ლიბერთისა და Globalize პლატფორმის პარტნიორობის ფარგლებში, 2023 წლის 26 მაისს, ნიუ-იორკში ლეგენდარულ Webster Hall-ში კონფერენცია Globalize NY გაიმართა.კონფერენციის მიზანი იყო ქართული დიასპორის, ინვესტორების, ტექნოლოგიებით და ინოვაციებით დაინტერესებული მხარეების, დისტრიბუტორების და საქართველოში ბიზნეს ინტერესების მქონე სხვა პარტნიორების ერთმანეთთან დაკავშირება და მათთვის ქართული პროდუქციისთვის ამერიკის ბაზარზე ქართული ბიზნესის და ტექნოლოგიების, ასევე საინვესტიციო და საექსპორტო შესაძლებლობების შეთავაზება. Globalize აქტიურად მუშაობს ექსპორტის მიმართულებით და ეხმარება ქართველ ექსპორტიორებს ამერიკის ბაზარზე გაფართოებაში. კონფერენციაზე, პოტენციური ინვესტორების წინაშე, ქართულმა ტექნოლოგიურმა სტარტაპებმა თავიანთი იდეები წარადგინეს. კონფერენციის საგამოფენო სივრცეში 30-მდე ქართული ბიზნესის საექსპორტო პროდუქცია იყო წარმოდგენილი.„ლიბერთი მხარს უჭერს ყველა იმ ინიციატივას, რომელიც ქართულ ბიზნესებს შეუწობს ხელს, განავითარონ საკუთარი პროდუქცია და გაზარდონ თავიანთი შესაძლებლობების არეალი. მოხარული ვართ, რომ ჩვენს პარტნიორ ბიზნეს კომპანიებს, საშუალება მიეცათ, ქვეყნის ფარგლებს გარეთ, კერძოდ ამერიკის ბაზარზეც წარმოაჩინონ თავისი პროდუქცია. ლიბერთისთვის, ასევე მნიშვნელოვანია ყველა ის ქმედითი ნაბიჯი, რომელიც დაგვაახლოებს ჩვენი ბანკის არსებულ და პოტენციურ მომხმარებლებთან - ქართველ ემიგრანტებთან. ამ მიმართულებით აქტიურად ვთანამშრომლობთ და მუდმივად ვთავაზობთ სასარგებლო და საინტერესო სერვისებს და მათ საჭიროებებზე მორგებულ პროდუქტებს. ორმაგად სასიხარულო და სიმბოლურია, რომ ემიგრანტებთან შეხვედრა სწორედ საქართველოს დამოუკიდებლობის დღეს გაიმართა“ - აცხადებს ლიბერთის მცირე და საშუალო ბიზნესის მიმართულების დირექტორი ვაჟა მენაბდე.ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.

საქართველოს ფეხბურთის ფედერაციასა და საქართველოს ბანკს შორის თანამშრომლობის კიდევ ერთი მემორანდუმი გაფორმდა, რომლის თანახმადაც საქართველოს ბანკი UEFA-ს 2023 წლის ევროპის 21-წლამდე ჩემპიონატის ოფიციალური პარტნიორი გახდა.ხელშეკრულებას ხელი საქართველოს ფეხბურთის ფედერაციის პრეზიდენტმა ლევან კობიაშვილმა და საქართველოს ბანკის გენერალურმა დირექტორმა, არჩილ გაჩეჩილაძემ მოაწერეს. „მოხარული ვარ, რომ ჩვენ მთავარ პარტნიორთან თანამშრომლობა უფრო მეტად გაღრმავდა და საქართველოს ბანკი უეფას ახალგაზრდული ჩემპიონატის მხარდამჭერი გახდა. დარწმუნებული ვარ, საქართველოს ბანკის მხარდაჭერით, შევძლებთ ღირსეულად ვუმასპინძლოთ უეფას ერთ-ერთ ყველაზე პრესტიჟულ სანაკრებო ტურნირს. საქართველოს ბანკი სწორედ ის ორგანიზაციაა, რომელიც გამოირჩევა საკუთარი ხედვითა და ფილოსოფიით. მუდმივი განვითარება სწორედ ის მთავარი ღირებულებაა, რომელიც საერთოა ჩვენთვის და მჯერა, რომ რომ ერთობლივი ძალისხმევით შევძლებთ ეს ტურნირი უფრო მეტად საინტერესო გავხადოთ როგორც გულშემატკივარისთვის და მთელი საფეხბურთო სამყაროსთვის“, - აღნიშნა ლევან კობიაშვილმა.საქართველოს ბანკი 2022 წლიდან საქართველოს ფეხბურთის ფედერაციის გენერალური პარტნიორია. თანამშრომლობის ფარგლებში, საქართველოს ბანკი 2026 წლის ჩათვლით დაუჭერს მხარს საქართველოს ფეხბურთის ეროვნულ ნაკრებს, ქალთა, ვაჟთა და ფუტსალის ეროვნულ და ასაკობრივ ნაკრებ გუნდებს. თანამშრომლობა ასევე გულისხმობს ეროვნული ჩემპიონატის მხარდაჭერას. დაგეგმილია არაერთი პროექტის განხორციელება, რაც მოიცავს ქვეყნის მასშტაბით ფეხბურთის მხარდაჭერას, ქალთა ფეხბურთის პოპულარიზაციას, საგანმანათლებლო და სოციალური პროექტების განხორციელებას.