1754294396
ზელენსკიმ საქართველოს ორი მოქალაქე დაასანქცირა რუსულ „ჩრდილოვან ფლოტთან“ თანამშრომლობისთვის
უკრაინის პრეზიდენტმა ვოლოდიმირ ზელენსკიმ რუსული ნავთობისა და ნავთობპროდუქტების ტრანსპორტირებით დაკავებულ „ჩრდილოვან ფლოტთან“ დაკავშირებული საქართველოს ორი მოქალაქე დაასანქცირა. ისინი 94 ფიზიკური პირის, მათ შორის, გემების კაპიტნებისა და 5 კომპანიის სიაში არიან, რომლებიც რუსულ „ჩრდილოვან ფლოტთან“ თანამშრომლობენ.
ამის შესახებ ზელენსკიმ თავის Telegram-არხზე გამოქვეყნებულ ვიდეოში განაცხადა, ხოლო სია უკრაინის ეროვნული უშიშროებისა და თავდაცვის საბჭოს ოფისის ვებგვერდზე გამოქვეყნდა.
საქართველოს მოქალაქეები, რომლებიც ამჯერად უკრაინის პრეზიდენტმა დაასანქცირა არიან 1975 წელს დაბადებული ირაკლი ცინცაძე და 1989 წელს დაბადებული კახა ბორჩხაძე.
ორივე პირს უკრაინაში აქტივები 10 წლით დაებლოკა, ანუ საკუთრებაში არსებული აქტივების გამოყენებისა და განკარგვის უფლება ჩამოერთვათ. ასევე, სანქცირებულ პირებს შეეზღუდათ სავაჭრო ტრანზაქციები, უკრაინის ტერიტორიაზე რესურსების ტრანზიტი, ავია ან ნებისმიერი გადაზიდვები; უკრაინიდან კაპიტალის გატანა და სხვა.
„მომზადებულია სანქციების სამი პაკეტი და პირველი პაკეტი უკვე ავამოქმედეთ. ყველა ამ პაკეტს, მათ შორის, რუსეთის ჩრდილოვანი ფლოტის კაპიტნების მიმართ სანქციებს ჩვენს პარტნიორებთან დავასინქრონიზირებთ,“ - აცხადებს ზელენსკი.
უკრაინის პრეზიდენტის ბრძანებულებით დასანქცირებულ 94 ფიზიკურ პირს შორის 83 რუსეთის, საქართველოს ორი, ხოლო დანარჩენი ბანგლადეშის, ინდოეთის, ირანის, ჩინეთის, მიანმარისა და პაკისტანის მოქალაქეები არიან.
რაც შეეხება იურიდიულ პირებს, სიაში რუსეთის ხუთი კომპანია, მათ შორის, „გაზპრომნეფტ-შიპინგია“.
მაისის შუა რიცხვებში უკრაინის უმაღლესმა რადამ „სანქციების შესახებ“ უკრაინის კანონში ცვლილებები შეიტანა. კანონი იმ საზღვაო და საჰაერო ხომალდების მიმართ ზომების გამოყენებას ეხება, რომლებიც რუსული ნავთობისა და ნავთობპროდუქტების „ჩრდილოვან ტრანსპორტირებაში“ მონაწილეობენ. დოკუმენტის ტექსტში წერია, რომ რუსეთის ფედერაციის ე.წ. ჩრდილოვანი ფლოტი უკრაინის ეროვნულ უსაფრთხოებას ემუქრება. ვოლოდიმირ ზელენსკი რეგულარულად აწერს ხელს ბრძანებებს რუსეთის ფიზიკური და იურიდიული პირების, ასევე, სხვა ქვეყნის იმ მოქალაქეებისა და კომპანიების წინააღმდეგ სანქციების შემოღების შესახებ, რომლებსაც უკრაინა რუსეთთან თანამშრომლობასა და ანტიუკრაინულ პროპაგანდაში ადანაშაულებს. ამ სიას უკრაინის სამინისტროები და დეპარტამენტები ადგენენ, შემდეგ კი ეროვნული უშიშროებისა და თავდაცვის საბჭო შესაბამის გადაწყვეტილებას იღებს.
ცნობისთვის, Dryad Global-ის მონაცემებით, რუსეთის ჩრდილოვანი ფლოტის გემების რაოდენობა 2022 წლის დასაწყისში დაფიქსირებული 100-ზე ნაკლები ტანკერიდან 2025 წლის დასაწყისში 300-600 ერთეულამდე გაიზარდა. ტანკერების, დაახლოებით, 40% რუსეთმა ევროკავშირის გამყიდველებისგან მიიღო. რუსეთის ჩრდილოვანი ფლოტის გემების მფლობელები მუდმივად იცვლებიან. ისინი, ასევე, გემების გადაყიდვას ეწევიან ოპერატორებს იცვლიან.
