აშშ-ში სატვირთოს მძღოლებისთვის ინგლისურის ცოდნა სავალდებულო ხდება - რას მოიცავს ტრამპის დადგენილება?

1752300000

ამერიკულმა სააგენტო J.D. Power-მა Lexus-ი, Nissan-ი და Hyundai-ი ყველაზე საიმედო ავტომობილებად აღიარა - ამის შესახებ რეიტინგს Autonews ავრცელებს.სააგენტოს მიერ აშშ-ში ჩატარებულ 39-ე ყოველწლიურ კვლევა US Initial Quality Study-ში წლევანდელი მოდელის ავტომობილების 92.694 მფლობელი და მოიჯარე მონაწილეობდა. გამოკითხვა 2024 წლის ივნისიდან 2025 წლის ივნისამდე ჩატარდა და ძრავის მუშაობის, მულტიმედიური სისტემების, ინტერიერისა და საერთო ექსპლუატაციის გამოცდილების შესახებ 227 კითხვას მოიცავდა.მონაწილეებს ავტომობილის შეძენიდან პირველი 90 დღის განმავლობაში მათ მიერ წარმოქმნილი პრობლემების შესახებ ეკითხებოდნენ. რეიტინგი თითოეული ბრენდის 100 ავტომობილზე ასეთი შემთხვევების სიხშირის მიხედვით (problems per 100-РР100) შედგა.მასობრივი და პრემიუმბრენდების საერთო რეიტინგი ასეთია: Lexus (90 დღეში 100 ავტომობილზე 166 ხარვეზი - 166 РР100); Nissan (169 РР100); Hyundai (173 РР100); Jaguar (175 РР100); Chevrolet (178 РР100); Honda (179 РР100); Dodge (180 РР100); Kia (181 РР100); Buick (183 РР100); Genesis (183 РР100); Jeep (186 РР100); Subaru (187 РР100); Porsche (188 РР100). Lexus-ი საწყისი ხარისხის ყველაზე მაღალი საერთო რეიტინგის მქონე ბრენდია (166 PP100). პრემიუმბრენდებს შორის მეორე ადგილი Jaguar-მა (175 PP100), ხოლო მესამე Genesis-მა (183 PP100) დაიკავა. მასობრივი ბრენდებიდან ლიდერი Nissan (169 PP100) გახდა. მეორე ადგილზე Hyundai (173 PP100), ხოლო მესამეზე Chevrolet (178 PP100) გავიდა.ყველა ავტომობილს შორის ყველაზე მაღალი ინდივიდუალური ხარისხის შეფასება Volkswagen AG-ის Porsche 911-მა მიიღო (116 PP100), რაც წლევანდელი კვლევის საუკეთესო შედეგია.იმის მიუხედავად, რომ დიზაინთან დაკავშირებული პრობლემების რაოდენობა პრემიუმ და მასობრივი ბაზრის ავტომობილებში, დაახლოებით, ერთნაირია, დეფექტები და გაუმართაობები პრემიუმსეგმენტში უფრო ხშირია. ყველაზე დიდი სხვაობა ექსტერიერის ხარისხშია. კერძოდ, პრემიუმავტომობილებს, საშუალოდ, 4.2-ით მეტი პრობლემა აღმოაჩნდა, ვიდრე ხელმისაწვდომ მოდელებს და ამ მაჩვენებელში მთავარი წვლილი ახლად შექმნილი ბრენდების მწარმოებლებს მიუძღვით.

1752130818

საქართველოსთვის შესქელებული რძის და ნაღების (ან შაქრის დამატებით), მთავარი იმპორტიორი ირანია. ამასთან, აღნიშნული ქვეყნიდან პროდუქციის იმპორტ 4 614%-ით გაიზარდა. ამის შესახებ სტატისტიკის ეროვნული სამსახურის საგარეო ვაჭრობის პორტალის მონაცემებიდან ჩანს.წელს ირანიდან შესქელებული რძის იმპორტი 4 614%-ით გაიზარდაუფრო კონკრეტულად, წელს იანვარ-მაისში ქვეყანამ 14.789 მლნ აშშ დოლარის შესქელებული რძე და ნაღები შეიძინა, საიდანაც 40.1% ირანზე მოდიოდა. წელს ქვეყანაში 5.940 მლნ აშშ დოლარის ირანული პროდუქცია შემოვიდა.რაც შეეხება გასული წლის მაჩვენებელს, საქართველოში ირანული შესქელებული რძისა და ნაღების იმპორტმა 126 ათასი აშშ დოლარი შეადგინა, რაც 47-ჯერ ნაკლებია, წლევანდელ მაჩვენებელზე.ამასთან, აღსანიშნავია, რომ საქსტატის მიხედვით, პროდუქციის იმპორტი განხორციელდა ასევე ბელარუსიდან და საფრანგეთიდან.უფრო კონკრეტულად, წელს იანვარ-მაისში შესქელებული რძისა და ნაღების იმპორტიორი ქვეყნების ხუთეული ასე გამოიყურება: ირანი - 5.940 მლნ აშშ დოლარი ბელარუსი - 5.691 მლნ აშშ დოლარი საფრანგეთი - 707.4 ათასი აშშ დოლარი ნიდერლანდები - 696.8 ათასი აშშ დოლარი რუსეთი - 694.8 ათასი აშშ დოლარი რაც შეეხება გასული წლების მაჩვენებელს, შარშან 5 თვეში საქართველომ 9.950 მლნ აშშ დოლარის შესქელებული რძე და ნაღები ძეიძინა, 2023 წლის იგივე პერიოდში 15.234 მლნ აშშ დოლარის.

