1755237725
გადაწონა თუ არა სოჭი აფხაზეთმა, სადაც დასვენება ორ-სამჯერ იაფია - რუსული Pink Elephant-ის შეფასება
აფხაზეთში დასვენება, სოჭთან შედარებით, ორ-სამჯერ იაფია. ამის შესახებ რუსულ „კომერსანტს” ტურისტული სააგენტოების ქსელ Pink Elephant-ის დამფუძნებელმა და აღმასრულებელმა დირექტორმა, ალექსან მკრტჩიანმა განუცხადა.
მისი თქმით, „აფხაზეთი გაცილებით გაიაფდა და ეს განსაკუთრებით აპრილსა და მაისში იყო შესამჩნევი“. კერძოდ, აპრილში სამვარსკვლავიან სასტუმროში ორ ადამიანზე გათვლილი ნომერი სამჯერადი კვებით დღეში 135 რუბლად, ანუ დოლარნახევრად იყიდებოდა.
„ასეთი ფასები მსოფლიოს არცერთ ქვეყანაში არ მოქმედებს; არც ბოტსვანაში, არც ნამიბიაში, არც ლაოსში, არც კამბოჯაში. განზრახ ვასახელებ ღარიბ ქვეყნებს, რადგან იქაც კი ვერ ნახავთ სასტუმროს ამ ფასად,“ - ამბობს მკრტჩიანი.
ასევე, მისი ცნობით, მაისის ბოლოს, კერძოდ, 22-დან 29 მაისამდე სამკაციანი ოჯახი ბავშვით ერთი კვირის განმავლობაში აფხაზეთში კვებით 11.2 ათას რუბლად (139.5 დოლარად), ანუ დღეში 1,6 ათას რუბლად (20 დოლარად) დაისვენებდა. ამჟამად, ზაფხულის სეზონზე იმავე სასტუმროებში ოჯახზე სამჯერადი კვებით დასვენება დღეში, დაახლოებით, 3-4 ათასი რუბლი (37-50 დოლარი) ღირს.
„სოჭში მსგავსი არაფერია და ახლოსაც ვერ იქნება,“ - აცხადებს მკრტჩიანი.
მაგალითად, სოჭის სამვარსკვლავიან სასტუმროში განთავსება ოჯახს კვებით დღეში, მინიმუმ, 9-10 ათასი რუბლი (112-125 დოლარი) უჯდება, რაც აფხაზეთთან შედარებით ორ-სამჯერ უფრო ძვირია.
თუმცა, მკრტჩიანი „არაკორექტულად“ მიიჩნევს იმის მტკიცებას, რომ აფხაზეთი ტურისტებს სოჭიდან იზიდავს, რადგან, მისი შეფასებით, ეს ორი განსხვავებული სეგმენტია.
კერძოდ, აფხაზეთში რუსები რუსეთის შიდა რეგიონებიდან ჩადიან, „ვინც მანამდე ზღვაზე არასდროს ყოფილა და პირველად გახდა ფინანსურად ხელმისაწვდომი, რადგან ყველაფრისთვის დღეში 135 რუბლის ანუ დოლარნახევრის გადახდა არა მხოლოდ იაფი, არამედ ფაქტიურად უნიკალურია“. ამდენად, საქმე სოჭის ჩანაცვლებას კი არა, არამედ ახალი ტურისტების მიზიდვას ეხება.
„ჩვენ ვხედავთ, რომ ზღვაზე მოგზაურობა რეალობად იქცა ათასობით ოჯახისთვის, რომლებსაც წლების განმავლობაში ამის საშუალება არ ჰქონდათ“, - ამბობს მკრტჩიანი.
მისი თქმით, გავლენა მოახდინა გაუმჯობესებულმა ლოგისტიკამაც, კერძოდ, სოხუმის აეროპორტის გახსნამ, სარკინიგზო მომსახურების აღდგენამ და აფხაზეთში მსხვილი რუსული ტურ-ოპერატორების შესვლამ, რომელთაც ზამთარში მთელი სასტუმრო ნომრები იყიდეს. ამან დაბალი საბაზისო ფასები, განსაკუთრებით „დაბალ“ სეზონზე, ანუ აპრილ-მაისში ჩამოაყალიბა, „შემდეგ კი მასშტაბის ეფექტი ჩაირთო და ტურნაკადში გადაიზარდა“.
