წარადგინეს.ასბიორნ გრუნდტს აქვს საერთაშორისო ჰიდროენერგეტიკულ სექტორში მუშაობის მრავალწლიანი გამოცდილება. ის იყო ევროპის ქარისა და მზის ბაზრის ოპერატორი (EVP), IT და მუშაობდა საერთაშორისო ჰიდროენერგეტიკის საკითხებზე Statkraft-ში. ის ასევე მუშაობდა ექვსი წლის განმავლობაში Norsk Hydro-ს ელექტროენერგიის ბაზრის ოპერაციებზე. ასბიორნ გრუნდტი ასევე იყო SN Power-ის დირექტორთა საბჭოს თავმჯდომარე.დღეს ასბორნ გრუნდტი მუშაობს Statkraft-ში ვიცე-პრეზიდენტის პოზიციაზე და  ხელმძღვანელობს ერთეულს „მფლობელობა“ – Business Area Production-ში, რომელიც აკონტროლებს Statkraft-ის საკუთრების ინტერესებს ჰიდროენერგეტიკულ სექტორში. ის ამავდროულად არის Agder Energi-ს, Eviny-სა და Skagerak Energi-ის არააღმასრულებელი საბჭოს წევრი.რაც შეეხება სამჭოს კიდევ ერთ ახალ წევრს, ტრონ ენგბრეტსენს, მას აქვს საუკეთესო საერთაშორისო გამოცდილება ენერგეტიკის სფეროში. ის იკავებდა SN Power-ის აღმასრულებელი ვიცე-პრეზიდენტის პოზიციას, იყო სამხრეთ ნორვეგიის რეგიონალური დირექტორი, ენერგიის გენერაციის დირექტორი და Statkraft-ის საერთაშორისო ვიცე-პრეზიდენტი. მუშაობდა ფილიპინებში, ინდოეთში, ბრაზილიაში, პერუში, ჩილეში, თურქეთსა და ალბანეთში. მისი პასუხისმგებლობის ქვეშ განხორციელდა Moglice HPP-ის მშნებლობა.ტრონ ენგბრეტსენი იყო Finnmark Energi AS-ის სამეთვალყურეო საბჭოს წევრი და თავმჯდომარე, Trondheim Energi AS, KVO, Oslo Energi-ს სამეთვალყურეო საბჭოების წევრი. ის დღემდე არის TEJV-ის სამეთვალყურეო საბჭოს წევრი ჩილეში.

ლიბერთის აქციებზე მსხვილი გარიგება დაიდო. საფონდო ბირჟაზე ბანკის 178.2 მლნ აქცია გასხვისდა, თითო 0.017 ლარად. შესაბამისად, გარიგების ღირებულება 3.029 მლნ ლარია.ლიბერთის 29 მილიარდი აქცია აქვს გამოშვებული. საწესდებო კაპიტალი 290 მლნ ლარია. გასხვისებული პაკეტის წილი ემისიაში 0.61%-ს უდრის.9 თვის მონაცემებით, ლიბერთის 91.985% Georgian Financial Group -ს ეკუთვნის. ბანკის 3 მთავარი ბენეფიციარი აქციონერი ირაკლი რუხაძე, ბენჯამინ მარსონი და იგორ ალექსეევი არიან.

დღეს, ლიბერთი ბანკსა და სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს შორის მორიგი მემორანდუმი გაფორმდა.ლიბერთი კვლავ რჩება ზრუნვის სააგენტოს გამორჩეულ პარტნიორად და აგრძელებს სოციალური პასუხისმგებლობის პროგრამის ფარგლებში, წლების წინ დაწყებულ საქმეს - ქვეყნის მასშტაბით არსებული, მცირე საოჯახო ტიპის სახლებისა და მიუსაფარ ბავშვთა სადღეღამისო თავშესაფრების კომუნალური ხარჯების სრულ ანაზღაურებას მთელი წლის განმავლობაში.ლიბერთი სახელმწიფო ზრუნვაში მყოფი მცირე საოჯახო ტიპის 46 სახლისა და მიუსაფარ ბავშვთა სადღეღამისო 6 თავშესაფრის მიერ მოხმარებული ელექტროენერგიისა და ბუნებრივი აირის საფასურს სრულად აფინანსებს, რაც მთელი წლის განმავლობაში საკმაოდ სოლიდურ თანხას შეადგენს.2021 წლის დეკემბრის მდგომარეობით, მცირე საოჯახო ტიპის სახლებში სახელმწიფო ზრუნვაში მყოფი 298 ბავშვი ცხოვრობს, მათ შორის 70 შშმ ბავშვი. ბოლო მონაცემებით, მიუსაფარ ბავშვთა თავშესაფრით უზრუნველყოფის ქვეპროგრამის ფარგლებში თბილისის, რუსთავის, ქუთაისისა და ბათუმის დღის ცენტრის და სადღეღამისო თავშესაფრის მომსახურებით ისარგებლა 261 ბენეფიციარმა. აქედან დღის ცენტრით - 171, სადღეღამისო თავშესაფრით - 90 პირმა.„ჩვენი გუნდი,  ახლა უკვე  „ახალი ლიბერთი ახალი ცხოვრებისთვის“ სტრატეგიის და სოციალური პასუხისმგებლობის პროგრამის ფარგლებში, განაგრძობს ადამიანებზე ზრუნვას.ნებისმიერი სახის თანადგომა ყველა ადამიანისთვის მნიშვნელოვანია და განსაკუთრებით იმ ბავშვებისა და უფროსი ასაკის ადამიანებისთვის, ვისაც ეს ყველაზე მეტად სჭირდება.ლიბერთის ახალი გუნდის მიზანია, გავაუმჯობესოთ და უკეთესობისკენ შევცვალოთ ადამიანების ცხოვრება. მოხარული ვართ, რომ გვაქვს შესაძლებლობა ხელი შევუწყოთ საოჯახო სახლებსა და თავშესაფრებში მცხოვრები ადამიანებისთვის შესაფერისი პირობების შექმნას,“ - განაცხადა ლიბერთის გენერალური დირექტორის მოადგილემ, თეა ლეშკაშელმა.„ამ მასშტაბის კერძო სექტორის მხრიდან სახელმწიფო უწყების მხარდაჭერა და გვერდში დგომა უპრეცედენტოა, მით უფრო როცა ზრუნვის სააგენტოსთან პარტნიორული თანამშრომლობა წლების განმავლობაში უწყვეტად გრძელდება. სახელმწიფო ზრუნვაში მყოფი ბავშვების საცხოვრებელი საოჯახო ტიპის სახლებისა და თავშესაფრების ელექტროენერგიით და ბუნებრივი აირით უზრუნველყოფასა და კომუნალური ხარჯების ანაზღაურებას სრულად ფარავს ლიბერთი ბანკი.ლიბერთიმ დაამტკიცა, რომ აქტიურად მონაწილეობს საზოგადოების განვითარებაში, არის მხარდაჭერის ინიციატორი და მაღალი სოციალური პასუხისმგებლობის კომპანია, რისთვისაც ჩვენ კიდევ ერთხელ მადლობას გადავუხდით”,- აღნიშნა სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორმა, მერი მაღლაფერიძემ.