მსოფლიო
სხვადასხვა
ზელენსკიმ საქართველოს ორი მოქალაქე დაასანქცირა რუსულ „ჩრდილოვან ფლოტთან“ თანამშრომლობისთვის
მაიკლ ჯექსონის წინდები აუქციონზე გაიყიდა
1754035618
1754296919
ძლიერი წვიმის გამო, პეკინის უმეტეს ნაწილში უსაფრთხოების მაქსიმალური დონე გამოცხადდაძლიერი წვიმის გამო, პეკინის უმეტეს ნაწილში უსაფრთხოების მაქსიმალური დონე გამოცხადდა.Reuters-ის ინფორმაციით, ადგილობრივი ხელისუფლება მოსახლეობას ურჩევს აუცილებელი საჭიროების გარდა საცხოვრებლები არ დატოვონ.მათივე ცნობით, ქვეყნის სამხრეთ პროვინცია გუანდუნგში, შაბათ-კვირას, მასშტაბური სამძებრო ოპერაციის შემდეგ, რომელშიც 1300-ზე მეტი მაშველი მონაწილეობდა, ხუთი ცხედარი იპოვეს, რომლებიც წყალდიდობის ემსხვერპლნენ.ივლისის ბოლოს პეკინში რამდენიმედღიანი ძლიერი წვიმების შედეგად, სულ მცირე 44 ადამიანი დაიღუპა. მათი უმეტესობა ქალაქის ჩრდილო-აღმოსავლეთ გარეუბანში, მიუნის რაიონში, მოხუცებულთა თავშესაფარში ცხოვრობდა.
1754287050
4 აგვისტო: როგორი ამინდია მოსალოდნელი საქართველოშიდასავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი. ცვალებადი მიმართულების ქარი 8-13 მ/წმ. ჰაერის ტემპერატურა: დაბლობში ღამით +21, +26°, დღისით +31, +36°; მთაში ღამით +18, +23°, დღისით +31, +36°; მაღალ მთაში ღამით +13, +18°, დღისით +29, +34°.აღმოსავლეთ საქართველოში - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: ბარში ღამით +20, +25°, დღისით +35, +40°; მთაში ღამით +14, +19°, დღისით +31, +36°; მაღალ მთაში ღამით +12, +17°, დღისით +26, +31°.თბილისში - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: ღამით +24°, დღისით +39°.სოხუმი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +32°, ღამით +23°.გაგრა - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +32°, ღამით +23°.ოჩამჩირე - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +33°, ღამით+24°.ბათუმი- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +34°, ღამით+24°.ქობულეთი- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +31°, ღამით+25°.ფოთი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +31°, ღამით+26°.ხულო - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +30, ღამით+18°.ქუთაისი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +36°, ღამით +25°.ჭიათურა - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +35°, ღამით +21°.ამბროლაური- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +36, ღამით+20°.ცაგერი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +34, ღამით+18°.ონი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +33, ღამით +17°.მესტია- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +34, ღამით+14°.გორი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +37°, ღამით +21°.ახალგორი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +35°, ღამით+21°.ჯავა- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +35, ღამით +16°.ცხინვალი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +36°, ღამით+20°.სტეფანწმინდა- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +28°, ღამით +16°.გუდაური- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +26, ღამით +12°.თიანეთი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +31, ღამით+18°.ახალციხე- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +36, ღამით +18°.ბორჯომი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12 მ/წმ. ჰაერის ტემპერატურა: დღისით +36, ღამით+20°.ბაკურიანი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +31, ღამით+12°.თელავი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +35, ღამით +23°.ყვარელი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +36°, ღამით+22°.საგარეჯო - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +35°, ღამით+23°.სიღნაღი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +36°, ღამით+23°.დედოფლისწყარო - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +39°, ღამით +23 °.ლაგოდეხი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +38°, ღამით +24°.
1754219416
რუსეთში, კამჩატკაში მდებარე ვულკანი კრაშენინიკოვი ბოლო 500 წლის განმავლობაში პირველად ამოიფრქვარუსეთში ვულკანი კრაშენინიკოვი ბოლო 500 წლის განმავლობაში პირველად ამოიფრქვა.როგორც BBC წერს, ექსპერტები ვულკანის გააქტიურებას გასულ კვირას მომხდარ ძლიერ მიწისძვრას უკავშირებენ.მათივე ცნობით, კამჩატკაში მდებარე ვულკანის კრატერიდან ღამით ამოსულმა ფერფლმა ექვს კილომეტრის სიმაღლეს მიაღწია.რუსეთის საგანგებო სიტუაციების სამინისტროს ცნობით, დასახლებულ პუნქტებს სტიქიის გამო საფრთხე არ ემუქრება.ამასთან რამდენიმე საათის წინ რუსეთის კურილის კუნძულებზე 6.7 მაგნიტუდის სიმძლავრის მიწისძვრა მოხდა. ბიძგები 10 კმ-ის სიღრმეზე დაფიქსირდა.ექსპერტები თვლიან, რომ ორივე მოვლენა შესაძლოა დაკავშირებული იყოს გასულ კვირას იმავე რაიონში მომხდარ 8.8 მაგნიტუდის მიწისძვრასთან, რომელმაც ცუნამის წარმოქმნის ალბათობა გამოიწვია.