„თუ ვისაუბრებთ იმაზე, თუ ვის შეუძლია, რეალურად „გადაწონოს“ აფხაზეთი, ეს უფრო ბიუჯეტური მიმართულებები, ანუ ანაპის, ტუაფსეს ან ეისკის რაიონებია, რადგან სოჭი რუსეთში ყველაზე ძვირადღირებული კურორტია. ჩვენ ვხედავთ, რომ სოჭზე კვლავ მაღალი მოთხოვნაა, თუმცა იქ გადახდისუნარიანობა და მომხმარებელთა მოთხოვნები სრულიად განსხვავებულ დონეზეა. ამ სეზონზე აფხაზეთის წარმატება „გადაწონის“ შედეგი კი არ არის, არამედ განსხვავებული მოთხოვნის შექმნის შედეგია“, - აცხადებს მკრტჩიანი.
ცნობისთვის, ივლისის დასაწყისში ოკუპირებული აფხაზეთის „კინოფონდის“ დირექტორმა ალექსანდრ ბასარიამ განსახლების ადგილობრივ ბიზნესს მოუწოდა, რუს ტურისტებზე უარი თქვან, რადგან ისინი იაფ ტურებს ყიდულობენ და დასვენებაზე ფულს ზოგავენ. მისი თქმით, რუსი ტურ-ოპერატორები სასტუმროების ბიზნესსა და ექსკურსიებში ფასების დემპინგს ეწევიან, რის გამოც აფხაზი მეწარმეები იტანჯებიან. ბასარიას შეფასებით, იაფი რუსი ტურისტები „აფხაზეთის ეროვნულ და ეკონომიკურ უსაფრთხოებას ემუქრებიან.“
ასევე, ივნისში დე ფაქტო ტურიზმის სამინისტროს ერთ-ერთი განყოფილების ხელმძღვანელმა კრისტინა ლაკერბაიამ განაცხადა, რომ აფხაზეთში ჩასული ტურისტების უმეტესობა მცირე თანხას ხარჯავს. ის ამბობდა, რომ აფხაზეთს ასეთი სტუმრები არ სჭირდება, რადგან იმ შემოსავალს ვერ მიიღებს, რასაც იმედოვნებდა. ამ განცხადების გამო კრისტინა ლაკერბაია სამსახურიდან მალევე გაათავისუფლეს.
bpn.ge
მსოფლიო
სხვადასხვა
1755237416
15 აგვისტო: როგორი ამინდია მოსალოდნელი საქართველოში?გარემოს ეროვნული სააგენტოს ინფორმაციით, 15 აგვისტოს მოსალოდნელი ამინდი ასეთია:დასავლეთ საქართველოში - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დაბლობში ღამით +15, +20°, დღისით +28, +33°; მთაში ღამით +11, +16°, დღისით +26, +31°; მაღალმთაში ღამით +7, +12°, დღისით +23, +28°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი, შესაძლებელია სეტყვა. ცვალებადი მიმართულების ქარი 8-13 მ/წმ. ჰაერის ტემპერატურა: ბარში ღამით +15, +20°, დღისით +29, +34°; მთაში ღამით +10, +15°, დღისით +24, +29°; მაღალმთაში ღამით +5, +10°, დღისით +20, +25°.თბილისში - დროგამოშვებით ღრუბლიანობის მომატება. შესაძლებელია ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: ღამით +20°, დღისით +33°.უფრო დეტალურად, 15-16 აგვისტოს:თბილისში - დროგამოშვებით ღრუბლიანობის მომატება. შესაძლებელია ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +33°, ღამით +18 °.სოხუმი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +30°, ღამით+18°.გაგრა - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +30°, ღამით +17°.ოჩამჩირე - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +31°, ღამით +18°.ბათუმი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +33°, ღამით+18°.ქობულეთი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +31°, ღამით+17°.ფოთი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +30°, ღამით+20°.ხულო - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12მ/წმ. ჰაერის ტემპერატურა: დღისით +26, ღამით+10°.ქუთაისი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +32°, ღამით+18°.ჭიათურა - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +30°, ღამით+16°.ამბროლაური- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12მ/წმ. ჰაერის ტემპერატურა: დღისით +31, ღამით+15°.ცაგერი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12მ/წმ. ჰაერის ტემპერატურა: დღისით +31, ღამით+14°.ონი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12მ/წმ. ჰაერის ტემპერატურა: დღისით +29, ღამით+13°.მესტია- დროგამოშვებით ღრუბლიანობის მომატება. დღის ბოლოს შესაძლებელია ხანმოკლე წვიმა ელჭექით. ცვალებადი მიმართულების ქარი 7-12მ/წმ. ჰაერის ტემპერატურა: დღისით +28, ღამით+10°.გორი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +33°, ღამით+13°.ახალგორი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +31°, ღამით+12°.ჯავა- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 7-12მ/წმ. ჰაერის ტემპერატურა: დღისით +30, ღამით +11°.ცხინვალი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +32°, ღამით+12°.სტეფანწმინდა- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +22°, ღამით+10°.გუდაური- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +20, ღამით+8°.თიანეთი - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +29, ღამით+12°.ახალციხე- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +29, ღამით+8°.ბორჯომი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +29, ღამით+11°.ბაკურიანი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13მ/წმ. ჰაერის ტემპერატურა: დღისით +24, ღამით+5°.თელავი - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +29, ღამით +18°.ყვარელი - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +32°, ღამით+18°.საგარეჯო - დროგამოშვებით ღრუბლიანობის მომატება. შესაძლებელია ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +29°, ღამით+18°.სიღნაღი - დროგამოშვებით ღრუბლიანობის მომატება. შესაძლებელია ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +30°, ღამით+17°.დედოფლისწყარო - დროგამოშვებით ღრუბლიანობის მომატება. შესაძლებელია ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +30°, ღამით+17°.ლაგოდეხი - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13მ/წმ. ჰაერის ტემპერატურა: დღისით +32°, ღამით+18°.
