1743318000
ფულადი ჯილდო სახლის შეძენა-გარემონტებისთვის - როგორ ებრძვის იტალია რეგიონების მოსახლეობისგან დაცლას
ბოლო წლების განმავლობაში იტალიის ხელისუფლება რეგიონებში მეჩხერი მოსახლეობისა და მიტოვებული სახლების მქონე დასახელებების გადაშენებას აქტიურად ებრძვის. ამ ადგილებში მოსახლეობის დასაბრუნებლად სხვადასხვა პროგრამა მოქმედებს.
ტრენტინოს პროვინცია
იტალიის ამ ჩრდილო-აღმოსავლეთ პროვინციაში, რომელიც ალპური დოლომიტების მთებით არის ცნობილი, პროგრამა ახლახან ამოქმედდა. CNN-ის ცნობით, პროვინციის ხელისუფლება იტალიელებსა და ქვეყნის მოქალაქეებს რეგიონში ერთი მიტოვებული სახლის რესტავრაციაში ფულს სთავაზობს.
კერძოდ, სარემონტო სამუშაოების გრანტი 80 000 ევროს ითვალისწინებს, ხოლო უძრავი ქონების შესაძენად 20 000 ევრო არის გამოყოფილი.
პროგრამის მონაწილეებს მოეთხოვებათ, სახლში 10 წელი იცხოვრონ ან გრძელვადიანად გააქირაონ, წინააღმდეგ შემთხვევაში მიღებული თანხის დაბრუნება მოუწევთ.
ინიციატივა რეგიონის 33 მცირე ქალაქს ეხება, რომლებიც გადაშენების პირასაა. ამ დასახლებებში მიტოვებული სახლების რაოდენობა დასახლებულთა რაოდენობას აჭარბებს.
ადგილობრივმა ხელისუფლებამ მიტოვებული სახლების შეძენა-აღდგენის სტიმულირებისთვის ორი წლის განმავლობაში 10 მლნ ევრო გამოყო. თუმცა რესტავრაციაზე შეზღუდვები არსებობს. კერძოდ, მისი ბიუჯეტი არ უნდა აღემატებოდეს 200 000 ევროს, ხოლო მფლობელმა 120 000 ევრო საკუთარი სახსრებით უნდა უზრუნველყოს, რაც ადგილობრივ არქიტექტურასთან შეუთავსებელ ზედმეტად მდიდრული ვილების აშენებას გამორიცხავს. ქონების შეძენის ღირებულებაზე ლიმიტი არ არსებობს, თუმცა 20 000-ევროიანი გრანტი მთლიანი ხარჯის მხოლოდ 35-40%-ს ფარავს.
პროგრამის თითოეულ მონაწილეს უძრავი ქონების არაუმეტეს სამი ობიექტის შეძენა შეუძლია, რომ მთელი ქალაქის შესყიდვა თავიდან იქნეს აცილებული. რეგიონში მცხოვრებ 45 წლამდე ასაკის პირებს პროგრამაში მონაწილეობა არ შეუძლიათ, რადგან ის მხოლოდ მიტოვებული შენობების რეაბილიტაციას ეხება, რომლებმაც შესაძლოა, საფრთხე შეუქმნან ან დააზიანოს მიმდებარე ტერიტორია.
იმ თემების სია, სადაც პროექტი განხორციელდება, შესაძლოა, შეიცვალოს, თუ სახლების შესაძენად განაცხადების რაოდენობა არასაკმარისი, ასეთი სახლები კი ცოტა იქნება.
კალაბრიას რეგიონი
2021 წლის ზაფხულიდან 3 წლის განმავლობაში იტალიის სამხრეთ რეგიონ კალაბრიას ხელისუფლება 28 000 ევროს სთავაზობდა იმ ადამიანებს, ვინც ადგილობრივ სოფლებში დასახლდებოდა. ამით კალაბრიას ხელისუფლებას მოსახლეობის მრავალწლიანი გადინების შეჩერება სურდა.
CNN-ის ცნობით, სამოსახლოს ასარჩევად კალაბრიას ზღვის სანაპიროსა და მთის კალთებზე განლაგებული რამდენიმე სოფელი იყო წარდგენილი, სადაც, დაახლოებით, 2 ათასი მცხოვრები იყო დარჩენილი. თანხის მისაღებად ახალ მოსახლეს ვალდებულება უნდა აეღო მცირე ბიზნესის ნულიდან წამოწყებაზე ან უკვე არსებული და სოფლისთვის საჭირო სამუშაო პოზიციის მიღებაზე. კანდიდატები ბინადრობის ნებართვას მიიღებდნენ და არაუმეტეს 40 წლის ასაკის უნდა ყოფილიყვნენ. ისინი კალაბრიაში განაცხადის წარდგენიდან 90 დღეში უნდა დასახლებულიყვნენ.
