ფინეთმა რუსეთთან საზღვარზე ლტოლვილების გაძევების კანონი მიიღო

1750407162

მსოფლიო ბანკმა სიღარიბის ზღვარი ერთ სულ მოსახლეზე დღეში 2.15 დოლარიდან 3 დოლარამდე გაზარდა. ამის შესახებ ბანკის განცხადებაში წერია, რასაც Forbes ავრცელებს.წინა ზღვარი 2022 წელს 2017 წლის მსყიდველუნარიანობის პარიტეტის მონაცემების საფუძველზე დადგინდა.ადამიანები, რომლებიც დღეში 3 დოლარზე ნაკლები ოდენობით ცხოვრობენ, ამიერიდან უკიდურეს სიღარიბეში მყოფებად ჩაითვლებიან. მსყიდველუნარიანობის პარიტეტი არის მონაცემი, რომელიც სხვადასხვა ვალუტის ერთ შესადარებელ ერთეულად გადაყვანის საშუალებას იძლევა და სხვადასხვა ქვეყანაში ფასების სხვაობას ითვალისწინებს.2022 წელს 2011 წლის მსყიდველუნარიანობის პარიტეტი 2017 წლის პარიტეტით შეიცვალა და სიღარიბის ზღვარი დღეში 1.90 დოლარიდან 2.15 დოლარამდე გაიზარდა. 2015 წელს სიღარიბის ზღვარი დღეში 1.25 დოლარიდან 1.90 დოლარამდე შეიცვალა.მსოფლიო ბანკის თემატური ანგარიშის თანახმად, რომლის სახელწოდებაც არის „სიღარიბე, კეთილდღეობა და პლანეტა: მრავალჯერადი კრიზისიდან გამოსვლის გზები“ და რომელიც ოჯახების კვლევის მონაცემებს ეფუძნება, მსოფლიოში გლობალური სიღარიბის პრობლემების გადაჭრას 100 წელზე მეტი დრო დასჭირდება.2024 წლის ოქტომბერში გამოქვეყნებული ანგარიშის ავტორები აცხადებენ, რომ მსოფლიოს მოსახლეობის 44%, ანუ 3.5 მილიარდზე მეტი ადამიანი დღეში 6.85 დოლარზე ნაკლები ოდენობით ცხოვრობს, რაც საშუალოზე მაღალი შემოსავლის მქონე ქვეყნებისთვის სიღარიბის ზღვრად ითვლება. მათი რიცხვი 1990-იანი წლებიდან პრაქტიკულად უცვლელი დარჩა. ამასთან, უკიდურესი სიღარიბის აღმოფხვრას, როდესაც ადამიანები დღეში 2.15 დოლარზე ნაკლები ოდენობით ცხოვრობენ, რამდენიმე ათწლეული დასჭირდება.მსოფლიო ბანკის მონაცემებით, უკიდურეს სიღარიბეში, თითქმის, 700 მლნ ადამიანი, ანუ მთლიანი მოსახლეობის 8.5% ცხოვრობს. მათგან ორი-მესამედი სუბსაჰარის აფრიკიდანაა. ამ კატეგორიაში მყოფი ადამიანების რაოდენობა 1990-იანი წლებიდან თანდათან მცირდება, როცა დღეში 2.15 დოლარის ოდენობით 2 მილიარდზე მეტი ადამიანი ცხოვრობდა. მსოფლიო ბანკის პროგნოზით, იმ ადამიანების რაოდენობა, რომლებიც დღეში ამ ოდენობით ცხოვრობენ, 2030 წლისთვის 622 მილიონამდე შემცირდება.bpn.ge

