2023 წელს სურსათის ეროვნულმა სააგენტომ საშაურმეებში ქვეყნის მასშტაბით 404 სახელმწიფო კონტროლი ჩაატარა. კონტროლის შედეგად გამოვლენილი კრიტიკული შეუსაბამობების გამო საწარმოო პროცესი 19 ბიზნესოპერატორს შეუჩერდა - ამის შესახებ უწყება bm.ge-ის მიერ გამოთხოვილ საჯარო ინფორმაციაში წერს.მათივე ცნობით, მიმდინარე წელს შემოწმებულია 82 საშაურმე, რომელთაგანაც 3-ს შეუჩერდა საწარმოო პროცესი.ჩვენს კითხვაზე, კონკრეტულად რა დარღვევებისთვის უჩერდებათ ბიზნესოპერატორებს საწარმოო პროცესი, უწყება წერს, რომ მიზეზი, სხვადასხვა სახის სანიტარიულ-ჰიგიენური ნორმების დარღვევაა.შეგახსენებთ, საქართველოში საშაურმის სტატუსით სულ 537 ბიზნესოპერატორია რეგისტრირებული. 

ბაზისბანკის მხარდაჭერით და საქველმოქმედო ორგანიზაცია „სოლომისიის“ ორგანიზებით, კამპანიის #მიყვარხარდედა ფარგლებში, წეროვანის ლტოლვილთა დასახლების სოციალურად დაუცველ 100-მდე ოჯახს თანადგომა გაეწია.ბაზისბანკისა და ბიზნეს სექტორის წარმომადგენლების კონტრიბუციით, კამპანიის ფარგლებში, სოციალურად დაუცველი დედებისთვის, შვილებმა სპეციალურად შეარჩიეს და გადასცეს საინტერესო და მათთვის მნიშვნელოვანი საჩუქრები.11 აპრილს კი, საქველმოქმედო კამპანიის შემაჯამებელი ღონისძიების ფარგლებში, დედები მარჯანიშვილის თეატრში მიიწვიეს და სპეციალურად მათთვის გამართულ სპექტაკლ „მაკბეტს“ დაესწრნენ.ბაზისბანკი აქტიურად თანამშრომლობს  არასამთავრობო ორგანიზაცია სოლომისიასთან, რომელიც საქართველოში  სხვადასხვა მიმართულებით უამრავ CSR პროექტს ახორციელებს და ემსახურება ბავშვთა უფლებების დაცვას, სახელმწიფო მზრუნველობის ქვეშ მყოფი ბავშვებისთვის მედიაწიგნიერების განვითარებას, სოციალური კამპანიების მართვას, ცნობიერების ამაღლებას და სოციალური სფეროს მხარდაჭერას.ბაზისბანკის და სოლომისიის პარტნიორობით, მომავალშიც არაერთი მნიშვნელოვანი და კიდევ უფრო მასშტაბური საქველმოქმედო აქტივობა განხორციელდება.

26 აპრილს, წლის ყველაზე მასშტაბურ ეჯაილ ღონისძიებას „International Agile Summit Vol. 3“ თბილისი უმასპინძლებს.ღონისძიების ორგანიზატორი Agile Mentor -ია, რომელიც უკვე მესამედ მართავს ეჯაილ სამიტს საქართველოში, ხოლო თიბისი  მისი მუდმივი მხარდამჭერია, როგორც ტექნოლოგიური და ეჯაილ კომპანია.ღონისძიების მიზანია,  გააძლიეროს ეჯაილ საზოგადოება  საქართველოში და ხელი შეუწყოს საქართველოს დამკვიდრებას ეჯაილის მსოფლიო რუკაზე.  ეჯაილი არის თანამედროვე მიდგომა, რომელიც ორგანიზაციებს სამუშაო პროცესების ეფექტურად მართვაში ეხმარება.  დღეს განსაკუთრებით მნიშვნელოვანია ეს მიდგომა, რადგან გარემო მუდმივად ცვალებადი და კომპლექსურია.ეჯაილ სამიტზე, რომელიც სასტუმრო „ბილტმორში“ გაიმართება, მონაწილეებს საშუალება ექნებათ მოუსმინონ საინტერესო გამოსვლებს ეჯაილზე, დაესწრონ პანელურ დისკუსიებს, სადაც წამყვანი ქართული ეჯაილ ორგანიზაციების წარმომადგენლები ადგილობრივ ტრენდებს განიხილავენ,  დაუსვან  კითხვები ეჯაილ ინდუსტრიის გლობალურ ლიდერებს და გაიცნოთ ეჯაილ პრაქტიკოსები და დაინტერესებული პროფესიონალები სხვადასხვა სექტორიდან.ინფორმაცია გამომსვლელებისა და აქტივობების შესახებ, იხილეთ აქ: International Agile Summitღონისძიებაზე დასასწრებ ბილეთებს შეიძენთ აქ: tkt.ge-ზე.საერთაშორისო ეჯაილ სამიტის მხარდამჭერები არიან: ჯი პი აი ჰოლდინგი - ვენის სადაზღვევო ჯგუფი, Apeople, ღონისძიების პარტნიორები: GeoSoft, IT აკადემია Step, Space International, HR ასოციაცია, GITA, EduTech, Develor. 

