„ეიბისი ნიუსი“: ტრამპმა ლოს-ანჯელესში 4800 ჯარისკაცი შეიყვანა, ერაყსა და სირიაში ერთად კი 4000 ამერიკელი ჯარისკაცია

1749825138

ევროკავშირი ყველა ავიარეისზე, მათ შორის, ბლოკის საზღვრებს გარეთ ფრენებზე ხელბარგის წესის შეცვლას გეგმავს - ამის შესახებ ინფორმაციას Daily Mirror ავრცელებს.ამჟამად სხვადასხვა ავიაკომპანიას, ძირითადად, დაბალბიუჯეტიან easyJet-ს, Ryanair-სა და Wizz Air-ს თვითმფრინავში ასატანი ხელბარგის ზომისა და ღირებულების შესახებ ერთმანეთისგან განსხვავებული მოთხოვნები აქვთ.თუმცა ევროკავშირის ახალი წესით ხელბარგზე ერთიანი ზომა დაწესდება და ბორტზე მისი ატანა უფასო იქნება. ავიაკომპანია მგზავრებისთვის დამატებითი გადასახადის დაწესებას ვეღარ შეძლებს.ინიციატორები აცხადებენ, რომ ინოვაცია დაასრულებს დაბნეულობას, როცა სხვადასხვა ავიაკომპანიის რეისებით მგზავრობისას მგზავრის ხელბარგი ერთ-ერთი მათგანის მოთხოვნებს აკმაყოფილებს, მაგრამ მეტად დიდი ან მძიმეა მეორე ავიაკომპანიის ზომებისთვის. შედეგად მგზავრები დამატებითი გადასახადის მოთხოვნის სახით აეროპორტში უსიამოვნო „სიურპრიზებს“ აწყდებიან.ამასთან, გასულ კვირას ევროკავშირის ტრანსპორტის მინისტრებმა ავიაკომპანიებს სავარძლის ქვეშ დასადები უფასო ბარგის ზომების სტანდარტიზაცია შესთავაზეს. თუ ამ წინადადებას ევროპარლამენტი მხარს დაუჭერს, მგზავრებს, ჩანთის ბორბლებისა და სახელურის ჩათვლით, 40x30x15 სმ-ის ზომის ერთი უფასო ხელბარგის ბორტზე ატანა გარანტირებული ექნებათ, რომელიც, ასევე, შეიძლება, თვითმფრინავის სავარძლის ქვეშ მოთავსდეს.ახალი წესი სავარძლის ქვეშ განთავსებულ ჩანთებზე გავრცელდება და ჯერ არ მოიცავს ჩემოდნებს, რომლებიც თვითმფრინავის სალონის ზედა განყოფილებაში თავსდება.ცნობისთვის: Ryanair-ს თავის ბორტზე 40x20x25 სმ ზომის ხელბარგის უფასო ატანა აქვს დაშვებული, მაშინ, როცა Wizz Air-ში ეს ზომა 40x30x20 სმ-სა და არაუმეტეს 10 კგ წონას შეადგენს, ხოლო easyJet უფასოდ, ბორბლებისა და სახელურის ჩათვლით, 45x36x20 სმ ზომის ხელბარგს ატარებს.bpn.ge

