1714460305
1 კგ მოცვი 80 ლარი ღირს - რა უჯდება ქვეყანას ლურჯი მოცვის იმპორტი
საქართველოში ლურჯი მოცვის იმპორტი მცირედით, 0.2%-ით გაიზარდა. საქსტატის მიერ „ბიზნესპრენიუსისთვის“ მოწოდებული ინფორმაციის თანახმად, 2024 წლის იანვარ-თებერვალში საქართველოში იმპორტირებულია 177.6 ათასი დოლარის 15.7 ტონა მოცვი, ხოლო გასული წლის იმავე პერიოდში 177.3 ათასი დოლარის 15.3 ტონა.
აღსანიშნავია ისიც, რომ საქართველოში მოცვის იმპორტიორი ქვეყანა ძირითადად ნიდერლანდებია. რაც შეეხება ფასს, 2024 წლის პირველ ორ თვეში 1კგ ლურჯი მოცვის იმპორტი ქვეყანას 11.3 დოლარი დაუჯდა (კურსით 30.3 ლარი), ხოლო გასული წლის იმავე პერიოდში 11.6 დოლარი. აღნიშნული მონაცემები აჩვენებს, რომ საიმპორტო ფასი 2.6%-ით შემცირდა.
„ბიზნესპრენსნიუსი“ დაინტერესდა, რა ღირს სუპერმარკეტებში იმპორტირებული ლურჯი მოცვი. სხვადასხვა სუპერმარკეტში 1კგ-ს ფასი ძირითადად 80 ლარის ფარგლებში მერყეობს. მონაცემები აჩვენებს, რომ მარკეტებში 1 კგ იმპორტული ლურჯი მოცვი 164%-იანი ფასნამატით იყიდება.
1714634553
როგორი იქნება საოფისე შენობა ვახუშტის ხიდთანთბილისში, მდინარე მტკვრის მარჯვენა სანაპიროზე, ვახუშტის ხიდთან საოფისე შენობა აშენდება. შპს „კომფორტი 50“-ის სამშენებლო პროექტის მიხედვით, მშენებლობა დაახლოებით ორწელიწად-ნახევარში დასრულდება. არქიტექტურის სამსახურის ვებგვერდზე არსებული ინფორმაციით, პროექტის მიხედვით გათვალისწინებულია მიწის ნაკვეთზე 6 სართულიანი საოფისე შენობის განთავსება, რომელიც 40 საოფისე ფართს და 100 ავტომობილისთვის ავტოსადგომს მოიცავს.„წარმოდგენილი მიწის ნაკვეთი მდებარეობს გიორგი სააკაძის მეორე გასასვლელში #19. საპროექტო მიწის ნაკვეთზე ვრცელდება საზოგადოებრივ საქმიანი ზონა 2 (სსზ-2). ნაკვეთის ფართობი შეადგენს 2,764.00 მ2. მისი სიგრძე არ აღემატება 75 მეტრს ხოლო სიგანე 40 მეტრს.აღნიშნული ტერიტორია წარმოადგენს ცენტრალურ არეალს, რომელიც უკვე საკმაოდაა განვითარებული. აქ გვხვდება შენობა ნაგებობები როგორც საჯარო (ქ. თბილისის მუნიციპალიტეტის მერია) საცხოვრებელი (მიმდებარედ არსებული საცხოვრებელი ზონები), კომერციული (უშუალო სიახლოვეს არსებული სხვადასხვა საოფისე და კომერციული ობიექტები), სასწავლო (ტექნიკური უნივერსიტეტი) ასევე სხვა ფუნქციებით. წარმოდგენილ არეალში მრავლადაა საერთო სარგებლობის საზოგადოებრივი სივრცეები, კეთილმოწყობილი სკვერები, პარკები, სპორტული მოედნები და სხვა. ასევე ტერიტორიის სიახლოვეს მრავლადაა კერძო და სახელმწიფო სკოლები, საბავშვო ბაღები.შენობის აბსოლუტური ±0.00 ნიშნული ზღვის დონიდან 405.50 მეტრის ტოლია.