2021 წელს მთელი ქვეყნის მასშტაბით კოვიდ სასტუმროების პროექტში 260-მდე სასტუმრო იყო ჩართული. ტურიზმის ეროვნული ადმინისტრაციის ინფორმაციით, საკარანტინე და კოვიდ სასტუმროების პროექტის შედეგად, პანდემიის დროს, დასაქმდა და სამსახური შეინარჩუნა 4 000-ზე მეტმა ადამიანმა."Covid-19 პანდემიის შედეგად მიყენებული ზარალის დასაბალანსებლად და ტურიზმის სექტორის სწრაფად და უსაფრთხოდ აღდგენის მიზნით, ტურიზმის ეროვნული ადმინისტრაცია 2020 წლის მარტიდან ჩართულია საკარანტინო სივრცეების მართვის პროცესში. პროცესი მოიცავს საკარანტინე, კოვიდ და ცხელების სასტუმროების მობილიზებას და მათ მართვას ქვეყნის მასშტაბით. 2020 წლის მარტიდან დღემდე კარანტინისა და კოვიდ სასტუმროების პროექტის ფარგლებში მომსახურება მიიღო დაახლოებით 186 ათასმა ადამიანმა.ტურიზმის ეროვნული ადმინიტსრაცია ახორციელებს ყველა სასაზღვრო პუნქტიდან (აეროპორტები, პორტები, სასაზღვრო გამშვები პუნქტები) მგზავრების გადაყვანას საკარანტინე სივრცეებში. ასევე ხდება მოქალაქეების ტრასნპორტირება, როგორც კლინიკიდან - კოვიდ სასტუმროში, ასევე პირიქით - კოვიდ სასტუმროდან - კლინიკაში," - აცხადებენ უწყებაში.მათივე ინფორმაციით, ადმინისტრაციამ კერძო სექტორის მხარდასაჭერად საგანგებოდ შეიმუშავა ადაპტირებული რეგულაციები :ბიზნესის წარმომადგენლებთან, ჯანდაცვის სამინისტროსა და ბიზნეს ომბუდსმენთან მჭიდრო თანამშრომლობითა და აქტიური კომუნიკაციით, განთავსების ობიექტების, გიდების, ტურისტული ტრანსპორტისა და საზოგადოებრივი კვების ობიექტებისათვის შემუშავდა რეკომენდაციები.Covid-19 ადაპტირებული რეგულაციების სწრაფად დანერგვის ხელშეწყობის მიზნით მასშტაბური გადამზადების პროგრამის ფარგლებში, გადამზადდა ტურიზმის ინდუსტრიის 1,280 წარმომადგენელი.აღსანიშნავია, რომ  საქართველო მსოფლიოში ერთ-ერთი პირველი ქვეყანაა, სადაც კარანტინისა და კოვიდსასტუმროების სისტემა დაინერგა. 

Georgia Capital-მა სტრატეგიული ინვესტორი მოიზიდა. საინვესტიციო კომპანიის ჰოლდინგში შემავალ Georgia Global Utilities-ის (რომელიც მართავს წყლის, წყალარინების და ენერგეტიკულ აქტივებს) პარტნიორი მსოფლიოში წამყვანი ესპანური კომპანია "აქვალია" (Aqualia) გახდა.Aqualia ლიდერია ესპანეთში წყლის მომარაგების მენეჯმენტში, მომხმარებელთა რაოდენობის მხრივ კი ევროპაში სიდიდით მეოთხე, მსოფლიოს მასშტაბით კი სიდიდით მეცხრე ყველაზე მსხვილი წყალმომარაგების კომპანიაა.„მოხარული ვარ, განვაცხადო, ჩვენი ქვეყნისთვის სტრატეგიულად მნიშვნელოვანი პარტნიორის და ინვესტორის შემოსვლის შესახებ. ქვეყანაში კარგი საინვესტიციო გარემოს, „სემეკის“ მაღალი პროფესიონალიზმისა და ევროპული რეგულაციების დანერგვა, მნიშვნელოვანი ფაქტორი იყო ასეთი მაღალი რანგის, სტრატეგიული ინვესტორის შემოყვანის მხრივ საქართველოში.ჩვენთვის მნიშვნელოვანია სწორედ ისეთი ინვესტიციების მოზიდვა და საერთშორისო სტრატეგიული პარტნიორობა, რომელიც ორიენტირებულია კონკრეტული დარგების განვითარებაზე. ვფიქრობთ, კომპანია „აქუალიას“ შემოსვლა გააძლიერებს წყალმომარაგების სისტემას როგორც მომხმარებლის ასევე თანამშრომლის, და სხვა დაინტერესებული მხარეების სასარგებლოდ,“ -  განაცხადა საქართველოს კაპიტალის გენერალურმა დირექტორმა, ირაკლი გილაურმა.“კომპანია “აქუალიას” ინტერესი საქართველოსა და თბილისის წყალმომარაგების სისტემის მიმართ დიდი ხანია აქვს და დღემდე დიდი ინტერესით ვაკვირდებოდით ამ დარგისა და მისი სისტემის აქტივების განვითარებას. უნდა აღინიშნოს, რომ პარტნიორობის დაწყების გადაწყვეტილების მიღებაში ჩვენ ძალიან დაგვეხმარა საქართველოში არსებული კარგი საინვესტიციო გარემო და დანერგილი ევროპული სტანდარტების რეგულაციები.