1752130722

2025 წლის იანვარ-მაისში, საქართველოში 213.3 ტონა ატმის იმპორტი განხორციელდა, რაც გასული წლის ამავე პერიოდის მონაცემზე 77.5%-ით ნაკლებია. ამის შესახებ „საქსტატის“ მონაცემებიდან ვიგებთ.წლის აღნიშნულ პერიოდში ქვეყანაში შემოტანილ ატამსა და ნექტარინებში ჯამურად 93.9 ათასი აშშ დოლარი გადავიხადეთ, გასულ წელს კი ეს რიცხვი 482.4 ათას აშშ დოლარს შეადგენდა.ატმის მომწოდებელი მთავარი ქვეყანა კვლავ თურქეთია, რომლისგანაც 212,2 ტონა შევიძინეთ, 1.1 ტონა ვიყიდეთ აზერბაიჯანისგან, ხოლო 0.2 ტონა - ნიდერლანდებისგან.

1752126924

ამიერკავკასიის ჩრდილო-აღმოსავლეთიდან მოქმედი შედარებით გრილი და სამხრეთიდან გავრცელებული ცხელი ჰაერის მასების ურთიერთქმედებით.საქართველოში მოსალოდნელია: დროგამოშვებით ღრუბლიანობის მომატება. დასავლეთ საქართველოში უმეტესად უნალექოდ. აღმოსავლეთში ზოგან ხანმოკლე წვიმა და ელჭექი, შესაძლებელია სეტყვა. ზოგან იქროლებს აღმოსავლეთის მიმართულების ძლიერი ქარი.სოხუმი: უმეტესად უნალექოდ. ჰაერის ტემპერატურა: +34°.ბათუმი: უმეტესად უნალექოდ. ჰაერის ტემპერატურა: +35°.ქობულეთი: უმეტესად უნალექოდ. ჰაერის ტემპერატურა: +34°.ქუთაისი: უმეტესად უნალექოდ. ჰაერის ტემპერატურა: +37°.ზუგდიდი: უმეტესად უნალექოდ. ჰაერის ტემპერატურა: +36°.ანაკლია: უმეტესად უნალექოდ. ჰაერის ტემპერატურა: +35°.ოზურგეთი: უმეტესად უნალექოდ. ჰაერის ტემპერატურა: +35°.ონი: უმეტესად უნალექოდ. ჰაერის ტემპერატურა: +32°.გორი: უმეტესად უნალექოდ. ჰაერის ტემპერატურა: +31°.ცხინვალი: უმეტესად უნალექოდ. ჰაერის ტემპერატურა: +30°.თბილისი: დილის საათებში ხანმოკლე წვიმა ელჭექით. იქროლებს სამხრეთ-აღმოსავლეთის მიმართულების ზომიერი ქარი. ჰაერის ტემპერატურა: +34°.მარნეული: უმეტესად უნალექოდ. ჰაერის ტემპერატურა: +34°.რუსთავი: უმეტესად უნალექოდ. ჰაერის ტემპერატურა: +35°.ახალციხე: ხანმოკლე წვიმა ელჭექით. ჰაერის ტემპერატურა: +31°.ბორჯომი: ხანმოკლე წვიმა ელჭექით. ჰაერის ტემპერატურა: +32°.ბაკურიანი: ხანმოკლე წვიმა ელჭექით. ჰაერის ტემპერატურა: +24°.სტეფანწმინდა: ხანმოკლე წვიმა ელჭექით. ჰაერის ტემპერატურა: +22°.თელავი: ხანმოკლე წვიმა ელჭექით. ჰაერის ტემპერატურა: +31°.