დაგეგმვის მიზანს წარმოადგენს მოცემულ ტერიტორიაზე საოფისე შენობის მშენებლობა, რომელიც მოცემული არეალის განვითარების შესაბამისი იქნება.შენობა წარმოადგენს IVკლასის კარკასულ ნაგებობას, მიწის ზედა 6 და მიწის ქვედა 2 სართულით. დაგეგმვის მიზანს წარმოადგენს ტერიტორიის ლოგიკური განვითარება, არსებულ ურბანულ ქსოვილში ახალი ობიექტის გაჩენა, რომელიც არ შევა კონფლიქტში გარემოსთან.სართულების აღწერა:-2 სართულზე, საპროექტო ნიშნულით -5.55 განთავსდება 50 ავტოსადგომი. -1 სართულზე, საპროექტო ნიშნულით -2.85, განთავსდება ავტოსადგომი 50 ავტომობილისთვის (ორი შ.შ.მ.პ. ავტომობილის და მიკროავტობუსის სადგომით), დამხმარე ოთახი წყლის რეზერვუარის და ტუმბოს განსათავსებლად ავტოსაშხეფი სისტემებისთვის.მიწისპირა სართულზე (ნიშნულით ±0.00) განთავსდება ჰოლი, ოფისები, ხანძრის მართვის ცენტრი, დამხმარე ოთახი და საგენერატორო.პირველი სართულიდან (+3.45 საპროექტო ნიშნული), მეხუთე სართულის ჩათვლით (+17.05 საპროექტო ნიშნული) განთავსდება ოფისები (თითო სართულზე 8 ოფისი)“, - ნათქვამია განმარტებით ბარათში.შპს „კომფორტი 50“-ის დირექტორი ზაზა გუნცაძეა, კომპანიის მეწილეები კი არიან შეზღუდული პასუხისმგებლობის საზოგადოება „კომფორტი 2015“ (კომპანიის 100%-ს სამსონ დალაქიშვილი ფლობს), ირმა გირგვლიანი, ოლგა მაიბოროდა (უკრაინის მოქალაქე) და ქეთევან ნათელაშვილი.
1714632589
სურსათის ეროვნული სააგენტო მოქალაქეებს მიმართავსსურსათის ეროვნული სააგენტო, აღდგომის დღესასწაულის მოახლოებასთან ერთად, ადგილობრივ და იმპორტირებულ კვერცხს, ხორცსა და სხვა მოთხოვნად სურსათს აქტიურად ამოწმებს.სააგენტო მოუწოდებს მოსახლეობას, მალფუჭებადი და მაღალი რისკის სურსათი შეიძინოს მხოლოდ ორგანიზებული ვაჭრობის პირობებში, ისეთ სარეალიზაციო ობიექტებში, სადაც დაცულია შენახვისა და რეალიზაციის მოთხოვნები, სანიტარიულ-ჰიგიენური ნორმები.„ხორცის შეძენისას მნიშვნელოვანია ყურადღება მიაქციოთ:შენახვისა და განთავსების პირობებს - ხორცი უნდა ინახებოდეს სუფთა, დახურულ მაცივარში, შესაბამისი ტემპერატურული რეჟიმის დაცვით - 7-დან 10 გრადუსამდე; შენახვის ვადა 48 საათია.სხვადასხვა წარმომავლობის ხორცი (საქონელი, ცხვარი, ღორი, თხა) მაცივარში განცალკევებით უნდა იყოს განთავსებული. ასევე, ცალ-ცალკე უნდა განთავსდეს სხვადასხვა ქვეყნიდან იმპორტირებული ხორცი.ეტიკეტი გამოკრული უნდა იყოს თვალსაჩინო ადგილას იმ მაცივარზე, რომელშიც ინახება სურსათი.