რატომ არ იაფდება ბალი? – „ჩერი.ჯის“ თანადამფუძნებელი მიზეზზე

1749798004

„შემიძლია, დაგიდასტუროთ, რომ მოცვის ბაღებში ჩამოჰყავთ არა მხოლოდ უკრაინელები, არამედ სხვა ეროვნების ადამიანებიც, რომლებიც მოსავლის აღებაში ეხმარებიან“, - აცხადებს „ბიზნესპრესნიუსთან“ კომპანია „კარტლისის“ წარმომადგენელი და დარგის ექსპერტი, სალომე დოღონაძე.მისი თქმით, საქართველოში არსებული პროფესიონალი ლურჯი მოცვის მკრეფავების რესურსი არასაკმარისია და უცხოელების ჩამოყვანა ამ მიზეზით არის განპირობებული.„საქართველოში ლურჯი მოცვის კულტურის საფუძვლიანი განვითარება 2016 წლიდან დაიწყო და მსხმოიარე ბაღების რაოდენობა წლიდან წლამდე იზრდება. ამ კენკრის მოკრეფას სპეციალური ცოდნა და პროფესიონალიზმი სჭირდება, რა კუთხითაც პროგრესი თვალსაჩინოა, თუმცა ბაღებისა და მსხმოიარობის ზრდის მასშტაბი ამ მაჩვენებლის მატებას მნიშვნელოვნად აღემატება.გიდასტურებთ იმასაც, რომ საქართველოში, არსებობს კარგი ადგილობრივი მკრეფავებისგან შემდგარი ბრიგადები, რომლებიც უფრო და უფრო იხვეწებიან და გამოცდილებას იძენენ, ოღონდ, მათი რაოდენობა მკვეთრად არასაკმარისია და უცხოელების ჩამოყვანის აუცილებლობაც ამიტომ ჩნდება. კიდევ ერთი მნიშვნელოვანი ფაქტორია ხარისხი, რაშიც მოკრეფის სიჩქარე და ნაყოფის კონტეინერამდე მიტანის სპეციფიკა იგულისხმება - კიდევ ერთხელ ხაზს გავუსვამ, ამ მისიას ყველას ნამდვილად ვერ ანდობ“.დოღონაძის განმარტებით, ქართველ და უცხოელ მკრეფავებს შორის ანაზღაურების ნაწილში განსხვავება არ არსებობს და ეს იმაზეა დამოკიდებული, რა რაოდენობასაც დღის განმავლობაში დაკრეფენ.„რაც შეეხება ფინანსურ ნაწილს, ანაზღაურება მოკრეფილი კილოგრამების მიხედვით ხდება, შესაბამისად, ქართველიც და უცხოელიც თანაბარ პირობებში არიან. დამკვეთის გადმოსახედიდან რომ შევხედოთ, ცხადია, უცხოელის ჩამოყვანა ჯამურად მეტ ხარჯთან არის დაკავშირებული, მაგრამ მას ეს უღირს და, აი, რატომ: წლევანდელი დაკვირვებით, უკრაინული ბრიგადის თითოეული ადამიანი, თავის წილად, დღეში 70-80 კილოგრამ მოსავალს იღებს და კონტეინერში ისე ათავსებს, შემდგომი პრობლემების შექმნის რისკი მინიმუმამდეა დაყვანილი. ეს ძალიან მნიშვნელოვანია, რადგან მოკრეფა-მოთავსების პროცესის სათანადო პროფესიონალიზმით ვერშესრულების შემთხვევაში, დიდი შანსია, ნაყოფი დაზიანდეს ან მისი ხელახლა გადარჩევა დაგჭირდეს, რაც როგორც გემოვნობის, ასევე ხარისხის დაქვეითებას იწვევს“.კითხვაზე, რა პერსპექტივებია, ლურჯი მოცვის მხრივ, წლევანდელ სეზონზე, დოღონაძე ამბობს, რომ მცენარემ ურთულესი სავეგეტაციო პერიოდი გადაიტანა და მისი პროდუქტიულობა უმაღლესი გამოვლინებით წელს მოსალოდნელი არაა.„მოცვის გაყიდვა მაისის შუა რიცხვებიდან დაიწყო და თავდაპირველად კილოგრამზე ჩასაბარებელი ფასი დაახლოებით 60 ლარი იყო, თუმცა უკვე 1 კვირაა, რაც 25 ლარის ფარგლებშია დასტაბილურებული.სავარაუდოა, რომ წელს მოსავალი მხოლოდ იმიტომ თუ გაიზრდება, რომ ბაღების ასაკი და მსხმოიარობაში შესვლის მასშტაბი იმატებს, თორემ, სხვა მხრივ, თამამად შემიძლია ვთქვა, რომ მას შემდეგ, რაც საქართველოში მოცვის მასშტაბურად მოყვანა-წარმოება დაიწყო, ასეთი ცუდი ამინდები არასდროს ყოფილა - თოვლი, ყინვა, ტემპერატურის მკვეთრი და სწრაფი ცვალებადობა და ეს ყველაფერი ემთხვეოდა სწორედ იმ საკვანძო პერიოდებს, როცა მცენარე ყვავილობდა, ნაყოფის განვითარებას იწყებდა და ა.შ. ასე რომ, ამ კულტურისთვის ერთ-ერთი ყველაზე რთული და გამოწვევებით დატვირთული სავეგეტაციო წელია“, - აღნიშნა დარგის ექსპერტმა.