1752044938

აფხაზეთის „კინოფონდის“ დირექტორმა, ალექსანდრ ბასარიამ განსახლების ადგილობრივ ბიზნესს მოუწოდა, რუს ტურისტებზე უარი თქვან, რადგან ისინი იაფ ტურებს ყიდულობენ და დასვენებაზე ფულს ზოგავენ. მისი თქმით, რუსი ტუროპერატორები სასტუმროების ბიზნესსა და ექსკურსიებში ფასების დემპინგს ეწევიან, რის გამოც აფხაზი მეწარმეები იტანჯებიან.ბასარიას ვიდეომიმართვა Telegram-არხ Sovmin-ზე გავრცელდა.ის ამბობს, რომ „რუსი ტურისტები, რომლებიც რესტორნებზე, კლუბებზე, წვეულებებსა და ექსკურსიებზე უარს ამბობენ, აფხაზეთის ეროვნულ და ეკონომიკურ უსაფრთხოებას ემუქრებიან.“ბასარიას შეფასებით, ასეთი ტურისტების გამო მცირე ბიზნესი ზარალს განიცდის და დამსვენებლები, რომლებმაც აფხაზეთში ტურებზე ხარჯი დაზოგეს, ფულს გართობაზე უნდა ხარჯავდნენ.„თუმცა ეს ასე არ ხდება: ისინი რატომღაც საკუთარ პატარა ტერიტორიებზე, საკუთარ პატარა ანკლავებში ცხოვრობენ. ეს დიდი პრობლემა და დიდი კატასტროფაა,“ - ამბობს ბასარია.ის აფხაზეთის ტურიზმის სექტორის წარმომადგენლებს მიმართავს, რომ „რუსეთიდან ჩასულ ტუროპერატორებთან თანამშრომლობა ცალმხრივად შეწყვიტონ.“აფხაზურ და რუსულ სოციალურ ქსელებში ალექსანდრ ბასარიას ვიედოს ვირუსულად გავრცელების შემდეგ აფხაზეთის დე ფაქტო ტურიზმის სამინისტრომ მოსახლეობას მოუწოდა, რუსეთიდან ჩასულ ტურისტებთან დაკავშირებით მხოლოდ ე.წ. ხელისუფლების ოფიციალურ პოზიციაზე გაამახვილონ ყურადღება და პროვოკაციებს არ აჰყვნენ.უწყება ბასარიას განცხადებებს პროვოკაციულად აფასებს და ხაზგასმით შენიშნავს, რომ რუსეთიდან ჩასული სტუმრები აფხაზეთის ეროვნულ უსაფრთხოებას არ ემუქრებიან.„აფხაზეთი რუსეთის ფედერაციის საიმედო პარტნიორად რჩება და სიტუაციის სხვაგვარად წარმოჩენის ნებისმიერი მცდელობა რეალობას არ შეესაბამება,“ - წერია განცხადებაში.თავად ბასარიამ, დე ფაქტო ხელისუფლების ჩარევის შემდეგ, თავისი განცხადებისთვის ბოდიში მოიხადა. შესაბამისი ვიდეო „სპუტნიკ-აბხაზიამ“ გამოაქვეყნა. ბასარიას თქმით, ის „მიხვდა, რომ ცდებოდა“ და აფხაზეთის უსაფრთხოებას „სწორედ ასეთი პროვოკაციული განცხადებები ემუქრება.“ ბოლოს ის დასძენს, რომ „აფხაზეთის მრავალეროვნული ხალხი სტუმართმოყვარეობით ყოველთვის გამოირჩეოდა.“ცნობისთვის: ივნისში დე ფაქტო ტურიზმის სამინისტროს ერთ-ერთი განყოფილების ხელმძღვანელმა, კრისტინა ლაკერბაიამ განაცხადა, რომ აფხაზეთში ჩასული ტურისტების უმეტესობა მცირე თანხას ხარჯავს. ის ამბობდა, რომ აფხაზეთს ასეთი სტუმრები არ სჭირდება, რადგან იმ შემოსავალს ვერ მიიღებს, რომელზეც იმედოვნებდა.თემა აფხაზურ და რუსულ მედიასაშუალებებში გახმაურდა, რის გამოც ტურიზმის დე ფაქტო მინისტრ ასტამურ ლოგუას თავის მართლება მოუწია. მისი თქმით, უწყების თანამშრომლის სიტყვები კონტექსტიდან ამოგლეჯილია და ე.წ. სამინისტროს პოზიციას არ წარმოადგენს. ლოგუა აცხადებდა, რომ აფხაზეთის ტურიზმის ინდუსტრიაში, ისევე, როგორც ნებისმიერ სხვა სფეროში ბევრი პრობლემაა, თუმცა ეს არ ნიშნავს იმას, თითქოს, ხელისუფლება შერჩევით უდგება ტურისტს, ვისი ნახვაც აფხაზეთში სურს. ასევე, აფხაზ ჩინოვნიკს მაშინ რუსეთის სახელმწიფო დუმის დეპუტატი, ალექსეი ვოლოცკოვიც გამოეხმაურა, რომლის თქმითაც, აფხაზეთის ეკონომიკური წარმატებების მნიშვნელოვანი ნაწილი, მათ შორის, ტურიზმის სექტორში, რუსების ხარჯზე მიიღწევა.კრისტინა ლაკერბაია სამსახურიდან მალევე გაათავისუფლეს.bpn.ge