გასაყიდი ხორცის ეტიკეტზე დატანილი უნდა იყოს შემდეგი ინფორმაცია:თუ ხორცი მიღებულია საქართველოში დაბადებული, გაზრდილი ცხოველისგან („წარმოშობა − საქართველო"), მითითებული უნდა იყოს ცხოველის საიდენტიფიკაციო საყურე ნიშნის ნომერი;თუ ხორცი იმპორტირებულია, მითითებული უნდა იყოს იმპორტიორი ქვეყანა და მწარმოებელი;ქვეყნის დასახელება (სადაც მდებარეობს სასაკლაო), სასაკლაოს აღიარების ან პირობითი აღიარების ნომერი (სადაც დაიკლა ცხოველი); ასევე დამზადების თარიღი და საათი.კვერცხის შეძენისას ყურადღება მიაქციეთ შენახვისა და რეალიზაციის პირობებს, ვარგისიანობის ვადას, ეტიკეტს, რომელზეც დატანილი უნდა იყოს ინფორმაცია კვერცხის წარმოშობის ქვეყნისა და დადების თარიღის შესახებ.მომხმარებლისათვის კვერცხის მიწოდება უნდა განხორციელდეს მისი დადებიდან 21 დღის განმავლობაში, ხოლო თუ კვერცხი ინახება 0°C-დან 10°C-მდე, შესაძლოა გამოიყენოთ მისი დადებიდან 1 თვის განმავლობაში.გაითვალისწინეთ - ვეტერინარული ზედამხედველობის გარეშე დაკლული ხორცისა და ცხოველური წარმოშობის სხვა პროდუქტებისგან (რძე, ყველი, თევზი, კვერცხი და ა. შ) ადამიანის დაავადების რისკი საკმაოდ მაღალია", - ნათქვამია სეს-ის განცხადებაში.
1714632004
საქართველოს ავიაბაზარზე ოპერირება AUSTRIAN AIRLINES-მა დაიწყოთბილისის საერთაშორისო აეროპორტში ვენიდან პირველი პირდაპირი ფრენა ავსტრიის ლიდერმა ავიაკომპანია Austrian Airlines-მა შეასრულა. აღნიშნულთან დაკავშირებით ინფორმაციას აეროპორტების გაერთიანება ავრცელებს.მათი ცნობით, ახალი ევროპული ავიაკომპანია პირდაპირ რეგულარულ ფრენებს ვენა-თბილისი-ვენას მიმართულებით კვირაში 3 სიხშირით Airbus A320 ტიპის საჰაერო ხომალდით განახორციელებს. საქართველოს აეროპორტების გაერთიანებამ ავიაკომპანიასთან 2- წლიანი მოლაპარაკების პროცესი წარმატებით დაასრულა. აეროპორტების გაერთიანების გენერალური დირექტორის ირაკლი ქარქაშაძის განცხადებით, ავსტრიის ავიახაზები ქართული ავიაბაზრისთვის სიახლეა და ვენა არის ერთ-ერთი მოთხოვნადი მიმართულება, როგორც ტურისტული, ასევე საქმიანი ვიზიტებისთვის.„თბილისის საერთაშორისო აეროპორტში დღეს მივიღეთ Austrian Airlines-ის პირველი რეისი. ჩვენ წარმატებით დავასრულეთ ორწლიანი მოლაპარაკება, რაც იმას ნიშნავს, რომ ვენის მიმართულებით კიდევ ერთი ევროპული ავიაკომპანია შეასრულებს ფრენებს კვირაში 3 სიხშირით. მოხარულები ვართ, რომ პირველ რეისზე ყველა ბილეთი გაყიდული იყო და სრული დატვირთვით ჩამოფრინდა ბორტი, რაც იმის დასტურია, რომ ვენა ჩვენთვის ერთ-ერთი მნიშვნელოვანი მიმართულებაა. საქართველოს აეროპორტების გაერთიანება აგრძელებს თბილისის აეროპორტის დაკავშირებას ევროპის ცენტრალურ დედაქალაქებთან და არამხოლოდ, იმისთვის, რომ ჩვენს მგზავრებს ჰქონდეთ მეტი მობილობა და მეტი პირდაპირი ფრენა“, - განაცხადა ირაკლი ქარქაშაძემ.