რეგიონის ხელისუფლებამ პროექტისთვის 700 000-ზე მეტი ევრო გამოყო.
2021 წლის მდგომარეობით, კალაბრიის 75%-ზე მეტ, ანუ, დაახლოებით, 320 ქალაქში 5000-ზე ნაკლები ადამიანი ცხოვრობდა, რაც რამდენიმე წელიწადში ზოგიერთი თემის მთლიანად გაქრობის საფრთხეს აჩენდა.
აპულიის რეგიონი
2022 წლის ნოემბრიდან იტალიის სამხრეთ-აღმოსავლეთის ამ რეგიონის ქალაქი, პრესიჩე-აკვარიკა 30 000 ევროს ოდენობის გრანტს გასცემდა ყველაზე, ვინც სახლს შეიძენდა და ქალაქში დარეგისტრირდებოდა.
უფასო გრანტი შეძენილი საცხოვრებლის ღირებულების 50%-ის დასაფარად ან უძრავი ქონების განახლებაზე უნდა დახარჯულიყო. პრესიჩე-აკვარიკაში სახლის შეძენა 40 ათას ევროდან, ბინის კი 60 ათასი ევროდან იყო შესაძლებელი. იმ პერიოდისთვის ქალაქში 10 ათასზე ცოტა მეტი ადამიანი ცხოვრობდა, ხოლო მოქალაქეების შესანარჩუნებლად მერია ბავშვის დაბადებისთვის ათასევროიანი პრემიასაც კი გასცემდა.
ტოსკანას რეგიონი
2024 წლის ივნისში იტალიის ცენტრალურ რეგიონ ტოსკანაში დაიწყო პროგრამა სახელწოდებით, “რეზიდენცია მთებში” (Mountain Residence). სპეციალურად შექმნილი საერთო ფონდი 2, 8 მლნ ევროს შეადგენდა, საიდანაც რეგიონის სოფლად დასახლების მსურველები ფინანსდებოდნენ.
კერძოდ, ფონდი გრანტის სახით 10,000-დან 30,000 ევრომდე გადაუხდიდა პირს, ვინც ტოსკანაში საცხოვრებლად გადავიდოდა და სოფლის სახლს განაახლებდა, რომელშიც უნდა ეცხოვრა.
გრანტი სახლის რემონტის ღირებულების 50%-ს ტოსკანას 76-იდან ერთ-ერთ ქალაქში ფარავდა, სადაც მოსახლეობა 5,000-ზე ნაკლები დარჩა. ამ პატარა ქალაქებს შორის მოხვდა სან-კაშანო-დეი-ბანი, რომელიც თავისი თერმული აუზებით არის ცნობილი; ასევე, მიქელანჯელოს კაპრეზე, რომელიც რენესანსის მხატვრის მშობლიური მხარეა და კუნძული, კაპრაია-იზოლა.
პროგრამა ხელმისაწვდომი იყო იტალიელებისთვის, ევროკავშირისა და მესამე ქვეყნების იმ მოქალაქეებისთვის, რომლებსაც ევროკავშირში გრძელვადიანი, მინიმუმ, 10-წლიანი ბინადრობის ნებართვა ჰქონდათ. აპლიკანტები, რომლებიც მოთხოვნებს აკმაყოფილებდნენ, ვალდებული იყვნენ, ტოსკანას საკუთრება მათ მთავარ საცხოვრებელ სახლად გაეხადათ.
კუნძული სარდინია
იტალიის ამ ავტონომიური რეგიონის ერთ-ერთ დასახლებაში მოსახლეობის რაოდენობა 3,000 ადამიანს არ აღემატება. კუნძულზე საცხოვრებლად გადასვლისთვის, სახლის შეძენის ან გარემონტების შემთხვევაში ფულადი ჯილდოს სახით 16,200 დოლარი გაიცემოდა. მთავარი პირობა სარდინიაში მუდმივი მცხოვრების სტატუსის მიღება იყო.
