1751441747
„შავ-თეთრი“ ფული, 331 მლნ დოლარიანი სასახლე და 12 მანქანა - რა ქონებას ფლობს და როგორ მდიდრდება რამზან კადიროვი
ჩეჩნეთის მეთაურის რამზან კადიროვის ბოლო გასაჯაროებული დეკლარაცია 2021 წლით თარიღდება და 2022 წელს, უკრაინის ომის დაწყების შემდეგ მისი შემოსავლების ამსახველი დოკუმენტი აღარ გამოქვეყნებულა.
თუმცა გამოცემა „პროექტის“ ჟურნალისტებმა გამოიძიეს, თუ რა სქემებს იყენებენ ჩეჩნეთის ხელმძღვანელის სტრუქტურები ფედერალური ბიუჯეტისა და ბიზნესის მფარველობის თანხის გასათეთრებლად და გასანაღდებლად. ეს არ არის ოფშორულ და მრავალრიცხოვან ფიქციურ კომპანიებთან დაკავშირებული რთული სქემა, არამედ კადიროვი ათობით მილიარდ რუბლს ფიქციური პირებისთვის ფიქციური სესხების გაცემით ანაღდებს და VTB ბანკის ფილიალებიდან ტონობით კუპიურები და ოქროს ზოდები გააქვს.
2021 წლის დეკლარაციის თანახმად, რამზან კადიროვმა 26.5 მლნ რუბლი (338 ათას დოლარამდე) გამოიმუშავა, რაც მის 2020 წლის შემოსავალზე 14,3-ჯერ ნაკლებია. მისი ოფიციალური შემოსავალი 2019 წლის მკვეთრი ზრდის შემდეგ დაეცა, რაც 2020 წელსაც გაგრძელდა. კერძოდ, 2019 წელს კადიროვის შემოსავალმა 147.9 მლნ რუბლი (1.9 მლნ დოლარი) შეადგინა, რაც 2018 წლის 7.58 მლნ რუბლის (96.6 ათასი დოლარის) შემოსავალს, თითქმის, 20-ჯერ აღემატება. ასევე, მისი მეუღლის შემოსავალი 2018 წლის 60 ათასი რუბლიდან (765 დოლარიდან) ერთ წელიწადში 40-ჯერ, 2.4 მლნ რუბლამდე (30.6 ათას დოლარამდე) გაიზარდა.
2020 წელს ქონებისა და შემოსავლების შესახებ გამოქვეყნებული ინფორმაციის თანახმად, რამზან კადიროვმა 381.1 მლნ რუბლი (4.9 მლნ დოლარი) გამოიმუშავა და რუსეთში ყველაზე მდიდარი გუბერნატორი გახდა. ასევე, მას 3.668 და 28.361 კვადრატულ მეტრ ფართობის ორი მიწის ნაკვეთი და 2.344 კვადრატული მეტრ ფართობის საცხოვრებელი შენობა ეკუთვნოდა.
2021 წელს ჩეჩნეთის მეთაურის ვებგვერდზე განთავსებული შემოსავლებისა და ქონებრივი დეკლარაციის თანახმად, რამზან კადიროვის შემოსავალი 26.537.982 რუბლს, (338 ათას დოლარზე მეტს), ხოლო მისი მეუღლის 1.522.179 რუბლს (19.500 დოლარს) შეადგენდა. ამდენად, კადიროვის ოფიციალურად დეკლარირებული შემოსავალი 2021 წელს, 2020 წელთან შედარებით, 14.3-ჯერ მეტად შემცირდა. ასევე, ჩეჩნეთის მეთაურს 2020 წლის ანალოგიურად ორი მიწის ნაკვეთი და საცხოვრებელი შენობა 2021 წელს ისევ ეკუთვნოდა, ხოლო მისი მეუღლე 209.8 კვადრატული მეტრის ფართობის ბინას ფლობდა.