„დღეს საქართველოს ფეხბურთის ფედერაციასთან ხელი მოვაწერეთ კიდევ ერთ თანამშრომლობას, რაც გულისხმობს იმას, რომ საქართველოს ბანკი ფედერაციასთან ერთად UEFA-ს 2023 წლის ევროპის 21-წლამდე ჩემპიონატის მასპინძელი იქნება. მოხარული ვართ რომ გვაქვს შესაძლებლობა, მხარი დავუჭიროთ ქართულ ფეხბურთს და ამ ძალიან მნიშვნელოვან ღონისძიებას, რადგან საქართველოს ახალგაზრდული ნაკრები ევროპის 21 წლამდელთა ჩემპიონატზე პირველად იასპარეზებს A ჯგუფში. ეს არის შესაძლებლობა, კიდევ ერთხელ გამოვაჩინოთ ჩვენი ქვეყანა მსოფლიო რუკაზე. ჩვენთვის დიდი პატივია ეროვნული ნაკრების სპორტსმენების წახალისება, და მჯერა, ისინი არაერთ გამარჯვებას მოგვიტანენ. დარწმუნებული ვარ, ბევრ ახალგაზრდას მიეცემა სტიმული, არ გაჩერდეს და კიდევ უკეთ აითვისოს და გამოავლინოს საკუთარი პოტენციალი“, - განაცხადა არჩილ გაჩეჩილაძემ, საქართველოს ბანკის გენერალურმა დირექტორმა.უეფას 21-წლამდე ევროპის ჩემპიონატი საქართველოსა და რუმინეთში 21 ივნისიდან 8 ივლისის ჩათვლით, საქართველოს სამ ქალაქში, თბილისში, ქუთაისსა და ბათუმში გაიმართება. მატჩებზე დასასწრები ბილეთების შეძენა under21tickets.ge-ზეა შესაძლებელი.

საქართველოს ბანკი და GITA ინოვაციური სტარტაპების მხარდაჭერას ახალი პარტნიორობის ფარგლებში გააგრძელებენ.საქართველოს ბანკსა და „საქართველოს ინოვაციების და ტექნოლოგიების სააგენტოს“ შორის პარტნიორობა GITA-ს პროექტის - „თანადაფინანსების გრანტები სტარტაპებისთვის“ ფარგლებში გამარჯვებული სტარტაპების განვითარების ხელშეწყობას გულისხმობს. კერძოდ, ბანკი იმ კონკურსანტებს, რომლებიც პროექტის ფარგლებში საგრანტო კონკურსის სატრენინგო ეტაპზე მიიღებენ მონაწილეობას, ელექტრონული კომერციის, როგორც სერვისის ინტეგრაციაში დაეხმარება და მათთვის შეღავათიან პირობებს აამოქმედებს: მონაწილეებისთვის გავრცელდება 1% საკომისიო ინტეგრაციიდან პირველი 6 თვის განმავლობაში. ინტეგრაციაზე რეგისტრაციას კი სტარტაპები ბანკის ახალი ციფრული პლატფორმით businessmanager.ge შეძლებენ.  ურთიერთთანამშრომლობის ფარგლებში, სტარტაპებს ასევე ექნებათ შესაძლებლობა, ბანკისგან მიიღონ ინფორმაცია ონლაინ გადახდების, მათთვის საჭირო სხვა საბანკო პროდუქტების, რელევანტური შეთავაზებებისა თუ აქციების შესახებ.„საქართველოს ბანკისთვის, როგორც ტექნოლოგიური კომპანიისთვის სტარტაპებისთვის ხელსაყრელი გარემოს შექმნა, ინოვაციებისა და ტექნოლოგების განვითარების ხელშეწყობა მნიშვნელოვან ფაქტორს წარმოადგენს. ამ საკითხში გვაქვს კერძო და საჯარო სექტორის პარტნიორობის კარგი გამოცდილება ჩვენი და GITA-ს თანამშრომლობის სახით. სწორედ ამიტომ, ბანკისა და „საქართველოს ინოვაციების და ტექნოლოგიების სააგენტოს“ ერთობლივი ძალისხმევით შევძლებთ კიდევ უფრო მეტად შევუწყოთ ხელი ინოვაციური სტარტაპების ტექნოლოგიურ განვითარებას. დღეს ტექნოლოგიურმა პროგრესმა ბიზნესის მართვის გზები რადიკალურად შეცვალა. ეს იმას ნიშნავს, რომ მსოფლიოს სხვადასხვა ადგილებში პროდუქციის მიწოდება დაბრკოლებას აღარ წარმოადგენს, რადგან ის ელექტრონული კომერციის გზით ხდება. სწორედ ამ მიმართულებით შევძლებთ სააგენტოს მიერ შერჩეული კონკურსანტების მხარდაჭერას. ინიციატივის ფარგლებში ასევე გაიმართება პრეზენტაციები, სადაც სტარტაპები საბანკო პროდუქტების, მათ შორის ონლაინ გადახდების შესახებ მეტ ინფორმაციას მიიღებენ და მათთვის შემუშავებული შეთავაზებებით ისარგებლებენ“, - აღნიშნავს საქართველოს ბანკის ციფრული საბანკო ეკოსისტემის სამსახურის უფროსი, გიორგი კინწურაშვილი.ცნობისთვის, საქართველოს ინოვაციების და ტექნოლოგიების სააგენტოს მისიაა საქართველოში ინოვაციების და ტექნოლოგიების განვითარებისთვის საჭირო ეკოსისტემის ფორმირება, ცოდნისა და ინოვაციის კომერციალიზაციის ხელშეწყობა, ინოვაციებისა და ტექნოლოგიების გამოყენების სტიმულირება ეკონომიკის ყველა დარგში, ინოვაციების და მაღალტექნოლოგიური პროდუქტების ექსპორტის ზრდისთვის საჭირო გარემოს შექმნა. სააგენტო 2016 წლიდან დღემდე წარმატებით ახორციელებს ადგილობრივ და საერთაშორისო საგრანტო და საგანმანათლებლო პროგრამებს. სააგენტოს მიერ დაფინანსებულ სტარტაპებში დასაქმებულია 2100-ზე მეტი ადამიანი, მათ მიერ მოზიდულმა დამატებითი კერძო ინვესტიციის მოცულობამ 95 000 000 აშშ დოლარს გადააჭარბა, ხოლო სტარტაპების პროდუქტის/სერვისის გაყიდვებიდან მიღებულმა შემოსავლებმა გადააჭარბა 25 000 000 აშშ დოლარს.