მსოფლიო
სხვადასხვა
1743331641
„მოსალოდნელია ხანმოკლე წვიმა და ელჭექი“ - სინოპტიკოსები ამინდის გაუარესებას პროგნოზირებენგარემოს ეროვნული სააგენტოს ინფორმაციით, 30 მარტს საქართველოს ზოგიერთ, ხოლო 31 მარტს საქართველოს უმეტეს რაიონში მოსალოდნელია ხანმოკლე წვიმა და ელჭექი.„სანაპირო რაიონებში (ბათუმი, ქობულეთი, ანაკლია, ფოთი): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +25, +27 გრადუსი დაფიქსირდება, 31 მარტს კი +17, +19 გრადუსამდე დაიკლებს დაიკლებს.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +27, +29 გრადუსი დაფიქსირდება, 31 მარტს კი +18, +20 გრადუსამდე დაიკლებს დაიკლებს.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +22, +27 გრადუსი დაფიქსირდება, 31 მარტს კი +15, +17 გრადუსამდე დაიკლებს დაიკლებს.დასავლეთ საქართველოს მაღალმთიან რაიონებში (მესტია, ბახმარო): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +17, +22 გრადუსი დაფიქსირდება, 31 მარტს კი +10, +12 გრადუსამდე დაიკლებს დაიკლებს.ქართლში (რუსთავი, ბოლნისი, მარნეული, გარდაბანი, გორი, ცხინვალი): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +20, +25 გრადუსი დაფიქსირდება, 31 მარტს კი +17, +22 გრადუსამდე დაიკლებს დაიკლებს.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +21, +26 გრადუსი დაფიქსირდება, 31 მარტს კი +18, +23 გრადუსამდე დაიკლებს დაიკლებს.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +18, +23 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +10, +15 გრადუსი დაფიქსირდება“, - აღნიშნულია გარემოს ეროვნული სააგენტოს ინფორმაციაში.
1743166538
სარეკორდო ფასი - ბუდუ ზივზივაძის სატრანსფერო ღირებულება გაიზარდასააგენტო Transfermarkt-ის მონაცემებით, ბუდუ ზივზივაძის სატრანსფერო ფასმა მისთვის რეკორდულ ნიშნულს მიაღწია და 1.8 მლნ ევროდან 2.5 მლნ გახდა.ბოლო განახლებასთან (დეკემბერი) შედარებით, ღირებულების 700 000-იანი ზრდა განაპირობა იმან, რომ იანვარში ზივზივაძე მე-2 ბუნდესლიგის „კარლსრუე“-დან გერმანიის უმაღლეს ლიგაში გადაბარგდა და „ჰაიდენჰაიმი“-ს მაისური მოირგო. მას შემდეგ ელიტარულ დივიზიონში ჩატარებულ 11 მატჩში 2 გოლი და 3 საგოლე პასი მიითვალა.საილუსტრაციოდ ვთქვათ, რომ 2024 წლის ივნისში Transfermarkt-ი ქართველ თავდამსხმელს 900 000 ევროდ აფასებდა, ამჟამად კი ეს რიცხვი თითქმის 3-ჯერ (2.78) არის გაზრდილი.31 წლის ზივზივაძე გერმანიის მთავარ დივიზიონში სადებიუტო სეზონს ატარებს. აღსანიშნავია ისიც, რომ ლევან კობიაშვილის შემდეგ ის პირველი ქართველია, რომელმაც ბუნდესლიგაში გოლი გაიტანა - კობიაშვილმა ეს 2014 წლის თებერვალში გააკეთა.