1750328221

ერევანში სომხური წარმოშობის რუსი ოლიგარქის, სამველ კარაპეტიანის დაკავების შემდეგ სომხეთიდან რუსეთში ყვავილების მიწოდება შესაძლოა, შეჩერდეს. აკრძალვა ძალაში 27 ივნისიდან შევა.ამის შესახებ „როსსელხოზნადზორის“ მიერ ევრაზიის ეკონომიკური კომისიისთვის გაგზავნილ წერილში წერია, რაც „ინტერფაქსს“ ინფორმირებულმა წყარომ გააცნო.წყაროს ცნობით, უწყება სომხეთიდან ფიტოსანიტარიული სერტიფიკატების მქონე ყვავილების იმპორტის ასაკრძალად ემზადება. თავის გადაწყვეტილებას „როსსელხოზნადზორი“ ოფიციალურად იმით ამართლებს, თითქოს, სომხეთი „რუსეთისა და ევრაზიული ეკონომიკური კავშირის ფიტოსანიტარულ მოთხოვნებს სისტემატურად არღვევს,“ ხოლო სომხეთის საინსპექციო ორგანო ამაზე „არ რეაგირებს.“ უწყება, ასევე, შეშფოთებულია წელს იმპორტირებული სომხური ყვავილების მოცულობის მკვეთრი ზრდით და თანდართულ დოკუმენტებში ხშირ შეუსაბამობებზე მიუთითებს. კერძოდ, საქმე ეხება ყვავილების წარმომავლობის შესახებ არაზუსტ ინფორმაციას, მწარმოებლების შესახებ მონაცემების ნაკლებობასა და მესამე ქვეყნებიდან შესული საქონლისგან სომხური პროდუქციის გარჩევის შეუძლებლობას.ეს ინფორმაცია მას შემდეგ გაჩნდა, რაც ერევანში ხელისუფლების ხელში ჩაგდების მოწოდებისთვის ოლიგარქ სამველ კარაპეტიანს ბრალი წარუდგინეს. კარაპეტიანი 18 ივნისს საკუთარ სახლში დააკავეს, მანამდე კი, 17 ივნისს სომეხმა სამართალდამცავებმა მისი სახლი გაჩხრიკეს, რა დროსაც 20 ადამიანი, მოგვიანებით კი ოლიგარქის სახლთან კიდევ 50 მისი მხარდამჭერი დააკავეს.ოლიგარქი სომხეთის ეკლესიის მხარდაჭერის საბაბით პრემიერ-მინისტრ ნიკოლ ფაშინიანის ხელისუფლებას დაუპირისპირდა. ის ამბობდა, თითქოს, ადამიანთა მცირე ჯგუფი ეკლესიას ებრძოდა, რასაც თავისებურად შეეწინააღმდეგებოდა. ფაშინიანმა სოციალურ ქსელში რუსეთში მოღვაწე სომეხ ოლიგარქს უპასუხა, რომ სომხეთი კალუგის ოლქის რომელიმე სოფელი არ არის. პრემიერი, ასევე, კარაპეტიანის კუთვნილი და მილიონზე მეტი მომხმარებლის მქონე კომპანია „სომხეთის ელექტროქსელების“ ნაციონალიზაციის წინადადებით გამოვიდა.Forbes-ის თანახმად, 59 წლის სამველ კარაპეტიანი რუსეთის უმდიდრესი ბიზნესმენების სიაში 44-ე, ხოლო მსოფლიო მილიარდერთა სიაში 1102-ე ადგილზეა. მისი ქონება 3.2 მლრდ დოლარად არის შეფასებული. სომეხ ოლიგარქს რუსეთის ძალოვანი სტრუქტურების მაღალჩინოსნებს, მათ შორის, რუსეთის შინაგან საქმეთა მინისტრ ვლადიმერ კოლოკოლცევს არაერთხელ უკავშირებდნენ.ცნობისთვის: სამველ კარაპეტიანი რუსეთში სამშენებლო-სამრეწველო კომპანიების ჯგუფ „ტაშირის“ მფოლებელია, რომლის ბრენდის ქვეშ 200-ზე მეტი კომპანია ოპერირებს. ესენია: უძრავ ქონებაში სავაჭრო ცენტრების ქსელი RIO, ენერგეტიკაში “სომხეთის ელექტრო ქსელები,” საბანკო სექტორში Fora Bank, სარესტორნო ბიზნესში 140-ზე მეტი ობიექტი და ა.შ.bpn.ge