რა ქონებას ფლობს და როგორ მდიდრდება რამზან კადიროვი
ბიზნესი
ჩეჩნეთის პირველი ომის დროს ახმატ კადიროვის ოჯახი, რომელიც 1995 წელს იჩქერიის მუფტი, ანუ რელიგიური ლიდერი გახდა, ჯერ კიდევ მოკრძალებულად ცხოვრობდა. თუმცა 1990-იანი წლების ბოლოსთვის კადიროვის ოჯახმა იჩქერიის პრეზიდენტის, ასლან მასხადოვისგან ნავთობის ჭაბურღილი იჯარით მიიღო, საიდანაც ნავთობი რუსეთის მთლიან ტერიტორიაზე კონტრაბანდულად შეჰქონდათ. მას შემდეგ, რაც პუტინის დროს ახმატ კადიროვი ჩეჩნეთის პრეზიდენტი გახდა, მან მთელ რესპუბლიკაში ბენზინგასამართი სადგურების ქსელი, „ლიდერი“ გახსნა
„პროექტის“ ცნობით, ადგილობრივი სტანდარტებით მსხვილი საწვავის ბიზნესის შესაქმნელად კადიროვმა ფული კრემლიდან ერთგულების ფიცის ჯილდოდ მიიღო. 2004 წელს ახმატ კადიროვის დაღუპვის შემდეგ კადიროვების ბიზნესი გაიზარდა და ამჟამად ისინი, თითქმის, მთელ ჩეჩნეთს ფლობენ. რამზან კადიროვის ნათესავებმა ჩეჩნეთის მთავრობაში წამყვანი თანამდებობები გაიყვეს, ხოლო მისი ნომინალები, რომელთა შორის მეგობრები და თანასოფლელები არიან, რესპუბლიკის ყველა ძირითად ბიზნესაქტივს ფლობენ.
ცალკე ბიზნესია კადიროვის საქველმოქმედო ფონდი, რომელსაც მისი დედა ხელმძღვანელობს. ჯერ კიდევ 2015 წელს რუსული „კომერსანტი” წერდა, რომ ჩეჩნეთის საჯარო სექტორის ყველა თანამშრომელი შემოსავლის 10%-ს მას ურიცხავს. ფონდის მიერ შექმნილი კომპანიები სახელმწიფო კონტრაქტებს იღებენ და ფედერალური ბიუჯეტიდან მიღებულ თანხებს ითვისებენ. ასევე, კადიროვის სტრუქტურები რუსეთის კომპანიებისგან ძალისმიერი მხარდაჭერისთვის მილიარდობით რუბლს იღებენ.
უცნობია, თუ რამდენს შოულობს კადიროვი ფედერალური ბიუჯეტის ფულის ათვისებითა და რუსული ბიზნესის მფარველობით, თუმცა მხოლოდ ორი უმსხვილესი იურიდიული პირი, შპს „ბენოფონი“ და შპს „ორბიტა,“ რომლებიც მის ნომინალებს ეკუთვნით, 150 მლრდ რუბლის (2 მლრდ დოლარამდე) ღირებულების აქტივებს ფლობენ, ხოლო 2023 წელს მათმა მთლიანმა შემოსავალმა 81 მლრდ რუბლი (1 მლრდ დოლარზე მეტი) შეადგინა.
ეს იურიდიული პირები ჩეჩნეთის უმსხვილესი კომპანიების სიაში მეორე და მესამე ადგილებს იკავებენ, მაშინ, როცა მათგან უფრო დიდს, შპს „ბენოფონს“ მხოლოდ ერთი თანამშრომელი ჰყავს. ეს იურიდიული პირები პერსონალის გარეშეც კი, ანუ მხოლოდ ქაღალდზე სამთავრობო კონტრაქტებს იგებენ და ასრულებენ. ისინი მილიარდობით რუბლს რუსული კომპანიებისგან ჩეჩნური მფარველობის გამოც იღებენ. საბოლოოდ, ფული ნომინალური თანხებით უმსხვილეს რუსულ ბანკებში ირიცხება.
მაგალითად, „ბენოფონმა“ 2023 წელს 64 მლრდ რუბლი (815 მლნ დოლარზე მეტი) მიიღო. მათგან, სულ მცირე, 47.7 მლრდ რუბლი (608 მლნ დოლარი) 15 ადამიანის მიერ იქნა განაღდებული. ყველა მათგანი ჩეჩნეთის შალის რაიონის მკვიდრია, რომლებიც გამორჩეული საქმიანობით არ არიან დაკავებული და, წესით, დიდი შემოსავალი არ უნდა ჰქონოდათ. კერძოდ, ტაქსის მძღოლმა 14 მლრდ რუბლი (178 მლნ დოლარზე მეტი), რაიონის საბინაო-კომუნალური სამსახურის უფროსმა 4.6 მლრდ რუბლი (59 მლნ დოლარამდე), წვრილმანმა დამნაშავემ 2.2 მლრდ რუბლი (28 მლნ დოლარზე მეტი), 24 წლის ავტოშემდუღებელმა 800 მლნ რუბლი (10 მლნ დოლარზე მეტი) გაანაღდა. ყველა ეს ადამიანი „ბენოფონისგან“ უპროცენტო სესხების სახით ფულს იღებს, რის შემდეგაც თანხას მსხვილი ბანკების ფილიალებში ანაღდებენ.