სიღნაღის რაიონ, სოფელ ერისიმედში კომპანია „სნეილ გარდენმა“, საქართველოს ბანკის ფინანსური მხარდაჭერით, ლოკოკინების ფერმა გააშენა.მოსავალი წელს პირველად მიიღეს და პროდუქცია ექსპორტზე, იტალიაში უკვე გავიდა.საქართველოს ბანკი, როგორც ბიზნესზე ორიენტირებული ფინანსური ინსტიტუტი მცირე და საშუალო ბიზნესებებს აქტიურად უჭერს მხარს. აღნიშნულ პროექტში ბანკის ინვესტიცია 1 200 000 ლარს შეადგენს.„კომპანია „სნეილ გარდენი“ 2021 წელს შეიქმნა, რომელიც სტარტაპ კომპანიას წარმოადგენდა. ლოკოკინების ფერმის ბიზნესი იტალიაში დიდი პოპულარობით სარგებლობს. საქართველოში ბიზნესის შექმნის იდეაც, სწორედ იტალიაში ნანახი ლოკოკინების ფერმის შემდეგ გაგვიჩნდა. იდეის განსახორციელებლად მივმართეთ საქართველოს ბანკს, რომლის ფინანსური მხარდაჭერითაც სიღნაღში ფერმა გავაშენეთ. იმ ფაქტის გათვალისწინებით, რომ საქართველოს ბაზარზე პროდუქციისადმი ინტერესი ევროპის ქვეყნებთან შედარებით უფრო ნაკლებია, პროდუქციის სრული რეალიზება ექსპორტზე, იტალიაში ხორციელდება“, - აღნიშნავს კომპანია „სნეილ გარდენის“ დირექტორი, აკაკი ფაქსაძე.„ჩვენთვის, როგორც ბიზნესის მხარდამჭერი ბანკისთვის, ერთ-ერთ უცვლელ პრიორიტეტს ბიზნესის წახალისება წარმოადგენს. განსაკუთრებით ისეთი ბიზნესის, რომელიც განსაკუთრებულად საინტერესოა და ექსპორტზეა ორიენტირებული. ვფიქრობთ, საქართველოში წარმოებული პროდუქციის საზღვრებს გარეთ გატანა, ბიზნეს საკუთარი საქმიანობის უკეთ წარმართვისთვის კიდევ უფრო მეტ შესაძლებლობას აძლევს.„სნეილ გარდენმა“ სიღნაღში სპეციალური ჯიშის (ჰელიქს ასპერსა მიულერი) ლოკოკინები გააშენა, რომელიც გამოიყენება როგორც საკვებად, ასევე პარფიუმერიის დასამზადებლად. ეს ჩვენი პირველი ერთობლივი პროექტია ამ კომპანიასთან და გვახარებს ის ფაქტი, რომ ბიზნესს გაფართოებისთვის უკვე აქვს გეგმები.„სნეილ გარდენი“ სამომავლოდ სამაცივრე მეურნეობის გაკეთებას და სხვა მწარმოებლებისგან საექსპორტოდ ლოკოკინების ჩაბარებას გეგმავს“, - აღნიშნავს საქართველოს ბანკის საშუალო ბიზნესის გაყიდვების დეპარტამენტის დირექტორის მოადგილე, გრიგოლ სალიაშვილი.