საქართველოში უმსხვილესი საბროკერო, კვლევითი და საინვესტიციო კომპანია, Galt & Taggart 18 აპრილს, 19:00 საათზე საფონდო ბირჟების პირველი კვარტლის შეჯამებისა და ფასიანი ქაღალდების ანალიზის შესახებ ვებინარს გამართავს.ვებინარს Galt & Taggart-ის საბროკერო დეპარტამენტის უფროსი, დავით ნიშნიანიძე და ასოცირებული ბროკერი, ნიკა მაზანაშვილი გაუძღვებიან.ვებინარის პირველი ნაწილი დაეთმობა საფონდო ბირჟებზე წლის პირველ კვარტალში განვითარებულ მოვლენებს. სპიკერები მიმოიხილავენ მთავარ მაკროეკონომიკურ ფაქტორებს და მათ გავლენას სექტორებსა და კომპანიებზე. ასევე, ისაუბრებენ, თუ რა მოლოდინებია ბირჟებზე მომდევნო სამი კვარტლის მიმართ.ვებინარის მეორე ნაწილში კი სპიკერები განიხილავენ, თუ როგორ უნდა შევარჩიოთ აქციები ან ფონდები და რომელ ფინანსურ მაჩვენებლებზე უნდა გავამახვილოთ ყურადღება ინვესტირებისას.„მოხარული ვართ, რომ ინვესტირებით დაინტერესებულ პირებს ვაძლევთ შესაძლებლობას, ვებინარის დახმარებით გაეცნონ საფონდო ბირჟების შესახებ სიღრმისეულ, კვლევებზე დაფუძნებულ მიმოხილვას და გაიგონ მეტი ინვესტირების პრაქტიკულ მხარეზე. ჩვენ ვამაყობთ, რომ მრავალწლიანი გამოცდილებით, მომხმარებლებს ვთავაზობთ საბროკერო, კვლევითი და საინვესტიციო მომსახურების ყველაზე ფართო არჩევანს, ამასთან, ვაძლევთ შესაძლებლობას, განახორციელონ ინვესტიციები და ივაჭრონ გლობალური ფინანსური ინსტრუმენტებით“, - აცხადებენ Galt & Taggart-ში.ვებინარზე დასასწრებად შეავსეთ სარეგისტრაციო ფორმა: https://galtandtaggart.com/ka/lead-from-analysisრეგისტრაციის გავლის შემდეგ, შეხვედრის ბმულს ელექტრონულ ფოსტაზე მიიღებთ.

თიბისი კონცეპტის მომხმარებლებს, 16 აპრილს, თიბისი კონცეპტის Mastercard ბარათით შესაძლებლობა აქვთ, დაიბრუნონ გადახდილი თანხის 35% სითი მოლის შერჩეულ ობიექტებში. შეთავაზება ვრცელდება მხოლოდ სითი მოლში არსებულ ფიზიკურ ობიექტებში, თიბისის POS ტერმინალზე გადახდისას.შეთავაზება ვრცელდება სითი მოლის ისეთ ობიექტებში, როგორიცაა: Ici Paris, The North Face, Paul & shark, Swarovski, Villeroy & Boch, Karl Lagerfeld, Dressarium Kids, Calzedonia, Intimissimi, Tezenis, Triumph, Carter’s, Body Shop, Lutecia, YVES ROCHER, Old Supra, Jo Malone, MAC Cosmetics, Sense Concept Store, Seletti, Replay, Jacadi, Okaidi, Voulez-Vous , Franco Fontana , Ambiente, Timberland, Diesel, Afflelou Paris, Atelier Rebul, Yamamay.