მაგალითად, „ბენოფონმა“ და კადიროვთან დაკავშირებულმა სხვა კომპანიებმა შალიში მცხოვრებ 30 წლის ტაქსის მძღოლ მუსლიმ მურადოვს 11 მლრდ რუბლი (140 მლნ დოლარზე მეტი) გადაურიცხეს, რის შემდეგაც მან თანხა VTB ბანკის ფილიალში გაანაღდა. ეს, დაახლოებით, 2 ტონა 5000-იანი რუსული რუბლის კუპიურაა. მურადოვმა 8.4 მლრდ რუბლად (107 მლნ დოლარად) ძვირფასი ლითონის ზოდები შეიძინა, ხოლო დარჩენილი 3 მლრდ რუბლი (38 მლნ დოლარზე მეტი) მესამე პირებზე ახალი უპროცენტო სესხების სახით გასცა.
რუსეთში კადიროვის ცრუმაგიერი პირები ბიზნესმენები, პაველ კროტოვი და სერგეი კროპაჩოვი არიან, რომლებიც, მათ შორის, რუსეთიდან წასულ ყავის მაღაზიების ქსელ Starbucks-სა და სწრაფი კვების რესტორნების ქსელ McDonald’s-ში ბიზნესაქტივებს ფლობენ.
სასახლე-რეზიდენცია
რამზან კადიროვის მდიდრული რეზიდენცია ჩეჩნეთის რესპუბლიკის განვითარებისთვის გამოყოფილი სახელმწიფო თანხით აშენდა და 331 მლნ დოლარი დაჯდა. ულამაზესი ვარდისფერი შენობა, რომელიც გროზნოს ლენინის რაიონში მდებარეობს, მდინარე სუნჟას ნაპირებზე აშენდა. მდინარის კალაპოტი სპეციალურად ამ პროექტისთვის შეიცვალა და გასწორდა, რამაც ახალი ნახევარკუნძული შექმნა, რომლის ფართობიც მოსკოვის კრემლის ზომას შეესაბამება.
კადიროვის სასახლის ინტერიერის ფართობი 64 ათას კვადრატულ მეტრს აღწევს. სასახლეში იატაკი ხალიჩებით არის დაფარული, რომელთა საერთო ფართობი 13,2 ათას კვადრატულ მეტრამდეა, კედლებზე 4,3 ათასი ფართობის გობელენები ჰკიდია, ფანჯრებზე კი მრავალფაქტურიანი ჟალუზებია.
სასახლეს, მინიმუმ, 40 ადამიანი ემსახურება, ხოლო ტერიტორიის დასუფთავებით, დაახლოებით, 30 მუშა არის დაკავებული. ტერიტორიის მოვლა 1.5 მლნ დოლარი ჯდება. ამ თანხით რეზიდენციის ტერიტორიაზე 36 ჰექტარი გაზონი გაშენდა და სხვადასხვა სახეობის 2260 ხე დაირგო. ყვავილების საერთო ფართობი 8 ჰექტარს აღწევს. პარკს ბილიკები და სარწყავი სისტემა აქვს.
სასახლის მთავარი შენობის გარდა, რამზან კადიროვის რეზიდენციის ტერიტორიაზე მრავალი ნაგებობაა, რომელთა საერთო ფართობი 6,4 ჰექტარს აღწევს. ამ ტერიტორიაზე ყველა შენობა დაბალი, მაქსიმუმ, 5 სართულიანია.