ბაზისბანკის დაფინანსებით და „უმასპინძლე საქართველოში“ პროექტის ფარგლებში, მესტიის ისტორიულ ნაწილში კიდევ ერთი ახალი, 21 ნომრიანი სასტუმრო Anne's Hotel გაიხსნა.პროექტის ჯამური ღირებულება 2.5 მილიონი ლარია, საიდანაც ბაზისბანკის მიერ 1.6 მილიონ ლარზე მეტი ფინანსური მხარდაჭერა განხორციელდა. „ბაზისბანკს, როგორც ბიზნესის ერთ-ერთ უმსხვილეს დამფინანსებელს საქართველოში, მნიშვნელოვანი წვლილი შეაქვს სასტუმრო ინდუსტრიის განვითარების კუთხით. მსგავსი პროექტების დაფინანსება ბანკისთვის ერთ-ერთ პრიორიტეტულ მიმართულებას წარმოადგენს, რადგან ხელს უწყობს ტურიზმის განვითარებას და აძლიერებს სამშენებლო სექტორს, რაც ქვეყნის ეკონომიკის განვითარების ერთ-ერთი მთავარი წინაპირობაა. გვეამაყება, რომ მესტიაში კიდევ ერთი წარმატებული პროექტის განხორციელების თანამონაწილეები ვართ“, - აღნიშნა ბაზისბანკის კომერციულმა დირექტორმა, გიგი გაბუნიამ.Anne's Hotel პირველ სტუმრებს უკვე მიმდინარე წლის მაისიდან მასპინძლობს. სასტუმრო კომფორტულ და მყუდრო გარემოში დასვენებას, სვანური ეთნო კერძების დაგემოვნებას და მესტიის რეგიონის გაცნობით ტურებს სთავაზობს როგორც ადგილობრივ, ასევე უცხოელ სტუმრებს. სასტუმროდან ულამაზესი ხედები იშლება თეთნულდზე და ისტორიულ სვანურ კოშკებზე.„ჩვენი და ბაზისბანკის საერთო ძალისხმევით, მესტიას, უძველეს და ტურისტულად მიმზიდველ ლოკაციაზე, კიდევ ერთი თანამედროვე სასტუმრო შეემატა. მინდა მადლობა გადავუხადო ბაზისბანკის გუნდს აღნიშნული პროექტის წარმატებით დასრულებაში შეტანილი წვლილისთვის. ვისურვებდი, რომ კიდევ მეტი მსგავსი პროექტი განხორციელდეს ჩვენს რეგიონში, რაც ხელს შეუწყობს ტურიზმის განვითარებას“, - განაცხადა სასტუმროს მფლობელმა, ანა გირგვლიანმა.

საქართველოს პარტნიორობით, Green Gardens ბათუმში 3 580 კვ.მ. ფართობზე 16 ვილას აშენებს. ბანკის მიერ განხორციელებული ინვესტიცია 1.4 მილიონ დოლარს შეადგენს. პროექტის ჯამური ღირებულება კი 2 მილიონი აშშ დოლარია.„ჩვენი კომპანია საქართველოს ბანკის მხარდაჭერით ბათუმში, მშვიდ, წყნარ და გამწვანებულ უბანში 16 ვილას აშენებს. გეოგრაფიული მდებარეობაც ხელს გვიწყობს ჩაფიქრებული კონცეფციის შესრულებაში. სწორედ აქედან გამომდინარეობს ჩვენი კომპანიის დასახელებაც - Green Gardens Batumi. გვინდა მომხმარებელს მივცეთ შესაძლებლობა, პრემიუმ კლასის ვილებში დასახლდნენ, იცხოვრონ მწვანე, მშვიდ და კომფორტულ გარემოში, საიდანაც ქალაქის მთავარ ღირსშესანიშნაობებთან სულ რაღაც 5-10 წუთის სავალზე იქნებიან. პროექტში გათვალისწინებულია ორი ტიპის - ორ სართულიანი და სამ სართულიანი ვილები, რომლებსაც იზოლირებული ეზო, ინდივიდუალური პარკინგი, საერთო სარგებლობის აუზი და საბავშვო ზონა ექნებათ. მწვანე გარემოსთან ერთად ჩვენთვის მნიშვნელოვანია ისიც, რომ სამშენებლო მასალების კუთხით სრულად ენერგოეფექტურ მასალას ვიყენებთ, რადგან სხვადასხვა ენერგომატარებლის სამომავლო მოხმარება კიდევ უფრო შევამციროთ.  რაც შეეხება საქართველოს ბანკთან პარტნიორობას, მათთან თანამშრომლობა მაშინვე დავიწყეთ როგორც კი პროექტის კონცეფცია გაჩნდა. ბანკის გუნდი პირველივე დღიდან აქტიურად გვგულშემატკივრობდა და სრული ნდობა გამოგვიცხადა პროექტის აქტიურ ფაზაში გადასაყვანად. ამის შედეგად წარმატებული თანამშრომლობაც შედგა, რაც მომავალშიც აუცილებლად გაგრძელდება“, - აღნიშნავს კომპანიის დამფუძნებელი და დირექტორი თამარ დიასამიძე.Green Gardens Batumi, სტარტაპ დეველოპერულ კომპანიას წარმოადგენს და ბაზარზე 2022 წლიდან ოპერირებს. აღნიშნული პროექტის მშენებლობა 2023 წელს დაიწყო და 2024 წლის ბოლოს დასრულდება.„ჩვენთვის მნიშვნელოვანია ხელი შევუწყოთ ისეთ მზარდ კომპანიებს, როგორიც Green Gardens Batumi-ა, რადგან კომპანიის წარმომადგენლები არ უშინდებიან გამოწვევებს და განსხვავებული კონცეფციის პროექტს გვთავაზობენ. რაც მთავარია, პროექტი მწვანე გარემოში და ენერგოეფექტური მასალებით შენდება, რაც მომხმარებლისთვის დამატებით ბენეფიტს წარმოადგენს. კომპანია არსებული პროექტის მიმდებარედ განსავითარებელ მიწის ნაკვეთს ფლობს და სამომავლოდ უკვე შემდეგი ფაზის ჩაშვებასაც განიხილავს. ეს კი არა მხოლოდ აჭარის რეგიონს, არამედ ტურიზმის სექტორს კიდევ უფრო გააძლიერებს, რადგან პროექტი განსაკუთრებული კონცეფციიდან გამომდინარე მოიზიდავს კიდევ უფრო მეტ, როგორც ადგილობრივ, ასევე უცხოელ ტურისტს“, - აცხადებს საქართველოს ბანკის კორპორაციული გაყიდვების სექტორის ხელმძღვანელი ნათია ღლონტი.