23-25 მაისს, საგურამოში, კოსმოსურ ნაგებობათა ცენტრში რეგიონში ერთ-ერთი ყველაზე მასშტაბური მუსიკალური ფესტივალი - 4GB გაიმართება. პროექტის მხარდამჭერი საქართველოს ბანკია.ღონისძიებაზე დასასწრები ბილეთების გაყიდვა უკვე დაიწყო. მათი შეძენა ონლაინ, ვებგვერდზე არის შესაძლებელი. საქართველოს ბანკის ნებისმიერი ბარათით გადახდისას კი ბილეთებზე იმოქმედებს 15%-იანი ფასდაკლება.Line Up-ის შესახებ ინფორმაცია მალე გახდება ცნობილი და მის ნახვას ვებგვერდზე შეძლებთ.ფესტივალის შესახებ:4GB რეგიონში ერთ-ერთი ყველაზე მნიშვნელოვანი მუსიკალური ღონისძიებაა, რომელიც საქართველოში 2011 წლიდან იმართება. სამწლიანი პაუზის შემდეგ, რომელიც კოვიდის პანდემიითა და უკრაინაში მიმდინარე ომით იყო გამოწვეული, ფესტივალი 2023 წელს დაბრუნდა და კვლავ აგრძელებს მსმენელისთვის დაუვიწყარი ემოციებისა და ღირებულებების გაზიარებას. 

თიბისი წარმოგიდგენთ გრეის ჰოპერის სახელობის ჯილდოს, რომელიც ტექნოლოგიებში ქალების ჩართულობის წახალისების მიზნით ტარდება.რეგისტრაცია 20 მაისამდე ვებგვერდზე შეგიძლიათ.ჯილდოს მიზანია როგორც წარმატებული ქალების აღიარება ტექ სფეროში, ისე იმ პროგრამებისა და ორგანიზაციების წარმოჩენა, რომლებიც საკომუნიკაციო ტექნოლოგიების სექტორში ქალების გაძლიერებას უწყობენ ხელს.2024 წელს ჯილდო 5 კატეგორიაში გაიცემა:ტექნოლოგიური ლიდერის  კატეგორიაში ჯილდო გადაეცემა ტექნოლოგიების ინდუსტრიაში გადაწყვეტილების მიმღებ პოზიციაზე მყოფ ქალს, რომელსაც აქვს გამორჩეული მიღწევები და საკუთარი საქმიანობით საზოგადოებაში პოზიტიურ ცვლილებებს ახორციელებს.კატეგორიაში აღმოჩენა ახალ თაობაში დაჯილდოვდება 16-დან 26 წლამდე გოგონა, რომელიც STEM სფეროში ადრეული ასაკიდანვე შთამბეჭდავი აკადემიური მიღწევებითა და პროფესიული მისწრაფებებით გამოირჩევა და აქვს პოტენციალი გახდეს სფეროს ლიდერი ქვეყნის შიგნით თუ გარეთ.გამორჩეული მეცნიერის ტიტული მიენიჭება ქალ მეცნიერს, რომელსაც შეაქვს დიდი წვლილი STEM მეცნიერების სფეროში (ინჟინერია, მათემატიკა, კომპიუტერული მეცნიერებები, ფიზიკა, ქიმია, ბიოლოგია).კატეგორიაში ინოვაციური ტექ პროდუქტი ჯილდო გადაეცემა ინოვაციურ პროდუქტს, რომლის შემქმნელიც ქალია და რომელიც კონკრეტული ტექნოლოგიური გადაწყვეტით ბიზნესისა თუ საზოგადოების საჭიროებებს პასუხობს. ამ კატეგორიის გამარჯვებული შესაძლოა იყოს როგორც ტექნოლოგიური სტარტაპი, ასევე ცალკეული ტექნოლოგიური გადაწყვეტა, პროდუქტი ან მომსახურება, რომელზეც იმუშავა გუნდმა კომპანიის შიგნით.და ბოლოს, კატეგორიაში ლიდერი კომპანია ქალების გაძლიერებისთვის დაჯილდოვდება გამორჩეული ტექნოლოგიური კომპანია, რომელიც თანასწორობას, მრავალფეროვნებას და ტექნოლოგიებში ლიდერულ პოზიციებზე ქალების წინსვლას ემსახურება.ერთ-ერთი პირველი, ამერიკელი პროგრამისტი ქალის, გრეის ჰოპერის სახელობის ჯილდო არის ტექნოლოგიური დაჯილდოება, რომელიც ამ სფეროში მოღვაწე ქალების აღმოჩენას და წახალისებას ემსახურება.გამარჯვებული კომპანია მიიღებს 10 ათასი ლარს გრანტის სახით, რომელიც გამოყენებული იქნება წინასწარ შეთანხმებულ აქტივობებში და პროგრამებში, რაც ორგანიზაციის შიგნით თუ გარეთ მრავალფეროვნებისა და ინკლუზიის წახალისებას შეუწყობს ხელს.გრეის ჰოპერის სახელობის ჯილდოზე რეგისტრაცია უკვე დაიწყო, საკვალიფიკაციო მოთხოვნებისა და დაჯილდოებაში მონაწილეობის შესახებ წესებს გაეცანით ვებგვერდზე.