1749814156

ირანზე ისრაელის თავდასხმის დაწყების შემდეგ ფასები, ნავთობის გარდა, ოქროზეც მკვეთრად გაიზარდა.ინფორმაციას Investing.com ავრცელებს.კერძოდ, ოქრო 1.8%-ით გაძვირდა და უნციაზე 3.444 დოლარამდე შეადგინა. ოქროზე სპოტური ფასიც 1.18 %-ით გაიზარდა და 3.425 დოლარს გადააჭარბა.რაც შეეხება ნავთობს, Brent-ის ფასი 6%-ზე მეტად, 6.29 აშშ დოლარით გაძვირდა და ბარელზე 73.65 დოლარამდე მიაღწია. West Texas Intermediate-ის (WTI) ნავთობის ღირებულებამ, თითქმის, 10%-ით, 6.43 დოლარით მოიმატა და 74,47 დოლარამდე შეადგინა.ცნობისათვის, 12 ივნისის, გვიან ღამით ის­რა­ელმა­ ირა­ნის ბირ­თვულ პროგ­რა­მა­ზე დარ­ტყმე­ბი გა­ნა­ხორ­ცი­ე­ლა. ის­რა­ე­ლის თავ­დაც­ვის ძა­ლე­ბის პრესს­პი­კე­რის გან­ცხა­დე­ბით, ის­რა­ელ­მა და­ი­წყო "პრე­ვენ­ცი­უ­ლი, ზუს­ტი, კომ­ბი­ნი­რე­ბუ­ლი შე­ტე­ვა“ ირა­ნის ბირ­თვულ პროგ­რა­მა­ზე და­სარ­ტყმე­ლად. მისი თქმით, დარ­ტყმე­ბი იყო პა­სუ­ხი „ირა­ნის რე­ჟი­მის მხრი­დან ის­რა­ე­ლის წი­ნა­აღ­მდეგ მიმ­დი­ნა­რე აგ­რე­სი­ა­ზე“. თავ­დაც­ვის ძა­ლებ­ში გან­მარ­ტა­ვენ, რომ ის­რა­ე­ლის სა­ჰა­ე­რო ძა­ლე­ბის ათო­ბით გა­მა­ნად­გუ­რე­ბელ­მა თავ­დას­ხმის პირ­ვე­ლი ეტა­პი გა­ნა­ხორ­ცი­ე­ლა, რაც მო­ი­ცავს „ათო­ბით სამ­ხედ­რო სა­მიზ­ნე­ზე, მათ შო­რის ირა­ნის სხვა­დას­ხვა რა­ი­ონ­ში ბირ­თვულ სა­მიზ­ნე­ებ­ზე დარ­ტყმებს“.ირანის წინააღმდეგ განხორციელებული თავდასხმების შემდეგ, ისრაელმა ქვეყანაში საგანგებო მდგომარეობა გამოაცხადა.თავდასხმების გამო საჰაერო სივრცე დახურა როგორც ისრაელმა, ასევე, ირანმაც. დღეს დილით, ანალოგიური გადაწყვეტილება იორდანიამაც მიიღო.თავდასხმების გამო უმსხვილესმა ავიაკომპანიებმა ფრენები გააუქმეს ირანში, ისრაელში, ერაყში, იორდანიასა და ლიბანში. ფრენები შეაჩერეს - Emirates airline-მა, Etihad Airways-მა და flydubai-მ.

1749807151

უმსხვილესი ირლანდიური დაბალბიუჯეტიანი ავიაკომპანია, Ryanair 500 ევროთი იმ მგზავრებს დააჯარიმებს, რომლებიც არაადეკვატური საქციელის გამო რეისიდან იხსნებიან.ამის შესახებ ავიაკომპანიის განცხადებაში წერია, რასაც LIGA.net ავრცელებს.ავიაკომპანია იმედოვნებს, რომ ჯარიმა “შემაკავებელი ფაქტორი გახდება და თვითმფრინავში მიუღებელი ქცევის აღმოფხვრას ხელს შეუწყობს.„მიუღებელია, რომ ერთი მგზავრის არადისციპლინური საქციელის გამო მგზავრებმა ზედმეტი უხერხულობა განიცადონ”, - აცხადებენ ავიაკომპანიაში.წლის დასაწყისში Ryanair-მა ერთ-ერთ მგზავრს უჩივლა, რომლის არაადეკვატური ქცევის გამო 2024 წლის აპრილში რეისი ჩაიშალა. ავიაკომპანია მისგან 15.000 ევროზე მეტი ოდენობის ზიანის ანაზღაურებს მოითხოვდა.2024 წლის აგვისტოში Ryanair-ის აღმასრულებელი დირექტორი, მაიკლ ოლირი აცხადებდა, რომ ბორტზე ძალადობის შემთხვევებს მგზავრების მიერ ალკოჰოლის მოხმარება იწვევს. ამდენად, მიმდინარე წლის იანვარში ავიაკომპანიამ ოფიციალურად მოუწოდა ევროპის ქვეყნებს, აეროპორტებში ალკოჰოლის გაყიდვები ორ სასმელამდე შეზღუდონ.ცნობისთვის: აპრილში Ryanair ევროპაში პირველი ავიაკომპანია გახდა, რომელმაც წელიწადში 200 მლნ მგზავრი გადაიყვანა. მაისიდან ავიაკომპანიამ მგზავრებისთვის 70-ევროიანი ჯარიმა ბარგის გადატანის წესების დარღვევისთვის დააწესა.მოამზადა ლადო სულაბერიძემ