1749725871

სომხეთში 500 მლნ დოლარის ღირებულების ხელოვნური ინტელექტის ქარხანა აშენდება, რომელიც რეგიონში ყველაზე დიდი ტექნოლოგიური პროექტია.ამბიციური პროექტის დაწყების შესახებ ღრუბლოვანი ხელოვნური ინტელექტის გადაწყვეტილებების ლიდერმა კომპანია Firebird, სომხეთის მთავრობასთან და NVIDIA Corporation-თან ერთად განახორციელებს. შეიქმნება ახალი თაობის ინოვაციური ღრუბლოვანი ხელოვნური ინტელექტის პლატფორმა. პროექტი კავკასიის რეგიონის ტექნოლოგიური პოტენციალის განვითარებასა და სომხეთის ხელოვნური ინტელექტის ინდუსტრიის ერთ-ერთ წამყვან ცენტრად გადაქცევას ისახავს მიზნად.გეგმის მიხედვით, 2026 წლისთვის პროექტის ფარგლებში NVIDIA Blackwell-ის რამდენიმე ათასი გრაფიკულ პროცესორი განთავსდება, რომლებსაც 100 მეგავატ ან მეტ სიმძლავრემდე გაზრდის შესაძლებლობა ექნებათ. ასეთი მძლავრი ინფრასტრუქტურა მაღალი წარმადობის გამოთვლების მხარდაჭერასა და ხელოვნური ინტელექტის მოწინავე აპლიკაციების განვითარებას უზრუნველყოფს.მთლიანი ინვესტიცია 500 მლნ დოლარად არის შეფასებული. პროექტი მაღალტექნოლოგიურ ინფრასტრუქტურას, კვალიფიციურ სპეციალისტებსა და ინოვაციურ სამეცნიერო კვლევებს გააერთიანებს.პროექტის მხარდამჭერები ისეთი მსხვილი კომპანიები არიან, როგორიც Telecom Armenia-ს მშობელი კომპანია Team Group და Irish Imagine Broadband-ია. ისინი მონაცემთა ცენტრების დაჩქარებული განლაგებისთვის ექსპერტიზასა და ინფრასტრუქტურას უზრუნველყოფენ.Firebird-ის პროექტის მთავარი ინვესტორი ფონდი Afeyan Foundation for Armenia-ა, რომელსაც ნუბარ აფეიანი ხელმძღვანელობს. ის, ასევე, პროექტის სტრატეგიული მრჩეველია.