ავტოპარკი
ამჟამად კადიროვის ავტოპარკშია
- Mercedes-Benz McLaren - სავარაუდო ღირებულება 1 მლნ დოლარი
- Mercedes-Benz AMG GT Mansory – 700.000 დოლარი
- Mercedes G63 AMG Sahara Edition Mansory – 820.000 დოლარი
- Mercedes-Benz SLR McLaren Stirling Moss - ექსკლუზიური; 1.2 მლნ დოლარი
- Bugatti Veyron – 1.5 დოლარი
- Lamborghini Reventon – 1.5 მლნ დოლარი
- Ferrari F430 – 450.000 დოლარი
- Aston Martin One-77 – 1.5 მლნ დოლარი
ასევე, კადიროვის ავტოპარკში რუსული ავტომობილები, ვოლგა გაზ- SPECIAL, Lada Priora, ვაზ-2105 და ჩვეულებრივი ზაპოროჟეცი, ზაზ-968М, რომელიც საბჭოთა კავშირის დროს იწარმოებოდა.
მსოფლიო
სხვადასხვა
1751535613
UFC-ის ისტორიაში ერთ-ერთი ყველაზე მაღალანაზღაურებადი გახდა - ცნობილია რა თანხა მიიღო თოფურიამ ოლივეირას დამარცხებითილია თოფურია, ჩარლზ ოლივეირას დამარცხებით, UFC-ის ისტორიაში, ერთ ბრძოლაში მიღებული შემოსავლით, ყველა დროის ერთ-ერთი ყველაზე მაღალანაზღაურებადი სპორტსმენი გახდა.იქიდან გამომდინარე, რომ MMA-ის სპორტსმენთა შემოსავლები კომპლექსურად გამოითვლება, შედარებით დაზუსტებული ცნობები მხოლოდ ახლა, ბრძოლიდან რამდენიმე დღეში ვრცელდება.Givemesport-ის ინფორმაციით, ოლივეირას დამარცხებისთვის, თოფურიას შემოსავალმა ჯამურად 3.54 მლნ აშშ დოლარი შეადგინა, რაც ისტორიაში ერთ-ერთი უმაღლესი მაჩვენებელია. თავის მხრივ, მარცხის მიუხედავად, 1.32 მლნ აშშ დოლარი ერგო ოლივეირას.ინფორმაციისთვის, MMA სპორტსმენების შემოსავლები დამოკიდებულია როგორც საბაზისო ჰონორარზე, ასევე სასპონსორო ბონუსებსა და საუკეთესო შესრულებისთვის ბონუსის ოდენობაზე. ამასთანავე, თანხას ემატება PPV (pay-per-view), იგივე სამაუწყებლო გაყიდვების პროცენტული წილი.შეგახსენებთ, ილია თოფურია UFC-ის ისტორიაში მე-10 მებრძოლია, რომელმაც საჩემპიონო ქამრის მოგება ორ სხვადასხვა წონით კატეგორიაში შეძლო.შედეგად, UFC-ის განახლებულ Pound for Pound რეიტინგში, ქართველ-ესპანელმა რუს ისლამ მახაჩევს პირველობა ჩამოართვა და ახლა, ყველა დივიზიონის ყველა წონითი კატეგორიის გათვალისწინებით, საუკეთესო მებრძოლის წოდება აქვს.
1751435359
2 ივლისი: როგორი ამინდია მოსალოდნელი საქართველოში?გარემოს ეროვნული სააგენტოს ინფორმაციით, 2 ივლისს ამინდი საქართველოში განპირობებული იქნება შავი ზღვის ჩრდილო-დასავლეთიდან მოქმედი ცივი ჰაერის მასებისა და სამხრეთითმდგარი ცხელი ჰაერის მასების ურთიერთქმედებით.საქართველოში მოსალოდნელია: დროგამოშვებით ღრუბლიანობის მომატება. ზოგან ხანმოკლე წვიმა და ელჭექი. იქროლებს დასავლეთის მიმართულების ზომიერი ქარი.დასავლეთ საქართველოში - დროგამოშვებით ღრუბლიანობის მომატება. ღამით და დღის პირველ ნახევარში უმეტეს რაიონში ხანმოკლე წვიმა და ელჭექი. დასავლეთის ქარი 10-15 მ/წმ. ჰაერის ტემპერატურა: დაბლობში ღამით +13, +18°, დღისით +20, +25°; მთაში ღამით +10, +15, დღისით +17, +22°; მაღალმთაში ღამით +6, +11°, დღისით +15, +20°;აღმოსავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღის მეორე ნახევრიდან ზოგან ხანმოკლე წვიმა და ელჭექი, შესაძლებელია სეტყვა. დასავლეთის ქარი 10-15 მ/წმ, ღამით ზოგან შესაძლებელია ძლიერი 17-22 მ/წმ. ჰაერის ტემპერატურა: ბარში ღამით +14, +19°, დღისით +24, +29°; მთაში ღამით +7, +12°, დღისით +18, +23°; მაღალმთაში ღამით +5, +10°, დღისით +13, +18°.