1743139800
28 მარტი: როგორი ამინდი იქნება დღეს საქართველოში?გარემოს ეროვნული სააგენტოს ცნობით, დღეს - 28 მარტს ამინდი საქართველოში განპირობებული იქნება სამხრეთიდან გავრცელებული თბილი ჰაერის მასებით.საქართველოში მოსალოდნელია: დროგამოშვებით ღრუბლიანობის მომატება. უმეტესად უნალექოდ. საქართველოში ზოგან იქროლებს აღმოსავლეთის მიმართულების ზომიერი ქარი.სოხუმი: უმეტესად უნალექოდ. ჰაერის ტემპერატურა: +26°;ბათუმი: უმეტესად უნალექოდ. ჰაერის ტემპერატურა: +30°;ქობულეთი: უმეტესად უნალექოდ. ჰაერის ტემპერატურა: +29°;ქუთაისი: უმეტესად უნალექოდ. ჰაერის ტემპერატურა: +26°;ზუგდიდი: უმეტესად უნალექოდ. ჰაერის ტემპერატურა: +27°;ანაკლია: უმეტესად უნალექოდ. ჰაერის ტემპერატურა: +27°;ოზურგეთი: უმეტესად უნალექოდ. ჰაერის ტემპერატურა: +28;ონი: უმეტესად უნალექოდ. ჰაერის ტემპერატურა: +21°;გორი: უმეტესად უნალექოდ. ჰაერის ტემპერატურა: +20°;ცხინვალი: უმეტესად უნალექოდ. ჰაერის ტემპერატურა: +19°;თბილისი: დროგამოშვებით ღრუბლიანობის მომატება. უმეტესად უნალექოდ;აღმოსავლეთის მიმართულების ქარი 6-11 მ/წმ. ჰაერის ტემპერატურა: +19°;მარნეული: უმეტესად უნალექოდ. ჰაერის ტემპერატურა: +18°;რუსთავი: უმეტესად უნალექოდ. ჰაერის ტემპერატურა: +20°;ახალციხე: უმეტესად უნალექოდ. ჰაერის ტემპერატურა: +20°;ბორჯომი: უმეტესად უნალექოდ. ჰაერის ტემპერატურა: +19°;ბაკურიანი: უმეტესად უნალექოდ. ჰაერის ტემპერატურა: +15°;სტეფანწმინდა: უმეტესად უნალექოდ. ჰაერის ტემპერატურა: +15°;თელავი: უმეტესად უნალექოდ. ჰაერის ტემპერატურა: +19°.
1743138000
თბილისის ქუჩების ნაწილს, დღეს ელექტრომომარაგება დროებით შეეზღუდებათელასის ცნობით, სხვადასხვა სამუშაოების ჩატარების გამო 28 მარტს ელექტრომომარაგება დროებით შეიზღუდებაგლდანის რაიონი გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: სოფელი გლდანის (ნაწილობრივ), გლდანის მასივის I, III, IIIა მიკრორაიონების (ნაწილობრივ), წყაროთუბნის, ლეო კერესელიძის, მწვანე და ნიკო კეცხოველის ქუჩების მოსახლეობას.გადაუდებელი სამუშაოების გამო 10:00 საათიდან 13:00 საათამდე შეზღუდვა შეეხება: გლდანის მასივის II, VI მიკრორაიონების (ნაწილობრივ), ომარ ხიზანიშვილის და ქერჩის ქუჩების მოსახლეობას.მთაწმინდის და კრწანისის რაიონები გადაუდებელი სამუშაოების გამო 12:00 საათიდან 18:00 საათამდე შეზღუდვა შეეხება: დაბა ოქროყანის (ნაწილობრივ) მოსახლეობას.კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.
1743076325
ირანული ვალუტა დოლართან მილიონიან ნიშნულზე მეტად პირველად გაუფასურდაირანული ვალუტა დოლარზე 1 მლნ რიალზე მეტად პირველად გაუფასურდა და ახალი ანტირეკორდი მოხსნა, როცა ერთ დოლარზე 1.039 მლნ რიალი შეადგინა.ინფორმაციას Reuters ავრცელებს.ეს რიალის ღირებულების ორჯერ დაცემაა მას შემდეგ, რაც მასუდ პეზეშკიანი შარშან პრეზიდენტი გახდა.მთავარ მიზეზად აშშ-ის მკაცრი სასანქციო პოლიტიკა რჩება, რომელიც ქვეყნიდან ნავთობის ექსპორტსა და უცხოურ ვალუტაზე წვდომას ზღუდავს.გეოპოლიტიკური დაძაბულობის ფონზე ირანელები ფინანსურ დაცვას დოლარის, სხვა მყარი ვალუტისა და ოქროს შეძენის სახით ეძებენ, რაც მომავალში რიალის უფრო მეტად გაუფასურების წინაპირობაა.ქვეყანაში ინფლაცია უკვე 40%-ს აჭარბებს, ხოლო რიალის კურსი 2018 წლიდან, თითქმის, 20-ჯერ დაეცა. კერძოდ, 2018 წელს, როცა ტრამპის პირველმა ადმინისტრაციამ ირანის წინააღმდეგ სანქციები ხელახლა დააწესა, რიალი, დაახლოებით, 55,000 დოლარს შეადგენდა.იანვრიდან, ანუ ტრამპის თეთრ სახლში დაბრუნების შემდეგ შეერთებულმა შტატებმა ირანული ნავთობის გაყიდვაზე სანქციების უკვე ოთხი პაკეტი დააწესა.