“აქუალიას” და საქართველოს კაპიტალის გუნდები თვეების განმავლობაში მუშაობდნენ შეთანხმების დოკუმენტზე, რომელიც გამოხატავს ორივე მხარის ხედვას და ღირებულებებს. ჩვენი ლოკალური პარტნიორის გუნდის მაღალი პროფესიონალიზმი და ქვეყანაში არსებული გარემოს ზედმიწევნით ცოდნა „აქუალიას“ ტექნოლოგიურ ბაზასა და მრავალწლიან გამოცდილებასთან ერთად, წყალმომარაგების სერვისის მიწოდების უმაღლესი ხარისხის სტანდარტს უზრუნველყოფს, რაც შესაბამისად ჩვენი კომპანიების თანამშრომლობის წარმატების გარანტიაა,” - განაცხადა FCC „აქუალიას“ აღმასრულებელმა დირექტორმა, ფელიქს პარამ.Aqualia წყალმომარაგების სერვისების მართვით (შეგროვება, გაწმენდა, კანალიზაცია, ჩამდინარე წყლების დამუშავება და ხელახალი გამოყენება), უზრუნველყოფს 1100-ზე მეტ მუნიციპალიტეტს და 30 მილიონზე მეტ მოსახლეს მსოფლიოს სხვადასხვა ქვეყნებში, მათ შორის ესპანეთში, საფრანგეთში, პორტუგალიაში, იტალიაში, ჩეხეთის რესპუბლიკაში, კოლუმბიაში, მექსიკასა და საუდის არაბეთში.

Fitch Ratings-მა "სილქნეტის" გამოსაშვებ $300 მლნ-ის სუბორდინირებულ ობლიგაციებს მოსალოდნელი B(EXP) რეიტინგი მიანიჭა. Ficth აღნიშნავს, რომ შესაძლებელია აღდგენის რეიტინგი RR4-მდე გაიზარდოს.კომპანია ობლიგაციების გამოშვებიდან მიღებული თანხით $200 მლნ-ის ევრობონდების და ლარში დენომინირებული ბონდების რეფინანსირებაზე, აქციონერთა წილების დაფინანსებასა და ზოგადი კორპორაციული მიზნების განხორციელებაზე მიმართავს. "სილქნეტს" ასევე მიეცემა საშუალება დაფაროს ახალი ობლიგაციების ნაწილი მისი გამოშვებიდან მოკლევადიან პერიოდში."ველით, რომ დაგეგმილი ტრანზაქციების შემდეგ სილქნეტის რეიტინგი დარჩება B დონეზე", - აღნიშნავს სარეიტინგო კომპანია.Fitch ასევე პროგნოზირებს, რომ სილქნეტისთვის მობილური ქსელებიდან მიღებული შემოსავლები გაიზრდება ერთნიშნა პროცენტით 2022-2024 წლებში. ამის მიზეზი კი ისაა, რომ თანდათან იზრდება ქსელის მოდერნიზება და მობილურ ინტერნეტზე წვდომა.

ბიზნესის დაწყებისთანავე ერთ-ერთი ყველაზე მნიშვნელოვანი საკითხი მომხმარებელთან მუდმივი კომუნიკაციაა. ეს კი ხარჯებთანაა დაკავშირებული და სტარტაპმა ზუსტად უნდა განსაზღვროს ციფრულ სამყაროში რეკლამის გაშვებისას, რა სარგებელი დაუბრუნდება მას.სტარტაპ ნაკრების, VISA ბარათით გადახდისას Facebook რეკლამაზე დახარჯული თანხის 10%-ის დაბრუნებას შეძლებენ სტარტაპერები ყოველი თვის ბოლოს, ქეშბექის სახით."ამ შეთავაზების ფარგლებში, ბიზნესები შეძლებენ, დაიბრუნონ იმ თანხის 10 პროცენტი, რომლითაც ფეისბუქზე რეკლამას შეიძენენ. ეს ინიციატივა სტარტაპერისა და VISA-ის თანამშრომლობით ხორციელდება, შესაბამისად, ჩვენი მიზანი ახალი ბიზნესების მხარდაჭერაა", - ამბობს თიბისის ბიზნესის მხარდაჭერის გუნდის წევრი, სოფო კახიძე,ახალი ბიზნესების მხარდაჭერის მიზნით შეიქმნა სტარტაპ ნაკრებიც, რომელიც მათ როგორც ფინანსურ, ისე არასაბანკო მომსახურებას ხელსაყრელი პირობებით სთავაზობს. ბიზნესისთვის ყველა საჭირო საბანკო პროდუქტი თიბისიმ ერთ ნაკრებში გააერთიანა 5 ლარის სანაცვლოდ.ამ მიმართულებით ქართული ბიზნესების მხარდაჭერა მნიშვნელოვანია VISA-სთვისაც, რომელიც უკვე წლებია, თიბისის პარტნიორია.„VISA ქართული ბიზნესის ერთგული მხარდამჭერია. ბიზნეს ეკოსისტემის განვითარების მიზნით, ჩვენი ეგიდით არაერთი პროექტი თუ კამპანია ხორციელდება. ჩვენთვის, ერთ-ერთი პრიორიტეტული მიმართულებაა მცირე და საშუალო ბიზნესების გაძლიერება, მათთვის VISA-ს რესურსების, ინოვაციური პროდუქტებისა თუ ტექნოლოგიების შეთავაზების გზით. ჩვენი და თიბისის შეთავაზება განსაკუთრებულია, რაც გულისხმობს ანტრეპრენერების სხვადასხვა მიმართულებით მხარდაჭერას, კერძოდ — ბიზნესის გაციფრულებაში, კლიენტების მოზიდვასა და პროდუქტის პოპულარიზაციაში", - აღნიშნავს VISA-ს რეგიონული მენეჯერი კავკასიის რეგიონში, დიანა კიღურაძე.ციფრულ ეპოქაში რეკლამისა და პოპულარიზაციის ყველაზე ეფექტური პლატფორმა სწორედ სოციალური მედიაა. ამ გზას კიდევ უფრო ეფექტურს და მომგებიანს ხდის ქეშბექის აქცია, რომელიც ნებისმიერი მომხმარებლისთვის ერთ-ერთი ყველაზე საყვარელი შეთავაზებაა.თიბისისა და VISA-ს თანამშრომლობა მხოლოდ სტარტაპერის ფარგლებში შეთავაზებული ქეშბექით არ შემოიფარგლება. VISA თიბისის გადახდის სისტემების ექსკლუზიური პარტნიორია და განვლილი წლების განმავლობაში ამ პარტნიორობით არაერთი წარმატებული პროექტი განხორციელდა.