1755164739
ბიტკოინის ღირებულებამ ახალი ისტორიული მაქსიმუმი დაამყარაბიტკოინმა, ხუთშაბათს, 14 აგვისტოს, ისტორიული მაქსიმუმი განაახლა და ერთ მონეტაზე 124 210 დოლარზე მეტს მიაღწია, რადგან ინვესტორები უფრო აქტიურად დაიწყეს რისკიან აქტივებში კაპიტალის ჩადება,- ამის შესახებ CoinMarketCap-ის მონაცემები მოწმობს.Bloomberg-ის ინფორმაციით, ოთხშაბათ საღამოს, 13 აგვისტოს, ნიუ-იორკში, პირველი კრიპტოვალუტა 123 500 დოლარის ნიშნულს გადააჭარბა, რაც 14 ივლისს დაფიქსირებულ წინა რეკორდს აღემატება.ანალიტიკოსები ზრდას აშშ-ში უფრო ხელსაყრელ საკანონმდებლო პოლიტიკას უკავშირებენ. ზრდას ასევე ხელი შეუწყო აშშ-ში ინფლაციის სტაბილურმა მაჩვენებლებმა და მოლოდინმა, რომ ფედერალური სარეზერვო სისტემა უკვე სექტემბერში განაკვეთებს შეამცირებს, რაც ხელს უწყობს კაპიტალის გადინებას ტრადიციული აქციებიდან ციფრულ აქტივებში.
1755151477
14 აგვისტო: როგორი ამინდია მოსალოდნელი საქართველოში?გარემოს ეროვნული სააგენტოს ინფორმაციით, 14 აგვისტოს მოსალოდნელი ამინდის შესახებ ავრცელებს ინფორმაციას.დღეს ამინდი საქართველოში განპირობებული იქნება ამიერკავკასიის ჩრდილოეთიდან მოქმედი შედარებით გრილი და სამხრეთიდან გავრცელებული ცხელი ჰაერის მასების ურთიერთქმედებით.საქართველოში მოსალოდნელია: დროგამოშვებით ღრუბლიანობის მომატება. დასავლეთ საქართველოში უმეტესად უნალექოდ, აღმოსავლეთ საქართველოში ზოგიერთ რაიონში ხანმოკლე წვიმა და ელჭექი, შესაძლებელია სეტყვა. იქროლებს ცვალებადი მიმართულების სუსტი ქარი.სოხუმი: უმეტესად უნალექოდ. ჰაერის ტემპერატურა: +30°.ბათუმი: უმეტესად უნალექოდ. ჰაერის ტემპერატურა: +31°.ქობულეთი: უმეტესად უნალექოდ. ჰაერის ტემპერატურა: +30°.ქუთაისი: უმეტესად უნალექოდ. ჰაერის ტემპერატურა: +30°.ზუგდიდი: უმეტესად უნალექოდ. ჰაერის ტემპერატურა: +30°.ანაკლია: უმეტესად უნალექოდ. ჰაერის ტემპერატურა: +30°.ოზურგეთი: უმეტესად უნალექოდ. ჰაერის ტემპერატურა: +31°.ონი: უმეტესად უნალექოდ. ჰაერის ტემპერატურა: +29°.გორი: უმეტესად უნალექოდ. ჰაერის ტემპერატურა: +32°.ცხინვალი: უმეტესად უნალექოდ. ჰაერის ტემპერატურა: +31°.თბილისი: უმეტესად უნალექოდ. იქროლებს ცვალებადი მიმართულების ზომიერი ქარი. ჰაერის ტემპერატურა: +30°.მარნეული: უმეტესად უნალექოდ. ჰაერის ტემპერატურა: +29°.რუსთავი: უმეტესად უნალექოდ. ჰაერის ტემპერატურა: +31°.ახალციხე: უმეტესად უნალექოდ. ჰაერის ტემპერატურა: +30°.ბორჯომი: უმეტესად უნალექოდ. ტემპერატურა: +30°.ბაკურიანი: უმეტესად უნალექოდ. ჰაერის ტემპერატურა: +24°.სტეფანწმინდა: ხანმოკლე წვიმა ელჭექით. ჰაერის ტემპერატურა: +22°.თელავი: ხანმოკლე წვიმა ელჭექით. ჰაერის ტემპერატურა: +28°.