საქართველოს ეროვნულმა ბანკმა მიკროსაფინანსო ორგანიზაცია „რიკო ექსპრესი“ ფულის გათეთრებისა და ფინანსური კონტროლის მოთხოვნების სხვადასხვა სახის დარღვევებისთვის ჯამში 70 000 ლარით დააჯარიმა - ამის შესახებ სებ-ის მიერ გამოქვეყნებული განცხადებიდან ხდება ცნობილი.„ფულის გათეთრებისა და ტერორიზმის დაფინანსების აღკვეთის ხელშეწყობის მიზნებისათვის დანერგილი პროგრამული (ელექტრონული) სისტემის მნიშვნელოვანი ხარვეზებით ფუნქციონირების გამო - ჯამში 20,000 ლარის ოდენობით.მიკროსაფინანსო ორგანიზაციის მიერ შემმოწმებელთა ჯგუფისათვის ინფორმაციის/დოკუმენტაციის შემოწმების ვადის დასრულებამდე წარუდგენლობის 1 (ერთი) შემთხვევის გამო - ჯამში 5,000 ლარის ოდენობით.13 (ცამეტი) კლიენტთან მიმართებაში მიკროსაფინანსო ორგანიზაციას არ განუხორციელებია კანონმდებლობის შესაბამისად გარიგების ან/და ქონების (ფულადი სახსრების) წარმომავლობის შესწავლა, რისთვისაც ის დაჯარიმდა 3,000 ლარის ოდენობით, დარღვევის თითოეულ ფაქტზე. სულ 39,000 (ოცდაცხრამეტი ათასი) ლარი.მიკროსაფინანსო ორგანიზაციის მიერ შემმოწმებელთა ჯგუფისათვის ინფორმაციის ვადის გადაცილებით და არასწორად წარდგენის 2 (ორი) ფაქტის გამო - ჯამში 4,000 (ოთხი ათასი) ლარის ოდენობით.„მიკროსაფინანსო ორგანიზაციების უკანონო შემოსავლის ლეგალიზაციის და ტერორიზმის დაფინანსების რისკის ზედამხედველობის ანგარიშგების შევსებისა და ინფორმაციის წარმოდგენის წესის დამტკიცების თაობაზე“ საქართველოს ეროვნული ბანკის პრეზიდენტის 2016 წლის 31 მაისის №61/04 ბრძანებით დამტკიცებული წესით გათვალისწინებული ანგარიშგებებით საქართველოს ეროვნული ბანკისათვის არასწორი ინფორმაციის წარდგენის 2 (ორი) შემთხვევის გამო - ჯამში 2,000 ლარის ოდენობით.საერთო ჯარმში მიკროსაფინანსო ორგანიზაცია დაჯარიმდა - 70,000 (სამოცდაათი ათასი) ლარის ოდენობით,” - ნათქვამია ეროვნული ბანკის განცხადებაში.

საქართველოს ბანკი საქართველოს სავაჭრო პალატასთან პარტნიორობით პროექტს ,,უფასო ვებგვერდი ბიზნესს“ ახორციელებს. პროექტი მცირე და საშუალო ბიზნესის გაციფრულებისა და ელექტრონული კომერციის განვითარების მიზნით შეიქმნა, რაც იმას ნიშნავს, რომ კიდევ 70-მა კომპანიამ შეძლო ბიზნესის გაციფრულება. ერთ-ერთი ასეთი კომპანიაა BB Store, რომელიც ქართულ ტიპოგრაფიაზე დაფუძნებული ბრენდია.„საქართველოს ბანკისა და სავაჭრო პალატის ერთობლივ პროექტში ჩართვა ჩვენთვის საკმაოდ მნიშვნელოვანი აღმოჩნდა, რადგან BB Store-სთვის დამზადდა ვებგვერდი, რომელიც აღჭურვილია ყველა საჭირო ფუნქციონალით და ჩვენთვის შეკვეთების მიღების პროცესი კიდევ უფრო გამარტივდა. მომხმარებელსაც შესაძლებლობა აქვს ჩვენი ვეგვერდიდან მიიღოს სრული ინფორმაცია, აირჩიოს სასურველი პროდუქცია და მარტივად განახორციელოს გადახდა საქართველოს ბანკის გადახდების მეშვეობით.  ჩვენი ბრენდი ძირითადად მუშაობს ონლაინ, ჩვენი ვებგვერდის bbstore.ge-ს მეშვეობით, საიდანაც მომხმარებელს უმაღლესი ხარისხის ჰუდების, მაისურების, ჩანთებისა და სხვა მრავალი პროდუქციის შეძენა შეუძლია. ბრენდი გათვლილია ყველა ასაკის ადამიანზე, მათ შორის ბავშვებზე. ახალი კოლექციის შექმნისას, ჩვენი ძირითადი მოტივაცია ქართული ანბანი და ქართული თემატიკაა. ამ ყველაფრის გათვალისწინებით კი უნიკალურ ქართულ სიმბოლოებს ვქმნით. დღეის მონაცემებით წარმოდგენილი გვაქვს 1 000 სახეობის ასორტიმენტი. ჩვენი პროდუქცია როგორც ონლაინ და ოფლაინ მაღაზიებში, ასევე განთავსებულია სხვადასხვა პლატფორმებზე, მათ შორის extra,ge, vendoo.ge და phubber-ზე. რაც შეეხება ჩვენს სამომავლო გეგმებს, ეტაპობრივად ვგეგმავთ მოლებში სტენდების განთავსებას; ადგილობრივი და საერთაშორისო სხვადასხვა პლატფორმის დამატებას. ვფიქრობთ ექსპორტის გაზრდასაც“, - აღნიშნავს BB Store-ის დამფუძნებელი და დირექტორი, ნინო გიგინეიშვილი.BB Store ქართულ ბაზარზე 2016 წელს გამოჩნდა. ბრენდის კონცეფცია დაფუძნებულია ტრადიციულ, ქართულ მოტივებზე, რემელშიც გაერთიანებულია უნიკალური სიტყვები, ძეგლები და ქართული ანბანის სიმბოლოები. კომპანიის პროდუქცია იწარმოება და იბრენდება საქართველოში. კომპანიის მიზანს ქართული, ეროვნული თემატიკის პოპულარიზაცია და მათი საერთაშორისო ბაზარზე გაყიდვა წარმოადგენს.