ლიბერთის ლოიალობის პროგრამა CashBack Visa-სთან ერთად ახალ აქციას იწყებს.ვალენტინობის აქციის ფარგლებში, 8 თებერვლიდან 14 თებერვლის ჩათვლით, ლიბერთის Visa ბარათის მფლობელებს შესაძლებლობა ექნებათ აქციაში მონაწილე მეგობარ ობიექტებში გადახდილი თანხიდან ყველაზე მაღალი - 30%, 40% და 50% CashBack მომენტალურად დაიბრუნონ ანგარიშზე.ის, ვინც ლიბერთის აქციაში მონაწილე ობიექტებში ლიბერთის “ახალი” Visa საკრედიტო ბარათით გადაიხდის, დამატებით 10% ქეშბექს მიიღებს.თუ მეგობარი ობიექტის და “ახალი” ბარათის შერჩეული კატეგორიის ქეშბექი ერთმანეთს დაემთხვა, მომხმარებელი დამატებით 3%-5% კატეგორიის ქეშბექს მიიღებს. კატეგორიის შერჩევა როგორც ბარათის აღებისთანავე, ასევე ყოველი თვის დასაწყისში არის შესაძლებელი.“ახალი” ბარათის ქეშბექის კატეგორიებია:o სასურსათო მაღაზიები, სუპერმარკეტები - 3% ქეშბექიo ჯანმრთელობა და სილამაზე - 5% ქეშბექიo ტანსაცმელი და აქსესუარი - 5% ქეშბექიo გართობა და დასვენება - 5% ქეშბექიo ავტო/მოტო - 5% ქეშბექიo ბარები რესტორნები კვების ობიექტები - 5% ქეშბექიმეგობარი ობიექტები, რომლებშიც მომხმარებლები შეძლებენ სპეციალური აქციით სარგებლობას:o 8 - 14 თებერვალი Tribu Hotel Bakuriani - 50% CashBacko 8 თებერვალი Posteration – 50% CashBacko 9 თებერვალი Kaleisi – 40% CashBacko 10 თებერვალი Archevani – 50% CashBacko 11 თებერვალი Paraiso – 50% CashBacko 12 თებერვალი Tavrieli – 50% CashBacko 13 თებერვალი Geferrini – 40% CashBacko 14 თებერვალი Flower Factory – 30% CashBacko 14 თებერვალი Makashvilebtan– 50% CashBacko 14 თებერვალი Foe Foe – 50% CashBacko 14 თებერვალი Gallery Glasses – 50% CashBackკამპანიის ფარგლებში დაბრუნებული ქეშბექის ოდენობა განსაზღვრულია ჯამში 300 ლარით.VISA-ს ახალი საკრედიტო ბარათის +10%-იანი აქციის ქეშბექის ლიმიტი შეადგენს 100 ლარს.ყველაზე მაღალი CashBack-ის მიღების წესები მარტივია:· გაიაქტიურეთ სასურველი შეთავაზება*· გადაიხადეთ ლიბერთის Visa ბარათით ლიბერთის ტერმინალზე· გადახდისას აუცილებლად მოითხოვეთ ლიბერთის ტერმინალი*შეთავაზების გასააქტიურებლად, გადმოწერეთ CashBack-ის აპლიკაცია: iOS | Android ან შედით ვებ გვერდზე www.cashback.ge. თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack-ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს "აქტივაცია" და მომდევნო ერთი თვის განმავლობაში ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.ლიბერთის ლოიალობის პროგრამა CashBack 400-მდე პარტნიორ კომპანიას აერთიანებს. CashBack ერთადერთი ლოიალობის პროგრამაა საქართველოში მობილური აპლიკაციით, რომელიც ყველა შეთავაზებას ერთ პლატფორმაზე აერთიანებს.