1755079523
რუსეთში WhatsApp-ისა და Telegram-მესენჯერებში ხმოვანი და ვიდეოზარები აიკრძალებარუსეთის ხელისუფლებამ WhatsApp-ისა და Telegram-ის მესენჯერებში ხმოვანი და ვიდეოზარების აკრძალვაზე საბოლოო გადაწყვეტილება მიიღო. ინფორმაციას რუსული „ოსტოროჟნო მედია“ სატელეკომუნიკაციო ინდუსტრიასთან დაახლოებულ წყაროებზე დაყრდნობით ავრცელებს.მათი თქმით, ინიციატივა „უმაღლეს დონეზე“ შეთანხმდა, „გადაწყვეტილება მიღებულია და ზარები ტერორისტებთან ბრძოლის ეგიდით აიკრძალა.“ მთავრობის წყაროს ცნობით, ამ საკითხთან დაკავშირებით საბოლოო კონსულტაციები 12 აგვისტოს საღამოს დასრულდა.ამასთან, მესენჯერების სრული დაბლოკვა არ იგეგმება და რუსი მომხმარებლები ამ არხებისა და ტექსტური ჩატების გამოყენებას კვლავ შეძლებენ. შეზღუდვები მხოლოდ აუდიო და ვიდეოკომუნიკაციებზე იმოქმედებს.„ოსტოროჟნო მედიის“ ცნობით, უცხოურ მესენჯერებში ზარების შეზღუდვის იდეა რუსეთის უმსხვილეს სატელეკომუნიკაციო ოპერატორებს ეკუთვნით. ისინი რამდენიმე მიზეზს ასახელებენ, როგორიც არის სანქციების გამო ინფრასტრუქტურის შენახვის ხარჯის მატება და აღჭურვილობის გაძვირება, მობილური ტრაფიკის ზრდა და შეშფოთება კიბერთაღლითობით გამოწვეული დანაკარგის კომპენსაციის გამო, რაც მათი ახალი ვალდებულებაა.10 და 11 აგვისტოს WhatsApp-ისა და Telegram-ის მომხმარებლები ორივე მესენჯერში ზარების ხარისხის მკვეთრ გაუარესებას მასიურად უჩიოდნენ, რაც ზარების შეზღუდვის შესახებ რუსი ოპერატორების ინიციატივას დაემთხვა. სატელეკომუნიკაციო ბაზრის წყარომ დაადასტურა, რომ მესენჯერებში ზარებთან დაკავშირებული სირთულეები შერჩევით ბლოკირებას უკავშირდებოდა და მექანიზმის ტექნიკური ტესტირება 1 აგვისტოს დაიწყო.
1755072283
7 თვეში საგარეო სავაჭრო ბრუნვა 10.3%-ით გაიზარდა - საქსტატი7 თვეში საგარეო სავაჭრო ბრუნვა გაიზარდა - ამის საქსტატი შესახებ აღნიშნულია საქსტატის მონაცემებში.„2025 წლის იანვარ-ივლისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 14.154 მლრდ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 10.3 პროცენტით მეტია. აქედან, ექსპორტი 3.843 მლრდ აშშ დოლარი იყო (გაიზარდა 8.9 პროცენტით), ხოლო იმპორტი 10.310 მლრდ აშშ დოლარი (გაიზარდა10.8 პროცენტით)“, - აღნიშნულია საქსტატის ინფორმაციაში.ამასთან, საანგარიშო პერიოდში უარყოფითმა სავაჭრო ბალანსმა 2025 წლის იანვარ-ივლისში 6.466 მლრდ აშშ დოლარი შეადგინა, რაც საგარეო სავაჭრო ბრუნვის 45.7 პროცენტია.