თურქეთი ტრადიციულად ნომერ პირველი ქვეყანაა, სადაც ქართველი დამსვენებლები ზაფხულს ატარებენ და ტენდენცია სავარაუდოდ წელსაც შენარჩუნება - ამის შესახებ  "ბიზნესპარტნიორთან“ გამყვანი ტურიზმის ასოციაციის თანადამფუძნებელი, კომპანია "კლარკ&რობინსონის" ხელმძღვანელი მამუკა კელაურაძე აცხადებს.მისი ინფორმაციით, ივნისიდან ტრენდი შეიძლება შეიცვალოს, ვინაიდან ევროპის ჩემპიონატის გამო გერმანიის მიმართ მოთხოვნა გაიზრდება, თუმცა თურქეთი მაინც დარჩება იმ ქვეყნების სათავეში, სადაც ქართველები მოგზაურობას გეგმავენ და ამ რეალობას დიდად ვერც დორტმუნდის ფაქტორი შეცვლის.კელაურაძის ინფორმაციით, თურქეთის წილი სხვა ქვეყნებთან შედარებით, დაახლოებით 75%-მდეა. მთავარ ფაქტორად, რის გამოც დამსვენებლები უპირატესობას თურქეთს ანიჭებენ, მისივე თქმით, ხელმისაწვდომი ფასი (ავიაბილეთი, სასტუმრო) და მომსახურების ხარისხია.მისი ინფორმაციით, საბერძნეთი  რიგით მეორე ქვეყანაა, სადაც ქართველი ტურისტები ზაფხულში ყველაზე მეტად ისვენებენ. ასევე მაღალია მოთხოვნა ხორვატიასა და მონტენეგროზე, სადაც კარგი ზღვაა.რაც შეეხება ევროპის სხვა  ქვეყნებს, მამუკა კელაურაძის ინფორმაციით, წელს გერმანია მოწინავე პოზიციაზე დარჩება. ასევე დიდია ინტერესი იტალიის და ესპანეთის მიმართ, რაც შეეხება ბულგარეთს, იმის გამო, რომ პირდაპირი ფრენები არ არის, აქცენტი ამ მიმართულებაზე ნაკლებად კეთდება.გამყვანი ტურიზმის ასოციაციის თანადამფუძნებელი აღნიშნავს, აზიის ქვეყნები  მაღალი მოთხოვნით ზაფხულში ისედაც არ არის გამორჩეული, ვინაიდან ტენიანი პერიოდია და მომხმარებლები თავს იკავებენ.გარდა ამისა, როგორც მამუკა კელაურაძე აღნიშნავს, ბოლო წლების განმავლობაში  შეიცვალა მომხმარებლის ქცევა და დაბალბიუჯეტური ტურები უმეტესად დამოუკიდებლად იგეგმება,  რის გამოც ეს სეგმენტი ტურისტულ კომპანიებს მოაკლდა.‘’თითქმის ყველა  მგზავრი ცდილობს თვითონ შეძლოს და დაკომპლექტოს საკუთარი მოგზაურობა. ბილეთები იყიდოს  საიტზე და ადგილებიც დაჯავშნო. ამის გამო  ბევრ მგზავრს ემართება გაუთვალისწინებელი პრობლემა, როცა ვთქვათ,  ბილეთი არასწორად აქვს აღებული და განთავსების კუთხითაც გარკვეულ გაუგებრობას აწყდება, შეიძლება არასწორად იყოს ადგილები დაჯავშნილი და სხვა.  შესაბამისად, საკმაოდ პრობლემატური შემთხვევები ხშირადაა, განსხვავებით საშუალო და მაღალბიუჯეტური ტურებისგან, რომლებიც ძირითადად ტურისტული კომპანიების მოხმმარებლები არიან და ამ მხრივ ყველაფერი რიგზეა“, - აცხადებს მამუკა კელაურაძე ‘’ბიზნესპარტნიორთან“.