"არანაირი საპენსიო სესხი აღარ არსებობს, ეს არის ჩვეულებრივი სამომხმარებლო სესხი - საბაზროზე დაბალი პროცენტით და აბსოლუტურად გამჭვირვალე განაკვეთით“ - გადაცემა "ბიზნეს კურიერის“ ინტერვიუ „ლიბერთი ბანკის“ მცირე და საშუალო ბიზნესის დირექტორ ვაჟა მენაბდესთან.საქართველოში ბევრმა ადამიანმა სამწუხაროდ დღემდე არ იცის, რისგან შედგება სესხის საპროცენტო განაკვეთი, დაბალია ფინანსური განათლების დონეც.ამ ნოყიერ ნიადაგს კი ხშირად იყენებენ პოლიტიკოსები და პოპულისტური დაპირებებით ხან პროცენტის შემცირებას ჰპირდებიან ამომრჩევლებს და ხან პრობლემური სესხების საკითხის მოგვარებას.არცერთი დაპირება ჯერ არ შესრულებულა.ამ ინტერვიუთი კიდევ ერთხელ მოვფინეთ ნათელი ე.წ. საპენსიო სესხების საკითხს, რომელიც ბოლო დღეებში პოლიტიკოსებისთვის საყვარელ თემად იქცა.– პირველ რიგში, მინდა ავუხსნათ ჩვენს მსმენელებს, რატომ არის ხოლმე სესხის პროცენტი ისეთი, როგორიც არის და კონკრეტულად „ლიბერთი ბანკის“ სამომხმარებლო სესხების შემთხვევაში ხანდაზმული ადამიანებისთვის რატომ გამოდის ისეთი, როგორიც არის…– არანაირი საპენსიო სესხი აღარ არსებობს, ეს არის ჩვეულებრივი სამომხმარებლო სესხი, რომელიც ეროვნული ბანკის ყველა რეგულაციას ექვემდებარება და ყველა წესის დაცვით გადის, როგორც სხვა სამომხმარებლო სესხი. ეს არის ჩვეულებრივ შემოსავლების საფუძველზე გაცემული სესხი.რაც შეეხება ფასწარმოქმნას, როგორც ნებისმიერი სხვა პროდუქტის შემთხვევაში, აქაც რამდენიმე ფაქტორი მოქმედებს.რესურსის ღირებულება, რასაც ბანკები თავის მხრივ სესხულობენ დეპოზიტებისა და უცხოური ვალუტის მოზიდვის სახით.შემდეგ ეს არის რისკის ფასი, რამდენია დანაკარგი ასეთ პორტფელზე,შემდეგია დისტრიბუციის ხარჯი, ამ ყველაფერს ხომ მომსახურება სჭირდება ხელფასების სახით.აქ ერთი მნიშვნელოვანი დეტალია, რაც უფრო მცირე ზომის არის სესხი, მით უფრო დიდია მისი დისტრიბუციის ფასი, იმ მარტივი მიზეზის გამო, რომ საშუალო სესხის თანხა ამ ტიპის კრედიტებზე, რომელსაც ჩვენ ვსაუბრობთ, 1000 ლარის ფარგლებშია, იშვიათი გამონაკლისების გარდა. შესაბამისად დროის დანახარჯი, ან სხვა ტიპის დანახარჯი იგივეა საჭირო, რაც 20 ათასიანი ლარის სესხის გაცემაზე.ანუ 1000 ლარიანი სესხის გაცემა ჯდება იგივე, რაც 20 ათას ლარიანი სესხის გაცემა.რაც შეეხება იმაზე საუბარს, მაღალი ფასია, თუ დაბალი, აქ მთავარი კითხვაა, ბაზართან გაცილებით დიდია, თუ მიახლოებულია. ანუ საბაზრო ფასთან მიახლოებულია თუ არა. ჩვენ ვაცხადებთ, რომ ჩვენი ფასები არათუ საბაზრო, არამედ ამ ტიპისა და მოცულობის თანხებში, საბაზროზე დაბალია.– ბოლო პერიოდში პოლიტიკოსებმა ახსენეს დივერსიფიცირება და სხვადასხვა ბანკში სესხის აღების შესაძლებლობა… არ მინდა, ჩვენს მსმენელებსა და მკითხველს შეექმნათ არასწორი წარმოდგენა, თითქოს სხვა ბანკში მივლენ და პენსიონერს ვინმე უფრო დაბალ პროცენტში მისცემს სამომხმარებლო სესხს. ამაზე კითხვა მაქვს ასეთი, დღეს რა ფასში გაიცემა სხვა ბანკებში 1000 ლარიანი სამომხმარებლო სესხი?- და მე ამაზე პასუხიც მაქვს – ეს პროცენტია იმაზე მეტი, ვიდრე ჩვენი საპროცენტო განაკვეთები.ეფექტური განაკვეთი 40%-ზე მაღალია ხშირ შემთხვევაში და მომხმარებელი შეცდომაში არ უნდა შეიყვანოს ნომინალურმა საპროცენტო განაკვეთმა, რაც კონტრაქტში წერია. იქ შეიძლება, 18, 24, ან 20 % ეწეროს, მაგრამ ასევე არსებობს გაცემის საკომისიოები, როდესაც მას დავაჯამებთ ეფექტიანად, სესხის ხარჯი ხომ მთლიანი ხარჯისგან შედგება და არა საკონტრაქტო განაკვეთისგან, ამ შემთხვევაში ჩვენ ვაცხადებთ და ამის ფაქტებიც არის და სტატისტიკაც, რომ 1000 ლარიანი სამომხმარებლო სესხების ფარგლებში ფასები ბაზარზე უფრო მაღალია, ვიდრე დღევანდელი „ლიბერთის“ განაკვეთები.ჩვენი განაკვეთი გამჭვირვალეა. აქ არ არის არანაირი ფარული საკომისიოები, განაკვეთი, კონტრაქტში რაც წერია, ყოველთვის არის მომხმარებლის ხარჯი და ამაში სიცოცხლის დაზღვევის ხარჯიც შეტანილია. მოგეხსენებათ, მაღალი ასაკის ჩვენ მოქალაქეებს, სამწუხაროდ, არც ერთი ბანკი არ სთავაზობს სიცოცხლის დაზღვევას.– ამაზე მინდოდა, მეკითხა.. დაზღვევის კომპონენტი, რაც მნიშვნელოვნად აძვირებს სესხს, არის სიცოცხლის დაზღვევა. ხანდაზმული ადამიანების დაზღვევა საერთოდ არ არსებობს ფაქტობრივად ბაზარზე, ან იმდენად ძვირი შეიძლება იყოს, რომ აზრი აღარ ჰქონდეს ასეთ დაზღვევას. ამ მიმართულებით, როგორ შეიძლება მოვიქცეთ, რომ სადაზღვევო კომპანიებმა ამას ხელი მოჰკიდონ, ან ხომ არ შეიძლება, რომ მთავრობის ჩართულობითა და კერძო სტრუქტურების ერთმანეთში მოლაპარაკების გზით, მივიდეთ საკითხის გადაწყვეტამდე. თუ გქონიათ, ამის მცდელობა და საუბარი ამ თემებზე?