სოხუმი: უმეტესად უნალექოდ. ჰაერის ტემპერატურა: +23°.ბათუმი: ხანმოკლე წვიმა ელჭექით. ჰაერის ტემპერატურა: +24°.ქობულეთი: ხანმოკლე წვიმა ელჭექით. ჰაერის ტემპერატურა: +23°.ქუთაისი: ხანმოკლე წვიმა ელჭექით. ჰაერის ტემპერატურა: +25°.ზუგდიდი: ხანმოკლე წვიმა ელჭექით. ჰაერის ტემპერატურა: +23°.ანაკლია: უმეტესად უნალექოდ. ჰაერის ტემპერატურა: +24°.ოზურგეთი: ხანმოკლე წვიმა ელჭექით. ჰაერის ტემპერატურა: +23°.ონი: ხანმოკლე წვიმა ელჭექით. ჰაერის ტემპერატურა: +20°.გორი: ხანმოკლე წვიმა ელჭექით. ჰაერის ტემპერატურა: +26°.ცხინვალი: უმ. უნალექოდ. ჰაერის ტემპერატურა: +25°.თბილისი: ხანმოკლე წვიმა ელჭექით. იქროლებს ჩრდილო-დასავლეთის მიმართულების ზომიერი ქარი. ჰაერის ტემპერატურა: +29°.მარნეული: უმ. უნალექოდ. ჰაერის ტემპერატურა: +27°.რუსთავი: ხანმოკლე წვიმა ელჭექით. ჰაერის ტემპერატურა: +29°.ახალციხე: ხანმოკლე წვიმა ელჭექით. ჰაერის ტემპერატურა: +23°.ბორჯომი: ხანმოკლე წვიმა ელჭექით. ჰაერის ტემპერატურა: +23°.ბაკურიანი: ხანმოკლე წვიმა ელჭექით. ჰაერის ტემპერატურა: +18°.სტეფანწმინდა: ხანმოკლე წვიმა ელჭექით. ჰაერის ტემპერატურა: +16°.თელავი: ხანმოკლე წვიმა ელჭექით. ჰაერის ტემპერატურა: +26°.
1751366894
ოკუპირებულ აფხაზეთში ფრენები კიდევ ერთმა რუსულმა ავიაკომპანიამ დაიწყოდროებით ოკუპირებული სოხუმის აეროპორტიდან ფრენები კიდევ ერთმა რუსულმა კომპანია РусЛайн-მა დაიწყო. როგორც Коммерсантъ-ი წერს, პირველი რეისი ავიაკომპანიამ ხანტი-მანსიდან სოხუმის მიმართულებით 28 ივნისს შეასრულა.სააგენტოს ცნობითვე, პირველ რეისს არძინბას სახელობის აეროპორტში საზეიმო დახვედრა მოუწყვეს, გამოყენებული იყო წყლის ჭავლიც. ფრენები 50 ადგილიანი Bombardier CRJ200-ის ტიპის ხომალდით შესრულდა. ავიაკომპანია ევროკავშირის მიერ არის სანქცირებული და Air Safety List-შია. აღსანიშნავია, რომ ამ სიაში ხვდებიან ისეთი კომპანიები, რომლებიც ევროკავშირის შეფასებით, საერთაშორისო საჰაერო უსაფრთხოების სტანდარტებთან შესაბამისობაში არ არიან და ევროკავშირის ტერიტორიაზე ოპერირება ეზღუდებათ, მათ ასევე ჩაკეტილი აქვთ ევროკავშირის საჰაერო სივრცეც.მიმდინარე წლის 7 თებერვალს, 32 წლის შემდეგ პირველად, არძინბას სახელობის სოხუმის აეროპორტში რუსულმა სანქცირებულმა UVT Aero-მ სატესტო ფრენა შესრულდა, 2025 წლის 1 მაისს კი მოსკოვიდან პირველი სამოქალაქო რეისიც შესრულდა. სოხუმის აეროპორტი 1960-იან წლებში აშენდა. 1992–1993 წლების ომის შემდეგ, აეროპორტში ფრენები აღარ განხორციელებულა. აეროპორტი სოხუმიდან 18 კილომეტრის მოშორებით, სოფელ ბაბუშარაში მდებარეობს. ოკუპირებული აფხაზეთის აეროპორტის რეკონსტრუქცია რუსულმა კომპანია „ინფრასტრუქტურული განვითარებამ“ განხორციელდა, რომლის ხელმძღვანელიც რუსეთის უშიშროების საბჭოს მდივნის მოადგილის, რაშიდ ნურგალიევის შვილია. ოკუპირებულ აფხაზეთში მდებარე აეროპორტს არ აქვს მოქმედი კოდი, რადგან ამის მინიჭების კომპეტენცია მხოლოდ საერთაშორისო სამოქალაქო ავიაციის ორგანიზაციას (ICAO) აქვს. სწორედ ICAO-ს მიმართა საქართველოს სამოქალაქო ავიაციის სააგენტომ, სადაც "მკაფიოდ დააფიქსირა ქვეყნის პოზიცია საქართველოს უფლებამოსილი უწყების ნებართვის გარეშე ოკუპირებული აფხაზეთიდან საერთაშორისო საჰაერო მიმოსვლის დაუშვებლობის შესახებ".bm.ge