ცნობისთვის, პროექტის „უფასო ვებგვერდი ბიზნესის“ ფარგლებში სავაჭრო პალატა გამარჯვებული მეწარმეებისთვის უზრუნველყოფს როგორც ვებგვერდის დამზადებას, ასევე მისი მართვის ტრენინგს და ტექნიკურ მხარდაჭერას. ბანკი კი, მეწარმეების ინტერესებზე მორგებულ ონლაინ გადახდების (ბარათით გადახდა, განვადებით გადახდა, ნაწილ-ნაწილ გადახდა, PLUS და MR ქულებით გადახდა და სხვა) ინტეგრაციას ახორციელებს, მათთვის შეღავათიანი პირობებით. პროექტში საქართველოში რეგისტრირებული ის მეწარმეები იღებენ მონაწილეობას, რომლებსაც პროდუქტის გაყიდვა ელექტრონული კომერციის საშუალებით სურთ.

საქართველოს ბანკმა და შვეიცარიის განვითარებისა და თანამშრომლობის სააგენტოს (SDC) მიერ დაფინანსებულმა „რეგიონებში მცირე და საშუალო ბიზნესის განვითარების პროექტმა“ (RSMEDP), SME ბიზნესის ფინანსებზე წვდომის გაზრდის მიზნით თანამშრომლობის მემორანდუმი გააფორმეს.RSMEDP პროექტი Swisscontact-ის (ძირითადი განმახორციელებელი), Mercy Corps-ისა და Springfield Center-ის კონსორციუმის მიერ ხორციელდება.საქართველოს ბანკი, როგორც ბიზნესის მხარდამჭერი ბანკი, მცირე და საშუალო ზომის ბიზნესებისთვის პროექტების განხორციელებას და წახალისებას აქტიურად განაგრძობს. ამ მიზნით, ბანკმა და RSMEDP-მ პარტნიორობის შესახებ ურთიერთთანამშრომლობის მემორანდუმი გააფორმეს, რაც აჭარის და იმერეთის რეგიონებში, მერძევეობისა და მეფუტკრეობის სფეროში დასაქმებული მეწარმეებისთვის ფინანსური ხელმისაწვდომობის ზრდას გულისხმობს.საქართველოს ბანკისა და RSMEDP-ის მეწარმეების ანგარიშგებების მოწესრიგებაში დაეხმარებიან, რაც ბიზნესებს მისცემს შესაძლებლობას, მარტივად მოიზიდონ ფინანსური რესურსები სამომავლო განვითარებისთვის. პროექტში თავდაპირველად მონაწილეობას 60 მეწარმე მიიღებს.„საქართველოს ბანკის ერთ-ერთ უცვლელ პრიორიტეტს მცირე და საშუალო ბიზნესის მხარდაჭერა წარმოადგენს, განსაკუთრებით აგრომიმართულებით. სწორედ ამ მიზანს ემსახურება ბანკისა და RSMEDP-ის პარტნიორობა. თანამშრომლობა მეწარმეებს ანგარიშგებების მოწესრიგებასა და შესაბამისად, ბიზნესის განვითარებაში შეუწყობს ხელს. ეს არის საკმაოდ მნიშვნელოვანი პროექტი არა მხოლოდ აჭარის და იმერეთის რეგიონებისთვის, არამედ მერძევეობისა და მეფუტკრეობის დარგისთვის და ასევე, მთლიანად ქვეყნისთვის, რადგან რეგიონებში მცირე და საშუალო ბიზნესისთვის ანგარიშგებების მოწესრიგება დღემდე გამოწვევად რჩება, რაც აბრკოლებს ბიზნესების კიდევ უფრო გაძლიერებას. სწორედ ამიტომ, ჩვენთვის მნიშვნელოვანია ისეთი პროექტების განხორციელება, რომელიც ბიზნესებს კიდევ უფრო გაუმარტივებს ოპერირებას და ხელს შეუწყობს მათი სამომავლო საქმიანობის გაფართოებას“, - განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა.„RSMEDP პროექტი მოხარულია საქართველოს ბანკთან თანამშრომლობით. დაგეგმილი აქტივობების ფარგლებში, მოხდება არაფინანსური სერვისების მიწოდება მცირე და საშუალო ბიზნესისთვის, აჭარისა და იმერეთის რეგიონებში, მათი ინკლუზიური დაკრედიტების მხარდასაჭერად. ბიზნეს საკონსულტაციო კომპანიებთან, ინოვაციური სამმხრივი მოდელების პილოტირებისას, რეგიონებში მცირე და საშუალო ბიზნესი ისარგებლებს მომსახურების პაკეტით, რომელიც შეესაბამება მათ ბიზნეს საჭიროებებს.კერძო სექტორთან თანამშრომლობა არის შვეიცარიის განვითარებისა და თანამშრომლობის სააგენტოს ძირითადი მიდგომა, ხოლო ფინანსურ რესურსებზე ხელმისაწვდომობა უმნიშვნელოვანესია მეწარმეთა ეფექტური მუშაობისა და ეკონომიკური ზრდის მისაღწევად. ჩვენ დარწმუნებული ვართ, რომ ჩვენი პარტნიორობა ხელს შეუწყობს SDC-ს პროგრამის მიზნების განხორციელებას სამხრეთ კავკასიაში, რომელიც ორიენტირებულია მდგრად ეკონომიკურ განვითარებასა და საქართველოს რეგიონებში მცირე და საშუალო ბიზნესების შემოსავლებისა და დასაქმების ზრდაზე“, - განაცხადა რეგიონებში მცირე და საშუალო ბიზნესის განვითარების პროექტის ხელმძღვანელმა, რიჩარდ როუზმა.