– სადაზღვევოსთან გვქონდა გარკვეული კონსულტაციები, მაგრამ ხანდაზმულებს იმიტომ არ აზღვევს არავინ, რომ ეს საკმაოდ ძვირია, რისკი ასაკთან ერთად საკმაოდ დიდია. ამ შემთხვევაში ჩვენ ვერ მივიღეთ ჩვენთვის სასურველი პროდუქტი მომხმარებლისთვის, რომ შეგვეთავაზებინა.ვერავინ სთავაზობს ასაკოვან მოქალაქეებს, სიცოცხლის დაზღვევას სესხის გაცემის მომენტში, ამიტომ ჩვენ ეს სესხის ფასში გვაქვს გათვალისწინებული და თუ ღმერთმა დაიფაროს და ადამიანი გარდაიცვლება, ჩვენ მისი ოჯახის წევრებს არ ვთხოვთ სესხის გადახდას, ანუ ჩამოწერას ვახდენთ ხოლმე ამ სესხის.შესაბამისად პირდაპირ დაზღვევას ვერ დავარქმევთ, მაგრამ საბოლოო შედეგით იგივე გამოდის. ანუ ფაქტობრივად გარდაცვალების რისკის ფასი, ჩადებულია, ამ სესხის თანხაში. მთლიანობაში ფაქტი ამასაც მოიცავს და ამის მიუხედავად ჩვენი ფასი მაინც უფრო დაბალ

ათასწლეულის ინოვაციის კონკურსის ოფიციალური სტრატეგიული პარტნიორი ლიბერთი ბანკი გახდა. ათასწლეულის ინოვაციის კონკურსი, რომელსაც ათასწლეულის ფონდი ახორციელებს, ეროვნული სამეცნიერო კონკურსია საქართველოს საჯარო და კერძო სკოლების 13 – 18 წლის მოსწავლეებისთვის. კონკურსი, რომელიც წელს მერვედ ჩატარდება, პარტნიორებთან ერთად, აშშ საელჩოს ფინანსური მხარდაჭერით ხორციელდება და მიზნად ისახავს უფროსკლასელებში ინოვაციებისა და ახალი ტექნოლოგიების შექმნის წახალისებას.კონკურსში პირველ ადგილზე გასული გუნდი გაემგზავრება NASA-ში, აშშ-ში. მეორე და მესამე ადგილზე გასული გუნდები, ასევე გაემგზავრებიან და მონაწილეობას მიიღებენ საერთაშორისო სამეცნიერო ბანაკებში და/ან დაჯილდოვდებიან სხვადასხვა პრიზებით.„ათასწლეულის ინოვაციის კონკურსმა, რომელსაც საფუძველი 2014 წელს ჩავუყარეთ, უკვე ტრადიციული ხასიათი მიიღო. ყოველ წელს იზრდება კონკურსის მიმართ როგორც ახალგაზრდების, ასევე ახალი პარტნიორების დაინტერესება. კონკურსი ემსახურება საბუნებისმეტყველო მეცნიერებებისა და ტექნოლოგიებისადმი (STEM დარგები) ახალგაზრდების დაინტერესებას, ინოვაციური იდეებისა და პროექტების განხორციელების წახალისებას. კონკურსის მონაწილეთა უმეტესობა სწორედ STEM დისციპლინებში აგრძელებს განათლებას, რაც ვთვლით რომ ჩვენი ქვეყნის მომავალი განვითარებისთვის უაღრესად მნიშვნელოვანია, რადგან სწორედ ამ დარგებშია მაღალი კვალიფიკაციის მქონე პროფესიონალების მოთხოვნა. წელს, კონკურსს ახალი სტრატეგიული პარტნიორი - ლიბერთი ბანკი შემოუერთდა. დარწმუნებული ვართ პარტნიორებთან ერთად, ერთობლივი ძალისხმევით შევძლებთ, კონკურსის კიდევ უფრო განვითარებას და ჩვენი ახალგაზრდების ხელშეწყობას“, - მაგდა მაღრაძე, ათასწლეულის ფონდის აღმასრულებელი დირექტორი.„ლიბერთისთვის დიდი პატივია იყოს ათასწლეულის ინოვაციის კონკურსის პარტნიორი. ჩვენი თანამშრომლობა პირველ რიგში ღირებულებათა თანხვედრას ეფუძნება, რაც განსაკუთრებით მნიშვნელოვანია ჩვენი საერთო მიზნის მისაღწევად - შევუწყოთ ხელი ახალგაზრდებს ცოდნის მიღებასა და მომავლის პროფესიებისადმი ინტერესის გაღვივებაში. ლიბერთის ახალი სტრატეგიის ერთ-ერთი მთავარი პრიორიტეტი განათლების მხარდაჭერაა და ვფიქრობთ, ამ თანამშრომლობის ფარგლებში, კიდევ უფრო გაძლიერდება ნიჭიერი, ახლის მაძიებელი, რეგიონებში მცხოვრები ახალგაზრდების განათლების ხელშეწყობა.გვიხარია, რომ ათასწლეულის ფონდის გუნდთან ერთად ძალიან ბევრ, საინტერესო ადამიანს გავიცნობთ და დავუმეგობრდებით. ლიბერთის გუნდი მზადაა თავისი ყველა რესურსით ჩაებას მომავალი თაობის განათლების უმნიშვნელოვანეს საქმეში.“ - ვასილ ხოდელი, ლიბერთი ბანკის გენერალური დირექტორი.კონკურსში მონაწილეობის მიღება შეუძლიათ მოსწავლეებს, რომლებიც დაბადებულნი არიან 2005 წლის 2 აპრილიდან - 2009 წლის 1 აპრილის პერიოდში და წარმოადგენენ მათ მიერ შექმნილ პროექტებს ისეთი მიმართულებებში როგორიცაა: კოსმოსი და ავიაცია; რობოტექნიკა; გამოყენებითი ტექნოლოგიები და აპლიკაციები, გარემოს დაცვა, ჯანდაცვა და კვება. კონკურსანტების პროექტებს შეაფასებს დამოუკიდებელი ჟიური.კონკურსის ტრადიციული პარტნიორები არიან საქართველოს ინოვაციებისა და ტექნოლოგიების სააგენტო (GITA) და საქპატენტი. კონკურსი ხორციელდება საქართველოს განათლებისა და მეცნიერების სამინისტროს ხელშეწყობით.კონკურსი რამდენიმე ეტაპისგან შედგება. შევსებული განაცხადების მიღების ბოლო ვადაა: 2022 წლის 25 მარტი. კონკურსის პირობები და განაცხადის ფორმა შეგიძლიათ იხილოთ ვებგვერდზე: www.millennium.org.ge. შეკითხვების შემთხვევაში დაგვიკავშირდით ტელ.: (0) 32 2281 185.