შოთა რუსთაველის სახელობის საერთაშორისო აეროპორტში გამთენიისას, პირველ საინაუგურაციო რეისს ვენიდან სავსე ბორტი - 136 მგზავრი ჩამოჰყვა. პირველ რეისს საქართველოში ავსტრიის ელჩი თომას მიულმანი, აღმოსავლეთ ევროპასა და ისრაელში AUSTRIAN AIRLINES-ის გაყიდვების დირექტორი შტეფან ლინჰარტი, საქართველოს აეროპორტების გაერთიანების გენერალური დირექტორი ირაკლი ქარქაშაძე და თბილისისა და ბათუმის აეროპორტების ოპერატორი კომპანიის Tav Georgia-ს წარმომადგენლები დახვდნენ.1957 წელს დაფუძნებული და ის Lufthansa Group-ის შვილობილი კომპანიაა. Star Alliance-ის წევრი ავიაკომპანია ფრენებს 55 ქვეყნის 130 მიმართულებით ასრულებს. მისი ფლოტი 70 საჰაერო ხომალდისგან შედგება, საიდანაც უმეტესობა Airbus A320 ტიპის თვითმფრინავებს წარმოადგენს.
1714562802
საქართველოში წვიმა, ელჭექი და სეტყვაა მოსალოდნელი - გარემოს ეროვნული სააგენტოს გაფრთხილებაგარემოს ეროვნული სააგენტო ამინდის გაუარესების შესახებ მოსახლეობას აფრთხილებს. „2 მაისის დღის მეორე ნახევრიდან 6 მაისამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა, ელჭექის დროს ქარის ხანმოკლე გაძლიერება.მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, - აღნიშნულია სააგენტოს მიერ გავრცელებულ ინფორმაციაში.
1714559846
ბიტკოინის, ეთერიუმის და სხვა კრიპტოაქტივების ფასები მკვეთრად დაეცარეკორდული შედეგის დაფიქსირების შემდეგ, ბიტკოინის, ეთერიუმის და სხვა კრიპტოაქტივების ფასები მკვეთრად დაეცა.ამჟამად ინდუსტრიის საერთო კაპიტალიზაცია 2 ტრილიონ 120 მილიარდ დოლარს შეადგენს, რაც ერთ დღეში 9%-ით შემცირებული მაჩვენებელია.თითქმის 15%-ით დაეცა ბიტკოინის ღირებულება ის ამჟამად 56,800 დოლარად ივაჭრება, მისი საბაზრო კაპიტალიზაცია კი $1.1 ტრილიონის ფარგლებშია.რაც შეეხება ეთერიუმს, რიგით მეორე უმსხვილესი კრიპტოაქტივის ფასი 2,800 დოლარს შეადგენს, რაც 13%-ით შემცირებული მაჩვენებელია, მისი კაპიტალიზაცია კი $345 მილიარდს შეადგენს.კრიპტოაქტივების ფასების შემცირება პირდაპირ კავშირშია ახლო აღმოსავლეთის რეგიონში კონფლიქტის ესკალაციასთან და ისრაელის წინააღმდეგ ირანის მიერ განხორციელებულ თავდასხმასთან, რაც რეგიონში გეოპოლიტიკური დაპირისპირების რისკებს მნიშვნელოვნად ზრდის.ასევე გასათვალისწინებელია FED-ისა და ECB-ის მხრიდან მკაცრი მონეტარული პოლიტიკის გახანგრძლივების რისკი, რასაც ინვესტორები განსაკუთრებით ნეგატიურად იღებენ.