საქართველოს ბანკი, როგორც ბიზნესის მხარდამჭერი კერძო ფინანსური ინსტიტუტი აგრომიმართულებით პროექტებს აქტიურად ახორციელებს.ამჯერად, ბანკთან პარტნიორობით კომპანია „აგროქართლმა“, რომელიც მომხმარებლებს სასოფლო-სამეურნეო პროდუქტებს სთავაზობს, თბილისში ახალი შოურუმი გახსნა.შოურუმი 1 000 კვ.მ ფართობზე მოეწყო. პროექტის ჯამური ღირებულება 2.5 მილიონი აშშ დოლარია. ბანკის მიერ განხორციელებული ინვესტიცია კი 1 მილიონ აშშ დოლარს შეადგენს.„აგროქართლი“ ბაზარზე 2005 წელს გამოჩნდა. კომპანია უკვე წლებია საქართველოს სხვადასხვა რეგიონშია წარმოდგენილი. ის ფარავს, როგორც კახეთს, ასევე, შიდა და ქვემო ქართლს, სამეგრელო-ზემო სვანეთს, იმერეთს, სამცხე-ჯავახეთს, გურიას და ახლა უკვე თბილისსაც.„საქართველოს ბანკთან ოთხი წელია ვთანამშრომლობთ და მათთან ერთად არაერთი წარმატებული პროექტი განვახორციელეთ. სწორედ ამიტომ, კვლავ ვაგრძელებთ პარტნიორობას და გვიხარია, რომ მათი დახმარებით ახალი შოურუმის გახსნა თბილისშიც შევძელით. მომხმარებლებს ჩვენს მაღაზიებში შეუძლიათ სასოფლო-სამეურნეო პროდუქციის შეძენა. რაც შეეხება ახალ შოურუმს - წარმოდგენილია მცენარეთა დაცვის ყველა ის საშუალება, რომელიც ფერმერს მოსავლის დაცვისთვის სჭირდება, ასევე არის ბოსტნეულისა და ბაღჩეული კულტურების ფართო არჩევანი“, - აღნიშნავს კომპანია „აგროქართლის“ დამფუძნებელი, გოგა სიმონიშვილი.„საქართველოს ბანკი კვლავ აგრძელებს აგრომიმართულებით პროექტების დაფინანსებას. აღნიშნული პროექტი ერთი მხრივ მნიშვნელოვანია ბიზნესისა და სასოფლო-სამეურნეო მიმართულების პროექტების წახალისებისკენ, მეორე მხრივ კი, ქვეყანაში ჩნდება ახალი სამუშაო ადგილები, რაც ქვეყნის ეკონომიკის გაძლიერებისკენაა მიმართული.კომპანია საქმიანობას წლებია წარმატებით ართმევს თავს. ის სოფლის მეურნეობის სექტორში 22-წლიანი გამოცდილების მქონე შვეიცარიულ კომპანია SYNGETA-სთან თანამშრომლობს, რაც მათ წარმატებულ საქმიანობას უსვამს ხაზს“, - აცხადებს საქართველოს ბანკის კორპორაციული საბანკო მომსახურების სექტორის უფროსი, გიორგი წეროძე.