„ლიბერთი“ ბანკის მცირე და საშუალო ბიზნესის მიმართულების დირექტორი ვაჟა მენაბდე გადაცემაში „ბიზნესი ბლუმბერგთან ერთად“ აცხადებს, რომ შესაძლოა, ახალმა მენეჯმენტმა საპენსიო გასაცემლების შესახებ ტენდერში მონაწილეობაზე უარის გადაწყვეტილება მიიღოს. მისი განცხადებით, გადაწყვეტილებას ბანკი სატენდერო კონკურსის პირობების გაცნობისა და რისკების გაანალიზების შემდეგ მიიღებს.„პროგნოზირება რთულია და დამოკიდებულია ტენდერის პირობებზე. გააჩნია რა პირობები იქნება, რამდენი მსურველი გამოჩნდება. თუ არავისთვის იქნება მისაღები პირობები და „ლიბერთიმაც“  თავი შეიკავა, მიჭირს პროგნოზის გაკეთება რა სცენარით წარიმართება მოვლენები. ჩვენ ჯერ არ გვაქვს გადაწყვეტილება მიღებული.ბევრ რამეზეა ეს ყველაფერი დამოკიდებული, ინფლაციაზე, მაკროგარემოზე, რესურსის ფასზე და ა.შ. ამიტომ, ეს ფაქტორები კარგად უნდა იქნას გაანგარიშებული და ამის შემდეგ მივიღებთ გადაწყვეტილებას. 7 და 10 წელი არ არის პატარა პერიოდი“, - განაცხადა ვაჟა მენაბდემ.ბანკის წარმომადგენელმა გადაცემაში საუბრისას ასევე ხაზი გაუსვა, რომ ახალი ტენდერის ჩატარებაზე საუბარი სწორედ „ლიბერთის“ მოთხოვნის საფუძველზე დაიწყო.„ვადაზე ადრე რომ ტარდება ტენდერი და კომისიის სხდომა, ეს ჩვენი სურვილი და ინიციატივა იყო. ვინაიდან, აღარ დასრულდა ამ თემასთან დაკავშირებით განხილვა და სპეკულაციები, ჩვენ თვითონ ვითხოვეთ, მოდით, ჩავატაროთ ტენდერი და გამოჩნდეს თუ ვინმე უკეთესი პირობით შეძლებს მომსახურებას“.რაც შეეხება უწყებათაშორისი კომისიის მიერ წინასწარ გაჟღერებულ სატენდერო პირობებსა და სესხის 26%-ში გაცემას, ვაჟა მენაბდე აცხადებს, რომ ამ ნიშნულამდე ჩამოსვლა არარეალისტურია. მისივე განმარტებით, „ლიბერთის“ საპროცენტო განაკვეთი იმ მინიმუმზე ჰქონდა დაყვანილი, რომლის ქვემოთაც მომგებიანობა თითქმის ნულამდე დადის.„დღეს ასეთი ტიპის სესხზე, საუბარია 1000 ლარის მოცულობის სამომხმარებლო სესხზე, საბაზრო განაკვეთი სხვა ბანკში არის 1000 ლარი და მეტი. ამას გარდა, მსგავსი ტიპის  სესხებზე მომხმარებლებს არ სთავაზობენ იმას, რაც  „ლიბერთის“ საპენსიო კონტრაქტს მოჰყვება - უფასო განაღდება, უფასო ანგარიში, კომუნალურის უფასოდ გადახდა და ა.შ. რა გვაძლევს იმის ფიქრის საფუძველს, რომ ამ ტენდერის პირობებში ეს საბაზრო განაკვეთი უფრო ნაკლები იქნება? ამის შესაძლებლობას მე ვერ ვხედავ. ამასთანავე, ჩვენ კონკურენციას მივესალმებით და ჯანსაღი კონკურენცია ეკონომიკის განვითარების ქვაკუთხედია. თუ ვინმე დათვლის და მისი გაანგარიშებიდან გამომდინარე მიიჩნევს, რომ ამ ტენდერში არათუ მონაწილეობა, არამედ, საფასო კონკურენციაში ჩაბმაა შესაძლებელი, მოხარული ვიქნებით.პროცესები აჩვენებს და გამოჩნდება, თუმცა, ჩვენი მოლოდინი არ არის, რომ ამ ფასის დაწნეხვასა და ამ პირობებში კონკურენციაზე იქნება საუბარი“, - განაცხადა ვაჟა მენაბდემ.