1751348772
1-ელი ივლისი: როგორი ამინდია მოსალოდნელი საქართველოში?გარემოს ეროვნული სააგენტოს ცნობით, დღეს - 1 ივლისს, ამინდი საქართველოში განპირობებული იქნება შავი ზღვის ჩრდილო-დასავლეთიდან შემომავალი გრილი და ნოტიო ჰაერის მასებით.საქართველოში მოსალოდნელია: დროგამოშვებით ღრუბლიანობის მომატება. ზოგიერთ რაიონში ხანმოკლე წვიმა და ელჭექი, აღმოსავლეთ საქართველოში ზოგან შესაძლებელია სეტყვა. იქროლებს დასავლეთის მიმართულების ზომიერი ქარი, აღმოსავლეთ საქართველოში ზოგან დროგამოშვებით ძლიერი.დასავლეთ საქართველოში - დროგამოშვებით ღრუბლიანობის მომატება. ღამით უმეტეს, დღისით ზოგიერთ რაიონში ხანმოკლე წვიმა და ელჭექი. დასავლეთის ქარი 10-15მ/წმ. ჰაერის ტემპერატურა: დაბლობში ღამით +12, +17°, დღისით +21, +26°; მთაში ღამით +10, +15, დღისით +18, +23°; მაღალ მთაში ღამით +5, +10°, დღისით +16, +21°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი, შესაძლებელია სეტყვა. დასავლეთის ქარი 10-15მ/წმ, ზოგან ძლიერი 17-22მ/წმ. ჰაერის ტემპერატურა: ბარში ღამით +11, +16°, დღისით +27, +32°; მთაში ღამით +7, +12°, დღისით +23, +28°; მაღალ მთაში ღამით +2, +7°, დღისით +17, +22°.თბილისში - დროგამოშვებით ღრუბლიანობის მომატება, უმეტესად უნალექოდ. ჩრდ/დას. ქარი 10-15, დროგ. ძლ. 17-22მ/წმ. ჰაერის ტემპერატურა: დღისით +31°, ღამით+17 °.სოხუმი - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 10-15მ/წმ. ჰაერის ტემპერატურა: დღისით +25°, ღამით +18 .გაგრა - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 10-15მ/წმ. ჰაერის ტემპერატურა: დღისით +25°, ღამით +17°.ოჩამჩირე - დროგამოშვებით ღრუბლიანობის მომატება. დღის ბოლოს შესაძლებელია ხანმ. წვიმა ელჭექით. დას. ქარი 10-15მ/წმ. ჰაერის ტემპერატურა: დღისით +26°, ღამით+17 °.ბათუმი- დროგამოშვებით ღრუბლიანობის მომატება. დღის ბოლოს შესაძლებელია ხანმ. წვიმა ელჭექით. სამხრ/დას. ქარი 10-15მ/წმ. ჰაერის ტემპერატურა: დღისით +26°, ღამით +17°.ქობულეთი- დროგამოშვებით ღრუბლიანობის მომატება. დღის ბოლოს შესაძლებელია ხანმ. წვიმა ელჭექით. სამხრ/დას. ქარი 10-15მ/წმ. ჰაერის ტემპერატურა: დღისით +25°, ღამით+16°.ფოთი - დროგამოშვებით ღრუბლიანობის მომატება. დღის ბოლოს შესაძლებელია ხანმ. წვიმა ელჭექით. დას. ქარი 10-15, მ/წმ. ჰაერის ტემპერატურა: დღისით +25°, ღამით+18°.ხულო - დროგამოშვებით ღრუბლიანობის მომატება. დღის ბოლოს შესაძლებელია ხანმ. წვიმა ელჭექით. დას. ქარი 7-12მ/წმ. ჰაერის ტემპერატურა: დღისით +21, ღამით+10°.ქუთაისი - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 8-13მ/წმ. ჰაერის ტემპერატურა: დღისით +26, ღამით+16°.ჭიათურა - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 8-13მ/წმ. ჰაერის ტემპერატურა: დღისით +23, ღამით +14°.