1750245316

ივნისში გამოქვეყნებული ფინანსური დოკუმენტების თანახმად, პრეზიდენტმა დონალდ ტრამპმა ოჯახის კრიპტოვალუტის საწარმოდან, კერძო გოლფის მოედნებიდან და სხვა ნაწარმის რეალიზებით - ბიბლიებიდან დაწყებული საათებით დამთავრებული, მილიონები გამოიმუშავა.„ბიზნეს იმპერიის გასაფართოებლად, თავისი პოლიტიკური პოპულარობით ისარგებლა,“ - წერს CNN.ტრამპის მიერ გაცხადებული ერთ-ერთი უდიდესი შემოსავლის წყარო იყო 57 მილიონი დოლარის ღირებულების ტოკენების გაყიდვა WLF Holdco LLC-ის მეშვეობით. WLF არის ტრამპების ოჯახის კრიპტოვალუტის კომპანია, მას პრეზიდენტის ვაჟები მართავენ. თავად ტრამპი კი ფლობს 1-დან 5 მილიონ დოლარამდე “ეთერიუმს“.დოკუმენტებში, რომელიც 230-ზე მეტ გვერდს მოიცავს, ასახულია შემოსავლები მას შემდეგ რაც ტრამპი იანვარში, თეთრ სახლში დაბრუნდა.ტრამპის აქტივები ინახება ტრასტში, რომელსაც მისი შვილები მართავენ. Trump Organization-მა წელს გამოაცხადა, რომ პრეზიდენტი არ მიიღებს მონაწილეობას კომპანიის ყოველდღიურ მართვაში. თუმცა, ის კვლავ სარგებლობს თავისი უზარმაზარი უძრავი ქონებისა და ბრენდინგის იმპერიით.დოკუმენტები აჩვენებს, რომ ლიცენზიის მქონე კომპანიებმა, რომლებიც ყიდიან პროდუქტებს დონალდ ტრამპის სახელის, იმიჯისა და მსგავსების გამოყენებით, (სპორტული ფეხსაცმლიდან დაწყებული საათებით დამთავრებული), ტრამპს მილიონობით ჰონორარი მოუტანა.ფრაზის წარმოთქმით - “ღმერთმა დალოცოს აშშ“, ტრამპმა 1.3 მილიონ დოლარზე მეტი გამოიმუშავა. შეგახსენებთ, 2024 წლის საარჩევნო კამპანიის დროს ტრამპმა გამოაქვეყნა ვიდეო, რომელშიც მხარდამჭერებს მოუწოდებდა ბიბლიის შეძენისკენ, რათა „ამერიკამ კვლავ ილოცოს“. მას შემდეგ ბიბლიის გაყიდვები საგრძნობლად გაიზარდა.პრეზიდენტმა ასევე 2.5 მილიონი დოლარი გამოიმუშავა ტრამპის სპორტული ფეხსაცმლისა და სუნამოების გაყიდვიდან, ხოლო 2.8 მილიონი დოლარი „ტრამპის საათების“ გაყიდვიდან.დოკუმენტში ასევე ასახულია დამატებითი ინფორმაცია პირველი ლედის, მელანია ტრამპის ჰონორარებზე, რომელიც მან გასული წლის საარჩევნო კამპანიის დროს გამოიმუშავა.ნიუ-იორკში, კონსერვატიული ლგბტქ ჯგუფის წინაშე გამოსვლისთვის, მელანიას 475 000 აშშ დოლარი გადაუხადეს.ცნობილია, რომ 2024 წლის აპრილში პალმ-ბიჩში გამოსვლისთვის, მელანია ტრამპს 237 500 აშშ დოლარი გადაუხადეს.მან ასევე დაახლოებით 217 000 აშშ დოლარი გამოიმუშავა NFT-ების, ანუ არაგაცვლადი ტოკენების გაყიდვით.წყარო: cnn.com

1750235415

მსოფლიოში ბიტკოინის უმსხვილესმა კორპორატიულმა მფლობელმა, Strategy-მ, 1 მლრდ აშშ დოლარის ღირებულების ბიტკოინი შეიძინა.კომპანიის განცხადებით, კრიპტო ვალუტაში ამ მასშტაბით ინვესტირების გადაწყვეტილება მიიღეს მას შემდეგ, რაც ირანსა და ისრაელს შორის ბირთვული ომის საშიშროება გაჩნდა.Strategy-მ, 1 მლრდ აშშ დოლარის ღირებულების ბიტკოინი შეიძინაStrategy-ს დამფუძნებელ მაიკლ სალიორის თქმით, მისმა კომპანიამ 10 100 ცალი ბიტკოინი იყიდა და თითო მათგანი საშუალოდ 104 080 აშშ დოლარი დაუჯდა. შედეგად, ამ მომენტისთვის კომპანიის აქტივებში 592 100 ბიტკოინია, რაც 64 მლრდ აშშ დოლარზე მეტია.Cryptotimes-ის ინფორმაციით, Strategy-ს ბიტკოინში ინვესტიციები წლიურად 19.1%-ით გაიზარდა, თუმცა კომპანიაში იმედოვნებენ, რომ წლის ბოლომდე ეს რიცხვი 25%-ს მიაღწევს.ასევე, იაპონურმა ბიტკოინ ჰოლდინგმა, Metaplanat-მა 1 112 ბიტკოინი იყიდა და მასში 117.2 მლნ აშშ დოლარი გადაიხადა. ჯამში კომპანიის აქტივებში 10 000-ზე მეტი ბიტკოინია.ინფორმაციისთვის გეტყვით, რომ 17 ივნისის თბილისის დროით 19:00 საათისთვის, ერთი ბიტკოინის ღირებულება 104 786 აშშ დოლარს შეადგენს.