1749798004

„შემიძლია, დაგიდასტუროთ, რომ მოცვის ბაღებში ჩამოჰყავთ არა მხოლოდ უკრაინელები, არამედ სხვა ეროვნების ადამიანებიც, რომლებიც მოსავლის აღებაში ეხმარებიან“, - აცხადებს „ბიზნესპრესნიუსთან“ კომპანია „კარტლისის“ წარმომადგენელი და დარგის ექსპერტი, სალომე დოღონაძე.მისი თქმით, საქართველოში არსებული პროფესიონალი ლურჯი მოცვის მკრეფავების რესურსი არასაკმარისია და უცხოელების ჩამოყვანა ამ მიზეზით არის განპირობებული.„საქართველოში ლურჯი მოცვის კულტურის საფუძვლიანი განვითარება 2016 წლიდან დაიწყო და მსხმოიარე ბაღების რაოდენობა წლიდან წლამდე იზრდება. ამ კენკრის მოკრეფას სპეციალური ცოდნა და პროფესიონალიზმი სჭირდება, რა კუთხითაც პროგრესი თვალსაჩინოა, თუმცა ბაღებისა და მსხმოიარობის ზრდის მასშტაბი ამ მაჩვენებლის მატებას მნიშვნელოვნად აღემატება.გიდასტურებთ იმასაც, რომ საქართველოში, არსებობს კარგი ადგილობრივი მკრეფავებისგან შემდგარი ბრიგადები, რომლებიც უფრო და უფრო იხვეწებიან და გამოცდილებას იძენენ, ოღონდ, მათი რაოდენობა მკვეთრად არასაკმარისია და უცხოელების ჩამოყვანის აუცილებლობაც ამიტომ ჩნდება. კიდევ ერთი მნიშვნელოვანი ფაქტორია ხარისხი, რაშიც მოკრეფის სიჩქარე და ნაყოფის კონტეინერამდე მიტანის სპეციფიკა იგულისხმება - კიდევ ერთხელ ხაზს გავუსვამ, ამ მისიას ყველას ნამდვილად ვერ ანდობ“.დოღონაძის განმარტებით, ქართველ და უცხოელ მკრეფავებს შორის ანაზღაურების ნაწილში განსხვავება არ არსებობს და ეს იმაზეა დამოკიდებული, რა რაოდენობასაც დღის განმავლობაში დაკრეფენ.„რაც შეეხება ფინანსურ ნაწილს, ანაზღაურება მოკრეფილი კილოგრამების მიხედვით ხდება, შესაბამისად, ქართველიც და უცხოელიც თანაბარ პირობებში არიან. დამკვეთის გადმოსახედიდან რომ შევხედოთ, ცხადია, უცხოელის ჩამოყვანა ჯამურად მეტ ხარჯთან არის დაკავშირებული, მაგრამ მას ეს უღირს და, აი, რატომ: წლევანდელი დაკვირვებით, უკრაინული ბრიგადის თითოეული ადამიანი, თავის წილად, დღეში 70-80 კილოგრამ მოსავალს იღებს და კონტეინერში ისე ათავსებს, შემდგომი პრობლემების შექმნის რისკი მინიმუმამდეა დაყვანილი. ეს ძალიან მნიშვნელოვანია, რადგან მოკრეფა-მოთავსების პროცესის სათანადო პროფესიონალიზმით ვერშესრულების შემთხვევაში, დიდი შანსია, ნაყოფი დაზიანდეს ან მისი ხელახლა გადარჩევა დაგჭირდეს, რაც როგორც გემოვნობის, ასევე ხარისხის დაქვეითებას იწვევს“.კითხვაზე, რა პერსპექტივებია, ლურჯი მოცვის მხრივ, წლევანდელ სეზონზე, დოღონაძე ამბობს, რომ მცენარემ ურთულესი სავეგეტაციო პერიოდი გადაიტანა და მისი პროდუქტიულობა უმაღლესი გამოვლინებით წელს მოსალოდნელი არაა.„მოცვის გაყიდვა მაისის შუა რიცხვებიდან დაიწყო და თავდაპირველად კილოგრამზე ჩასაბარებელი ფასი დაახლოებით 60 ლარი იყო, თუმცა უკვე 1 კვირაა, რაც 25 ლარის ფარგლებშია დასტაბილურებული.სავარაუდოა, რომ წელს მოსავალი მხოლოდ იმიტომ თუ გაიზრდება, რომ ბაღების ასაკი და მსხმოიარობაში შესვლის მასშტაბი იმატებს, თორემ, სხვა მხრივ, თამამად შემიძლია ვთქვა, რომ მას შემდეგ, რაც საქართველოში მოცვის მასშტაბურად მოყვანა-წარმოება დაიწყო, ასეთი ცუდი ამინდები არასდროს ყოფილა - თოვლი, ყინვა, ტემპერატურის მკვეთრი და სწრაფი ცვალებადობა და ეს ყველაფერი ემთხვეოდა სწორედ იმ საკვანძო პერიოდებს, როცა მცენარე ყვავილობდა, ნაყოფის განვითარებას იწყებდა და ა.შ. ასე რომ, ამ კულტურისთვის ერთ-ერთი ყველაზე რთული და გამოწვევებით დატვირთული სავეგეტაციო წელია“, - აღნიშნა დარგის ექსპერტმა.