1749709468

ბლის მწარმოებელი „ჩერი.ჯის“ თანადამფუძნებელი დავით ჭუბაბრია ბალზე მაღალი ფასების მიზეზს ხსნის და აცხადებს, რომ ამ სეზონზე ბლის გაიაფებას არ უნდა ველოდოთ. როგორც Bm.ge-სთან ინტერვიუში ჭუბაბრიამ აღნიშნა, მიზეზი აპრილში მოსული ძლიერი ყინვა გახდა, რამაც წლევანდელი მოსავალი თითქმის გაანადგურა. საქმე ისაა, რომ ბლის ფასი სხვადასხვა სავაჭრო ობიექტებში 10 ლარიდან იწყება და ქსელურ მარკეტებში ამ დროისთვის 23 ლარს აღწევს, რაც გასულ სეზონებზე გაცილებით დაბალი იყო.„შიდა ქართლში 13 აპრილს იყო სერიოზული ყინვა, რომელიც ღამის საათებში გრძელდებოდა და მიაღწია -5 გრადუსს. შესაბამისად, ბლის გარდა, სხვა კურკოვანი ხილის, მათ შორის გარგარის, ატმის, ქლიავის მოსავალი შიდა ქართლში არის სავალალო მდგომარეობაში. წელს შიდა ქართლში მოსავალი არ არის. ეს შედეგი ბალზე უკვე აისახა, ვინაიდან ბალი სხვა კურკოვნებთან შედარებით ადრე მოდის, თუმცა იგივეს შეიძლება ველოდოთ ატამზე, ქლიავზე, გარგარზეც. მიწოდება დაბალია, მოთხოვნა მაღალია და ფასებიც შესაბამისად მაღალი. ბლის გაიაფებას ამ სეზონზე არ უნდა ველოდოთ“, - განაცხადა დავით ჭუბაბრიამ.მისივე თქმით, „ჩერი.ჯის“ მოსავალი წელს, ბაღების ასაკისა და მდგომარეობიდან გამომდინარე, წელს 100-120 ტონა უნდა ყოფილიყო, თუმცა სეზონის საპროგნოზო მაჩვენებელი, აპრილის ყინვის გამო, 5-10 ტონამდეა შემცირებული.„ჩემი ბაღი მეხუთე წლისაა, შარშანდელთან შედარებით 5-ჯერ შემცირდა მოსავლიანობა, მაგრამ შარშანდელი წელი არ იყო ისეთი მსხმოიარობის, როგორც წელს, ამიტომაც წლევანდელი ყინვის გამო დაახლოებით 90% დავკარგეთ“, - განაცხადა დავით ჭუბაბრიამ.ცნობისთვის, „ჩერი.ჯის“ ბლის ბაღები გორის რაიონის სოფელ მეჯვრისხევში 11 ჰექტარზეა გაშენებული. ბაღებში 15 ჯიშის ბალი მოჰყავთ. ინვესტიცია, რომელიც ამ ბაღებში ჩაიდო, 2.5 მლნ ლარია, რასაც სახელმწიფო პროგრამებით სარგებლობაც ემატება.bm.ge

1749646031

თბილისის მერმა კახა კალაძემ 2024 წელს 66 ერთეული ბიტკოინი იყიდა, - ამის შესახებ ირკვევა მის მიერ 2025 წლის 31 დეკემბერს შევსებული ქონებრივი დეკლარაციიდან.დოკუმენტების მიხედვით, კახა კალაძემ შეძენილ კრიპტოვალუტაში ჯამში 4 645 315 დოლარი გადაიხადა.შეგახსენებთ, რომ გასულ კვირას კახა კალაძემ ჟურნალისტებთან განაცხადა, რომ „ევროპულ ბანკებში თანხები არ აქვს და რაც ჰქონდა იმით კრიპტოვალუტა შეიძინა“. აღნიშნულით მან სანქციების პირობებში, დასავლეთიდან კაპიტალის გადმოტანასთან დაკავშირებით დასმულ კითხვას უპასუხა.რაც შეეხება ქონებრივ დეკლარაციაში მითიტებულ ინფორმაციას, ირკვევა, რომ გასულ წელს დედაქალაქის მერმა შეიძინა BRP MAVERICK XRS-ის ფირმის მოტოსატრანსპორტო საშუალება, რაშიც 150 502 ლარი გადაიხადა. გარდა ამისა, მანვე 2024 წელს შეიძინა PORSCHE 911, რომლის ღირებულებაც 170 000 დოლარი იყო.გასულ წელს ახალი ავტომობილი შეიძინა კალაძის მეუღლემაც. ამ შემთხვევაში საუბარია, MERCEDES-BENZ AMG-ზე, რაშიც სულ 150 000 დოლარი გადაიხადა.დეკლარაციის თანახმად, მერმა ხელფასის სახით 2024 წელს 84 902 ლარი აიღო. ამავე პერიოდში მისი ქველმოქმედება 85 000 ლარს შეადგენდა.შეგახსენებთ, რომ რამდენიმე თვის განმავლობაში თანამდებობის პირების ქონებრივი დეკლარაციები ანტიკორუფციული ბიუროს ვებ-გვერდზე საჯაროდ განთავსებული არ იყო. ამის მიზეზად პორტალის ტექნიკური სამუშაოები სახელდებოდა. დღეს კი პორტალზე დეკლარაციები კვლავ საჯაროდ ხელმისაწვდომი გახდა.