ამბროლაური- დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 7-12მ/წმ. ჰაერის ტემპერატურა: დღისით +23, ღამით +14°.ცაგერი- დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 7-12მ/წმ. ჰაერის ტემპერატურა: დღისით +22, ღამით +13°.ონი- დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 7-12მ/წმ. ჰაერის ტემპერატურა: დღისით +20, ღამით +11°.მესტია- დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 6-11მ/წმ. ჰაერის ტემპერატურა: დღისით +21, ღამით+9°.გორი- დროგამოშვებით ღრუბლიანობის მომატება. უმეტესად უნალექოდ. დას. ქარი 10-15, დროგ. 17-22მ/წმ. ჰაერის ტემპერატურა: დღისით +29°, ღამით +13 °.ახალგორი- დროგამოშვებით ღრუბლიანობის მომატება. უმეტესად უნალექოდ. დას. ქარი 10-15, დროგ. 17-22მ/წმ. ჰაერის ტემპერატურა: დღისით +28°, ღამით +12°.ჯავა- დროგამოშვებით ღრუბლიანობის მომატება. უმეტესად უნალექოდ. დას. ქარი 10-15მ/წმ. ჰაერის ტემპერატურა: დღისით +24, ღამით +11°.ცხინვალი - დროგამოშვებით ღრუბლიანობის მომატება. უმეტესად უნალექოდ. დას. ქარი 10-15, დროგ. 17-22მ/წმ. ჰაერის ტემპერატურა: დღისით +28°, ღამით +11 °.სტეფანწმინდა- დროგამოშვებით ღრუბლიანობის მომატება. შესაძლებელია ხანმოკლე წვიმა ელჭექით. დას. ქარი 10-15, დროგ. შეს. 17-22მ/წმ. ჰაერის ტემპერატურა: დღისით +19°, ღამით +8 °.გუდაური- დროგამოშვებით ღრუბლიანობის მომატება. შესაძლებელია ხანმ. წვიმა ელჭექით. დას. ქარი 10-15მ/წმ. ჰაერის ტემპერატურა: დღისით +17, ღამით+6°.თიანეთი - დროგამოშვებით ღრუბლიანობის მომატება. უმეტესად უნალექოდ. დას. ქარი 10-15მ/წმ. ჰაერის ტემპერატურა: დღისით +24, ღამით +12°.ახალციხე- დროგამოშვებით ღრუბლიანობის მომატება. უმეტესად უნალექოდ. დას. ქარი 10-15მ/წმ. ჰაერის ტემპერატურა: დღისით +28, ღამით +8°.ბორჯომი- დროგამოშვებით ღრუბლიანობის მომატება. უმეტესად უნალექოდ. დას. ქარი 10-15მ/წმ. ჰაერის ტემპერატურა: დღისით +26, ღამით +10°.ბაკურიანი - დროგამოშვებით ღრუბლიანობის მომატება. უმეტესად უნალექოდ. დას. ქარი 10-15მ/წმ. ჰაერის ტემპერატურა: დღისით +20, ღამით+5°.თელავი - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 10-15, დროგ. 17-22მ/წმ. ჰაერის ტემპერატურა: დღისით +29°, ღამით +16 °.ყვარელი - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 10-15, დროგ. 17-22მ/წმ. ჰაერის ტემპერატურა: დღისით +30°, ღამით +16°.საგარეჯო - დროგამოშვებით ღრუბლიანობის მომატება. უმეტესად უნალექოდ. დას. ქარი 10-15, დროგ. 17-22მ/წმ. ჰაერის ტემპერატურა: დღისით +29°, ღამით +17°.სიღნაღი - დროგამოშვებით ღრუბლიანობის მომატება. უმეტესად უნალექოდ. დას. ქარი 10-15მ/წმ. ჰაერის ტემპერატურა: დღისით +29°, ღამით+17°.დედოფლისწყარო - დროგამოშვებით ღრუბლიანობის მომატება. შესაძლებელია ხანმ. წვიმა ელჭექით. დას. ქარი 10-15, დროგ. 17-22მ/წმ. ჰაერის ტემპერატურა: დღისით +28°, ღამით+16 °.ლაგოდეხი - დროგამოშვებით ღრუბლიანობის მომატება. ხანმ. წვიმა ელჭექით. დას. ქარი 10-15, დროგ. 17-22მ/წმ. ჰაერის ტემპერატურა: დღისით +30°, ღამით +17°.