1754210676
„ხვალ-ზეგ გარეთ გავალთ და 45-50 გრადუსი ჩვეულებრივი ტემპერატურა იქნება“ - ექსპერტი„თუკი მანქანებიდან ვერ ჩამოვალთ, ხეების დარგვასა და მწვანე სივრცეების მოწყობა ხომ მაინც შეგვიძლია?! ეს აუცილებელია, სხვა შემთხვევაში, ვხედავთ, რაც ხდება - ქალაქში 4-5 გრადუსით მეტი ტემპერატურაა, ვიდრე ქალაქგარეთ“, - ამის შესახებ გარემოს დაცვის შეფასების ექსპერტმა, მამუკა გვილავამ, „რადიო პალიტრას“ გადაცემაში, „თქვენი დრო“, განაცხადა.გვილავას თქმით, ტემპერატურის მატების ტენდენციის შეცვლა ურთულეს ამოცანად იქცა და უკვე მოცემულობად გვიწევს იმის მიღება, რომ შეიძლება ქუჩაში გახვიდე და 45-50 გრადუს სიცხეში ამოყო თავი.„გერმანიაში კანონია უკვე, რომ თუ სახლს ააშენებ, მწვანე სახურავი უნდა ჰქონდეს. ჩვენთანაც რაღაც ზომებია მისაღები, თორემ, ყველა კარგად ვხედავთ, თბილისის კლიმატი რა ტენდენციით იცვლება.პირადი გამოცდილებით, 60-წლიან პერიოდზე შემიძლია მოგიყვეთ - ჩემს ახალგაზრდობაში 40 გრადუსი უკიდურესად ექსტრემალური ტემპერატურა და დიდი იშვიათობა იყო, ახლა ეს ნორმად იქცა, რასაც ბევრი მიზეზი აქვს და ამ პროცესებს ვერ ვაჩერებთ. მანქანებიდან გადმოსვლას არავინ აპირებს, ელექტრომობილებზე ვერ გადავდივართ, ენერგიის წარმოება წიაღისეულის საწვავით გვიწევს...„შეიძლება ქუჩაში გახვიდე და 45-50 გრადუს სიცხეში ამოყო თავი“წლების წინ დიდ იშვიათობად მიგვაჩნდა, თუკი ტემპერატურა 35-40 გრადუსს მიაღწევდა, დღეს უკვე ჩვეულებრივად ვსაუბრობთ იმაზე, რომ 45 გრადუსამდე მატება სრულიად შესაძლებელია. გაზაფხულზე გამოვთქვი პროგნოზი, რომ ევროპაში ამ ზაფხულს 45-50 გრადუსამდე შეიძლებოდა ყოფილიყო ტემპერატურა, რა დროსაც ცოტა უხერხულობაც ვიგრძენი, მაგრამ გასულმა თვემ გვაჩვენა, რომ ყველაფერი ზუსტად გამოვიცანი და ამაში გასაკვირი აღარაფერია, უკვე ამის ჩვეულებრივ მოცემულობად მიღება გვიწევს.ასე რომ, გადასადგმელია კონკრეტული ნაბიჯები და გარემოს შველა სჭირდება, სხვა შემთხვევაში, მისი რეაქცია კიდევ უფრო დიდი მასშტაბებით იქნება წარმოდგენილი და ამას თითოეული ჩვენგანი მეტად და მეტად იგრძნობს“, - განაცხადა გვილავამ.
1754207580
ოქროზე საინვესტიციო მოთხოვნა წლიურად 78%-ით გაიზარდა - მსოფლიო ოქროს საბჭოს ანგარიშიმსოფლიო ოქროს საბჭოს (WGC) მიერ გამოქვეყნებული უახლესი ანგარიშის თანახმად, 2025 წლის მე-2 კვარტალში, ოქროზე გლობალური მოთხოვნა წლიურად 3%-ით გაიზარდა.ანგარიშში ნათქვამია, რომ აღნიშნულ პერიოდში უნცია ოქროზე ფასმა ისტორიულ პიკს - 3 500 აშშ დოლარს მიაღწია და მაღალ დონეზე დარჩა.ხაზგასასმელია ისიც, რომ ოქროთი უზრუნველყოფილ საფონდო ბირჟებზე (ETF) შემოდინებამ, წლის პირველ ნახევარში, 2020 წლის შემდეგ ყველაზე მაღალ დონეს მიაღწია. საინვესტიციო მოთხოვნა წლიურად 78%-ით გაიზარდა.