რაც შეეხება ფასებს, გაძვირებულია როგორც ავიაბილეთები, ასევე სასტუმროს ტარიფები, რაც ზოგადად გლობალური ტენდენციაა და გარკვეული გავლენა ევროპის ჩემპიონატმაც მოახდინა.,,ავიაბილეთები ძირითადად გაძვირდა ივნისის პერიოდის გამო, ფეხბურთში ევროპის ჩემპიონატია და ავიაკომპანიებზე მოთხოვნა იზრდება. მართალია, Wizz Air-მა დანიშნა დამატებითი ფრენები გერმანიის მიმართულებით, თუმცა ბილეთის საფასური 400 ევროს შეადგენს, რაც ნამდვილად არ არის შეღავათი. გერმანიაში დანარჩენ ევროპასთან შედარებით, ყოველთვის მისაღები ფასები, მაგრამ ახლა იქაც შეიცვალა ვითარება.ახლა ეს მოცემულობაა ძალიან ბევრ ქვეყანაში.  ტენდენცია სავარაუდოდ წლის ბოლომდე გასტანს, მომავალი წლიდან კი ბაზარი ფასებს თავისთავად დაარეგულირებს“, - აცხადებს კელაურაძე ‘’ბიზნესპარტნიორთან“.შეგახსენებთ, რომ გერმანიის ტურებზე მოთხოვნა საქართველო-საბერძნეთის მატჩის დასრულებისთანავე გააქტიურდა. გერმანიაში ევროპის ჩემპიონატი 14 ივნისს დაიწყება, საქართველოს ნაკრები F ჯგუფში თურქეთთან, ჩეხეთსა და პორტუგალიასთან ერთად ითამაშებს.

საქართველოს ბანკი ახალგაზრდებისთვის განათლების შესაძლებლობების შექმნას და მათი პოტენციალის გამოვლენის ხელშეწყობას განაგრძობს. სწორედ ამ მიზნით, ბანკი კინგსის ოლიმპიადის გენერალური სპონსორია.კინგსის ოლიმპიადის გაზაფხულის სეზონი უკვე დაიწყო. მასში მონაწილეობას იღებენ მე-2-დან მეთორმეტე კლასის მოსწავლეები. ოლიმპიადა წელს 15 ქალაქში იმართება, მათ შორის: თბილისში, ზუგდიდში, ოზურგეთში, ბათუმში, ზესტაფონში, ქუთაისში, სამტრედიაში, თელავში, ახალციხეში, გორში, რუსთავში, გურჯაანში, სენაკში, ჭიათურასა და ფოთში.ოლიმპიადაში მონაწილეობას 120 000-ზე მეტი მოსწავლე იღებს და ისინი ერთმანეთს მათემატიკის, ქართული ენისა და ინგლისურის ცოდნაში ეჯიბრებიან.გაზაფხულის სეზონის ფარგლებში უკვე გაიმართა ინგლისური ენის ოლიმპიადა, რომელშიც მონაწილეობა 11 000-ზე მეტმა მოსწავლემ მიიღო. მათემატიკისა და ქართული ენის ტურში მონაწილეობის მსურველებმა კი უნდა გაიარონ რეგისტრაცია ბმულზე.ოლიმპიადის განრიგის ნახვა შესაძლებელია ვებგვერდზე.„საქართველოს ბანკში მიზნად ვისახავთ, ახალგაზრდებისთვის შევქმნათ განათლების შესაძლებლობები, რათა ხელი შევუწყოთ მათ, გამოავლინონ და მოახდინონ საკუთარი პოტენციალის მაქსიმალური რეალიზება. სწორედ ამ მიზნით, ჩვენ კინგსის ოლიმპიადის პარტნიორები ვართ. რაც ნიშნავს იმას, რომ ყოველ სეზონზე 120 000-ზე მეტი მოსწავლისთვის ვქმნით ახალ  შესაძლებლობებს. გვახარებს ოლიმპიადისადმი მოსწავლეების და მათი მშობლების მიერ გამოვლენილი მუდმივად მზარდი ინტერესი, რაც გვაძლევს მოტივაციას, არ გავჩერდეთ და პროექტი კიდევ უფრო მეტად მასშტაბური გავხადოთ. წარმატებებს ვუსურვებთ ყველა მონაწილეს“, - აღნიშნავს ანა ლომთაძე, საქართველოს ბანკის კორპორაციული სოციალური პასუხისმგებლობის მიმართულების (CSR) ხელმძღვანელი.