1749725871

სომხეთში 500 მლნ დოლარის ღირებულების ხელოვნური ინტელექტის ქარხანა აშენდება, რომელიც რეგიონში ყველაზე დიდი ტექნოლოგიური პროექტია.ამბიციური პროექტის დაწყების შესახებ ღრუბლოვანი ხელოვნური ინტელექტის გადაწყვეტილებების ლიდერმა კომპანია Firebird, სომხეთის მთავრობასთან და NVIDIA Corporation-თან ერთად განახორციელებს. შეიქმნება ახალი თაობის ინოვაციური ღრუბლოვანი ხელოვნური ინტელექტის პლატფორმა. პროექტი კავკასიის რეგიონის ტექნოლოგიური პოტენციალის განვითარებასა და სომხეთის ხელოვნური ინტელექტის ინდუსტრიის ერთ-ერთ წამყვან ცენტრად გადაქცევას ისახავს მიზნად.გეგმის მიხედვით, 2026 წლისთვის პროექტის ფარგლებში NVIDIA Blackwell-ის რამდენიმე ათასი გრაფიკულ პროცესორი განთავსდება, რომლებსაც 100 მეგავატ ან მეტ სიმძლავრემდე გაზრდის შესაძლებლობა ექნებათ. ასეთი მძლავრი ინფრასტრუქტურა მაღალი წარმადობის გამოთვლების მხარდაჭერასა და ხელოვნური ინტელექტის მოწინავე აპლიკაციების განვითარებას უზრუნველყოფს.მთლიანი ინვესტიცია 500 მლნ დოლარად არის შეფასებული. პროექტი მაღალტექნოლოგიურ ინფრასტრუქტურას, კვალიფიციურ სპეციალისტებსა და ინოვაციურ სამეცნიერო კვლევებს გააერთიანებს.პროექტის მხარდამჭერები ისეთი მსხვილი კომპანიები არიან, როგორიც Telecom Armenia-ს მშობელი კომპანია Team Group და Irish Imagine Broadband-ია. ისინი მონაცემთა ცენტრების დაჩქარებული განლაგებისთვის ექსპერტიზასა და ინფრასტრუქტურას უზრუნველყოფენ.Firebird-ის პროექტის მთავარი ინვესტორი ფონდი Afeyan Foundation for Armenia-ა, რომელსაც ნუბარ აფეიანი ხელმძღვანელობს. ის, ასევე, პროექტის სტრატეგიული მრჩეველია.