ლიბერთი, მესამე ბანკია საქართველოს ბაზარზე, რომელიც FCI-ში გაწევრიანდა.„ლიბერთი აგრძელებს მომხმარებლების საჭიროებებზე მორგებული ახალი პროდუქტების დანერგვას და მომსახურების პირობების გაუმჯობესებას. ფაქტორინგი ერთ-ერთი ყველაზე სწრაფად მზარდი ფინანსური მომსახურებაა როგორც მსოფლიოში, ასევე საქართველოშიც. ჩვენს მომხმარებლებს ადგილობრივ ფაქტორინგულ ოპერაციებს 2020 წლიდან ვთავაზობთ. საერთაშორისო ფაქტორინგულ ორგანიზაციაში გაწევრიანება, ბანკს საშუალებას მისცემს გაზარდოს პროდუქტების მრავალფეროვნება, ასევე ბაზარზე არსებული პოზიციები მნიშვნელოვნად გაიმყაროს და მომავალში მომხმარებლებს საერთაშორისო ფაქტორინგული ოპერაციები შესთავაზოს“, - განაცხადა ლიბერთის გლობალური საბანკო საქმიანობის დეპარტამენტის უფროსმა შოთა დეკანოსიძემ.FCI -ის შესახებ:FCI არის უმსხვილესი საერთაშორისო ფაქტორინგული ორგანიზაცია, რომელიც მიზნად ისახავს წაახალისოს და განავითაროს საერთაშორისო ვაჭრობა ფაქტორინგული ოპერაციების გზით მთელი მსოფლიოს მასშტაბით. FCI-ში გაწევრიანებულია 400-მდე ფინანსური ინსტიტუტი მსოფლიოს 90-ზე მეტი ქვეყნიდან. FCI-ის მსოფლიოს ფაქტორინგული ბაზრის 60%-მდე წილი უკავია.ლიბერთის შესახებ:ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.

საქართველოს ბანკი საქართველოს სავაჭრო პალატასთან პარტნიორობით პროექტს ,,უფასო ვებგვერდი ბიზნესს“ ახორციელებს. პროექტი მცირე და საშუალო ბიზნესის გაციფრულებისა და ელექტრონული კომერციის განვითარების მიზნით შეიქმნა, რაც იმას ნიშნავს, რომ კიდევ 70-მა კომპანიამ შეძლო ბიზნესის გაციფრულება. სწორედ ერთ-ერთი ასეთი კომპანიაა „ამბრა“. ინფორმაციას საქართველოს ბანკი ავრცელებს.კომპანიის ცნობით, კომპანია „ამბრა“ 2020 წელს, რაჭაში დაფუძნდა. ის ენდემურ რაჭულ, ლეჩხუმურ და იმერულ ღვინოებს აწარმოებს. კომპანიის მფლობელობაშია 2 ჰა ვენახი ხვანჭკარის მიკროზონაში. მეღვინეობა „ამბრა“ ჯამში 13 სახეობის ღვინოს აწარმოებს. მათ შორისაა ვაშლის ცქრიალა ღვინოც. „კომპანია ყოველთვის თამამად ატარებს ექსპერიმენტებს სხვადასხვა ჯიშზე და ტექნოლოგიაზე. 2022 წელს შეიქმნა ვაშლის პეტნატი, რომელიც დამზადებულია რაჭის მთებში დაკრეფილი ველური ვაშლისგან, ეს კი ღვინოს განუმეორებელ თვისებებს სძენს. კომპანია მომხმარებელთან ყოველთვის ემოციურ ბმაშია და ვიზიარებთ მათ აზრს. ვცდილობთ პროდუქტი იყოს მორგებული მომხმარებელზე და არა პირიქით.„ამბრა“ საქართველოს ბაზარზე მალევე გახდა პოპულარული და კომპანია წელიწადში უკვე 20 000 ბოთლ ღვინოს აწარმოებს. ჩვენი პროდუქტი გარდა ადგილობრივი ბაზრისა, ევროპის 4 ქვეყანაში, ჩინეთში, იაპონიაში და ამერიკაში იყიდება.„ამბრა“ არის პირველი კომპანია რაჭიდან, რომელმაც მოახერხა ამერიკის ბაზარზე 13 სახეობის რაჭული და იმერული ენდემური ჯიშებისგან დამზადებული ღვინის შეტანა. სწორედ ამიტომ, ჩვენთვის ერთ-ერთ მნიშვნელოვან ფაქტორს ბიზნესის გაციფრულება წარმოადგენდა, რადგან კომპანიის წარმატებისთვის და საერთაშორისო ბაზარზე გასასვლელად მოწესრიგებული ვებგვერდი აჩენს მეტ ნდობას და ადგილობრივ თუ უცხოელ მომხმარებლებთან და პარტნიორებთან ურთიერთობაში კიდევ უფრო მეტად გეხმარება.პროექტის ფარგლებში დამზადებულმა ვებგვერდმა კომპანიას შეუმცირა ხარჯები, გაზარდა ბრენდის ცნობადობა და დღეს ჩვენს მომხმარებელს შესაძლებლობა აქვს მარტივად მიიღოს ვებგვერდიდან ჩვენი კოპანიისა თუ პროდუქციის შესახებ სრული ინფორმაცია“, - აღნიშნავს კომპანია „ამბრას“ დამფუძნებელი აკაკი სირაძე.ინფორმაციისთვის, პროექტის „უფასო ვებგვერდი ბიზნესის“ ფარგლებში, სავაჭრო პალატა გამარჯვებული მეწარმეებისთვის უზრუნველყოფს როგორც ვებგვერდის დამზადებას, ასევე ვებგვერდის მართვის ტრენინგს და ტექნიკურ მხარდაჭერას. ხოლო ბანკი, მეწარმეების ინტერესებზე მორგებულ ონლაინ გადახდების (ბარათით გადახდა, განვადებით გადახდა, ნაწილ-ნაწილ გადახდა, PLUS და MR ქულებით გადახდა და სხვა) ინტეგრაციას, მათთვის შეღავათიანი პირობებით. პროექტში საქართველოში რეგისტრირებული ის მეწარმეები იღებენ მონაწილეობას, რომლებსაც ინტერნეტის საშუალებით საკუთარი პროდუქტის გაყიდვა სურთ.