ჩინეთის სახალხო რესპუბლიკაში ვიზიტის ფარგლებში, ავიაკომპანია “ჯორჯიან ეარვეისმა" შანსის პროვინციის ტურიზმის განვითარების ჯგუფთან მემორანდუმი გააფორმა.მემორანდუმს ხელი მოაწერეს  “ჯორჯიან ეარლაინს გრუპის” პრეზიდენტმა თამაზ გაიაშვილმა და შანსის ტურიზმის განვითარების ჯგუფის დირექტორის მოადგილემ ვუ ბინმა.მემორანდუმის ფარგლებში, ავიაკომპანია “ჯორჯიან ეარვეისი” ჩინეთის სახალხო რესპუბლიკის შანსის პროვინციის დედაქალაქ სიანსა და თბილისს შორის რეგულარულ სამგზავრო ავიარეისებს უმოკლეს ვადებში დაიწყებს.China West Airport Group-თან “ჯორჯიან ეარლაინს გრუპის” პრეზიდენტმა თამაზ გაიაშვილმა ჩინეთის ქალაქ სიანში რეგულარული სატვირთო და სამგზავრო რეისების გახსნის პერსპექტივები განიხილა.China West Airport Group-მა წარმოადგინა პრეზენტაცია სიხშირეების ათვისებასთან დაკავშირებით  აეროპორტის პოლიტიკის მიმართულებით. შეხვედრისას მხარეებმა  სამომავლო თანამშრომლობის პერსპექტივები დასახეს.

ლიბერთის ლოიალობის პროგრამას CashBack და მის მეგობარი ობიექტს, საინტერესო სიახლეები აქვთ: Beauty Success Georgia რებრენდინგის შემდეგ, მომხმარებლებს ახალი დასახელებით Beauty Scent Georgia დაუბრუნდა და СashBack - თან ერთად ახალ აქციას სთავაზობს!15 აპრილს, Beauty Scent Georgia-სა და Beauty Scent სილამაზის ინსტიტუტის ჭავჭავაძის ფილიალში, ლიბერთის ნებისმიერი ბარათის მფლობელები შეძლებენ დაიბრუნონ დახარჯული თანხის 30% ანგარიშზე მომენტალურად. გარდა ამისა, Beauty Scent Georgia-ში ქეშბექი დაემატება შიდა ფასდაკლებას შერჩეულ კოლექციაზე. აქციაში მონაწილეობის მისაღებად საჭირო იქნება მხოლოდ შეთავაზებების გააქტიურება და შემდეგ ლიბერთის ბარათით, ლიბერთის ტერმინალზე გადახდა. რაც მთავარია, აქციას არ აქვს დასაბრუნებელი ქეშბექის ლიმიტი!მათ, ვინც ჯერ კიდევ არ არის ლიბერთის მომხმარებელი, თუმცა სურთ გაზრდილი ქეშბექის მიღება, ძალიან მარტივად შეუძლიათ გახსნან ანგარიში ბანკში ონლაინ, სახლიდან გაუსვლელად და პროცესშივე მიიღონ ციფრული ბარათი, რომლითაც შეძლებენ ობიექტებში შენაძენის გაკეთებას: https://bit.ly/3wF6LjGკიდევ ერთხელ გავიხსენოთ ქეშბექის მიღების წესები:● გადმოწერე აპლიკაცია ან შედი ვებგვერდზე www.cashback.ge● გაიაქტიურე სასურველი შეთავაზება წინასწარ: https://bit.ly/49yfTEO,https://bit.ly/3vRDthP● გადაიხადე ლიბერთის ნებისმიერი ბარათით ლიბერთის ტერმინალზე● დახარჯული თანხის ნაწილი მომენტალურად დაგიბრუნდება უკან*წესები დეტალურად: შეთავაზების გასააქტიურებლად, გადმოწერეთ CashBack ის აპლიკაცია: iOS | Android ან შედით ვებ გვერდზე www.cashback.ge.თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack-ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს „აქტივაცია“ და მომდევნო ერთი თვის განმავლობაში ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.ლიბერთის ლოიალობის პროგრამა CashBack 500-ზე მეტ პარტნიორ კომპანიას აერთიანებს. CashBack ერთადერთი ლოიალობის პროგრამაა საქართველოში მობილური აპლიკაციით, რომელიც ყველა შეთავაზებას ერთ პლატფორმაზე აერთიანებს.