1751264130
Google-ის პროგრამით, ტანსაცმლის მოსინჯვა ციფრულად შეგიძლიათGoogle-ის ახალი აპლიკაციის ტანსაცმლის მოსინჯვა სახლიდან გაუსვლელად, მაღაზიის უსასრულო რიგში დგომის გარეშე შეგიძლიათ. Doppl — სწორედ ასე ჰქვია აპლიკაციას, რომელშიც ადამიანს საკუთარი ციფრული ვერსიის შექმნა და მისთვის ინტერნეტში ნაპოვნი სხვადასხვა ტანსაცმლის მორგება შეუძლია, თანაც წამებში.პროცესი მარტივია: პირველ რიგში, მომხმარებელმა სისტემაში კარგად განათებულ ადგილას გადაღებული სურათი უნდა ატვირთოს, რომელზედაც სრულად გამოჩნდება, ხოლო მოგვიანებით, Doppl-ში ტანსაცმელი დაამატოს, რომლის “მოსინჯვა” სურს, რისთვისაც Instagram-ის, Pinterest-ის ან ნებისმიერი სხვა ვებგვერდის გამოყენება შეუძლია.შემდეგ, ხელოვნური ინტელექტი ამ ორ სურათს გააერთიანებს — რისთვისაც, ჯერ სტანდარტულზე ცოტა მეტი დრო სჭირდება — და მომხმარებელს რეალისტურ სურათს დაუბრუნებს, სადაც ჩანს, უხდება თუ არა მას ესა თუ ის ჩაცმულობა. სურვილის შემთხვევაში, Doppl-ის მომხმარებელს საკუთარი ციფრული ავატარის ამოძრავება და მისი პოზის შეცვლა შეუძლია.Google-ის ახალი ფუნქციონალი ტესტირებას გადის, ანუ ის ჯერაც არასრულყოფილია. როგორც ბეტატესტერები ამბობენ, Doppl-ი ხშირად ურევს ტანსაცმელს და უჭირს გაარჩიოს ადამიანის სხეულების ნაწილი, განსაკუთრებით მაშინ, თუ ერთ სურათზე ადამიანი თხემით ტერფამდე დგას, მეორე სურათზე კი მხოლოდ შარვალი ან ქვედაბოლო არის გამოსახული. ასევე ხშირია სხვა შეცდომები. Doppl-ი ახალი აპლიკაციაა, რომელიც ახლა იხვეწება, შესაბამისად ყველა ეს პრობლემა დროთა განმავლობაში აღმოიფხვრება, რადგან ხელოვნური ინტელექტი, როგორც ცნობილია, ექსპონენტურად ვითარდება.თავად ეს ფუნქციონალი Google-ისთვის ახალი არ არის, რადგან ტანსაცმლის მოსინჯვის ტექნოლოგია ამერიკულმა კომპანიამ რამდენიმე წლის წინ წარმოადგინა. ახლა კი, ეს ფუნქციონალი ცალკე აპლიკაციად გაეშვა, რაც მიგვანიშნებს, რომ ამ მიმართულებით Google-ში დიდი გეგმები აქვთ, მაგრამ ტექნოლოგიის განვითარებას დრო დასჭირდება. Dopple-ის გადმოწერა ამ ეტაპზე მხოლოდ ამერიკის შეერთებულ შტატებში შეიძლება.bm.ge