1750224060

გარემოს ეროვნული სააგენტოს ცნობით, დღეს ამინდი საქართველოში განპირობებული იქნება შავი ზღვის ჩრდილო-დასავლეთიდან მოქმედი გრილი და სამხრეთიდან გადმონაცვლებული ცხელი ჰაერის მასების ურთიერთქმედებით.საქართველოში მოსალოდნელია: დროგამოშვებით ღრუბლიანობის მომატება. ზოგან ხანმოკლე წვიმა და ელჭექი. აღმოსავლეთ საქართველოში შესაძლებელია სეტყვა. იქროლებს დასავლეთის მიმართულების ქარი, ზოგან ძლიერი.დასავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი. დასავლეთის ქარი 10-15 მ/წმ. ჰაერის ტემპერატურა: დაბლობში ღამით +12, +17°, დღისით +22, +27°; მთაში ღამით +8, +13°, დღისით +20, +25°; მაღალ მთაში ღამით +3, +8°, დღისით +17, +22°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი, შესაძლებელია სეტყვა. დასავლეთის ქარი 10-15 მ/წმ, ზოგან ძლიერი 17-22 მ/წმ. ჰაერის ტემპერატურა: ბარში ღამით +11, +16°, დღისით +23, +28°; მთაში ღამით +4, +9°, დღისით +21, +26°; მაღალ მთაში ღამით +1, +6°, დღისით +15, +20°.თბილისში - დროგამოშვებით ღრუბლიანობის მომატება. უმ. უნალექოდ. ჩრდილო-დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +26°, ღამით +14 °.სოხუმი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +26°, ღამით+14 .გაგრა - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +25°, ღამით +15°.ოჩამჩირე - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +26°, ღამით +15°.ბათუმი- დროგამოშვებით ღრუბლიანობის მომატება. უმ. უნალექოდ. სამხრეთ-დასავლეთის ქარი 10-15მ/წმ. ჰაერის ტემპერატურა: დღისით +27°, ღამით +14 °.ქობულეთი- დროგამოშვებით ღრუბლიანობის მომატება. უმ. უნალექოდ. სამხრეთ-დასავლეთის ქარი 10-15მ/წმ. ჰაერის ტემპერატურა: დღისით +25°, ღამით +13°.ფოთი - დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 10-15მ/წმ, ჰაერის ტემპერატურა: დღისით +26°, ღამით+16°.ხულო - დროგამოშვებით ღრუბლიანობის მომატება. უმ. უნალექოდ. დასავლეთის ქარი 8-13მ/წმ. ჰაერის ტემპერატურა: დღისით +18, ღამით+6°.ქუთაისი - დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 9-14მ/წმ. ჰაერის ტემპერატურა: დღისით +25, ღამით+14°.ჭიათურა - დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 10-15მ/წმ. ჰაერის ტემპერატურა: დღისით +25, ღამით +12°.ამბროლაური- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +23, ღამით +12°.ცაგერი- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +24, ღამით +12°.ონი- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 7-12მ/წმ. ჰაერის ტემპერატურა: დღისით +22, ღამით +10°.მესტია- დროგამოშვებით ღრუბლიანობის მომატება. უმ. უნალექოდ. დასავლეთის ქარი 7-12მ/წმ. ჰაერის ტემპერატურა: დღისით +19, ღამით +8°.გორი- დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +26°, ღამით +11 °.ახალგორი- დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +24°, ღამით +10°.ჯავა- დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +23, ღამით +10°.ცხინვალი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +25°, ღამით+11 °.სტეფანწმინდა- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 10-15მ/წმ, დროგამოშვებით შეს.ძლიერი 17-22მ/წმ. ჰაერის ტემპერატურა: დღისით +17°, ღამით +7 °.გუდაური- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 10-15მ/წმ. ჰაერის ტემპერატურა: დღისით +15, ღამით+5°.თიანეთი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +22, ღამით +9°.ახალციხე- დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +26, ღამით +6°.ბორჯომი- დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +25, ღამით +8°.ბაკურიანი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +18, ღამით+2°.თელავი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით შეს. ძლიერი 17-22მ/წმ. ჰაერის ტემპერატურა: დღისით +27°, ღამით +14 °.ყვარელი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +28°, ღამით +15°.საგარეჯო - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +26°, ღამით +15°.სიღნაღი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +26°, ღამით+14°.დედოფლისწყარო - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ, დროგამოშვებით ძლიერი 17-22მ/წმ. ჰაერის ტემპერატურა: დღისით +28°, ღამით +15°.ლაგოდეხი - დროგამოშვებით ღრუბლიანობის მომატება. უმ. უნალექოდ. დასავლეთის ქარი 10-15მ/წმ. ჰაერის ტემპერატურა: დღისით +28°, ღამით +15 °.