თიბისი კაპიტალმა, ელექტროენერგიის ბაზრის წამყვან მოთამაშეებთან ერთად, ელექტროენერგიის მოხმარების, გენერაციისა და ფასის ტენდენციები, ბაზრის სამომავლო განვითარება, ექსპორტის პოტენციალი და დარგში ინვესტირებამდე გასათვალისწინებელი ფაქტორები მიმოიხილა.საქართველოს ელექტროენერგიის ბაზარზე, ბოლო 28 წლის განმავლობაში, 1996 წელს სათბობ-ენერგეტიკის სამინისტროს შექმნიდან, 2023 წელს ელექტროსადგურების მშენებლობის ხელშემწყობი ახალი მექანიზმის ამოქმედებით დასრულებული, არაერთი გარდამტეხი ცვლილება განხორციელდა.2015-2023 წლის პერიოდში, საქართველოში ელექტროენერგიის სექტორში ჯამურად 1.2 მილიარდი დოლარის ინვესტიცია განხორციელდა. ელექტროენერგიის ჯამური დადგმული  სიმძლავრე 549 მგვტ-ით გაიზარდა. დღევანდელი მდგომარეობით, საქართველოს ჰიდროენერგიის მაქსიმალური პოტენციალის 47%, ქარის ენერგიის - 2%, მზის ენერგიის კი 0% აქვს ათვისებული.ელექტროენერგიის მოხმარების გრძელვადიანი ტენდენცია მზარდია. 2023 წელს მოხმარება, ძირითადად, მსხვილი კონტრაქტორების ხარჯზე შემცირდა, რაც ეპიზოდურ მოვლენას წარმოადგენს.სექტორებში ყველაზე მეტ ელექტროენერგიას მეტალურგია მოიხმარს. 2023 წელს მეტალურგიის შემდეგ, ყველაზე მეტი ელექტროენერგია წარმოების სექტორმა, კრიპტოინდუსტრიამ, წყალმომარაგებამ და სატრანსპორტო ინდუსტრიამ მოიხმარეს. თუმცა მეტალურგიასა და კრიპტოინდუსტრიაში ელექტროენერგიის მოხმარებამ, 2022-2023 წლებში, წინა წლებთან შედარებით, მნიშვნელოვნად იკლო. მეტალურგიის სექტორში კლება, რეგიონში გეოპოლიტიკური მდგომარეობის გაუარესებით და გლობალურად ფასების კლებით აიხსნება. კრიპტოინდუსტრიაში მოხმარების შემცირება კი, მსხვილი კომპანიების ქართული ბაზრიდან გასვლითაა გამოწვეული.დღეისთვის, ელექტროენერგიის ჯამური დადგმული სიმძლავრე დაახლოებით 4,600 მეგავატს შეადგენს. 2017 წლიდან, გარანტირებული სიმძლავრის შესყიდვის ტარიფებზე - PPA-ზე მორატორიუმის გამოცხადების შედეგად, დარგში ინვესტირება შენელდა. ახალი მხარდამჭერი მექანიზმი კი დარგის გააქტიურებას გამოიწვევს.2023 წელს ქვეყანაში გამომუშავებული ელექტროენერგიის 74% ჰიდროსადგურებმა, 26% - თბოსადგურებმა, 4.6% კი ქარის სადგურებმა გამოიმუშავეს. 2015-2023 წლებში, ჰიდროგენერაცია 28%-ით, თბოგენერაცია კი 42%-ით გაიზარდა. ზრდებს შორის სხვაობა განახლებადი რესურსების დამატებით საჭიროებაზე მიანიშნებს.აღსანიშნავია, რომ ბოლო წლებში, საქართველოს ენერგოსექტორი ნაკლებად ხდება იმპორტზე დამოკიდებული და გენერაციის მზარდი წილი გადის ექსპორტზე. 2023 წელს გენერაციის 10% გავიდა ექსპორტზე. იმპორტის წილმა მოხმარებაში კი 6% შეადგინა, რაც 2022 წელს 11% იყო.ელექტროენერგიის ბაზრის მომავალს შემდეგი მოვლენები და ტენდენციები განსაზღვრავს: საქართველოს ენერგოდამოუკიდებლობის და მდგრადი განვითარების მიზნები; ელექტროენერგეტიკული ბირჟა; ევროკავშირთან ინტეგრაცია; მსოფლიოში ელექტრონულ მოწყობილობებსა და ელექტროავტომობილებზე მოთხოვნის ზრდა; გეოპოლიტიკური დაძაბულობა და ევროპის ენერგოდამოუკიდებლობის საჭიროება; კლიმატის ცვლილება და მდგრადი ენერგო პოლიტიკა; მზის პანელების ფასის შემცირება/ტექნოლოგიების განვითარება და ელექტროენერგიით თვითუზრუნველყოფა.