1749630731

2024 წელს საქართველომ 15 702 ტონა ცხოველების საკვები პროდუქტების ექსპორტით 7 მილიონ 621 ათასი დოლარის შემოსავალი მიიღო. ეს მოიცავს, როგორც ფერმერული მეურნეობებისთვის განკუთვნილ, ასევე შინაური ცხოველების საკვებს.გასულ წელს ამ დასახელების საქონლის ექსპორტი 2023 წლის ექსპორტის ღირებულებას 34.4%-ით, მოცულობას კი 23.1%-ით ჩამორჩება. უნდა აღინიშნოს, რომ ამ პროდუქტის ექსპორტი 2022 წლამდე მზარდი იყო, თუმცა ბოლო ორი წელია კლების ტენდენციით შეიცვალა.ცხოველთა საკვების მთავარი საექსპორტო ქვეყნები სომხეთი და აზერბაიჯანია, თუმცა პროდუქტი მცირე მოცულობით სხვა ქვეყნებშიც გადის. ქვეყნების რეიტინგი კი ასეთია: სომხეთი - $6 მლნ, 13 553 ტონა; აზერბაიჯანი - $1.2 მლნ, 1 786 ტონა; უზბეკეთი - $135 ათასი, 167 ტონა; ყირგიზეთი - $103 ათასი, 45 ტონა; ყაზახეთი - $92.5 ათასი, 106 ტონა; ამ ქვეყნების გარდა ცხოველთა საკვები მოლდოვაში, ესპანეთში და ვიეტნამში გავყიდეთ.2025 წლის იანვარ-აპრილში საქართველოდან ექსპორტზე 2 მილიონ 293 ათასი დოლარის ღირებულების 4 407 ტონა ცხოველების საკვები გავიდა, რაც გასული წლის ამავე პერიოდის მაჩვენებელს მცირედ ჩამორჩება.საქართველო ძირითადად ცხოველების საკვებად გამოსაყენებელ პროდუქტების იმპორტიორი ქვეყანაა. ოფიციალური სტატისტიკის მიხედვით, 2024 წელს საქართველომ 47 მილიონი დოლარის ღირებულების 34 519 ტონა ცხოველებისთვის განკუთვნილი საკვები შეიძინა, რაც 2023 წლის მაჩვენებელს ღირებულებაში მცირედ (0.4%-ით) აღემატება, ხოლო მოცულობით მცირედაა (2.6%) შემცირებული. ეს კი იმას ნიშნავს, საქართველოს საქონლის შეძენა მცირედ გაუძვირდა.იმპორტიორი ქვეყნების ჩამონათვალი ასეთია: თურქეთი - $6.3 მლნ, 5 658 ტონა; რუსეთი - $5.7 მლნ, 5 945 ტონა; პოლონეთი - $4.8 მლნ, 3 164 ტონა; ესპანეთი - $4.3 მლნ, 3 496 ტონა; საფრანგეთი - $3.7 მლნ, 1 332 ტონა; ცხოველთა საკვების მომწოდებელ ქვეყნებს შორის არიან ასევე იტალია, პორტუგალია, გერმანია, ბელგია, უკრაინა, ნიდერლანდები, ბელგია, ჩეხეთი, ბელარუსი, ხორვატია, ავსტრია და სხვა.2025 წლის პირველ 4 თვეში საქართველოში ცხოველთა კვების იმპორტი შემცირებულია. იანვარ-აპრილში ქვეყანამ 14.8 მლნ დოლარის ღირებულების 10 902 ტონა ცხოველების საკვები შეიძინა, მაშინ როდესაც გასულ წელს 11 417 ტონის შესაძენად ქვეყნიდან 15 მილიონ 688 ათასი დოლარი გავიდა.