"გლობალურ ბაზარზე იმდენად დიდია მოთხოვნა, რომ მთელი საქართველო, 3,7 მლნ ადამიანი რომ პროგრამული უზრუნველყოფის სხვადასხვა ენის სპეციალისტი ვიყოთ, ყველას გვექნება სამსახური მსოფლიოს ტექნოლოგურ ბაზრებზე, იმდენად ბევრი პროექტია",- ამის შესახებ „ორიენტ ლოჯიკის“ საოპერაციო დირექტორმა ოთარ ტაბატაძემ რადიო „პალიტრისა“და „პალიტრანიუსის“ გადაცემაში „საქმე“ განაცხადა.რა გამოწვევების წინაშეა დღეს საქართველოში IT მიმართულება და რას სთავაზობს კომპანია სფეროთი დაინტერესებულ პირებს, ამ და სხვა საკითხებზე კითხვებს ოთარ ტაბატაძე პასუხობს.უკრაინაში მიმდინარე ომმა, შეცვალა თუ IT სფეროს მნიშვნელობა, რატომ არის ეს მიმართულება დღეს ერთ-ერთი პრიორიტეტული?დღეს ომი, მხოლოდ რუსეთისთვის არის ტანკი, თორემ სხვა მხრივ, ომი მხოლოდ და მხოლოდ ინფორმაცია და ეკონომიკაა. ბოლო დროინდელი მოვლენებიდან გამომდინარე, ყველამ ვნახეთ, კიბერუსაფრთხოებამ რა როლი ითამაშა. ეს არის მტრის სრული განიარაღება. თუ წვდომა გაქვს მის გარკვეულ ინფორმაციაზე. შესაბამისად, ვფიქრობ, რომ ეს არის მომავალი არა მარტო ჩვენი ქვეყნისთვის. ამაზე უნდა მოხდეს ცოდნის, კომპეტენციის კონცენტრირება. იმიტომ, რომ ვიღაცას უფრო დიდი ტანკი ეყოლება, მაგრამ საინფორმაციო ნაწილში ტექნოლოგიებში, თანაბარ სიტუაციაში ხარ.როდის დაარსდა და რა მიმართულებებზე მუშაობს "ორიენტ ლოჯიკი"?"ორიენტ ლოჯიკი" 1995 წელს შეიქმნა და უკვე რამდენიმე მიმართულებით ლიდერია ლოკალურ ბაზარზე. ჩვენ წლების განმავლობაში ვზრდიდით კომპეტენციას. ეს არის კიბერუსაფრთხოება, ინფორამციული უსაფრთხოების სისტემები, IT ინფრასტრუქტურული და ქსელური ინფრასტრუქტურის გადაწყვეტილებები, პერსონალური ტექნიკა, პროგრამული უზრუნველყოფა, „დეველოპმენტი “, DevOps და Cloud თავსებადი ტექნოლოგიების მიმართულებები. ეს არის ის, რითაც თითქმის 27 წლის განმავლობაში მყარად მოვიკიდეთ ბაზარზე ფეხი.რა გამოწვევის წინაშეა დღეს საქართველოში IT მიმართულება?კომპანი თანამშრომლობს ისეთ ვენდორებთან (პრემიუმ პარტნიორები ვართ მათი, ან უმაღლესი), როგორიცაა DELL, HPE, IBM, RedHat და აშ. არ ჩამოვთვლი, ძალიან ბევრია. ეს პარტნიორები ჩვენ "გვაიძულებენ", რომ პერსონალმა გაიაროს გარკვეული სერტიფიცირებa, გაიზარდოს კომპეტენიციები, რათა შემდგომ საფეხურებზე გადასვლისას პარტნიორის სტატუსი შეინარჩუნო, ან უკეთესი მიიღო. ამისთვის, როგორც დამსაქმებელს, გიწევს გადაამზადო პერსონალი. ამით პერსონალი კმაყოფილია, იმიტომ, რომ მაგარ კომპეტენციას იძენს, მაგრამ მეორე მხრივ, გამოწვევაა რამდენად აქვთ მათ საშუალება, რომ ამ კომპეტენციის ადგილობრივ ბაზარზე რეალიზება შეძლონ. ამ შემთხვევაში, ადამიანები ან იცვლიან სამუშაო ადგილს და მიდიან, სადაც ამის რეალიზებას მოახდენენ, ან უნდა შეწყვიტონ განვითარება. ანუ ეს პრობლემას ქმნიდა იმ მხრივ, რომ პერსონალის გადინება არ მომხდარიყო, რადგან საქართველოს ეკოსისტემა არ იძლეოდა საშუალებას, რომ მათი ცოდნის რეალიზება მომხდარიყო. სწორედ აქედან გაჩნდა იდეა, რომ OL Academy დაგვეარსებინა, სადაც ამ ადამიანების საშუალებით, წვლილს შევიტანდით ქვეყნის ეკოსისტემის გაჯანსაღება-განვითარებაში. რატომ უნდა იყოს ჩვენი ბაზარი მაგალითად, ბრიტანეთის ბაზართან შედარებით უფრო დაბლა. ანუ, აქ რეალურად დასაქმების პრობლემა კი არა, კომპეტენციის პრობლემა დგას.არსებობს თუ არა აკადემიაში ასაკობრივი ზღვარი?აკადემიაში არანაირი ასაკობრივ შეზღუდვა არ გვაქვს. აქ სწავლა ნებისმიერ ადამიანს შეუძლია. ჩვენს ტრეინინგ ცენტრს ორი მიმართულება აქვს, ერთი არის ფიზიკური პირებისთვის პრაქტიკულ სამუშაო გარემოში, ინტენსიური კურსით. ხოლო მეორე მიმართულება იურიდიული პირებისთვის, კომპანიებისთვის, მათზე მორგებულ სასწავლო კურსებს და ტენოლოგიური მიმართულებით თანამშრომლების გადამზადებას ითვალისწინებს. გვაქვს ძალიან საინტერესო B2B პროექტების საბანკო სექტორის და სხვა ტექნოლოგიურად მაღალი განვიტარების ქართული კომპანიებისთვის.რაც შეეხება ჩვენს ღია ტრენინგებს ფიზიკური პირებისთვის - კურსის დამთავრების შემდეგ, მათ ან ჩვენ ვთავაზობთ სამსახურს, ან პირდაპირ გვართმევენ სხვა კომპანიები. გვაქვს ძალიან მრავალფეროვანი ტექ. ტრენინგების უამრავი მოდული. ცალკეული მოდული შეიძლება რამდენიმე ეტაპს გულისხმობდეს. მათი დიდი ნაწილი სამ ეტაპიანია და პირველი ეტაპის დასაძლევად დაახლოებით 3 თვეა საჭირო. თითოეულ დაინტერესებულ ადამიანს შეუძლია ჩვენი აკადემიის ვებგვერდზე https://olacademy.ge დარეგისტრირდეს და დაიწყოს განვITარება დღესვე.