მაღალი ეკონომიკური აქტივობა ელექტროენერგიაზე მოთხოვნას  ზრდის. პროგნოზის მიხედვით, 2024 წელს ელექტროენერგიის მოხმარება წლიურად 5.1%-ით გაიზრდება. მოხმარების ზრდის განმაპირობებელი ფაქტორებია: შემოსავლების ზრდა, საცხოვრებელი პირობების გაუმჯობესება, ოჯახის ზომის შემცირება, ურბანიზაცია; საქართველოს სატრანსპორტო დერეფნის გააქტიურება; ელექტრონული მოწყობილობების მზარდი მოხმარება.2026 წლისთვის, ელექტროენერგიის გამომუშავება 16.3 ტვტ. საათს მიაღწევს, ძირითადად, ჰიდროენერგიის ხარჯზე.რაც შეეხება ექსპორტის პოტენციალს - საქართველოს მეზობელ ქვეყნებთან ენერგიის სტაბილური მიმოცვლის შესაძლებლობები აქვს, რაც მომდევნო წლებში კიდევ უფრო მეტად გაძლიერდება. თურქეთის ბაზარზე მოსალოდნელია მოთხოვნის უფრო სწრაფად ზრდა, ვიდრე გამომუშავების, რაც იმპორტის დამატებით საჭიროებას შექმნის.მომდევნო 3 წელიწადში, საქართველოში ელექტროენერგიის ჯამური საექსპორტო პოტენციალი 2.5 ტვტ. საათს გადააჭარბებს.2029 წელს დაგეგმილია შავი ზღვის წყალქვეშა კაბელის პროექტის გაშვება, რომელიც  წყალქვეშა მაღალი ძაბვის გადამცემი ქსელის მოწყობას და საქართველოსა და ევროპის ელექტროენერგეტიკული სისტემების  ერთმანეთთან დაკავშირებას ითვალისწინებს. 1,155 კილომეტრი სიგრძის კაბელი რუმინეთს დაუკავშირდება, რაც საქართველოსა და აზერბაიჯანს საშუალებას მისცემს, გაფართოებული საექსპორტო შესაძლებლობებით ისარგებლონ. ამასთან, პროექტის რეალიზაცია ხელს შეუწყობს ევროპისა და სამხრეთ კავკასიის რეგიონის ენერგეტიკული უსაფრთხოების გაძლიერებასა და განახლებადი ენერგიის სექტორის განვითარებას. პროექტის ფარგლებში, 2024 წლის ივლისში ტექნიკურ-ეკონომიკური კვლევა დასრულდება და გარემოსდაცვითი და სოციალური ზეგავლენის შეფასების რეპორტი მომზადდება.„დარგში არსებული პოტენციალისა და ტენდენციების ჩვენი პარტნიორებისთვის გაზიარება, ძალიან დროული იყო რადგან იმისთვის, რომ ქვეყანამ გაიუმჯობესოს ენერგოუსაფრთხოება და შეამციროს იმპორტირებულ ენერგომატარებლებზე დამოკიდებულება, მაქსიმალურად უნდა ავითვისოთ არსებული განახლებადი რესურსი. სწორედ ქვეყნის ენერგოდამოუკიდებლობის მოპოვებას ემსახურება ყველა ის ჰესი, რომლებიც ჩვენი მხარდაჭერით ოპერირებს. თიბისის დაფინანსებით, საქართველოს მასშტაბით, ჯამში 42 ჰიდროელექტროსადგურია აშენებული ჯამური დადგმული სიმძლავრით 516 MW, საიდანაც 31 უკვე ოპერირებს, 11 კი მშენებლობის პროცესშია. აღსანიშნავია, რომ 2023 წელს ქვეყნის ელექტროენერგიის 65% სწორედ ჩვენი პარტნიორი ჰიდრო ობიექტების მიერ იყო გამომუშავებული. 15 წელიწადზე მეტია ენერგეტიკის სექტორს ვაფინანსებთ და პირველი ფინანსური ინსტიტუტი ვართ ბაზარზე, ვინც ამ დარგის პარტნიორი გახდა“, - გიორგი თხელიძე, თიბისის გენერალური დირექტორის მოადგილე.